Morgunblaðið - 27.06.1978, Blaðsíða 23

MORGUNBLAÐIÐ, ÞRIÐJUDAGUR 27. JÚNÍ 1978
31
smáauglýsingar — smáauglýsingar — smáauglýsingar — smáauglýsingar
Munið sérverzlunina
meö ódýran fatnaö.
Veröiistinn, Laugarnesvegi 82,
S. 31330.
Hlutabréf
Til sölu hlutabréf í sendibíla-
stööinni h.f. Borgartúni. Bréfinu
fylgir akstursleyfi.
Upplýsingar í síma 73088.
Brotamálmur
er fluttur aö Ármúla 28, sími
37033. Kaupi allan brotamálm
langhæsta veröi. Staögreiösla.
Vill taka jörð á leigu
Óska eftir aö taka jörö á leigu,
áhöfn fylgi þó ekki skilyröi.
Tilboö sendist fyrir 10. júlí
merkt: „Jörö — 3666“.
Skrifstofustarf
Starf viö vélritun, verölags- og
tollamál er laust tll umsóknar
hjá velþekktu innflutningsfyrir-
tæki.
Umsóknir sendist blaöinu
merkt: „Traust — 3665“ fyrir 30.
júní.
Fiskvinna
Okkur vantar konur og karla í
fiskvinnu nú þegar. Mikil vinna.
Unniö eftir bónuskerfi.
Upplýsingar hjá verkstjóra i
síma 98-1101.
ísfélag Vestmannaeyja h.f.
Vestmannaeyjum.
Körfuhúsgögn
Teborö, stólar og borö. Kaupiö
íslenskan iönaö.
Körfugeröin, Ingólfsstr. 16.
I9VCI
til sölu og sýnis í biöskýlinu á
Hvaleyrarholti í Hafnarf.
Uppl. í síma 52429 kl. 19—20.
Ég hef hugsaö mér að heim-
sækja ísland í sumar, og vildi
gjarna hitta íslenska stúlku sem
■gæti veriö leiösögumaöur minn
viö aö skoöa landiö og kynnast
íbúum þess.
Skrifiö til:
Mr. L.A. Grier,
box 5139,
Spartanburg, S.C. 29304,
U.S.A.
30. júni til 2. júlí ferö á Heklu.
Allar nánari upplýsingar á skrif-
stofunni Laufásvegi 41, sími
24950.
Sumarferð
Nessóknar
veröur farin n.k. sunnudag 2.
júlí. Lagt af staö frá Neskirkju
kl. 9 árdegis. Ekið um söguslóö-
ir Njálu.
Bræðrafélag
Neskirkju
býöur eldra safnaöarfólki til
feröarinnar eins og undanfarin
ár.
Nánari uppl. og tilkynning um
þátttöku hjá kirkjuveröi í síma
16783 til fimmtudagskvölds.
KRBAííUIE
ÍSIANBS
0L0UG0TU3
SI-MAR. 11798 00 195.U1
Föstudagur 30. júní
kl. 20.00
1. Þórsmörk. Gönguferðir viö
allra hæfi.
Gist í húsi.
2. Landmannalaugar. Gist í
húsi.
3. Hagavatn — Jarlhettur —
Leynifossgljúfur. Gist í húsi.
Fararstjóri: Árni Björnsson.
Ath: Miðvikudagsferöir í Þórs-
mörk, hefjast frá og meö 6. júlí.
Síöustu gönguferöirnar á Vífils-
fell um helgina. Ferö á sögu-
staöi í Borgarfiröi á sunnudag.
Nánar auglýst síöar.
Sumarleyfisferöir:
3.-8. júlí.
Esjufjöll — Breiöamerkurjök-
ull. Gengiö eftir jöklinum til
Esjufjalla og dvaliö þar í tvo
daga. Óvenjuieg og áhugaverö
ferö.
Fararstjóri: Guöjón Halldórs-
son.
8 —16. júlí.
Hornstrandir. Gönguferöir viö
allra hæfi. Gist í tjöldum.
A) Dvöl í Aöalvík. Fararstjóri:
Bjarni Veturliöason.
B) Dvöl í Hornvík. Fararstjóri:
Tryggvi Halldórsson.
C) Gönguferö frá Furuflröi til
Hornvíkur meö allan útbúnaö.
Fararstjóri: Páll Stelnþórsson.
Siglt veröur fyrir Horn til Furu-
faröar í fyrri feröinni.
15,—23. júlí.
Kverkfjöll — Hvannalindir.
Gisting í húsum.
19,—25. júlí.
Sprengisandur — Arnarfell —
Vonarskarö — Kjölur. Gisting í
húsum.
