Morgunblaðið - 27.04.1979, Blaðsíða 17
17
MORGUNBLAÐIÐ, FÖSTUDAGUR 27. APRÍL 1979
Höfðar mál gegn
ríkisútvarpinu
— fyrir brot á lögum um forgang þeirra,
sem notið hafa endurhæfingar
ARNÞÓR Helgason, Tjarnarbóli
14, Seltjarnarnesi. hefur ákveðið að
höfða mál á hendur Ríkisútvarpinu
fyrir að brjóta 3. málsgrein 16.
greinar laga um endurhæfingu frá
1970, þar sem kveðið er á um, að
þeir, sem notið hafa endurhæfingar,
skuli öðru jöfnu eiga forgangsrétt á
atvinnu hjá ríki og bæjarfélögum.
Arnþór sótti nýlega um starf
dagskrárfulltrúa við útvarpið en
starfið var veitt Guðrúnu Guðlaugs-
dóttur, sém starfaði í hlutastarfi við
dagskrárgerð um nokkurt skeið.
Morgunblaðið sneri sér í gær til
Andrésar Björnssonar útvarpsstjóra
vegna þessa máls en hann kvaðst
ekkert vilja tjá sig um það, þar eð
málið kæmi væntanlega til kasta
dómstóla.___________________
Bjöm Theódórs-
son f jármála-
stjóri Flugleiða
Björn Theódórsson viðskiptafræð-
ingur hefur verið ráðinn fram-
kvæmdastjóri fjármálasviðs Flug-
leiða. Björn Theodórsson hefur
starfað hjá Flugleiðum frá stofnun
1973, en hann vann áður hjá Loft-
leiðum. Björn tekur við af Herði
Sigurgestssyni núverandi fjármála-
stjóra eða framkvæmdastjóra fjár-
málasviðs, sem mun 1. júní taka við
starfi forstjóra Eimskipafélags ís-
lands. Björn Theódórsson hefur und-
anfarið gegnt starfi forstöðumanns
hagdeildar, sem er ein deild fjár-
málasviðs.
í bréfi, sem Arnþór ritaði útvarps-
stjóra og hann segir að sé upphaf
baráttu fyrir að viðurkennd verði
lagaleg réttindi öryrkja, kveðst Arn-
þór hafa látið fylgja umsókn sinni
gögn frá „The Royal National
Institute for the Blind" í Bretlandi,
þar sem greint sé frá endurhæfingu
hans á vegum stofnunarinnar
sumarið 1978. Gögn þessi hafi verið
endursend sér ásamt fjölrituðu
spjaldi frá útvarpinu, þar sem um-
sóknin sé þökkuð en frá því skýrt, að
starfinu hafi þegar verið ráðstafað.
f bréfi sínu segir Arnþór Helgason
orðrétt:
„Ég vil leyfa mér að vekja athygli
á eftirfarandi:
Ríkisútvarpinu hlýtur að vera
siðferðilega skylt að standa við þau
ákvæði, sem æskilegt er talið, að
uppfyllt séu í auglýsingum þess. Ef
umsóknir frá hæfum aðilum berast
hins vegar ekki, hlýtur umsóknar-
frestur að verða lengdur (smbr.
umsóknir um kennarastöður, presta-
köll o.fl.).
Forráðamenn útvarpsins hafa í
þessu tilviki gersamlega gengið
framhjá 3. málsgrein 16. gr. laga um
endurhæfingu frá 1. júlí 1970, en hún
hljóðar svo:
Þeir, sem notið hafa endur-
hæfingar, skulu að öðru jöfnu eiga
forgangsrétt til atvinnu hjá ríki og
bæjarfélögum.
Eg tel rétt að láta reyna á laga-
gildi þessarar greinar og mun því
höfða mál á hendur ríkisútvarpinu
og leita þannig réttar míns og
annarra þeirra, sem öryrkjar eru
kallaðir."
Starfefólk Grundartanga semur um kaup og kjön
Yfirvinna ekki
unnin í venju-
legum rekstri
SAMNINGAR um kaup og kjör
starfsmanna við Járnblendiverk-
smiðjuna voru undirritaðir á
Grundartanga í fyrrakvöld. Samn-
ingunum svipar mjög til kjara-
samninga starfsmanna íslenzka
álfélagsins, enda var lögð á það
megináherzla af hálfu fulltrúa
starfsmanna, að starfskjör á þess-
um vinnustöðum yrðu sambærileg.
