Morgunblaðið - 21.07.1982, Blaðsíða 2

2
MORGUNBLAÐIÐ, MIÐVIKUDAGUR 21. JÚLÍ1982
Skömmtun til stórkaupenda 1981:
Orkunotkun sam-
svarar 1.760 þús.
tonnum olíugilda
Nær 70% raforka og jarðvarmi
VERG orkunotkun á íslandi á
sl. ári nam 1.758 þúsundum
tonna olíugilda. I»ar af var raf-
orka 41%, jarðvarmi 27%, olía
30% og kol 2%. Aukning notkun-
ar frá 1980 var 2,4%.
Raforkuvinnsla var alls 3.258
GWh á liðnu ári, aukning frá
1980 3,7%. I»ar af var 94,7%
vatnsorka, 3,8% jarðvarmi og
olía 1,5%. Af þessu var 3.108
GWh forgangsorka og 150 GWh
afgangsorka. Vegna orkuskorts
á árinu var raforkusköttun, er
nam 201 GWh hjá stórnotend-
um.
Verg orkunotkun skiptist þann-
ig; 53% fór til stóriðju, 2,2% til
annarrar stórsölu, 44,8% til al-
mennrar notkunar. Sala til stór-
notenda jókst aðeins um 0,9% á
árinu, en almenn notkun um 7,2%.
í árslok 1981 var uppsett afl í
almenningsrafstöðvum 749 MW,
þar af 612 MW í vatnsafli, 17 MW
í jarðvarma og 120 MW í olíu-
stöðvum. I einkarafstöðvum var
uppsett afl 32 MW. Fyrsta véla-
samstæðan af þremur í
Hrauneyjafossvirkjun (hver um
sig 70 MW) var tekin í notkun á
liðnu ári. Hinar tvær verða vænt-
anlega gangsettar í ár.
í árslok 1981 voru 27 hitaveitur
starfandi í landinu, einkaveitur
ekki meðtaldar. Um 75% af þjóð-
inni njóta nú jarðvarma til hús-
hitunar.
Innflutt eldsneyti 1981 var alls
tæplega 585 þúsund tonn, 1.146 m.
kr. að cif-verðmæti, eða 15,3% af
heildarinnflutningi til landsins.
Sala nam um 435 þúsund tonnum
á árinu og hafði dregist saman um
1,3% frá 1980. Salagasolíu til hús-
hitunar dróst saman um 17,3 frá
árinu áður.
(Heimild: Orka á tslandi. útg. Orkustofnun.)
Byggingarnefnd
Borgarleikhúss:
Davíð Oddsson
kosinn formaður
DAVÍÐ ODDSSON, borgarstjóri,
var á borgarráðsfundi í gær kosinn í
hyggingarnefnd Borgarleikhúss og
verður hann jafnframt formaður.
Þá var Katrín Fjeldsted, borg-
arfulltrúi, kjörin varamaður í
nefndina. I nefndinni sitja auk
borgarstjóra, Þórður Þ. Þorbjarn-
arson, borgarverkfræðingur, og
Guðmundur Pálsson, fyrir hönd
Leikfélags Reykjavíkur.
Borgarráð:
Nýr Drangur til Akureyrar
Akureyri, 20. júlí.
NÝR DRANGUR kom til Akureyrar í gærmorgun frá
Bergen þar sem skipið var keypt. Því er ætlað að
stunda fíutninga og siglingar á hafnir við Eyjafjörð,
til Siglufjarðar, Grímseyjar og á nærliggjandi norð-
lenskar hafnir. Ferðin frá Noregi tók tæpa fjóra sól-
arhringa.
Skipið hefur 275 tonna burðargetu og á því er
skutbrú, þannig að auðvelt er að lesta og losa
skipið með lyfturum. Allar vörur verða fluttar í
gámum en auk þess getur hinn nýi Drangur tekið
stórar og þungar vélar, bíla og þess háttar, því að
bóma skipsins getur lyft 56 tonnum.
