Vísir - 12.05.1935, Blaðsíða 3
VISIR
iS lausn frá embætti frá i. júní
næstkomandi. Mun hann elstur aö
árum allra þjónandi presta lands-
ins, fæddur 1858. Hann lauk stúd-
entsprófi 1885, guöfræSipróíi 1887
og víg-Sist aS Hvammi í Noröurár-
dal 1888. Hann fluttist að Staf-
holti 1911, er prestaköllin voru
sameinuö við brottför síra Jó-
hanns Þorsteinssonar. Síra Gísli
hefir veriö prófastur í Mýrapró-
fastsdæmi ínörg síöustu árin.
Síra Hallgrímur Thorlacius,
prestur aö Glaumbæ í Skagafiröi,
hefir fengiö lausn frá embætti.
Hann lauk stúdentsprófi 1886, og
guðfræðiprófi í prestaskólanum
1888, og mun hafa tekið prest-
vígslu sama ár. Hann þjónar em-
bætti sínu sem settur til næsta
hausts.
Síra Arnór Árnason,
prestur að Hvammi í Laxárdal
í Skagafjarðarsýslu hefir nú feng-
ið lausn frá embætti. — Hann varð
stúdent 1884 og útskrifaðist úr
prestaskólanum 1886: Sama ár
varð hann prestur í Kollafirði í
Strandasýslu, en lét af embætti um
hríð og gerðist bóndi. Hann varö
prestur að Hvammi eftir fráfall
síra Björns L. Blöndal (Lárusson-
ar, sýslumanns að Kornsá í Vatns-
dal).
I,aust prestakall.
Hvanneyrarprestakall í Siglu-
firði (Siglufjarðarsókn) hefir nú
verið auglýst til umsóknar. Um-
sóknarfrestunr til 15. júni Veitist
þegar eftir kosningu.
Kaupfélagsstjórar
sækja nú allmjög liingað á möl-
ina, að því er fregnir herma. —
Kom einn úr Homafirði síðastliöið
haust, en annar af Hvammstanga
um nýár. Er talið að hvorugan
muni langa heim aftur. í>á hefir
þess og verið getið, að éinn sé
væntanlegur úr Hrútafirði og ann-
ar úr Húsavík og hafi báðir feng-
ið nóg af vistinni norður þar. Og
enn eru nefndir tveir eða þrír, er
hingað vilji komast hið fyrsta og
ná sér í „bein“ við.stjórnarjötuna.
Þykjast menn ekki vita þess nein
dæmi áður, að troðningurinn við
þá jötu hafi komist í hálfkvisti við
það, sem hann er nú. — Er og
talið að stjórnin sé farin að' ótt-
ast alvarlegan „beinaskort", ef
þessu fari fram.
Sauðgróður
ágætur er nú kominn víðast um
land og mun það óvenju-snemt.
Talið er að fé gangi nú vel undau
vetri og segja góðir fjármenn, að
sérstaka gát þurfi á því að hafa,
að mjólka ær fyrst eftir burð, því
að víða muni einlembur gera betur
'en að fæða Íömb sín. En það get-
ur verið varasamt og ineira að
segja hættulegt, að láta mjólk
safnast fyrir í júgrinu. Getur það
valdið bólgu, ígerðum og jafnvel
drepi. Hafi lambið nóg úr öðrum
spenanum (eða júgrinu) er venjan
sú, að það snerti ekki hinn spen-
ann og getur þá farið illa, ef ekki
er um hirt. Sá ósiður hefir orðið
landlægur víða, að minsta kosti hér
sunnanlands, að líta ekki til ánna
um sauðburðinn og væri rétt að
hverfa frá því ráðlagi hið skjót-
asta.
Óvenjulegt
mun það vera, að allmikill gróð-
.ur sé kominn til fjalla hálfan mán-
uð af sumri, en svo er þó að þessu
sinni. Pyrir nokkurum dögum fóru
menn úr Þingvallasveit norður yf-
■ir Kluftir, Ormavelli og Tröllaháls
— alt norður i Víðiker. •— Voru
þeir að huga að fé sínu, því að það
hafði runnið norður á bóginn.
