Morgunblaðið - 04.05.1978, Blaðsíða 16
16 MORGUNBLAÐIÐ, FIMMTUDAGUR 4. MAÍ 1978
Útgefandi
Framkvæmdastjóri
Rítstjórar
Ritstjórnarfulltrúí
Fréttastjóri
Auglýsingastjóri
Ritstjórn og afgreiðsla
Auglýsingar
hf. Arvakur, Reykjavik.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson.
Björn Jóhannsson.
Baldvin Jónsson
Aóalstræti 6, sími 10100.
Aöalstræti 6, sími 22480.
Áskriftargjald 2000.00 kr. á mánuöi innanlands.
í lausasölu 100 kr. eintakiö.
Andvaraleysid
er hættulegt
Iforystugrein Morgunblaðsins fyrir nokkrum vikum var að því
vikið, að andvaraleysi reykvískra kjósenda væri hættulegasti
andstæðingur meirihluta Sjálfstæðismanna í borgarstjórn
Reykjavíkur. Margir kjósendur hafa vafalaust tilhneigingu til þess
að hugsa á þann veg, að Sjálfstæðisflokkurinn hafi unnið
myndarlegan sigur í borgarstjórnarkosningunum 1974 og sé því
öruggur um að halda meirihluta sínum nú í vor. Minnihlutaflokk-
arnir í borgarstjórn hafa bersýnilega gert sér grein fyrir því, að
málstaður þeirra sjálfra mundi ekki duga þeim til sigurs í þessum
kosningum heldur væri andvaraleysi kjósenda líklegra til þess.
Þetta kemur m.a. fram í þeim ummælum eins borgarfulltrúa
Alþýðubandalagsins í blaðaviðtali fyrir skömmu, að ekki væri hægt
að gera ráð fyrir því, að Sjálfstæðisflokkurinn missti meirihluta
sinn í borgarstjórn. Þau ummæli eru þáttur í þeirri viðleitni
minnihlutaflokkanna að ýta undir andvaraleysi borgarbúa.
Sjálfstæðisflokkurinn er ekki öruggur um að halda meirihluta
sínum í borgarstjórn Reykjavíkur og hefur aldrei verið. Hvað eftir
annað hefur munað mjóu, ekki sízt í þeim kosningum, þegar
stuðningsmenn meirihluta Sjálfstæðismanna hafa verið of
sigurvissir. Sjálfstæðisflokkurinn hefur hins vegar notið fylgis
mun fleiri kjósenda í borgarstjórnarkosningum’ heldur en
þingkosningum sem sýnir, að fjölmargir kjósendur, sem kjósa á
annan veg til þings, vilja styðja meirihluta eins flokks í
borgarstjórn, telja sig hafa af því góða reynslu og að
Sjálfstæðisflokkurinn hafi farið vel með það meirihlut^vald, sem
honum hefur verið veitt í borgarstjórn.
Birgir Isl. Gunnarsson, borgarstjóri, gerði þessi viðhorf í
kosningabaráttunni að umtalsefni í viðtali við Morgunblaðið í gær
og sagði: „Eins og reynslan hefur sýnt, getur allt gerzt í þessum
kosningum og því fer fjarri, að Sjálfstæðisflokkurinn sé öruggur
um að halda meirihluta í borgarstjórn. ,Hér er augljóslega um
herbragð að ræða af hálfu andstæðinga okkur Sjálfstæðismanna.
Þeir halda því nú allir fram, hver í kapp við annan, að
Sjálfstæðisflokkurinn sé öruggur með meirihlutann. Þetta er til
þess gert að skapa andvaraleysi á meðal baráttusveita
Sjálfstæðismanna og jafnframt meðal þess mikla fjölda
stuðningsmanna meirihluta borgarstjórnar, sem eru óflokks-
bundnir eða kjósa jafnvel aðra flokka í þingkosningum."
Borgarstjóri undirstrikar ennfremur í þessu viðtali nauðsyn þess,
að stuðningsmenn meirihluta borgarstjórnar- vinni ötullega að
sigri hans í kosningunum eigi hann að nást í þeim kosningum, sem
framundan eru.