Fyrsta ferð skipsins verður farin í dag og þá fer
það í fiskflutninga frá Hrísey til Dalvíkur. Gamli
Drangur heldur enn áfram um sinn venjulegum
áætlunarferðum. Hann hefur nú verið seldur til
Keflavíkur og verður afhentur nýjum eigendum
um miðjan ágústmánuð.
Skipstjóri á hinum nýja Drang er Örlygur Ing-
ólfsson, stýrimaður Einar Ingi Einarsson og vél-
stjóri Oskar Ágústsson.
Á næstunni verður innréttað farþegarými um
borð, þannig að aðbúnaður farþega verður til
fyrirmyndar. — Sv.P.
Framkvæmdaáætlun hitaveitu
skorin niður um 34,7 milljónir
BORGARRAÐ samþykkti á
fundi sínum í gær niðurskurð á
núverandi framkvæmdaáætlun
Hitaveitu Reykjavíkur um 34,7
milljónir. Þetta var samþykkt að
tillögu borgarstjóra, en bókun
sem að þessu lýtur var sam-
þykkt á fundi stjórnar veitu-
stofnana 19. júlí síðastliðinn.
í bókuninni segir, að þar sem
gjaldskrá hitaveitunnar hafi ver-
ið langt undir því sem fjárhagsá-
Eimskipafélag íslands:
Skreiðarinnflytjandi í Nígeríu
krefst 11 milljóna króna í bætur
Eimskip telur kröfuna ekki í samræmi við frumgögn
EIMSKIPAFÉLAG íslands hefur
nýlega fengid kröfu frá skreiðar-
innflytjanda í Nígeríu upp á rúmar
milljónir islenzkra króna (milljón
dollara). Telur innflytjandinn aö
1.920 skreiðarpakka vanti upp á
sendingu til sín, sem Eimskip flutti
héðan til Hamborgar á síðasta ári og
krefst hann skaðabóta vegna þess.
Máli sinu til stuðnings hefur hann
framvísað frumriti farmbréfs, sem
forráðamenn Eimskipafélagsins
telja ekki í samræmi við umrædda
sendingu og segja þeir að í henni
hafi verið 4.080 pakkar en ekki
6.000 eins og innflytjandinn telur.
Vegna þessa hafði Morgunblað-
ið samband við Hörð Sigurgests-
son, forstjóra Eimskipafélagsins.
Sagði hann, að umrædd krafa
væri fram komin vegna fimm
sendinga á skreið og skyldum af-
urðum til Nígeríu. Hefði þeim ver-
ið afskipað með skipum Eimskips
á tímabilinu 5. ágúst til 18. des-
ember 1981. Sérstaklega hefði at-
hygli beinzt að sendingu frá 5.
ágúst, sem héðan hefði farið í
gámum til Hamborgar og þaðan
til Port Harcourt í Nígeríu með
öðru skipafélagi. Sá, sem flytti út
skreiðina, legði til gáma. Eimskip
hefði þá gefið út farmskírteini á
þessa sendingu, sem á stóð: „ís-
lenzk skreið, 21 gámur." Ekki
hefði verið tekið fram í farmbréf-
inu hver pakkafjöldi hefði verið.
Síðan hefði komið upp krafa á
Eimskipafélagið vegna þess að
upp hefði komið frumrit af þessu
farmbréfi, sem á stendur: „Islenzk
skreið, 21 gámur, 6.000 pakkar."
Forráðamenn Eimskips teldu að
það frumrit væri ekki í samræmi
við farmskírteinið eins og það
hefði upphaflega verið gefið út.
