Morgunblaðið - 08.10.1977, Qupperneq 18
18
- MORCUNBLAÐIÐ, LAUGARDAGUR 8 OKTÓBER 1977
Sinfóníutónleikar
Gudný (íudmundsd
Hafliði Helgason
Philip Jenkins
HASKÖLABIÓ 6. OKT. 1977
VERKEFNI:
L. v. Beethoven:
Coriolan-forleikurinn
Konserl fyrir fidlu, selló, planó
og hljómsveil
Sinfónía nr. 4 op. 60.
Stjórnandi: Páll P. Pálsson
Einleikarar:
Gudný Gudmundsdóttir
Haflidi HallKrímsson
Philip Jenkins.
Sinfóníuhljómsveit íslands
hóf vetrarstarf sitt með tónleik-
um í Háskólabíói s.l.
fimmtudagskvöld. Hljómsveit-
in hefur átt óvenju annríkt að
undanförnu og er nýkomin úr
hljómteikaför til Færeyja. Þar
áður hafði hún ferðast hringinn
um landíð og haldið fjölda tón-
leika á ýmsum stöðum við
ágætar undirtektir og góða
aðsókn. Ber að fagna þessu
framtaki hljómsveitarinnar og
helst þyrftu slíkar ferðir að
vera árviss og sjálfsagður
þáttur í starfi hennar svo hún
rísi í raun undir nafni. Ágætar
viðtökur fólks víða á landinu
afsannar þá kenningu úrtölu-
manna fagurlista, að Sinfóníu-
hljómsveit íslands sé aöeins
fyrir fáa aristókrata í Reykja-
vík. En það þarf að gera fleira.
Ymsir þættir í starfi hljóm-
sveitarinnar eru alls ekki í
nógu góðu lagi og vil ég þar
nefna t.d. fjölskyldu- og skóla-
tönleikana, sem löngum hafa
veriö hornreka. Þó ætti að
liggja í augum uppi hve mikil-
vægt atriðí hér um ræðir hvað
varðar tónmennt skólaæskunn-
ar og gildir raunar framtíð
hljómsveitarinnar miklu. I
bæklingnum, þar sem verkefni
komandi vetrar eru kynnt, er
að vísu getið um að halda eigi
fjölskyldu- og skólatónleika, en
hvorki hafa dagsetningar verið
ákveðnar né heldur viðfangs-
efni. Ætti þó að vei,'a auðvelt
skipulagsatriði að ganga frá
hvoru tveggja að hausti til hag-
ræðis fyrir þá uppalendur, sem
hvetja vílja ungviðið til að
Tónllst
eftir EGIL
FRIÐLEIFSSON
sækja tónleika og kynna það
sem fram á að fara. Er hér með
skorað á forráða menn hljóms-
veitarinnar að gefa meiri gaum
að þessum málum og taka þau
fastari tökum. Svo aftur sé
vikið að bæklingnum virðist
þar fátt um nýjungar. Hlutur
íslendinga, hvort heldur um er
að ræða tónskáld eða ein-
leikara, er heldur rýr í verk-
efnaskrá vetrarins og samtíma-
tónlist virðist ekki eiga sér
málsvara marga. Hins vegar
ber að fagna ráðningu Páls P.
Pálssonar í stöðu aðalhljóm-
sveitarstjóra. Páll hefur á und-
anförnum árum margsannað
hæfni sina og gefur i engu eftir
flestum þeim útlendu stjórn-
endum, sem hér hafa starfað.
Tónleikarnir á fimmtudags-
kvöldiö voru um margt mjög
ánægjulegir. Hljómsveitin lék
nú mun betur en oft áður í
byrjun vetrar, enda haldið
fjölda tónleika að undanförnu
svo sem áður var að vikið. I
upphafi minntist Sigurður
Björnsson framkvæmdastjóri
tveggja nýlátinna manna, sem
mjög hafa komið við sögu
hljómsveitarinnar, Þeirra
Gunnars Vagnssonar fram-
kvæmdastjöra og Vilhjálms
Guðjónssonar klarinettleikara.
Blásarasveit lék Rondino eftir
Beethoven og tónleikagestir
risu úr sætum í viröingarskyni
við hina látnu. Að þessu sinni
voru viðfangsefni kvöldsins
eingöngu eftir Beethoven og
var það vel viðeigandi því 150
ár eru nú liðin frá andláti
meistarans. Alvöruþrungið
upphafsstef Coriolan forleiks-
ins minnti á stórbrotinn anda
mikilmennisins og var ágætlega
flutt af hljómsveitinni undir
röggsamri stjórn Páls. Þrí-
konsertinn fyrir fiðlu, selló,
píanó og hljómsveit er heldur
fáheyrt verk og e.t.v. ekki jafn
spennandi og ýmsir aðrir
konsertar Beethovens. Einleik-
arar voru þau Guðný
Guðmundssóttir, Hafliði
Hallgrímsson og Philip
Jenkins. ÖIl eru þau listamenn
í fremstu röð, sem mikið hefur
kveðið að i tónlistarlífinu und-
anfarin ár, enda vai’ samleikur
þeirra með miklum ágætum.