Öllum borgarbúum er ljóst, að meirihluti Sjálfstæðismanna í
borgarstjórn hefur staðið sig vel í málefnum borgarbúa. Auðvitað
hefur ekki allt verið gert svo öllum líki en Reykjavík er og hefur
verið fyrirmynd annarra sveitarfélaga. Þar gildir einu, hvort um
er að ræða verklegar framkvæmdir, gatnagerð, hitaveitu,
skipulagsmál, aðbúnað aldraðra, dagvistunarmál eða aðra
félagslega þjónustu. Reykjavík hefur á öllum þessum sviðum verið
í fararbroddi. Þessi mikli árangur hefur auðvitað náðst fyrir
samstillt átak borgarbúa sjálfra, en þeir hafa notið öruggrar
forystu samhents meirihluta í borgarstjórn.
Minnihluti borgarstjórnar er sundurleitur hópur. Þeir þrír
flokkar sem þennan minnihluta skipa nú hafa alls ekki sameiginleg
viðhorf til mála. Næðu þeir meirihluta í borgarstjórn mundu
hefjast mikil hrossakaup þeirra í milli, samningar og málamiðlun
á alla vegu, sem ekki gæti þýtt annað en aukinn kostnað fyrir
borgarbúa og minni framkvæmdir og þjónustu. Þessi sundurleiti
minnihluti starfar ekki undir sameiginlegri forystu. Enginn veit
hver eða hverjir mundu veljast til þeirra starfa, ef minnihlutinn
næði völdum í Reykjavík.
Reykvíkingar þekkja meirihluta Sjálfstæðismanna í borgar-
stjórn. Reykvíkingar þekkja störf þessa meirihluta, þeir þek.kja
störf borgarstjórans. Þeir vita að hverju þeir ganga og við hverju
þeir mega búast. En þessi meirihluti er ekki öruggur í næstu
osningum. Hann næst ekki nema hinir fjölmörgu óflokksbundnu
jósendur og þeir, sem styðja aðra flokka í landsmálum, gangi til
!ðs við meirihluta borgarstjórnar í þessum kosningum. Að þessum
staðreyndum þurfa kjósendur að huga næstu vikur.
4500 manns á hljómleikum
Stranglers í gærkvöldi
UM 4500 manns sóttu hljómleika Stranglers, Pókers
og Halla og Ladda, sem haldnir voru í Laugardalshöll-
inni í gærkvöldi. Þursaflokkurinn, sem einnig átti að
koma fram, hætti við á síðustu stundu vegna
samningsbrota. Mikil stemmning var í höllinni og
greinilegt að áhorfendur kunnu vel að meta
tónleikana.
Hljómleikarnir hófust með
því að Þursaflokkurinn steig inn
á sviðið og tilkynnti að hann sæi
sér ekki fært að leika í kvöld.
Ástæðan var sögð vera sú, að
honum hefðu verið lofaðar tvær
klukkustundir til að stilla hljóð-
færi og hljóðprófa Laugardals-
höllina, en fengið aðeins 10
mínútur. Vildu þeir ekki koma
fram, því óvíst væri hvort í
hljóðfærunum heyrðist. Egill
Ólafsson, forsprakki Þursa-
flokksins, sagði að hljómsveitin
vonaðist til að geta bætt aðdá-
endum sínum þennan missi og
sagði að í bígerð væri að halda
tónleika von bráðar.
Því næst komu fram Halli og
Laddi og skemmtu þeir áhorf-
endum dágóða stund með gam-
anmálum. Að því loknu kynntu
þeir hljómsveitina Póker og var
henni vel fagnað af áhorfendum.
Hljómsveitin hóf leik sinn á
laginu Öræfarokk eftir Björgvin
Gíslason, en síðan fylgdi hvert
lagið á fætur öðru. Lék hljóm-
sveitin í tæpa klukkustund og
bötnuðu sífellt undirtektir
áhorfenda eftir því sem á leið.
Hljómlistarmennirnir voru
fremur dauflegir á sviði en
skemmtileg lýsing bætti mikið
úr.
Augljóst var, að áhorfendur
litu fyrst og fremst á Póker sem
upphitunarhljómsveit fyrir
Stranglers og voru því ekki
alveg með hugann við tónlist
hljómsveitarinnar. Nokkur ölv-
un var í salnum en þó ekki
áberandi og til engra vandræða
kom.