Samkvæmt talningu starfsmanna
félagsins í Sundahöfn hefðu farið í
þessa gáma 4.080 pakkar. Þetta
hefðu verið 21 20 feta gámur og í
slíka gáma kæmust nálægt 190
pakkar eða um það bil 4.000 pakk-
ar alls, ekki 6.000. Auk þessa væru
kröfur vegna frekari mismuns í
magni og spurningar um ranga
vöru, það er skiptingu milli
þorskhausa og skreiðar.
„Við teljum að frumrit farm-
bréfsins, sem okkur hefur verið
sýnt, sé ekki í samræmi við farm-
bréfið eins og það var gefið hér út
þegar skipið fór héðan. Við erum
tryggðir fyrir þessu, en engu að
síður ætlum við okkur að upplýsa
þetta mál þar sem við kærum
okkur ekki um að gögnum sé
breytt og kröfur séu gerðar á
okkur vegna þess. Nú erum við að
viða að okkur gögnum varðandi
þetta mál og tökum síðar ákvörð-
un um framhaldið," sagði Hörður.
ætlun geri ráð fyrir, það sem af
er árinu, og gjaldskrárhækkun
hefði enn ekki verið ákveðin, þá
væri fyrirsjáanleg fjárvöntun
um 35 — 45 milljónir, enda þótt
5% hækkun umfram byggingar-
vísitölu fengist 1. ágúst og 1. nó-
vember næstkomandi.
Síðan segir að kannað hefði
verið hvort mæta mætti fjár-
vöntun með niðurskurði fram-
kvæmda og viðhalds, en slíkt
væri neyðarúrræði. Miðað er við
að frekari lántökur komi ekki til
greina. I bókuninni segir að
stjórnin telji það algert neyðar-
úrræði að grípa til niðurskurðar
framkvæmdaáætlunar, þar sem
slíkt leiddi til aukinnar hættu á
vatnsskorti og meiri háttar bil-
unum strax á næsta vetri. í bók-
uninni beinir stjórn veitustofn-
ana því til borgarráðs, að það
beiti sér fyrir því að stjórnvöld
hraði ákvarðanatöku til að
tryggja fjárhagsgrundvöll Hita-
veitu Reykjavíkur.
INNLENT
Verður unglingaskemmtistaður í bíla-
geymslu nýja Seðlabankahússins?
ASGEIR H. Eiríksson, eigandi
pylsuvagnsins í Austurstræti, hefur
sent borgarráði bréf, þar sem hann
reifar hugmyndir sínar um að
koma á fót unglingaskemmtistað á
neðstu hæð húss Seðlabankans,
sem rísa á við norðarverðan Arn-
arhól, en þar á að vera bíla-
geymsla. Á fundi borgarráðs í gær
var bréfið lagt fram og málið rætt,
en ekki tekin afstaða til þess, þar
sem það væri enn ekki tímabært.
í samtali við Morgunblaðið
sagði Ásgeir H. Eiríksson, að
hugmyndin væri að flytja Hall-
ærisplanið svokallaða undir þak.
„Það er hægt að koma fyrir
dansstað í bílageymslunni og
gæti það orðið frumlegt og
skemmtilegt ballhús. Þetta þarf
ekki að stangast á við bifreiða-
geymsluna, því starfsemi þar
myndi ljúka um klukkan 7 á
föstudagskvöldum," sagði Ás-
geir.
Ásgeir sagði, að heyrst hefði
að Almannavarnir hefðu auga-
stað á bílageymslunni sem
sprengjyskýli fyrir 5.000 manns,
en það ætti ekki að þurfa að
koma í veg fyrir að þarna yrði
dansstaður fyrir unglinga. Kvað
hann þessa hugmynd hafa hlotið
góðar undirtektir hjá þeim sem
hann hefði rætt málið við. Ás-
geir sagði, að hugmyndin væri
að þetta yrði skemmtistaður
fyrir unglinga, þeir ættu ekki í
nein hús að venda. Þarna fengju
þau þak yfir höfuðið og einnig
væri hægt að hafa þarna aðstöðu
til eftirlits.