Morgunblaðið - 11.05.1957, Blaðsíða 11
Laugardagur 11. maí 1957
MORGVNBLAÐIÐ
11
Handknattleikur:
Úrvalslið - Pressan 18:18
SÍ®ASTLIÐIÐ miðvikudags-
kvöld fórU fram að Hálogalandi
síðustu handknattleiksleikirnir á
þessu leiktímabili. Það er orðin
föst venja að enda tímabilið með
leikupi milli úrvals og pressu-
liða í flokkum karla og kvenna,
og hafa leikir þessir jafnan verið
mjög skemmtilegir.
Kvenflokkarnir léku fyrst og
sigraði úrvalið með miklum
yfirburðum 18 mörkum gegn. 6.
„Breiddin“ í kvenflokkinum er
enn ótrúlega lítil enda þótt 5—6
lið taki að jafnaði þátt í lands-
mótinu innanhúss. Einkum eru
það skytturnar sem vantar.
Pressuliðið barðist vel þó við
ofurefli vaeri að etja, en skot-
hæfnin var allt of takmörkuð
til þess að liðinu tækist nokkuð
að halda í við úrvalið. T. d. mis-
heppnuðust þrjú vítaköst, sem í
flestum tilfellum eiga að vera
örugg að leiða til marka.
Leikur karlaflokkanna var
frá upphafi jafn og skemmtileg-
ur. Fyrri hálfleikur að vísu nokk
uð rólega leikinn, enda mörkin
fá (6:6). Hvorugt liðið náði virk-
um leik inn að línu vegna ágæts
varnarleiks beggja. Skotin á
mark urðu þar af leiðandi af
lengra færi en ella og frábær
vörn beggja markvarðanna
átti og sinn stóra þátt í því að
mörkin í hálfleiknum urðu ekki
fleiri, einkum varði Guðjón í
úrvalsmarkinu meistaralega vel,
án þess að hlutur Kristófers í
pressumarkinu sé ge'rður minni,
því hann varði einnig af stakri
prýði. Pressuliðið var mun ágeng
ara með skot og kom fleirum í
gegnum vörnina og að markinu
en úrvalsliðið, enda enginn leik-
ur fyrir landsliðsmennina að
komast í gegnum varnarmúra
pressunnar með Þóri, Hörð og
Jón Erlendsson á sínum stöðum.
Síðari hálfleikur var mun hrað-
ar leikinn en sá fyrri. Skiptust
liðin á um að hafa forystuna og
munaði aldrei meiru en tveim!
mörkum á annan hvorn veginn.
Úrvalið varð á undan að taka
forystuna og er seinni hálfleikur
var hálfnaður og leikstaðan orð-
in 13—11 var maður farinn að
búast við, að úrvalið myndi nú
verulega láta draga sundur í
mörkum. Svo varð þó ekki því
pressuliðsmenn jöfnuðu jafnan
metin og komust tvö mörk yfir
tvisvar sinnum í seinni hálfleikn-
um. Virkustu leikmenn úrvals-
ins úti á vellinum voru Hafn-
firðingarnir Einar Sigurðsson og
Sverrir Jónsson. Það var sama
hvar Einar var á vellinum, í sókn
eða vörn. Knatttækni hans og
auga fyrir leiknum skapaði ann-
aðhvort honum sjálfum eða sam-
herjum hans tækifæri uppi við
markið og sjólfur „skrifaði hann
sig fyrir“ 6 mörkum úrvalsins.
Sá, sem þetta ritar bjóst við fyr-
ir leikinn, að landsliðið myndi
sigra með nokkrum mun, jafn-
vel allt að 10 mörkum, ef því
tækist vel upp. Það hefur ef til
vill verið fullmikið álit á lið-
inu og vanmat á pressunni. En
allt um það, hinir ágætu leik-
menn landsliðsins náðu ekki eins
vel saman og ég hafði gert ráð
fyrir. T. d. má segja, að þeir
Karl, Kagnar og Bergþór hafi
hreint og beint týnzt í leiknum,
en þeir eru yfirleitt vanir að
láta á sér bera með virkum leik,
þó svo hafi ekki verið að þessu
sinni.
í pressuliðinu var það fyrst og
fremst vörnin sem maður veitti
athygli, á markvörðinn hefi ég
þegar minnzt. Þórir Þorsteins-
son, Hörður Felixsson og Jón
Erlendsson voru máttarstoðirnar
í vörn og sókn og „bókuðu sig“ í
sameiningu fyrir 10 mörkum af
þeim 18, sem gerð voru, þar af
ekoraði Þórir 6. Geir Hjartarson
og Matthías voru virkustu sókn-
armennirnir og í heild féll liðið
betur saman en úrvalið. Kom það
mér nokkuð á óvart þar sem leik-
menn voru tíndir saman úr 6
félögum á móti kjarnanum úr
liði fslandsmeistaranna F. H. og
stóð úrvalið því mun betur að
vígi hvað samstillingu snerti.
Þetta er fimmta árið í röð sem
keppni þessi er háð. í kvenflokki
hefur úrvalið jafnan farið með
sigur af hólmi. í karlaflokki er
staðan aftur á móti hagstæðari
fyrir pressuna. Fyrsta árið
sigraði úrvalið, en undanfarin
þrjú ár hefur pressuliðið sigrað
og enn er sigurbraut pressunn-
ar órofin eftir þetta jafntefli,
sem telja verður meira en hálfan
sigur, þegar úrvalslið á í hlut.