í samningum þessum eru ýmis
ákvæði, sem til nýmæla mega telj-
ast. Þar er lýst sem sameiginlegri
stefnu samningaaðila, að yfirvinna
sé ekki unnin í venjulegum rekstri,
og takmarkist við rekstrarstöðvanir
af völdum bilana eða annarra tíma-
bundinna verkefna. Þá eru ákvæði í
Egill. Karl.
Skákkappi
rangnefndur
ÞAU SLÆMU mistök urðu í
frétt f blaðinu í gær um góða
frammistöðu íslenzks skák-
manns á unglingamótum í
London, að hann var rang-
nefndur, en hins vegar birtist
rétt mynd með fréttinni.
Hinn ungi skákmaður var
sagður heita Karl Þorsteins, en
hans rétta nafn er Egill Þor-
steins. Karl Þorsteins, yngri
bróðir Egils, hefur einnig getið
sér gott orð sem skákmaður.
Hann varð nýlega skólaskák-
meistari Reykjavíkur en varð
fyrir því óláni að fótbrotna í
skólaferðalagi skömmu áður en
Islandsmótið í skólaskák fór
fram og gat hann því ekki verið
með þar.
samningunum, sem auka nýtilegan
vinnutíma innan ramma hinnar
venjulegu vinnuviku. Viðræður til
undirbúnings samningum þessum
hafa staðið af og til í hálft ár, en
lauk með þriggja daga fundalotu á
Grundartanga.
Starfsfólk verksmiðjunnar hefur
þegar samþykkt samningana fyrir
sitt leyti með fyrirvara um sam-
þykkt félagsstjórna. Samningarnir
gilda með ýmsum fyrirvörum um
gengisbreytingar o.fl til 1. júní 1980,
en kaupliðir skulu koma til endur-
skoðunar með hliðsjón af reynslu við
framkvæmd samningsins, fyrir 1.
desember 1979.
Aðilar að samningunum eru
Sveinafélag málmiðnaðarmanna á
Akranesi, Verkalýðsfélag Akraness,
Verkalýðsfélagið Hörður, Hvalfirði,
Verslunarmannafélag Akraness, Fé-
lag matreiðslumanna, Rafiðnaðar-
samband íslands vegna aðildarfé-
laga, Landssamband íslenzkra verzl-
unarmanna, Málm- og skipasmiða-
samband íslands og Verkamanna-
samband íslands, auk Járnblendifé-
lagsins.
Brezkur
prédikari í
Fíladelfíu
Á VEGUM hvítasunnusafnaðanna
hér á landi eru komin til landsins
hjón, Miriam og Robin Baker, sem
dvelja að þessu sinni hér í 3 vikur
og ferðast milli safnaðanna og
prédika. Þau hjónin komu hingað
einnig á síðastliðnu ári.
Robin Baker starfar sem skjala-
þýðandi fyrir bresku ríkisstjórnina
jafnframt því sem hann tekur þátt í
kristilegu starfi.
Samkomur sem Robin og Miriam
taka þátt í verða í kvöld, fimmtu-
dagskvöld, kl. 21.30 og annað kvöld á
sama tíma. Á laugardag kl. 14 verður
æskulýðssamkoma og á sunnudag kl.
20.00 verður almenn samkoma. Allar
þessar samkomur verða í Fíladelfíu í
Reykjavík.
Frá aukafulltrúafundi Stéttarsambands bænda.
Aukafulltrúafundur Stéttarsambands bænda:
Bændur sammála um
að draga úr f ramleiðslu,
en greinir á um leidir
— segir Arni Jónasson erindreki
Aukafulltrúafundur Stéttar-
sambands bænda hefur staðið yfir
í Reykjavík undanfarna daga og
er þar verið að f jalla um tillögur í
landbúnaðarmálum. Steingrímur
Hermannsson landbúnaðarráð-
herra kynnti í upphafi fundarins
frumvarp um framtíðarskipan
framleiðsluráðs landbúnaðarins
og hafa síðan farið fram
umræður og nefndarstörf. Búizt
var við að fundinum lyki í gær-
kvöldi eða nótt, en hann sitja
nærri 50 fulltrúar.
Árni Jónasson erindreki
Stéttarsambandsins sagði í sam-
tali við Mbl. í gærkvöldi, að svo
virtist sem skiptar skoðanir væru
meðal fulltrúa á frumvarpi land-
búnaðarráðherra og væri ekki
hægt að segja til um enn hvert álit
fundurinn gæfi um frumvarpið. Þá
sagði Árni að verið væri að fjalla
um setningu reglugerðar vegna
breytinga á lögum um framleiðslu-
ráð, en samþykktar hafa verið
tillögur sem miða að því að draga
úr framleiðslu. Er þar um að ræða
kvótakerfi, að fullt verð greiðist
bændum fyrir framleiðslu sína,
upp að ákveðnu marki, en út-
flutningsbótaverð fyrir það sem
umfram yrði.
