Morgunblaðið - 06.08.1961, Blaðsíða 5
Sunnudagur 6. ágúst 1961
MORCVNBLAÐIÐ
5
Mm J 8M6
I DANSKA blaðinu Aktuelt
var skýrt frá l»ví fyrir stuttu,
að íslenzkar stúlkur hefðu
gert „innrás“ í bæinn Jyderup
á Sjálandi. Þar vinna nú í
saimar 9 íslenzkar stúlkur, all-
ar á sama gistihúsinu, Skar-
idsö. Fimm stúlknanna eru svo
ánægðar með starf sitt, að þær
hafa ákveðið að dvelja lengur
í Danmörku og fullnema sig
í framreiðslustörfum.
Það er engin tilviljun, segir
blaðið, að þessar stúlkur hafa
valið Jyderup. Kona gistiljúss-
eigandans í Skaridsö, Vilborg
Hansen, fædd Gunnarsdóttir,
er íslenzk og einnig vinnur
systir hennar Margrét Skog-
sted í gistihúsinu, hefur hún
umsjón með eldamennskunni.
Gistihúseigandinn Paul Han
sen, sagði að ástæðan fyrir
því, að þau hjónin hefðu aug-
lýst í Morgunblaðinu eftir ís-
lenzkum stúlkum, væri sú, að
skortur væri á vinnukrafti í
Danmörku og einnig væru
danskar stúlkur óáreiðanlegar.
Hann sagði, að þau hjónin
hefðu stundum fengið dansk-
ar stúlkur með miklum erfið-
ismunum og svo hefðu þær
farið úr vistinni eftir hálfan
mánuð. Poul Hansen sagðist
vera mjög ánægður með ís-
lenzku stúlkurnar.
Frú Vilborg Hansen og systir hennar Margrét,
Frú Vilborg Hansen sagði, að
þó stúlkurnar ættu ekki erfitt
með að fá vinnu heima á ís-
landi þætti þeim ævintýra-
legra að sjá sig um í heim-
inum.
Yngst af stúlkunum er
Kristrún Gestsdóttir, hún er
fimmtán ára og hefur haft
það starf með höndum að gæta
tveggja barna Margrétar Skog
sted, en þau eru 2 og 5 ára.
Hún kemur heim í haust og
heldur áfram í skólanum. Sól-
veig Sigfúsdóttir 26 ára frá
Fljótsdalshéraði ætlar einnig
heim í haust, hún hefur unnið
í eldhúsinu. Hinar tvær, sem
ekki ætla að ílendast ytra era
Sigríður Jakobsdóttir, hún er
22 ára og hefur unnið í eldhús-
inu og Gréta Guðmundsdóttir
16, ára, en hún hefur verið
stofustúlka.
Þær fimm, sem eftir verða
eru Þórdís Jóhannesdóttir frá
Reykjavik, Jórunn Jónasdótt-
ir frá Keflavík, Elínborg Sig-
urðardóttir frá Akranesi og
systurnar Stella og Kolbrún
Benediktsdætur.
Þrjár þeirra ætla að læra að
bera á borð, ein að smyrja
brauð og sú fimmta matseld.
Stúlkurnar sögðu, að þær
hefðu átt í nokkrum örðug-
leikum með dönskuna, fyrst í
stað, en það Iagaðist. Einnig
var mjög gott fannst þeim, að
þær gátu talað íslenzku við
frú Vilborgu og Margréti.
Kristrún átti í engum örðug-
Ieikum með börnin, því að
þau tala bæði íslenzku og
dönsku þó ung séu.
Þegar fréttaritari Aktuelt
spurði stúlkurnar, sem ætla
að verða eftir í Danmörku,
hvort þær væru ekki trúlof-
aðar, svöruðu þær því neit-
andi. Þær væru ekki búnar
að vera nógu lengi til þess.
Aftur á móti sögðust þær hafa
kynnzt nokkrum dönskum
ungmennum og ómögulegt
væri að segja hvað úr því
yrði ...