Segja þeir að í Víðikerum hafi þá
verið kominn ágætur sauðgróöur
og jafnvel meiri en utan túns í
bygð niðri. Hefir jörð komið þíð
og græn undan snjónum, en blið-
viðri dag hvern síðustu vikurnar
og frostlaust allar nætur.
Þ e 11 a
p verða smekklegustu
gluggastengumar
sem þér fáið. Höf-
um einnig stengur
sem hægt er að
lengja og stytta. —
Einnig gluggagorma.
Komið meðan úrvalið er, því birgðirnar eru takmarkaSar.
Björn & Marino
Laugavegi 44.
Sími 4128.
Nemendahljónileikar
Tónlistarskólans eru í dag kl.
2 I Gamla Bíó. Viðfangsefnin eru
mjög fjölbreytt. Einleikarar eru
þessir nemendur: Jórunn Viðar,
Katrín Mixa, Svanhvít Egálsdótt-
ir, María Jónsdóttir, Guðríður
Gúðmundsdóttir, Rögnvaldur Sig-
urjónsson, öll pianónemendur og
Katrín Dalhoff og Indriði Boga-
son á fiðlu.
Næturlæknir
er í nótt Ivristín Ólafsdóttir,
Ingólfsstræti 14. Sími 2161. Næt-
urvörður í Laugavegs apóteki og
Ingölfs apóteki.
Sogsdeilan.
Samkomulagsumleitanir í Sogs-
deilunni hafa engan árangur borið.
Mun ekkert hafa gerst í málinu i
gær og mjög óvíst hvað frekara
verður gert i því.
Nýr forstjóri.
A fundi mjólkursölunefndar i
gær, var Halldór Eiríksson kaup-
maður kosinn forstjóri mjólkur-
samsölunnar af meiri hluta nefnd-
arinnar (stjórnarliðinu).
17. maí.
Félag Norðmanna hér í bæ
(Nordmannslaget í Reykjavík)
efnir til hátíðarsamkomu og dans-
leiks i Oddfellowhúsinu þ. 17.
mars, þjóðhátiðardegi Norðmanna.
Málarameistarafélag
Reykjavíkur heldur fund á Hót-
el Borg kl. 5 e. h. í dag. Fundar-
efni: Verkfall málarasveinanna.
Vorskóli
Fríðu Sigurðardóttur tekur til
starfa 15. maí í Verslunarskólan-
um. Skólinn er fyrir börn á aldr-
inum 5—10 ára. Námið fer fram
bæði úti og inni. Sjá nánara íaugl.
sem birt var í blaðinu í gær.
Flutningar 14. maí.
Menn eru mintir á að tilkynna
flutninga á skrifstofu Rafmagns-
veitunnar, simi 1222, vegna mæla-
álesturs.
Leikhusið.
Leikfélag Reykjavíkur heíir
tvær leiksýningar í dag. Kl. 3
verður sýndur gamanleikurinn
„Varið yður á málníngunni“ og
aðgöngumiðar seldir við lækkuðu
verði. Kl. 8 verður sýning á hinu
nýja leikriti „Alt er þá þrent er“,
Það er um leikrit þessi að segja,
að þau eru hvort öðru skemtilegra.
Bæði talin meðal" bestu gaman-
leika, sem hér hafa verið sýndir.
Sóðaskapur.
Það hefir lengi þótt við brenna,
að sóðalegt væri á götunum hér
í Reykjavík. Það er algengt að
bréfarusl og allskonar óþverri sé
hér um allar götur, og enginn
virðist skifta sér af því hið allra
minsta, nema þeir örfáu menn, sem
hreinsa göturnar. Þessar bréfa-
druslur fjúka um alt, ef ekki er
blæjalogn. Þá er og allskonar
rusli öðru fleygt á göturnar, svo
isem appelsínuhýði og öðru þess
háttar. Þetta á ekkí að eiga sér
stað. Fólk á að gæta þess, að
fleygja ekki rusli frá sér hvar sem
það er statt, því að það er ein-
stakur sóðaskapur og ber vitni um
hirðuleysi og menningarleysi. Það
hefir enginn við að hreinsa þenn-
an óþverra, jafnvel þó að margir
menn væri hafðir við þau störf
daglega. Borgari.
