Morgunblaðið - 29.02.1980, Side 21
MORGUNBLAÐIÐ, FÖSTUDAGUR 29. FEBRÚAR 1980
21
Könnun Samtaka kvenna á framabraut
Pr jónakonur sem
vinna heima hafa
584 kr. á tímann
SAMTÖK kvenna á framabraut hafa gert könnun á launum og kostnaði
þeirra kvenna sem vinna heima við að prjóna lopapeysur. sokka og
vettlinga. Útkoma könnunarinnar er sú, að konur sem sitja heima og
prjóna hafa að meðaltaii kr. 584 á timann. Könnunin var gerð utan
Reykjavíkur, á stöðum þar sem litið annað en frystihús standa konum
til boða. Könnunin var gerð á timabilinu 1. okt. '79 til 19. jan. '80 og
tóku þátt í henni 12 konur, en þar af eru fáeinar sem hafa þetta aðeins
sem tómstundaiðju.
Segir svo í fréttatilkynningu frá
Félagi kvenna á framabraut í
tilefni af könnuninni:
„Tölur eru byggðar á upphæð,
sem konurnar fá frá kaupanda að
frádregnum kostnaði á lopa, sem
þær kaupa frá sama fyrirtæki.
Ekki er innifalinn tími eða
kostnaður sem konurnar leggja
fram við þvottaefni, þvott og press-
un á peysunum.
Peysur voru vigtaðar hjá flestum
konunum.
Bókaklúbbur
Heima er bezt
TÍMARITIÐ Heima er bezt hefur
hleypt af stokkunum bókaklúbbi,
þar sem þátttakendum er gefinn
kostur á að kaupa bækur á lágu
verði og eru boðnar 3 bækur fyrir
fimm þúsund krónur. segir í írétt
frá tímaritinu. Allir áskrifendur
eru meðlimir klúbbsins og gefst
kostur á því mánaðarlega að
kaupa bækur á sérstöku tilboðs-
verði.
Ekki fylgja neinar skuldbind-
ingar veru í klúbbnum aðrar en að
vera áskrifandi Heima er bezt og
eru allar bækur sem til boða
standa í klúbbnum ófáanlegar í
bókaverzlunum. í febrúarhefti
Heima er bezt er kynnt tilboð
fyrir marzmánuð og eru boðnar
bækurnar Bankahneykslið eftir
Arthur Hailey og Nói bátasmiður
eftir Erling Davíðsson.
Lægsta verð sem borgað var
fyrir heila peysu af medium stærð
var kr. 8.300 og kr. 8.350 fyrir
samskonar peysu með rennilás. Þar
lagði kaupandi sjálfur til rennilás-
inn en það tekur 1 klukkutíma að
hekla 2 jaðra og sauma rennilásinn
á peysuna, svo prjónakonan fær
aukalega 50 kr. fyrir þennan
klukkutíma.
Meðalverð, sem borgað var fyrir
heila peysu af medium stærð var
kr. 8.900 en kr. 9.300 fyrir peysu
með rennilás. Þar lagði kaupandi
ekki til rennilás svo prjónakonan
fékk 400 kr. meira fyrir rennilása-
peysuna — en rennilásar kosta frá
780 til 1.000 kr. út úr búð. Prjóna-
konan tapar algjörlega klukkutím-
anum sem fer í að hekla og festa
rennilásinn á peysuna.
Athugað var söluverð á lopa-
peysum hjá þrem fyrirtækjum,
sem selja þessar peysur á almenn-
um markaði og var verðið á
stærðunum medium og large frá
kr. 15.400 upp í 20.000 hver.
Útkoma þessarar könnunar var
sú, að konur sem sitja heima og
prjóna lopapeysur hafa að meðal-
tali kr. 584 á tímann og er það
lægsta tímakaup sem við höfum
heyrt af til þessa. Það skal tekið
fram að þessi könnun var gerð utan
Reykjavíkur, á stöðum, þar sem
lítið annað en frystihúsin standa
konum til boða. Þessar 10 konur
urðu að afla peninga til heimilisins
til þess að endar næðu saman.
Þetta var engin tómstundaiðja hjá
þeim.“
Nýju tím^riti um
flugsögu Islands
hleypt af stokkum
FLUGSAGA nefnist nýtt rit er
hafið hefur göngu sína, en það er
íslenzka flugsögufélagið sem gef-
ur ritið út. Meðal efnis í ritinu mó
nefna ágrip af sögu íslenzkra
flugvéla frá upphafi. grein eftir
Baldur Sveinsson sem unnin er
upp úr dagbókum Alfreðs Elías-
sonar um björgun flugvélar úr
Vatnajökli, endurminningar úr
starfi Svifflugfélags Akureyrar,
ágrip af sögu síldarleitar úr lofti-
við fsland, sögubrot og minningar
úr Grænlandsflugi á árunum
1946 — 1960. grein um fyrsta
Grímseyjarflugið o.fl.