Allar frekari upplýsingar á skrif-
stofunni. Feröafélag íslands.
Fíladelfía
Vegna sumarmótsins á Akur-
eyri, falla allar almennar sam-
komur niöur, þessa viku. En
bænasamkomur veröa þriöju-
dag, fimmtudag og laugardag
kl. 20.30.
SÍMAR. 11798 og 19533.
Miðvíkudagur
28. júní
kl. 20.00.
Skoöunarferö í Bláfjallahella, en
þeir eru ein sérkennilegasta
náttúrusmíöi í nágrenni Reykja-
víkur.
Fararstjóri: Siguröur Kristins-
son.
Verö kr. 1500 gr. v/bílinn.
Fariö frá Umferöamiöstööinni
aö austanveröu.
Hafiö góö Ijós meö ykkur.
Feröafélag islands.
Kjörseðlar
í Vest-
fjarðakjör-
dæmi endur-
prentaðir
vegna
prentvillu
PRENTA varð alla kjörseðla í
Vestfjarðakjördæmi upp á nýtt og
dreifa um kjördæmið, þar sem sú
villa var á kjörseðlinum að röð
F-lista SFV og G-lista Alþýðu-
bandalagsins víxlaðist þannig að
G-listinn varð á undan. Var
kjörseðlum þessum dreift um
kjördæmið, en síðan nýir
prentaðir er Alþýðubandalags-
menn gátu ekki fellt sig við öfuga
röð flokks þeirra og Samtakanna.
Að sögn Jóns Ólafs Þórðarsonar
fulltrúa hjá bæjarfógetanum á
Isafirði var nýju kjörseðlunum
dreift á föstudag og laugardag
þannig að prentvillan kom ekki að
sök við fraipkvæmd kosninganna.
Alþýðuflokkur
aldrei stærri
ALÞÝÐUFLOKKURINN fékk í
kosningunum á sunnudag meira
hlutfallsfylgi en hann hefur nokk-
urn tíma fengið áður. Þó er fylgi
flokksins ekki miklu meira en það
var við alþingiskosningarnar 1934.
Þá fékk flokkurinn 21.7% greiddra
atkvæða eða aðeins 0.3% lakari
útkomu en nú. Fylgi flokksins
fyrir þessar kosningar hafa verið
19.3% við kosningarnar 1933, en
við kosningarnar 1937 missti hann
aftur niður þetta fylgi og fékk þá
19.0% greiddra atkvæða.
I kosningunum 1934 jók Alþýðu-
flokkurinn þingmannatölu sína á
Alþingi úr 5 í 10, en 1937 missti
hann 2 þingmenn. Aukningin 1934
stafar m.a. af breytingu á kosn-
ingalögunum, sem þá fóru fram,
en þá var þingmönnum fjölgað úr
32 í 49.
Alþjóðleg
arkitekta-
verðlaun
London — 23. júní — AP.
Talsmaður Hyatt Int. — sem er
þekkt alþjóðleg hótelkeðja, til-
kynnti í dag að ákveðið hefði verið
að veita árlega verðlaun til
arkitekts eða arkitekta og verður
þetta á alþjóðlegum grundvelli.
Carleton Smith talsmaður Hyatt
og aðalframkvæmdamaðurinn að
þessum verðlaunum sagði að
dómnefndin yrði skipuð fimm
mönnum af mismunandi þjóðern-
um og myndu þessi verðlaun verða
veitt á svipuðum forsendum og
Nóbelsverðlaunin. Þau verða af-
hent í fyrsta skipti á næsta ári og
verða þá um 75 þús. dollarar að
minnsta kosti eða sem svarar
nítján milljónum ísl. króna.
Skútustaðahreppur:
H-listinn
missti mann
Vogum, Mývatnssveit, 26. júní
Hreppsnefndarkosningar í Skútu-
staðahreppi fóru fram í gær og
fékk H-listinn 2 menn kjörna,
I-listinn 1 mann og S-listinn einn
mann.. I fyrri hreppsnefnd hafði
H-listinn 3 menn og I-listinn tvo.
Af H-lista eru í hreppsnefnd Jón
Illugason og Hallgrímur Pálsson,
af I-lista Kristján Yngvason og af
S-lista Hermann Kristjánsson.
Sjálfkjörnir til sýslunefndar
voru Helgi Jónasson og til vara
Jón Arni Sigfússon.
Fréttaritari.
Belgakóng-
ur til Kína
Brússel — 24. júni — AP.