1 frístundum sínum sögð-
ust stúlkurnar helzt fara í
kvikmyndahús eða á dansleiki
og til Kaupmannahafnar fara
þær í hvert sinn er Gullfoss
kemur þangað, og hitta þá ís-
lendinga sem með skipinu
koma.
Stúlkurnar, sem eftir verða
ætla bráðlega að kaupa sér
hjól, svo að þær geti ferðazt
um hið fagra umhverfi Jydc-
rup upp á eigin spýtur.
Gistihúsið Skoridsö í Jyderup.
Stúlkan á myndinni er Krist-
rún Gestsdóttir og með henni
eru börn Margrétar. Erlingur
2 ára og Elvur 5 ára.
637
— Ef ég hefði vitað, að þú ætl
aðir að yfirgefa okkur í dag, þá
hefði ég ekki bakað pönnukökur!
★
Einum erfiðasta sjúklimg tauga
læknisins, en það var kona, var
vísað inn til hans. Hún stóð
nokkra stund og starði á hann, en
sagði síðan: — Þér gætuð nú að
minnsta kosti staðið upp, þegar
Jósefína keisaradrottning veitir
yður þann heiður að heimsækja
yður.
Hann leit upp:
— Jósefína keisaradrottning?
Já, en kæra frú, fyrir nokkrum
dögum síðan sögðust þér vera
Mistinguett.
— Það getur verið, svaraði hún,
en síðan hef ég fengið löngun til
að gifta mig.
★
Kona nokkur spurði Salvador
Dali, hvort hann tryði kenning-
um Darwins.
— Já, statt og stöðugt, svaraði
hann.
— Þá trúið þér því að við séum
kömin af öpum?
— Ekki aðeins, kæra frú, ég
held að við séum að verða að
öpum aftur.
- M E SS U R -
Þingvallakirkja. — GuÖsþjónusta kl.
2 e. h. — Erling Moe.
Gísli Þorsteinsson, bóndi og
oddviti, Þorgeirsstaðahlíð í Mið
dölum, er 65 ára í dag.
Þriðjudaginn 8. ágúst verður
Emil Tómasson fyrrv. bóndi á
Stuðlum í Reyðarfirði 80 ára.
Emil, sem var mikill íþrótta- og
þá sérstaklega glímumaður á sín
um yngri árum, er vel hress og
hinn ernasti. Hann dvelur nú hjá
dóttur sinni og tengdasyni, Eyj-
ólfi Kristjánssyni, að Brúarósi í
Kópavogi.
Laugardaginn 5. ágúst voru gef
in saman í hjónaband ungfrú
Ingeborg Jórunn Kannerworff,
verzlunarmær og Guðgeir Ás-
geirsson, vagnstjóri. Heimili
ungu hjónanna er að ÁJhieúnum
18, Reykjavík.
Hlégarður
Kaffiveitingar um Verzlunar-
mannahelg ina
GISTING
Góðar veitingar
Lokað
vegna sumarleyfa til 28. ágúst.
VlRNET H.F., Borgarnesi.
TÍVOLI
Skemmtanir um verzlunarmannahelgina.
Sunnudagur 6. ágúst opnað kl. 2.
Kl. 4. Gimmi og Erlingur skemmta.
Kl. 5—7 Tró Snæfellings ásamt hinum vinsæla
11 ára söngvara Sverri Guðjónssyni spila og
syngja á danspallinum.
Kl. 9 Tríó Snæfellings ásamt Sverri Guðjónssyni
spila og syngja fyrir dansinum.
Mánudagur 7. ágúst opnað kl. 3.
Kl. 4 Baldur, Gimmi og Konni skemmta
á leiksviðinu.
Kl. 9 Baldur, Gimmi og Konni skemmta.
Upplestur: Erlingur Gíslason.
Kl. 12 Flugeldar.
Dansleikur á pallinum — Tríó Snæfellings, ásamt
Sverri Guðjónssyni.
Fjölbreytt skemmtitæki — Fjölbreyttar veitingar.