Morgunblaðið - 17.06.1969, Blaðsíða 11
MORGUNBLAÐIÐ, ÞRIÐJUDAGUR 17. JÚNÍ 1960
11
— segir Björn Ólatsson, fyrrv. ráðherra
MORGUNBLAÐIÐ sneri sér til Björns Ólafssonar, fjármála-
ráðherra í lýðveldisstjórninni, og lagði fyrir hann tvær
spurningar í tilefni 25 ára afmælis lýðveldisins í dag. Fara
spurningarnar og svör Björns Ólafssonar hér á eftir:
„Hvað er yður efst í huga, þegar þér minnizt 17. júní
1944?“
„Líklega er ekki viðeigandi svar við þessari spurningu, að
minnast á veðrið þennan dag. Það var suðaustan slagveður
og man ég ekki eftir að hafa verið á Þingvöllum í slíkum
veðraham að sumarlagi. Það var eins og forsjónin ætlaði að
koma í veg fyrir þennan einstæða þingfund í sögu þjóðar-
innar að Lögbergi hinu forna. Ég efast þó um að nokkur þjóð
hafi lýst yfir sjálfstæði sínu á jafn eindreginn og virðuleg-
an hátt og gert var á Þingvöllum 17. júní 1944. Þjóðin var
einhuga um að stíga þetta spor. Ekkert gat haggað því.
Þegar athöfninni var lokið, var þó eins og þungu fargi
væri létt af öllum, líkast því að menn hefðu búizt við að
eittlivað kynni að koma fyrir á síðustu stundu, sem hindr-
aði lýðveldisyfirlýsinguna. Þegar skrúðgangan hélt frá Lög-
bergi til baka til Valhallar, fóru þar alvörugefnir, frjálsir
menn, sem gerðu sér ljóst, að nú hafði verið brotið blað í
sögu þjóðarinnar. í hugum margra skyggði aðeins eitt á, að
ísland gat ekki, þennan örlagaríka dag, skilið við Dana-
konung í fullri sátt. Símskeyti konungs, sem kom síðar um
daginn með heillaóskum til hins nýja lýðveldis, var tekið
með almennum fögnuði.
Þennan dag var haldinn ríkisráðsfundur, sá fyrsti og að
líkindum hinn síðasti á Þingvöllum.“
„Hvað viljið þér segja um framtíðina, Björn?“
,,Sá aldarfjórðungur, sem liðinn er síðan þjóðin öðlaðist
fullkomið frelsi til að ráða sjálf örlögum sínum, markast af
meiri framförum, meiri bjartsýni og meiri trú á eigin mátt
en nokkru sinni fyrr í sögu landsins. Þessi tuttugu og fimm
lýðveldisár eru upphaf nýrrar sögu og hafa leyst úr læðingi
kraft, sem þjóðin býr yfir, kraft sem ófrelsi og kúgun lið-
inna alda hafði ekki megnað að drepa.
En þrátt fyrir þessa opinberun á lífskrafti þjóðarinnar og
hæfni til að lifa í hrjóstrugu landi, kveður nú hvarvetna
við kreppu-væl og vantrú á framtíðina, ef eitthvað ber út af
í atvinnurekstrinum um skeið, og ekki drýpur smjör af
hverju strái.
Sú kynslóð, sem ég telst til, hefir orðið að mæta mörgum
kreppum um ævina, kreppum, sem voru erfiðari og þyngri
en sú, sem nú stendur yfir. Þá var ekki möglað eins og nú,
heldur reynt að komast út úr erfiðleikunum með seiglu og
trú á landið. Nú fórna fávísir höndum og flýja land, ef eitt-
hvað gefur á bátinn.
Ég hef óbifanlega trú á hæfni þjóðarinnar til að sjá sér
farborða, — ekki sízt ef stjórnmálamennirnir tækju upp
þann farsæla sið, að viðurkenna það, sem andstæðingarnir
gera vel“, sagði Björn Ólafsson að lokum.
CATERPILLAR ÞEKKJA ALLIR,
SEM ÞEKKJA VINNUVÉLAR
Caterpillar jarðýta D4D, 65 hö — 8 tonn.
BR EKKI CATERPILLAR RÉTTA VINNUVÉLIN FYRIR YDUR?
Kynnið yður
viðgerðaþjónustu á
CATERPILLAR-vélum.
★
Sérþjálfaðir viðgerða-
menn hjá Heklu h.f.
★
C.ilei|*r, Cal eg tn eru slrásell vörunrerlii
S'imi 21240 HEKLA hf 1 Laugavegi | 170-172
BIFREIÐAEIGENDUR
LIQUI-MOLY
AFTUR FYRIRLICCJANDI -
HVAÐA ÞÝÐINCU HEFUR LIQUI MOLY SMURHÚÐUN
FYRIR BIFREIÐAEICANDANN ?
Ein dós af LIQUI MOLY sem kostar innan
við kr. 150,00 myndar slitlag á núnings-
fleti vélarinnar sem endist 4800 kílómetra.
Á þessu timabili er rétt að skipta um olíu
eins og venjulega, en eiginleikar LIQUI
MOLY slitlagsins breytast ekki við það.
Þetta gífurlega sterka slitlag, sem er 50—
60% hólla en olía, smyr því betur sem
leguþrýstingurinn er meiri og engin hætta
er á að það þrýstist burt úr legunum eða
renni af og niður í pönnuna eins og olía
þó vélin kólni að næturlagi eða í löng-
um kyrrstöðum og útilokar því þurra
(ósmurða) gangsetningu sem talin er valda 90% af öllu vélasliti. LIQUI MOLY auðveldar
gangsetningu og eykur endingu rafgeymisins, jafnvel í 20° frosti snýst vélin liðugt.
UQUI MOLY slitlagið minnkar núningsmótstöðuna, við það eykst snúningshraðinn og vélin
gengur kaldari, afleiðng verður benzín- og otíusparriaður.
9 Minnkar sótun vélarinnar.
9 Veitir öryggi gegn úrbræðslu.
9 Eykur tvimælalaust endingu vélarinnar.
LIQUI MOLY fæst ó benzínafgreiðslum og smurstöðvum.
Nánari upplýsingar veittar hjá LIQUI MOLY-umboðinu á Islandi.
ÍSLENZKA VERZLUNARFÉLAGIÐ H.F.
Laugavegi 23. — Sími 19943.