Samvinna einleikara og hljöm-
sveitar var í góðu jafnvægi og
konsertinn fluttur af öryggi og
þrótti. Sömuleiðís tókst
flutníngur 4. sinfóníunnar vel,
ekki síst fjörugur lokaþáttur-
inn.
EgiII Friöleifsson.
Vetrarstarf
frímerkjasafn-
ara að hefjast
Allan síðastliðínn vetur ritaði ég
hálfsmánaðarlega hér í blaðið þátt
um frimerki og frímerkjaefm Var
þessum þáttum haldið reglulega
fram á vor, en þá fóru þeir að
vonum að strjálast Þó birtust þrír
þættir frá mai og fram að 9 júli, og
voru þeir að mestu helgaðir 20 ára
afmæli Félags frimerkjasafnara og
sýnmgunni Frímex 77, sem haldin
var af þvi tilefni
Þess hefur nú verið farið á þeit við
mig, að ég sjái enn um frimerkja-
þætti Mbl , og hef ég orðið við þeirri
ósk Ég gat þess, er ég hóf að rita
þættina í október í fyrra. að ég hefði
vissulega n^egilegt fyrir stafni á öðr-
um vettvangi, og svo er í rauninni
enn Vel má samt vera, að ég hafi
e t v heldur rýmri tíma til að sinna
þáttunum næstu mánuði en oft
áður, og hafði það nokkur áhrif á, að
ég lét til leiðast að annast þá Hitt vó
emnig allþungt á metunum, að ég
varð þess var i fyrra. að frimerkja-
safnarar sýndu þáttunum oft veru-
legan áhuga — og jafnvel aðrir
lesendur blaðsins lika Slikt verður
auðvitað hverjum manni hvatning til
þess að freista þess að hafa fjöl-
breytni eins mikla og kostur er á
Öllu eru þó takmörk sett, og ágætur
málsháttur segir, að betur sjái augu
en auga. A þetta minni ég einkum
vegna þess, að ég hóf ein^pitt fyrsta
þáttinn fyrir ári með hvatningu til
lesenda að auka fjölbreytni þáttanna
með þvi að senda stuttar greinar um
frímerki eða fyrirspurnir, sem síðar
yrðu birtar og gætu jafnframt gefið
tilefni til umræðna um ákveðna
hluti Þvi miður urðu undirtektir
undir þessa bón mína næsta litlar,
og þess vegna nefni ég þetta enn
einu sinni í von um einhvern árang-
ur
Þá vil ég enn fremur minna á það,
sem sjálfsagt er að taka til umræðu í
þáttum þessum, en það er starfsemi
Frfmerki
eftir JÓN AÐAL-
STEIN JÓNSSON
félaga og klúbba um land allt Bind
ég töluverðar vonir við jákvæðar
undirtektir undir þetta mál Bar
þetta vissulega árangur í fyrra, og
má þar nefna þátt frá 19 marz sl ,
þar sem m a var sagt frá starfsemi
þingeyskra frímerkjasafnara og m a
útgáfu sérstakrar árbókar Eins var
greint frá starfi safnara í Hafnarfirði
og Garðabæ Von mín er sú, að
töluvert efni berist til frásagnar frá
félögum og klúbbum, og er lítil
hætta á, að því verði úthýst úr
þáttum þessum!
í síðasta þætti frá 9 júlí sl var
einkum rætt um Frímex 77, en sú
sýnmg heppnaðist mjög vel að allra
dómi, enda var hún fjölsótt Jafn-
framt var þá getið um landsþing
Landssambands íslenzkra frimerkja-
safnara, sem var hið tíunda i röðinni
og haldið í beinum tengslum við
frímerkjasýninguna Hið merkasta,
sem gerðist á því þingi, var vitan-
lega innganga F F i sambandið
Allir islenzkir frímerkjasafnarar
fagna þeirri þróun mála, enda
enginn efi á. að þetta á eftir að hafa
mikil og góð áhrif á samvinnu og
samheldni frímerkjasafnara hér á
landi.