Farþegar á Brúarfossi
frá útlöndum: Sólveig Matthí-
asdóttir, Dagmar Árnadóttir, frú
Steinunn Bjarnason, Eggert Lax-
dal, Anna Steindórsdóttir, Margrét
Björnsdóttir, Sveinn Árnason,
Flelgi Þorsteinsson, S. Kjartans-
son, Hannes Ágústsson, Egill
Sandholt, Sigurður Benediktsson,
Vernharður Sveinsson, Marta M.
Jónasdóttir, Hallbjörg Jónasdóttir,
Hallbjörg Bjarnadóttir, Kristján
Fjeldsted, Ziegler verkfr. og marg-
ir aðrir útlendingar.
Lokadagur
var* í gær og fór fram fjársöfn-
un á götum bæjarins, til slysa-
varna. Fjársöfnunina höfðu með
höndum margar ungar meyjar,
klæddar hvítum búningum og
nokkrir drengir í sjóklæðum. Gekk
fjársöfnunarliðið í fylkingu um
borgina í gærkveldi undir fána og
með lúðrasveit í broddi fylkingar.
Áhéit á Strandarkirkju
afhent Vísi: 31 kr. frá Ogm., 25
kr. frá N. N„ 5 kr. frá N. N.
Danske Lloyd og Svea
hafa flutt skrifstofur sínar í
Hafnarstræti 19, 2. hæð.
Aðalfundur
Nautgriparæktar- og mjólkur-
sölufélags Reykjavikur verður
haldinn i dag og hefst kl. 1 e. h.
í Kaupþingssalnum.
E.s. Edda
fór héðan í gær áleiöis til út-
landa.
Betanía
Laufásveg 13. Samkoma í kveld
kl. 8j4. Markús Sigurðsson talar.
Allir velkomnir.
Heimatrúboð leikmanna
Hverfisgötu 50. Samkomur í
dag: Bænasamkoma kl. 10 f. h.
Barnasamkoma kl. 2 e. h. Almenn
samkoma kl. 8 e. h. — í Hafnar-
firði, Linnetsstíg 2: Almenn sam-
koma kl. 4 e. h. — Allir velkomnir.
Útvarpið í dag.
10,40 Veðurfregnir. n,oo-Messa
í dómkirkjurmi —■ Fenning (síi'a
Bjarni Jónsson). 15,00 Tónleikar
(frá"Hótel ísland). 18,45 Barna-
tími (f. telpur) (frú Ingibjörg
Steinsdóttir). 19,10 Veðurfregnir.
19,20 Tónleikar: Kirkjukórar og
kirkjusöngvar. 20,00 Klukkuslátt-
ur. Fréttir. 20,30 Erindi: Landnám
íslendinga í Vesturheimi, XV
(Þorst. Þ., Þorsteinsson skáld).
21,10 Tónleikar: a) Orgelhljóm-
leikar (Páll ísólfsson) ; b) Beet-
hoven: Symphonia nr. 4 (plötur).
Danslög til kl. 24.
IFlagð undir
fögpu skinni.
Þegar eg var drengur, sátu menn
oft í rökkrinu og sögðu sögur um
álfa og útilegumenn, feikn og for-
ynjur og ýmsar þjóðsögur. Sögðu
sumar frá konungum, sem áttu
íagrar dætur, en fögrum meyjum
unna í huga sér bæði guðir og
menn, og vilja svo verá láta, að
yfir slíkri fegurð og blíðu skuli
verndarhlíf vera. —< En böl mann-
anna barna er það, að geta aldrei
ánægðir verið. Þessar fögru kon-
ungadætur gátu orðið þreyttar á
daglegu lífi í dýrlegum fagnaði,
og þráðu þá að sleppa frá gæðum
og öryggi föðurhúsanna út í hið
ókunna og endalausa og sjá hvað
þeirra biði þar. — Vonaborgir áttu
þær.jafnan glæsilegar, sem hugur
þeirra sá í hillingum langt í burtu.
