Morgunblaðið - 27.02.1979, Blaðsíða 13
MORGUNBLAÐIÐ, ÞRIÐJUDAGUR 27. FEBRÚAR 1979
13
Steinþór
Ingibjörg
Sigurður Líndal
Árni
„Að sjá heiminn
í gegn um fiskiauga”
• „Ýmsir hlutir á þessari ráðstefnu hafa komið mér á óvart, sem betur
fer, og einmitt þess vegna hefur ráðstefnan verið bæði gagnleg og
lærdómsrík," sagði Sigurður Blöndal skógræktarstjóri í samtali við
Mbl. „Ég held að ráðstefnan sé rétt hönnuð á þann veg að tengja
mannlífið og umhverfið, samhengið þar á milli og það er höfuðárangur-
inn af henni. Mönnum ætti að vera ljósar en áður hve samhengið er
nauðsynlegt og að það ber að skoða þetta allt saman sem eina heild. Að
því leyti undirstrikar ráðstefnan með þessu verkefnavali það sem
mörgum hefur verið að verða ljóst á árunum eftir 1970, að við vorum
komin út í allt of mikla sérfræði, misstum heildarsýnina. Sérfræðing-
arnir voru sokknir í djúpan farveg og sáu heiminn í gegn um
aðdráttarlinsu með þröngum geira. Ráðstefna sem þessi lyftir mönnum
upp úr slíkri gjá og stuðlar að því að við skiljum að við þurfum að sjá
heiminn í gegn um stærra gat en skráargat, við þurfum minnst að sjá
hann í gegn um fiskiauga, 180 gráður."
„Hugsar málið frá
nýjum sjónarhóli”
• „Mér finnst þessti ráðstefna vera þó nokkuð nýstárleg fyrir mig, því
það er tekið öðruvísi á málum en venja er til. Umhverfið er miklu
víðara svið en löngum hefur verið fjallað um í sambandi við
mannvistina og á það er m.a. lögð áherzla í verkefnavali þessarar
ráðstefnu," sagði Steinþór Gestsson á Hæli, en hann sat ráðstefnuna
sem fulltrúi Stéttarsambands bænda.
„Þó svo ég sé ekki sammála öllu sem fram kemur í þessum erindum,
sem varla er að vænta, þá þykja mér hafa komið þar fram mjög
athyglisverðir hlutir sem valda því að maður hugsar málið stundum frá
nýjum sjónarhóli.
Á ráðstefnum sem byggðar eru upp með þessum hætti, mörgum mjög
stuttum erindum, má ætla að viðhorf ræðumanna geti misskilist og
skilgreining þeirra virst stangast á við staðfesta reynslu manna.
Því er sennilega nauðsynlegt að ræða ýmsa þessa þætti nánar á
sérstökum ráðstefnum."
„Að opna fyrir lífið
sjálft í skólakerfinu”
• „Ég hef mikinn áhuga á sumum þáttum sem teknir hafa verið fyrir á
þessari ráðstefnu, minni á öðrum, en í heild er þessi ráðstefna
óvenjuleg og forvitnileg," sagði Ingibjörg Kjartansdóttir ncmandi í
Menntaskólanum í Reykjavík í samtali við Mbl. „Það er viss kostur að
hafa erindin stutt, því þá þreytist maður síður þrátt fyrir mergð
erinda. Það sem ég hef mestan áhuga á er skipulag borgar og húsa og
umhverfi byggðarinnar fremur en ýmsir þættir landverndarmála.