Árni Jónasson kvað
menn sammála um að nauðsyn
bæri til þess að dregið yrði úr
framleiöslu og sagði að bændur
hefðu lengi verið þeirrar skoðunar,
en menn greindi á um leiðir að því
marki. Sagði Árni að nefnd hefði
fjallað um setningu reglugerðar
varðandi framleiðsluráð, en eftir
ætti að fjalla um nefndarálitið í
umræðum og greiða atkvæði.
Bcnzínhækkun dregst
fram í næstu viku
Olíumálið ekki útrætt í ríkisstjórninni í gærmorgun
EKKI varð útrætt á fundi ríkisstjórnarinnar í gærmorgunn, hvernig
farið verður með vanda sjávarútvegsins vegna yfirvofandi olíuverðs-
hækkunar, en ákveðinn var aukafundur á mánudagsmorgun, þar sem
ganga á frá málinu.
Ríkisstjórnin hefur ákveðið að
tekjuauka ríkissjóðs af benzín-
hækkuninni verði nær öllum varið
til olíustyrkja vegna húshitunar
og er þá reiknað með að þessi
tekjuauki verði um einn milljarður
króna, sem þýðir að bensínverðið
hækkar að minnsta kosti í 258
krónur hver lítri, sem nú kostar
205 krónur.
Telja má víst, að olía og benzín
hækki í verði í næstu viku.
Nokkrir dagar eru liðnir síðan
byrjað var að selja af birgðum,
sem keyptar voru á hærra verðinu,
og þar sem verðið hefur ekki verið
hækkað til samræmis við inn-
kaupsverðið nemur tapið af olíu-
sölunni tæpum 60 milljónum á
dag. Er skuld olíufélaganna orðin
á annan milljarð króna vegna
þessa og hafa olíufélögin þrýst
mjög á ríkisstjórnina síðustu daga
að flýta því að hækkunin komi til
framkvæmda.
85% hátekjuskattur á
tekjur yfir milljón
FRAM HEFUR verið lagt í neðri deild Alþingis frumvarp fimm
þingmanna Alþýðuflokksins til laga um hátekjuskatt. Fyrsti
flutningsmaður þess er Árni Gunnarsson og er í frumvarpinu kveðið á
um að fari tekjur yfir eina milljón króna á mánuði á ársgrundvelli
skuli hann greiða 85% hátekjuskatt af þeim tekjum, sem eru fram yfir
1 milljón króna á mánuði.
I greinargerð með frumvarpinu
segir að flutningsmenn þess hafi
kannað möguleika á lagasetningu
um frestun launahækkana í samn-
ingum Flugleiða hf. og flugmanna.
Sú leið hafi verið talin ófær eða
illfær, einkum vegna afturvirkni
slíkra laga. Sérstakur hátekju-
skattur hafi þá kosti fram yfir
aðrar leiðir, að hann nái til þeirra
hópa í þjóðfélaginu, sem miklar
tekjur hafi.
Fyrsta grein frumvarpsins
hljóðar svo: „Fari launatekjur
einstaklinga fram yfir 12 milljónir
króna á ársgrundvelli skal inn-
heimta sérstakan hátekjuskatt,
sem nemur 85 af hundraði af þeim
tekjum, sem eru umfram 1 milljón
króna á mánuði."
I 2. grein segir: „Þennan sér-
staka hátekjuskatt skal innheimta
mánaðarlega, þannig að ef tekjur
fara yfir 1 milljón króna á mánuði
skal vinnuveitanda skylt að halda
eftir 85% af hundraði af því, sem
er umfram 1 milljón króna og
leggja það inn á sérstakan reikn-
ing ríkissjóðs. Nái tekjur laun-
þega, sem áður hefur greitt þenn-
an skatt, ekki einni milljón króna
á mánuði síðar á tímabilinu, skal
endurgreiða honum af sama reikn-
ingi.“
Þá segir í greinargerð frum-
varpsins: „Gallinn við þessa aðferð
er auðvitað sá, að lögin ná ekki til
þeirra einstaklinga í þjóðfélaginu,
sem hafa haft aðstæður til að
„skammta" sér skatta á löglegan
eða ólöglegan hátt.“
Fyrsti flutningsmaður er eins og
áður sagði Árni Gunnarsson, en
meðflutningsmenn hans Vilmund-
ur Gylfason, Bjarni Guðnason,
Gunnlaugur Stefánsson og
Jóhanna Sigurðardóttir.