Dóttir konungsins hafði það þá til
að sið draumkendra æskumanna,
að ganga í leiðslu eitthvað langt
í burt frá heimili sínu og út í
skóg. — Hið órannsakaða seiðir
hug æskunnar. — Þegar út i skóg-
inn kom, þá heyrði konungsdótt-
irin unaðsfagra óma af hörpuspili.
Hún geklc á hljóminn, uns hún sá
einhverja fádæma fegurðardís,
lclædda dýru skrúði með mikið og
gull-legt hár, sitja á gullstóli og
leika á gullhörpu. — Alt var gull-
roðið, glæsilegt og töfrandi. Þessi
undradís vakti þá jafnan einhverja
brennandi ósk eða þrá hjá dóttur
konungsins, en þar var þó oftast
um einhvern hégóma að ræða, feg-
urð, auð eða upphefð. Undradísin
bauðst til þess að veita konungs-
dótturinni hina þráðu sælu, þó með
vissum skilyrðum; en þeir svikja
oftast mest, sem mestu lofa, því
, oft er flagð undir fögru skinni“,
og —
Frítt er stundum beiskt á bragð,
björtu skinni hulið flagð,
einatt drjúpa sætust svör
af silkimjúkri lygavör.
Endirinn varð líka jaínan þessi,
að undradísin reyndist vera tröll-
kona, galdranorn, illur andi í
„ljósengils mynd“, sem lagði eitt-
hvað hörmulegt á hið hégóma-
gjarna barn konungsins. Skyldi
kóngsdóttir þá jafnan þessum ógn-
ar álögum bundin, uns einhver
djarfur, göfugur og heilhuga kon-
ungsson leysti hana; en þvi verki
stjórnuðu jafnan hinar bestu og
háleitustu kendir mannssálarinnar
— löngunin til þess að frelsa og
bjarga.
Hið órannsakaða ginnir æsku og
hinn óreynda. Margt verður á vegi
hans, sem giúnir og laðar. Allt er
gulli stráð og glæstum sigurvon-
um. Bikar nautnanna er borinn
barmafullur að vörum hans af ein-
hverju lokkandi og töfrandi afli.
Vínið glóir í glasinu og lofar
miklu —- lofar sælutilfinningum,
loíar að gera manninn djarfan, á-
ræðinn, glaðan og kátan og flytja
liann þannig fyrirhafnarlaust í
faðm unnustunnar. En Bakkus
hefir öllum reynst illa. Miklu hef-
ir hann lofað, en allt svikið. Þar
er flagð undir fögru skinni. Hann
er nomin, sem hneppir menn í
hryllileg álög, í fjötra ömurleikans
og ófarsældar. Þeir verða að ó-
mennum, óþekkjanlegir og oft
viðbjóðslegir. Þeir verða orðtak
og grýla, og ósjálfbjarga þrælar
]iess, er ofurseldi þá ömurleikan-
um. Þeir geta ekki bjargað sér
sjálfir. Þeir eru í álögum þessum,
uns einhver konungssonur, eitt-
hvert sannkallað guðsbarn, leysir
þá; einhver, sem er í þjónustu hins
góða; einhver, senr af mannkær-
leika og ást til sannrar menning-
ar verður til þess að brjóta fjötra
þeirra, svo að þar kemur fram fag-
urt dygðalíf í stað vesaldóms og
ómenningar. í álögunum voru dæt-
ur konunganna jafnan einhver ó-
frýnileg og voðaleg tröll, sem allir
hræddust, eða þá eittvert ægilegt
kvikindi, og kostaði þá frelsi
þeirra oftast það, að einhver góð-
ur og glæsilegur konungsson kysti
þessar ófreskjur á munninn. —
Það er þessi snerting kærleikans,
sem ekkert hræðist og við engu
mannlegu býður, hversu afskræmt,
sem það er orðið, sem seilist niður
til hins ofurselda og glataða
manns, lyftir honum upp og brýtur
af sálu hans alla fjötra, svo að
þar er ekki lengur að sjá ljótleik-
ann og afskræmið, heldur sanna
fegurð, sem hrífur og vekur ást,
samúð og bræðralag.