Eftir hlé komu Stranglers
fram og var þeim tekið með
afbrigðum vel. Lék hljómsveitin
næstu klukkustund bæði gömul
lög og ný og voru áhorfendur nú
heldur betur með á nótunum.
Með kreppta hnefa hoppuðu þeir
og skoppuðu og sungu með
hljómsveitinni. Ræflarokkar-
arnir svonefndu höfðu sig nú
öllu meira í frammi en fyrir hlé,
en þeir voru nokkuð fjölmennur
og allsérstakur hópur. Við sviðið
var mikill fjöldi fólks saman-
þjappaður og varð svita- og
hitalyktin þar mikil og vond.
Er leik Stranglers var lokið
voru þeir klapþaðir upp og léku
þeir nokkur lög. Var greinilegt
að hljómlistarmennirnir kunnu
vel að meta góðar undirtektir
áhorfenda.
Að sögn lögreglu gengu
hljómleikarnir slysalaust fyrir
sig ef frá er talinn nokkur
troðningur sem varð í stigum
Laugardalshallarinnar í hléinu.
Ekki var þó vitað til að neinir
hefðu slasast alvarlega, en að
sögn lögreglu fengu nokkrir
minniháttar pústra.
Frá ráðstefnunni um heilsuhagfræði.
Ráðstefnu um heilsu-
hagfræði lokið
RÁÐSTEFNU um heilsuhagfræði
lauk í Reykjavík í gær, cn slík
ráðstefna hefur ekki fyrr verið
haidin hér á landi. Til ráðstefn-
unnar var buðið tveimur Svíum
og einum Bandaríkjamanni, sem
starfa sem hagfræðingar innan
heilbrigðisþjónustunnar í sínum
löndum.
í fyrirlestrum sínum lögðu
útlendingarnir áherzlu á að greina
nákvæmt kostnað og arðsemi
heilbrigðisþjónustu. Bentu þeir
t.d. á ýmsa hluti og ýmis atriði,
sem ekki hefur verið sinnt nægi-
lega hér á landi til þessa, og það
kom fram að íslendingar hafi ekki
hugsað nægilega um tengsl heil-
brigðisþjónustu og arðsemi.
Á ráðstefnunni kom fram að
íslendingar verja nú 7.2% þjóðar-
tekna sinna til heilbrigðismála, en
sumar þjóðir eins og t.d. Svíar
veita hlutfallslega hærri upphæð-
um af þjóðartekjum til þessa
málaflokks.
Á ráðstefnunni voru umræður
um heilbrigðisiagl og stjórnaði
3661 byggingalóð
uthlutað í Reykja-
vík síðustu 5 ár
SÍÐUSTU fimm árin hefur 3661
byggingalóð verið úthlutað í
Reykjavík, 2296 undir fjölbýlishús,
705 undir einbýlishús og 660 undir
rað- og keðjuhús, en hlutfall einbýl-
is-, rað- og keðjuhúsa hefur aukizt
síðustu árin. Þetta kom fram í ræðu
Framhald á bls. 20
þeim Pál'l Sigurðsson ráðuneytis-
stjóri, þar sem rætt var um hve
miklum hluta þjóðartekna ætti að
verja til heilbrigðismála. Einn
þátttakenda, Gylfi Þ. Gíslason,
kom með þá hugmynd að reikna
ætti nú út nokkurs konar vel-
ferðarvísitölu og var það gert.
Kom í ljós, að Islendingar voru
með 98 stig af 100 mögulegum.
Aðeins ein þjóð, Hollendingar,
voru hærri með 99 stig.
Það var skýrt frá því á ráðstefn-
unni, að frá 1960 hefðu íslendingar
tvöfaldað framlag sitt til heil-
brigðismála hlutfallslega og væru
nú framarlega í flokki þjóða hvað
varðaði fjárveitingar til heil-
brigðismála.
Síðdegis í gær voru hringborðs-
umræður, sem fjölluðu um ákvarð-
anatöku í heilbrigðisþjónustunni,
og stjórnaði Jónas Haralz banka-
stjóri umræðum. I þessum umræð-
um komu fram ýmsar skoðanir, en
menn voru sammála um að það
þyrfti að tengja betur hér á landi
þekkingu á sviði heilbrigðismála
og hagfræði.