Morgunblaðið - 13.12.1959, Blaðsíða 18

18
MORGVNBLAÐlh
Sunnudagur 13. des. 195Í
Flogið yfir flæðarmáii
Eftir Ármann Kr. Einarsson.
Í!tg.: Bókaforlag Odds
Björnssonar.
JÓLIN nálgast og börnin eru far
in að skrifa óskaseðilinn sinn. —
Þótt margt sé girnilegra jóla-
gjafa, munu mörg þeirra vilja fá
góða bók öðru fremur.
Fyrir nokkru heyrði ég á tal
tveggja drengja, sem ræddu um,
hvaða bók þeir vildu fá í jóla-
gjöf. Báðum kom saman um, að
þeir vildu fá „Árnabókina" í ár,
eins og í fyrra. Ekki færðu þeir
nein rök fyrir þessu, en greini-
legt var, að þeir töldu sig ekki
svikna af þeim „Árnabókum",
sem þeir höfðu fengið á undan-
förnum jólum.
Þeir munu að öllum líkindum
fá ósk sína uppfyllta, því nýlega
er út komin ný bók um Árna í
Hraunkoti: „Flogið yfir flæðar-
máli“, eftir Ármann Kr. Einars-
son. —.
Þessi bókaflokkur hefur ekki
aðeins náð vinsældum hjá ís-
lenzkum börnum og unglingum.
í Noregi hafa „Árnabækurnar“
verið gefnar út í stóru upplagi
og í undirbúningi er nú dönsk út-
gáfa og e. t. v. þýðingar á fleiri
málum.
Sjálfsagt liggja ýmis rök til
þess, að þessi bókaflokkur hefur
orðið svo vinsæll. Umhverfi sög-
unnar er vel valið. Myndin af
sveitinni við hraunið undir
Heklurótum er nokkuð skýr og
vekur íslenzkum kaupstaðabörn-
um þægilegar minningar um
sumardvalir í sveit og erlendum
unglingum þykir forvitnilegt að
sagan gerist í umhverfi hins
fræga eldfjalls, Heklu.
Söguefnið er þannig fram sett
að persónulýsingar verða ekki
ýtarlegar, en með fáum dráttum
eru þeim gefin sérkenni, þannig
að þær verða skýrt aðgreindar.
Atburðarás sögunnar — sögu-
þráðurinn —, hefur hraða og
spennu og frásögnin er fjörleg.
Stöðugt er eitthvað nýtt að ske,
og söguhetjan og félagar hans
alltaf að lenda í nýjum ævintýr-
um. Baráttan stendur við dular-
fulla náunga, kannske dálítið
skuggalega, en þó ekki sem
versta inn við beinið.
Ungir lesendur kjósa gjarnan
að mikið gerist í sögunni. Þá ósk
uppfylla „Árnabækurnar“ sann-
arlega, og á það vafalaust mik-
inn þátt í vinsældum þeirra.
Það má deila um, hve mikla á-
herzlu skal á það leggja, að
barnabækur séu „spennandi“. —
Tæplega verður þó fram hjá því
Ánnann Kr. Einarsson
gengið, að það sjónarmið á rétt
á sér að vissu marki.
Hins er þó ekki að dyljast, að
því meir sem barnabók byggist
á þessu atriði einu, því fleiri
hættur hefur það í för með sér.
Ein aðaihættan er fólgin í því,
að það sem var spennandi í aug-
um lesandans í gær, verði orðið
hversdagslegt í dag, og höfund-
urinn freistist til þess að auka
með hverri nýrri bók á spennu
sögunnar, gera hetjuna að meiri
hetju og þorparann að meiri þorp
ara, unz komið er á algert reyf-
arastig. Ekki þarf að eyða orðum
að því, hve óæskileg slík þróun
barnabóka væri.
Börn eru oft raunsærri, en þeir
fullorðnu halda, og lífið sjálft
eins og það birtist í umhverfi
þeirra og reynslu, er þeim sann-
ara ævintýri, en allt annað.
Þess vegna eru það stundum
beztu barnabækurnar, sem eru
lýsing á þeirri hversdagslegu
reynslu, sem. barnið þekkir og
skilur. Það er ekki leitt inn í til-
búinn heim og óraunverulegan,
heldur sagt til vegar innan eig-
in átthaga. Og þá kemur í ljós,
að þegar á allt er litið, er það
mest spennandi að geta glaðzt
yfir því að vera til og stærsta
ævintýrið er hið raunverulega og
hversdagslega líf.
Ármann Kr. Einarsson hefur í
sögum sínum tekið skynsamlega
afstöðu til þessara tveggja sjón-
armiða.
Honum lætur vel að skapa
hraða og spennandi atburðarás,
en gætir þó jafnan hófs um, að
frásögnin verði ekki reyfara-
kennd til iýta.
Oft tekst honum líka að bregða
upp svipmyndum atvika í starfi
og leikjum þeirra, sem hann lýs-
ir, þannig að frásögnin er í senn
sannfærandi og þó hlaðin nógri
eftirvæntingu til að vera skemmti
leg.
Þeir kaflarnir eru beztir í þess-
ari nýju Árnabók, og væri vel,
ef Ármann leggði aukna rækt
við þennan þátt í sögum sínum
framvegis.
Óhætt er að fullyrða, að þau
börn og unglingar, sem um þessi
jól fá bókina: „Flogið yfir flæð-
armáli“ í jólagjöf, munu lesa
hana sér til ánægju og skemmt-
unar eigi síður en fyrri sögur
um Árna í Hraunkoti og félaga
hans.
Kristján J. Gunnarsson.
ELEKTHM.IEK
Nýkomið:
Hrærivélar
Bónvélar
Ryksugur
Loftbónarar
Þeir sem hafa hug á að tryggja sér
þessar óviðjafnanlegu heimilisvélar til
jólagjafa í ár, eru vinsamlegast beðnir
að hafa samband við oss sem fyrst.
Þetta eru einustu heimilisvélarnar af
slíku tagi sem hafa 2 >4 árs ábyrgð
Einkaumboðsmenn:
Hannes Þorsteinsson & Co.
p e n n i
Þér getið fyllt Sheaffer’s Snorkel penna, með
hvíta hanzka á höndum, án þess að bletta
þá eða skemma.
— Sogpípan er það eina sem fer í blekið.
— Sheaffer’s Snorkel pennar eru mjög
skrifljúfir .... þeir skrifa strax og þér
bregðið þeim niður á pappírinn.
Sheaffer's-umboðið:
Egill Guttormsson,
Vonarstræti 4, Reykjavík.

Jólatrésskraut
Mikið úrval
ELDÓRADÓ, Garðastræti 6 (4. hæð)
Sími 2-34-00.
Hi5 Islenzka Fornritafélag
út er komið XIV. bindi
Kjalnesingasaga
Jökuls þáttur Búasonar, Víglundar saga,
Króka-Refs saga, Þórðarsaga hreðu,
Finnboga saga, Gunnars saga Keldu-
gnúpsfífils
Jóhannes Halldórsson gaf út
Verð kr. 150.— í skinnbandi
Ljósvetningasaga
fæst nú aftur í ljósprentaðri útgáfu.
Verð kr. 150.— í skinnbandi
Kaupið Fornritin jafnóðum og þau
koma út.
Aðalútsala
Bókavcrzlun Sigfúsar Eymundssonar
Morgunblaðshúsinu, Aðalstræti