Mér finnst það alvarlegt íhugunarefni að skólar okkar koma nær
ekkert inn á þessi mál, en byggingarlist sem valgrein í MR vakti
áhugann hjá mér. Mér finnst að það ætti að opna meira fyrir þessa
þætti í skólakerfinu, opna fyrir lífið sjálft og ég vona að þetta félag
hafi góð áhrif í þá átt.“
„Ótvírætt gildi
að ræða þessi mál”
• „Ég hef lítinn samanburð á þessari ráðstefnu og öðrum," sagði
Sigurður Líndal prófessor í samtali við Mbl., „því að ég sit nær aldrei
ráðstefnur. Hins vegar er það svo að á þessari ráðstefnu er rætt um
manninn og umhverfið frá ákaflega mörgum sjónarmiðum, þ.e. ekki
einasta viðskipti hans við náttúruna og hið byggða umhverfi, heldur
einnig þjóðfélagið í heild. Þetta hefur mér vitanlega ekki verið gert
áður hér og ég tel það hafa ótvírætt gildi að ræða um þessi mál þannig
þó að hins vegar sé nauðsynlegt að fara nánar í einstaka þætti og ræða
þá betur eins og mér skilst að markmiðið sé.
Ég get ekki sagt að neitt hafi komið mér sérstaklega á óvart, fremur
heildaráhrifin, en líklega á manni eftir að koma á óvart þegar nánar
verður fjallað um einstaka þætti.
Hér hafa málin verið rædd af meira jafnvægi en ég hygg á ýmsum
slíkum ráðstefnum pólitískum og hér h’efur ekki borið á þeim ofsa og
þeirri taugaveiklun sem oft einkennir málflutning í þessum efnum. Ég
tel það mikinn kost að jafnvægi hugans skuli ráða, en ekki
taugaveiklun eins og oft vill brenna við.“
„Skólakerfið komið
fjarri mannlega
þættinum og landinu”
• „Hingað til hafa umhverfismál og umræður um þau aðallega verið
uppsláttarmál fyrir ákveðna pólitíkusa,“ sagði Árni Sigfússon
nemandi í Kennaraháskóla íslands. „Þessi mál hafa ekki verið
ígrunduð á opinberum vettvangi af almenningi, en hér gefst loksins
tækifæri til þess. Ráðstefnur eins og þessi hljóta að auka áhuga manna
á umhverfinu og vonandi á sá áhugi eftir að aukast. Undirstaða þess
markmiðs að bæta umhverfi okkar er að skilja umhverfið, takmörk
þess og möguleika.
Skólakerfi okkar er komið svo fjarri mannlega þættinum og landinu
að umhverfið sjáum við helzt í einhverjum eðlisfræðiþáttum, en ekki
vistrænu samhengi.
Ungt fólk kemur til með að móta umhverfið og þess vegna hlýtur það
að vera skylda þeirra sem í dag láta sér annt um þessi mál að berjast
fyrir aukinni þátttöku skóla- og fræðslustofnana á þessu sviði."
UTSALAN
mikla
heldur áfram
í Iðnaðarmannahúsinu Hallveigarstíg.
Verðin eru hreint
ótrúlega góð
og allir gera
stórkostleg
kaup.
o
HÉR ERU NOKKUR DÆMI:
Dömujakkar ............. frá kr. 3.000,-
Kakhi buxur ............ frá kr. 2.000-
Flauelsbuxur ........... frá kr. 4.400.-
Herra og dömu
teryleneföt ............ frá kr. 3.800.-
Blazerjakkar ............... kr. 15.000.-
Sjóliðajakkar ............. kr. 11.200,-
Punk teryleneföt ........... kr. 22.500.-
Dömufínflauelsdragtir ...... kr. 15.900.-
Peysur ..................... kr. 1.500.-
Kjólar ..................... kr. 4.500.-
Barnaúlpur ............. frá kr. 2.900,-
Anórakkar .................. kr. 1.700.-
Plötur innlendar .... frá kr. 800—2.700.-
Erlendar plötur ..: frá kr. 1.900—2.700,-
Allskonar fataefni.
Tryggiö ykkur úrvalsvörur á spreng-
hlægilegu verði!
Saumastofa Karnabæjar —
Belgjagerðin — Karnabær
— Björn Pétursson heildverzlun -
Steinar h.f.