Þetta leikkvöld var verðugur
vottur vaxandi leikni í hand-
knattleik og viðeigandi enda-
húntur á skemmtilegt leiktíma-
bil.
Hannes.
TILBOD OSKAST
í Chevrolet blæju bifreið, model 1948 og Chevrolet 4
dyra ’50—51 og Dogde 1950. Bifreiðirnar verða til sýnis
á Sólvallagötu 33 frá kl. 2—5 í dag.
VörubifreiÖ
„Ford“ model 1947 með tvískiptu drifi til sölu.
Bifreiðin er til sýnis á baklóðinni Hverfisgötu 93
eftir hádegi í dag.
AFGREIÐSLUSTARF
Stóra verksmiðju vantar lipran og áreiðanlegan mann til
afgreiðslustarfa. Þarf að hafa bílpróf. Tilboð merkt:
„Framtíð — 2890“ sendist afgr. blaðsins fyrir 15. þ.m.
Skrifstofustulka
óskast. Tilb. merkt „Áreiðanleg
sendist blaðinu fvrir 15. b.m.
2891“
Húseignin Hjallavegur 17
er til sölu. — Upplýsingar gefur
Haraldur Guðmundsson, löggiltur fasteignasali
Hafnarstræti 15 — Sími 5414, heima.
3-4 herberg ja íbúðóskast strai
(helzt í Vogunum). —-
Uppl. í Nökkvavogi 24.
Domur athugið!
Það er ódýrast að sauma fötin sjálf. —
Fjölbreytt úrval af stuttkápuefnum. Sníðum, þræð-
um saman og mátum.
C A R I T A hf„ Garðastræti 6 III. hæð.
S krifs tofuhús nœði
80—100 fermetra, óskast.
TRAUST H.F.
Sími 82624.
Sérleyfisfeiðii hf. Rangæinga
samarið 1957
Reykjavík — Fljótshlíð. Frá 10. maí til 31. maí. Frá
Reykjavík þriðjudaga og fimmtudaga kl. 17, laugardaga
kl. 14.
Frá Múlakoti þriðjudaga, fimmtudaga og laugardaga
kl. 9.
Frá 1. júní til 31. ágúst. Frá Reykjavík mánudaga,
þriðjudaga og fimmtudaga kl. 17, laugardaga kl. 14.
Frá Múlakoti sunnudaga kl. 17, þriðjudaga, fimmtu-
daga og laugairdaga kl. 9.
Reykjavík — Eyjafjöll. Frá 10, maí til 31. ágúst. Frá
Reykjavík þriðjudaga kl. 11. Frá Lágafelli miðvikudaga
kl. 8,30.
Reykjavík — Eyjafjöll. Frá 10. maí til 31. ágúst. Frá
Reykjavík fimmtudaga kl. 11. Frá Skógum föstudaga kL
8.
Reykjavík — Ilvolsvöllur. Frá Hvolsvelli alla daga
nema sunnudaga kl. 10. Frá Reykjavík föstudaga k. 19,30.
KAUPFÉLAG RANGÆINGA.
Auglýsing
um skoðun bifreiða í lögsagnarumdæmi
Keflavíkurflugvallar
Samkv. bifreiðalögunum tilkynnist að aðalskoðun bif-
reiða fer fram svo sem hér segir:
Þriðjudaginn 14. maí J-1—J-50
Miðvikudaginn 15. maí J-51—J-100
Fimmtudaginn 16. maí J-101 og yfir svo og
bifreiðar skrásettar í öðrum umdæmum, en í
notkun hér.
Bifreiðaskoðunin fer fram við lögreglustöðina hér
ofangreinda daga frá kl. 9—12 og 13—16,30.
Við skoðun skal bifreiðaskattur greiddur, sbr. lög nr.
3 frá 1956. Sýnd skulu skilríki fyrir því að lögboðin
vátrygging fyrir hverja bifreið sé í gildi og fullgild öku-
skírteini skulu lögð fram.
Vanræki einhver að færa bifreið til skoðunar á áður
auglýstum tíma, verður hann látinn sæta ábyrgð sam-
kvæmt bifreiðalögunum og bifreiðin tekin úr umferð
hvar sem til hennar næst.
Geti bifreiðaeigandi eða umráðamaður bifreiðar ekki
fært hana til skoðunar á áður auglýstum tíma, ber hon-
um að tilkynna mér það bréflega.
Athygli er vakin á því, að umdæmismerki bifreiða skulu
vera vel læsileg, og er því þeim er þurfa að endurnýja
númeraspjöld bifreiða sinna ráðlagt að gera svo nú þegar.
Skoðunardagar fyrir bifreiðar skrásettar J-0 og VL-E
verða auglýstir síðar.
Þetta tilkynnist öllum er hlut eiga að máli.
Lögreglustjórinn á Keflavíkurflugvelli, 7. maí 1957.
BJÖRN INGVARSSON.
SKEMMTIGARÐUR REYKVÍKINGA:
opnar á morgun klukkan tvö
Margvísleg skemmtitœki - Fjölbreytfar kvikmynda-
sýningar - Nýstárleg dýrasýning - Veitingar alls konar
- Ferðir SVR trá B Ú N AÐ ARF É LAC S H Ú SIN U -