í inngangskafla að ritinu segir
að íslenzka flugsagan sé mjög
yfirgripsmikil og margþætt þegar
Forsíða Flugsögu, hins nj
timarits um íslenzka flugsögu.
ja
að sé gáð. Hún tæki til flugs frá
fyrstu tíð, frá 1919 er flugvélar
hófu hér fyrst að þjóna íslending-
um. Síðan kæmi saga tveggja
svifflugfélaga, síðar stofnun flug-
félaga og flugskóla, flug með far-
þega, frakt, kvikfénað, flug við
síldarleit, landmælingar, ískönn-
unarflug, leitarflug, áburðardreif-
ingu, landhelgisgæzlu, þyrluflug
o.s.frv. Ekki mætti gleyma herflug-
inu á stríðsárunum, sem mótað
hefði verulega og hleypt krafti í
flugmál íslendinga. „Við erum ríkir
fslendingar af flugsögu, en því
miður fátækir af minjum frá fyrri
tíð, vegna skammsýni, að því er
virðist, flestra er nærri komu,“
segir í ritinu.
Ennfremur segir að ekki sé það
stefna ritnefndar að láta söguna
birtast í neinni ákveðinni röð eða
eftir tímaskeiðum, nema þar sem
saga íslenzkra flugvéla væri rakin,
hún birtist í þeirri röð er þær komu
til landsins og hverri vél gerð eins
góð skil og framast væri unnt. Að
öðru leyti væri reynt að ná sögunni
saman og gera efninu eins góð og
tæmandi skil og framast væri
unnt, og birtust t.d. í ritinu frá-
sagnir sem jafnvel aldrei hafa
verið birtar áður.
í ritnefnd ritsins eru Jón Karl
Snorrason formaður, ívar Helga-
son, Georg Ólafur Tryggvason og
Guðmundur Sæmundsson. For-
maður íslenzka Flugsögufélagsins
er Baldur Sveinsson, varaformaður
er Ragnar J. Ragnarsson og ritari
Einar L. Gunnarsson.
Á meðfylgiandi mynd eru nemendur sem útskrifuðust 1. febrúar úr Sjúkraliðaskóla tslands.
EFSTA RÖÐ: Steiney K. Ólafsdóttir, Anna Maria Árnadóttir, Margrét ó. Thorlacius, Svava Hugrún
Svavarsdóttir, Jóhanna Hulda Jónsdóttir, Hjördís Kristinsdóttir, Þórunn M. Jónsdóttir, Ásta
Ananíasdóttir. Hanna Magnúsdóttir.
ÖNNUR RÖÐ: Guðrún Másdóttir, Kristin Björk Samúelsdóttir, Kristín Anna Sverrisdóttir, Guðný Alexía
Jónsdóttir, Kristbjörg Ólafsdóttir, Gunnfriður Ingólfsdóttir, Nanna Guðrún Ásmundsdóttir, Elín
Guðbjörg Ólafsdóttir, Anna Þóra Thoroddsen, Sesselia H. Friðþjófsdóttir.
FREMSTA RÖÐ: Sigurlín Björk Valgeirsdóttir, Vilborg Anna Árnadóttir, Arna Björnsdóttir, Fjóla
Kristjánsdóttir, Sjöfn Þórarinsdóttir, Lorelei Haraldsdóttir, Guðbjörg Sigmundsdóttir.
Útsýn, Félag íslenzkra bifreiðaeigenda og Hafskip h.f.:
Samvinna um ferðir og bíl-
flutninga til meginlandsins.
FERÐASKRIFSTOFAN Útsýn hefur tekið upp samstarf við Hafskip h.f.
fyrir milligöngu Félags islenzkra bifreiðaeigenda um bílaflutninga til
meginlands Evrópu. Verðið á þessari þjónustu er mjög hagstætt. en að
henni eiga einungis félagsmenn Félags islenzkra bifreiðaeigenda aðgang.
Þessi ferðaáætlun var kynnt á
blaðamannafundi og kom þar fram
að flutningskostnaður á meðalstór-
um bíl milli Reykjavikur og Kaup-
mannahafnar, en þangað er áætlun-
inni beint, mun verða um 160 þúsund
krónur ef miðað er við núverandi
gengi. Ferðaskrifstofan Útsýn tekur
að sér alla þjónustu varðandi flutn-
ingana og sér farþegum jafnframt
fyrir lægstu flugfargjöldum með
ferðum Flugieiða og er fargjald
fáanlegt á leiðinni Reykjavík-
Kaupmannahöfn báðar leiðir á verði
frá 101 þúsund krónur, en til saman-
burðar er almennt flugfargjald á
þeirri leið kr. 288.800 eftir 1. apríl
n.k.