BALDVIN Belgíukonungur og
Fabíóla kona nans munu fara í
opinbera heimsókn til Kína í lok
októbermánaðar. Talsmaður
belgísku hirðarinnar kunngerði
þetta í dag og sagði að dagskrá
heimsóknarinnar yrði birt síðar.
r
— Arangurinn
Framhald af bls. 15
kosningar að þetta kynni að
koma upp.
Hið aukna fylgi Alþýðubanda-
lagsins á Austurlandi held ég að
skili sér nokkuð jafnt á svæðinu
öllu, en þó gæti ég trúað að
fylgisaukningin í sveitum hér á
Austurlandi væri tiltölulega
mest,“ sagði Hjörleifur.
— Minning
Framhaid af bls. 29.
að dansa í. Oðrum þótti þó þörfin
meiri á danshúsinu og það hafði
vinninginn að lokum. Þegar menn
voru orðnir á eitt sáttir um það
hvort byggingin gengi fyrir stóð
ekki á Haraldi á Völlum að hrinda
málinu í framkvæmd. Bygging
félagsheimilisins var hafin og
ekkert til sparað að húsið yrði sem
bezt úr garði gert. Og áður en
starfstíjna Haraldar var lokið hjá
Seyluhreppi, var hið myndarleg-
asta félagsheimili risið hér í
Varmahlíð öllum til ánægju.
Menn sáu, hve þörfin var brýn
á félagsheimilinu, þar sem vel
mátti hafa skólahald í því um sinn
og miklu fremur heldur en að
dansa í skólanum. Það kom svo í
hlut arftaka Haraldar Jónassonar
að reisa skólahúsið í Varmahlíð.
Nú er það einnig risið af grunni,
sem félagsheimilið, stór og mikil
stofnun, sem nýtur vaxandi vin-
sælda og virðingar, og hefur átt
því láni að fagna að fá til sín hina
hæfustu starfskrafta sem munu
lyfta því til vegs og aukins frama
um ókomin ár. Það er vel og von
að takist, því hvað er í rauninni
æsku dreifbýlisins nauðsynlegra
heldur en góðar menntastofnanir?
Haraldur Jónasson átti sæti í
sýslunefnd Skagafjarðarsýslu frá
1936—1970. í Yfirskattanefnd
Skagafjarðarsýslu sat hann frá
'38—43, að hann varð hreppstjóri
og endurskoðandi sveitar- og
sýslureikninga var hann um langt
árabil. Hann var í stjórn Héraðs-
samlags Skagafjarðar og umboðs-
maður Brunabótafélags Islands
lengi. Við kosningar til Alþingis
árið 1942 skipaði hann annað
sætið á lista Sjálfstæðisflokksins í
Skagafirði.
Sæti í skólanefnd Seyluhrepps
átti Haraldur um tugi ára, og var
lengst af formaður. Þá átti hann
sæti í Sóknarnefnd Víðimýrar-
kirkju og í stjórn Búnaðarfélags
Seyluhrepps sat hann nær tvo
áratugi. Einnig var hann fjall-
skilastjóri fyrir framhluta Seylu-
hrepps um langt árabil og gangna-
foringi á Eyvindarstaðaheiði um
áratugaskeið.
Þetta er mikil upptalning og
sýnir gerla hvert traust hefur
verið borið til Haraldar á Völlum
og hver afkastamaður hann hefur
verið í störfum sínum. Þó er máske
eitthvert mesta starfið ótalið enn,
bóndastarfið sem Haraldur rækti
af mikilli alúð og kostgæfni sem og
allt það sem hann vann að á
lifsleið sinni. En þá má heldur ekki
gleyma hlut húsfreyjunnar —
hennar Ingibjargar á Völlum.
Hennar hlutur var vissulega ekki
smár og dagurinn stundum langur
því margt var að gera á stóru
heimili.
Þau Ingibjörg og Haraldur voru
mjög samhent í öllum störfum
sínum. Hjónaband þeirra var mjög
gott — traust og hamingjusamt og
öðrum til eftirbreytni. Oft þurfti
Haraldur að vera að heiman við
margvísleg störf og þá kom það í
hlut Ingibjargar að stýra og
stjórna búrekstrinuih og hinum
daglegu störfum heima fyrir, eins
og fyrr segir.
Haraldur á Völlum var einlægur
sjálfstæðismaður alla tið. Trúr
sinni köllun og hugsjón og gerði
aldrei annað en það sem hann áleit
sannast og réttast og bezt fyrir
fólkið sem hann hafði umboð fyrir.
Hann var bæði samvizkusamur og
hollráður og fljótur að glöggva sig
á málum og komast að réttri
niðurstöðu. Slíkum manni hlutu að
verða falin hin mestu trúnaðar-
störf, enda var sú raunin á.