Verkið var jafnan eríitt fyrir
ungan konungsson, en verkið fékk
hann æfinlega vel borgað. Það var
aðeins manndómurinn, áræði og
göfgi, sem þurfti til um stutta
stund, og sigurinn var unninn. •—-
Fyrir framan konungssoninn stóð
á næsta augnabliki fegurðin sjálf,
sem heillaði og hreif — ung og
glæsileg kóngsdóttir, sem bauð að
launum alla ást sína og blíðu.
Mikið af glæsimensku er í álög-
um af völdum Bakkusar. Mikið af
manndómi, drengskap og hæfi-
leikum, er hulið ófreskjuham. —
Hver vill vera konungssonurinn
góði, sem leggur allt i sölurnar til
þess að leysa böndin og bjarga?
Unga og óreynda æska! — Þú
átt mikið til af útþrá og æfin-
týralöngun, mikið til af fúsleik og
fjöri, en gakk þú ekki eftir seið-
magni hljómfögru en svikulu tón-
anna, er óma frá gullhörpum
galdranornanna, sem leggja sak-
leysi og fegurð æskunnar í fjötra
og álög ömurleikans. Aðhlynning
föðurhúsanna og holl ráð sönnustu
vinnanna, þótt hversdagslegt þyki,
er öruggari heldur en veglaus og
villugjarn skógur hins ónumda
draumalands óreyndrar æsku. Það-
an hefir margur týndur sonur
horfið aftur heim með bogið bak
og blæðandi hjarta.
Pétur Sigurðsson.
Bretar og Frakkar og deilur ítala
og. Abessiniumanna.
London 11. maí. FÚ.
Stjórnirnar í Englandi og
Frakklandi eru nú að byrja að bera
saman ráð sín um deilumál ítala
og Abessiniumanna. Sérstaklega er
það ætlunin að athuga, hvað unt
sé að gera til þess að fá þjóðirnar
til að leggja málið í gerð undir
eins,. en þær hafa báðar fallist á
það, að best sé að útkljá málið í
gerð. Fyrir skömmu var ákveðið
að, skipa sáttanefnd í málið frá
beggja hálfu, en menn hafa ekki
verið útnefndir i þá nefnd. En
samkomulagið milli þjóðanna hefir
síðan versnað að mun og orðið
hættulegra en áður. Enska stjórn-
in álítur það mjög nauðsynlegt, að
málið sé nú þegar lagt í gerð.
Sendiherrar Breta og Frakka i
Addis Ababa og í Róm hafa lagt
mjög ríkt á við stjórnirnar þár,
að útnefna tafarlaust menn í sátta-
nefndina.
Herkostnaður Breta.
London 11. maí. FÚ.
Enski fjármálaritarinn skýrði í
dag frá herkostnaði Englendinga,
en fyrirspurn um þetta hafði lcom-
ið fram í deildinni. Allur kostnað-
ur við her, flota og fluglið hefir
a síðastliðnum 10 árum numið 1022
miljónu'm punda.
Gort.
Hans: Plann pabbi minn gengur
altaf hattlaus.
Pési: Eg held þaö þurfi eng-
inn að gorta af þess háttar smá-
munum. Pabbi minn gengur altaf
hárlaus!
Ástir og matur.
Ung kona sá bók i búðarglug'ga
og var titill bókarinnar svo hljóð-
andi: .Jlvernig tekst mér best að
varðveita ást mannsins míns?“
Hún keypti bókina. En þegar hún
kom heim sá hún, að þetta var þá
bara — mátreiðslubók!
ÞIEIMSSÝNINGIN í BRUSSEL
Myndin er tekin daginn sem sýningin var opnuð af Leopold
konungi. Á myndinni sést, er hann og Astrid drotning óku á sýn-
inguna.