Þegar þetta er ritað, hefur stjórn
L í F haldið tvo fundi á þessu
hausti Var þar m a rætt um vænt-
anlegt vetrarstarf, en það hlýtur
einkum að felast i leiðbeiningar- og
fræðslustarfi og svo aðstoð við
aðildarfélög sambandsins, ekki sizt
úti á landi Mun fyrst reyna á þetta í
sambandi við Dag frimerkisins, sem
verður að þessu sinni haldinn 8
nóvember n.k. og með hefðbundn-
um hætti Síðar verður sagt nánar
frá honum, þegar íslenzka póst-
stjórnin hefur sent út tilkynningu
um hann og sýnishorn af sérstimpli
þeim, sem nota á við aðalpósthúsið í
Reykjavik
F.F. hóf vetrarstarf sitt með fundi
22 sept sl., og var hann fjölsóttur
Hafa allmargir nýir félagar bætzt við
síðustu msnuði, og er enginn efi á,
að afmælissýningin i sumar hefur
örvað ýmsa til að ganga i félagið Er
-það vel, og um leið er vonandi, að
önnur frímerkjafélög hafi svipaða
sögu að segja
Á þessum fundi sýndi Hjalti
Jóhannesson kvikmynd, sem hann
tók á Frímex 7 7, bæði við opnun og
eins siðar Var myndin hin fróðleg-
asta og víða mjög vel tekin Er
vonandi. að þetta framtak Hjalta
verði til þess. að slikar heimildar-
kvikmyndir af frímerkjasýningum
hér á landi verði teknar og þá helzt á
vegum frimerkjafélaga eða L.Í.F.,
svo að þær verði varðveittar á einum
stað Ekki er mér kunnugt um, að
þess konar kvikmyndir hafi áður
verið teknar á sýningum hérlendis,
þegar Islandia 73 er undanskilin
Svo sem alkunna er, stóð islenzka
póst- og símamálastjórnin að þeirri
sýningu i samvinnu við islenzka frí-
merkjasafnara Ekki veit ég, hvernig
til tókst með þá kvikmyndagerð,
sem þá fór fram, þvi að ég hef ekki
orðið var við. að sú mynd hafi verið
sýnd söfnurum
Aftur á móti er mikið til af föstum
myndum frá fyrri frímerkjasýning-
um, bæði svarthvítum og í lit, og
hefur Sigurður Ágústsson verið
langdrýgstur við þær myndatökur,
svo sem félagar í F.F vita vel
Þessar myndir hafa mikið minja- og
heimildagildi. þegar fram líða
stundir Á þessum fyrsta fundi í F F
sýndi Sigurður og nokkrir aðrir
félagar myndir sínar frá Frímex '77
Að vonum var góður rómur gerður
að myndasýningum þessum, enda
er ævinlega gaman að hafa eitthvert
annað efni með á fundum en sjálf
frímerkin, þótt þau séu alltaf kjarni
hvers fundar
Eftir þessum fyrsta fundi F.F að
dæma er ekki annað sýnt en áhugi
sé enn vaxandi á frímerkjasöfnun
hér sem annars staðar
Þá er unglingastarf einnig hafið á
vegum F.F., en umsjón með því
hefur Guðmundur Ingimundarson
Hefur hann haft þetta starf með
höndum undanfarin ár og rækt það
með mikilli prýði og af áhuga í
sambandi við unglingastarfið á hér
við við að geta þess. að kennslubók
sú í frimerkjasöfnun, sem ég gat um
í júlíþæ4ti minum, að út væri að
koma á vegum L Í.F., er komin á
markaðinn fyrir nokkrum vikum
Höfundur hennar er Sigurður H
Þorsteinsson skólastjóri Er mér tjáð,
að bókin seljist vel, og bendir það
eindregið til þess, að þörf sé slíkrar
bókár fyrir byrjendur í frímerkjasöfn-
un
Þegar þættir þessir hófust haustið
1975, var oft getið um frímerkjaút-
gáfu á öðrum Norðurlöndum sam-
hliða frásögnum af útkomu nýrra
islenzkra frímerkja Þetta var hins
vegar fellt niður síðastliðinn vetur af
ástæðum, sem nefndar voru i fyrsta
þætti. sem sé þeim, að ýmsir safnar-
ar, er ég hitti á förnum vegi, álitu
þetta óþarft, þar sem menn hefðu
greiðan aðgang að upplýsingum um
frimerkjaútgáfur í frimerkjablöðum
Vissulega er þetta rétt, en engu að
siður getur það ekki spillt, þótt
minnzt sé á frímerki næstu ná-
granna okkar, a m k við og við
Verður sá háttur því tekinn upp að
nýju á þessum vettvangi i einhverri
mynd
Nýtt frímerki 1 6. nóv.
Næsta frímerki íslenzku póst-
stjórnarinnar kemur út 1 6 nóv nk
Er það gefið út í sambandi við hið
alþjóðlega giktarár 1977, en það
hefur hlotið stuðning Alþjóðaheil-
brigðismálastofnunar Sameinuðu
þjóðanna (WHO) Verðgildið verður
90 kr . en það er tvöfalt burðargjald
bréfa innanlands og til Norðurlanda
(frá 20g til 10Og að þyngd) Svo
sem sjá má af mynd merkisins er
hún táknræn fyrir hverahitann hér á
landi og sýnir. hvernig hann kemur
úr iðrum jarðar og er svo m.a
notaður til giktlækninga Merkið er
teiknað af Friðriku Geirsdóttur aug-
lýsingateiknara Ekki mun von á
fleiri merkjum frá póststjórninni fyrir
áramót
Ný frímerki í Svíþjóð
Hér vil ég svo að endingu geta
þess, að í dag koma út fimm ný
frimerki i Svíþjóð, og eru þau helg-
Framhald á bls. 37.
Sænsku merlcin.
Dagur frímerkis-
ins 8. nóvember