Haraldur á Völlum mun hafa
gegnt einhvern tíma ævinnar
flestum — ef ekki öllum — þeim
trúnaðarstörfum sem ein sveit
þarf til síns fulltingis. Allt frá því
að vera baðstjóri á bæjunum við
sauðfjárbaðanir í gömlu fjárhús-
unum á árunum fyrir stríð og til
þess að vera fulltrúi okkar á hinu
háa Alþingi sem þá var. Hann sat
um skeið á Alþingi 1945 sem
varamaður Jóns Sigurðssonar
alþingismanns, á Reynistað ef ég
man rétt.
Haraldur á Völlum var sannur
maður og mjög trúr í öllum sínum
störfum, réttsýnn og ráðvandur.
Mál hans allt og framsetning var
með þeim hætti, sem bezt varð á
kosið. Hann var hár og karlmann-
legur, glæsilegur að vallarsýn. Það
sópaði að honum hvar sem hann
fór — sem höfðingi væri. Hann var
skapmaður mikill með ákveðnar
skoðanir og hélt fram sínum
málstað með einurð og festu. Hann
var snjall og rökfimur ræðumaður
og mál hans var skírt og skorinort.
Haraldur á Völlum var frábær
söngmaður. Hann söng með hinum
ágæta gamla skagfirzka bændakór
meðan hann var og hét og hann
var meðal stofnenda karlakórsins
Heimis sem nú í vor hélt upp á
fimmtíu ára afmæli sitt með
samsæti, söng og dansi í Miðgarði.
Það er gæfa hverrar sveitar sem
á svo góða syni að svo giftusam-
lega tekst til að hægt er að
minnast hálfrar aldar samfellds
söngstarfs karlakórs í strjálbýli
hinna íslenzku sveita. Það er
þáttur út af fyrir sig — afrek —
sem vissulega er þess vert að eftir
sé tekið en etki grafið í þagnarró
og gleymsku. Félagslíf sveitanna
er einn veigamikill þáttur til að
halda reisn þeirra gegn ofurveldi
þéttbýlisins og þar eiga karlakór-
arnir, með hinu heilbrigða starfi
sínu, ekki veigaminnsta þáttinn í
að efla manndáð sveitalífsins.
Haraldur á Völlum söng sig inn
í hjörtu allra sem á hann hlýddu
þegar hann ungur að árum túlkaði
hljóma hinna ýmsu tónsmiða með
slíkum glæsibrag að áheyrendur
hans hrifust fultkomlega. Hin
fagra og hreina tenorrödd Harald-
ar á Völlum hreif hugi fólksins og
hann var kallaður fram aftur og
aftur. Karlakórinn Heimir gerði
hann að heiðursfélaga sínum, í
þakklætisskyni fyrir unnin afrek á
sviði söngsins.
Einnig tók Haraldur á Völlum
virkan þátt í starfi Ungmenna-
félagshreyfingarinnar á yngri
árum. Hann starfaði í umf. Fram
í Seyluhreppi, og var form. UMSS
um skeið. Hann hlaut heiðurs-
félaganafnbót þessara félaga fyrir
unnin störf í þágu þessara æsku-
lýðssamtaka.
Haraldur á Völlum var mikill
hæfileikamaður og hann nýtti
hæfileika sína vel enda var hann
stór vel gefinn til orðs og athafna.
Þegar við um leiðarlok lítum yfir
farinn veg blasir við mynd af
glæstum foringja, heilsteyptum
manni sem hlýddi kalli síns tíma
og vann alla ævi að heill og
hamingju samborgara sinna. Slík-
um manni fellur mikil hamingja í
skaut og er ekki mesta hamingjan
líka fólgin í því að skila landi sínu
og þjóð nýtum afkomendum til að
hefja merkið á ný, takast á við
vandamál líðandi stundár og auka
hagsæld þjóðarinnar um alla
framtíð?
Þessum fátæklegu orðum mín-
um er hér að ljúka. Ég hefi færzt
mikið í fang að minnast Haraldar
á Völlum og ég finn að mig skortir
hæfni til að minnast hans svo sem
vert væri. Því bið ég menn að taka
viljann fyrir verkið og virða á
betri veg.
Við kveðjum Harald Jónasson á
Völlum með virðingu og þökk fyrir
öll hans störf. Við vottum sonum
hans og fjölskyldum þeirra,
ættingjum og ástvinum öllum
okkar innilegustu samúðarkveðjur
við andlát og jarðarför hans.
Blessuð sé minning hans.
Gunnar Gunnarsson.
Syðra-Vallholti.
EF ÞAÐ ER FRETT-
NÆMTÞÁERÞAÐÍ
MORGUNBLAÐINU