M.S. Bomma, flutningaskip Haf-
skips h.f., mun halda uppi ferðum á
hálfsmánaðar fresti milli Reykja-
vikur og Kaupmannahafnar og er
fyrsta brottför 20. maí n.k. Skipið
kemur til Kaupmannahafnar fimm
dögum síðar og sama dag fljúga
farþegarnir til Hafnar, nema þeir
óski að dvelja í Kaupmannahöfn
nokkra daga fyrir komu skipsins.
Til dæmis um ferðakostnað til
Kaupmannahafnar með þessum
hætti, var nefnt á fundinum að fyrir
fjögurra manna fjölskyldu, hjón með
2 börn á aldrinum 5 til 11 ára, með
bifreið undir 5 metrum að lengd, með
einnar nætur gistingu í Kaupmanna-
höfn kostar það kr. 499.500 eða
tæplega 125 þúsund krónur á mann.
Af hálfu Félags íslenzkra bifreiða-
eigenda kom það fram, að með
þessari nýjung væri ætlunin að auka
þjónustu félagsins við félagsmenn-
ina. Til þess að gerast félagi í F.Í.B.
nægði eitt símtal á skrifstofu félags-
ins eða til Útsýnar, sem einnig tæki
við inntökubeiðnum í félagið. Ár-
gjald í F.Í.B. er núna kr. 10 þúsund.
Félag íslenzkra bifreiðaeigenda á
systurklúbba erlendis og gegn fram-
vísun alþjóðlegs skírteinis fyrir bif-
reiðaeigendur veita þeir klúbbar fé-
lagsmönnum alls kyns varahluta- og
viðgerðabjónustu (vegna ófyrirséðra
bilana) og lögfræðilega aðstoð, sem
síðan er gerð upp samkvæmt reikn-
ingi hjá F.I.B. í ísienzkum krónum
þegar heim kemur. Þessir klúbbar
bifreiðaeigenda á meginlandinu veita
einnig upplýsingar um leiðir, og
fleira fyrir ferðamenn.
S.l. tvö ár hefur samvinna verið
með Útsýn og F.Í.B. sem er veruiega
aukin með þessari nýjung. Ferða-
skrifstofan Útsýn mun útvega gist-
ingu í Kaupmannahöfn og gera aðrar
pantanir, sem farþegar þurfa á að
halda, að svo miklu leyti sem ferðin
er skipulögð og dagsett fyrirfram.
Auk þess að láta í té vegakort,
upplýsingar urn leiðir, tjaldstæði og
fleira fyrir hönd F.Í.B.
Frá kynningarfundinum um þessa nýju ferðaáætlun. Ingólfur Guðbrands-
son, forstjóri Útsýnar, örn Steinssen starfsmaður hjá Útsýn, Sveinn Kári
Pétursson, starfsmaður Ilafskips, Kristin Aðalsteinsdóttir. starfsmaður
Útsýnar, Sveinn Oddgeirsson og Tómas Sveinsson forsvarsmenn F.Í.B.
ásamt fréttamönnum.
Átjánda bók-
in um Morg-
an Kane
PRENTHÚSIÐ hefur gefið
út 18. bókina um Morgan
Kane og nefnist hún Brava-
do eftir andstæðingi Kane,
en söguefnið er smygl á
Kínverjum.
Prenthúsið hefur einnig
sent frá sér aðra prentun af
bókinni Sigmund á skopöld.
Öll fyrirgreiðsla varðandi þessar
ferðir er því í höndum Útsýnar.
Hafskip tekur um 100—200 bíla i ferð
og ef ferðamenn skila bifreiðum
sínum af sér á réttum tíma, geta þeir
sjálfir ekið þeim um borð og frá
borði, og látið skipstjóra í té lykla af
bifreiðunum ef eitthvað verðmætt,
farangur eða annað, er geymt í þeim
á leiðinni yfir hafið.
Þá er það möguleiki fyrir hvern og
einn að velja þennan ferðamáta yfir
hafið og heimkomuna með Smyrli,
sem tekur bæði bifreiðar og farþega,
og hefur ýmsa viðkomustaði á leið-
inni.
Á fundinum sagði Ingólfur Guð-
brandsson forstjóri Útsýnar að tími
yæri í raun til þess kominn að
íslendingar veittu ferðamönnum
sjálfir þessa þjónustu í stað erlendra
aðila og forsvarsmenn F.Í.B. þökkuðu
Hafskip fyrir þá þjónustu sem þeir
veita þessari áætlun m.a. með ágæt-
um kjörum um flutningsverð á bif-
reiðunum.