Morgunblaðið - 28.08.1982, Qupperneq 14
14
M0RGUNBLAÐ1Ð,<LAUGARDAGUR 28. ÁGÚST 1982
Alfasud ti 1.5
reynsluekið
— Eiginleikar sportbíls
— Kraftmikill
— „Gamaldags“ sportleg innrétting
Alfa Sud, 1.5, ti. Ljósmyadir Mbl. Kristján.
Bflar
Sighvatur Blöndahl
ÍTALIK hafa alla tíð verið þekktir
fyrir framleióslu hraðskreiðra bíla
með góða aksturseiginleika og við
reynsluakstur Alfa Sud 1.5, ti, frá
ALFA ROMEO kom i Ijós, að
hann er engin undantekning frá
reglunni. Virkilega skemmtilegur
hraðakstursbíll, aksturseiginleik-
arnir eins og þeir gerast beztir,
þegar ekið er á steyptum vegum.
Bíllinn hefur alla eiginleika
sportbílsins.
Stórar dyr
Bíllinn, sem reynsluekið var,
var tveggja dyra með stórri
skuthurð. Hurðirnar eru stórar
og því ágætt, að ganga um þær,
hvort heldur er fyrir þá, sem
sitja frammi í, eða aftur í.
Rými
Rými fyrir ökumann og far-
þega frammi í er mjög gott og í
raun óvenjulega gott í ekki
stærri bíl en raun ber vitni.
Rýmið aftur í er hins vegar ekki
meira en í meðallagi. Bíllinn er
gefinn upp sem 4—5 manna, en
það verður að segjast eins og er,
að rýmið aftur í gefur ekki tilefni
til þess, að þrír fullorðnir sitji
þar í langferðum. Það má í raun
segja, að bíllinn sé góður fjög-
urra manna bíll.
Sæti
Frammi í eru tveir stólar,
klæddir þægilegu tauáklæði.
Ágætt er að sitja í þeim, en
óneitanlega situr maður töluvert
lágt í bílnum. Það er hins vegar
smekksatriði hvers og eins, hvort
hann vill sitja hátt eða lágt í
bílnum. Aftursætið er bekkur yf-
ir, ennfremur klæddur tauáklæði
og ágætt er að sitja í því. Fyrir
stóra menn er loftrými þó í það
minnsta.
Innrétting
Þegar setzt er inn í Alfa Sud
eru fyrstu áhrifin þau, að setzt sé
inn í sportbíl, þar sem innrétt-
ingin er ekki eins og í hinum
„hefðbundnu" fólksbílum. Inn-
réttingin er á köflum dálítið
gamaldags, sem er alls ekki löst-
ur á bílnum. í bílnum er sport-
stýrishjól með þremur örmum,
en það er stillanlegt, sem er stór
kostur. Hver getur stillt það eftir
eigin geðþótta. Auk þess svarar
stýri bílsins mjög vel og gott grip
er á því. Beygjuradíus er vel í
meðallagi og bíllinn því lipur í
bæjarakstri. Mælaborðið er gam-
aldags og sportlegt. í því eru
tveir hringlaga mælar, sem falla
langt inn í borðið. Annars vegar
hraðamælir með „trimmara", en
í honum eru ennfremur ljós, sem
gefa til kynna þegar stefnuljós
og aðalljós eru á. Síðan er snún-
ingshraðamælir, en undir honum
er benzínmælirinn. Djúpt inni í
mælaborðinu er svo hólf þar sem
aðvörunarljós fyrir olíu, hleðslu,
handbremsu og vatnsstöðu er að
finna. Hægra megin í mælaborð-
inu er svo að finna stjórntæki
fyrir miðstöð, sem virkar ágæt-
lega, en óneitanlega eru stjórn-
tækin af einfaldari gerðinni. Þá
eru hnappar fyrir afturrúðu-
upphitun, afturrúðuþurrku,
„neyðarljós" og þokuljós að aft-
an, auk þess sem kveikjara er þar
að finna. Niðri á milli sætanna er
svo að finna mæla fyrir olíu-
þrýsting og hitaþrýsting og er
það vel að hafa slika mæla. Gin-
hvern veginn virkar það ekki
mjög traustvekjandi að hafa að-
eins aðvörunarljósin. Þá er í
mælaborðinu hægra megin
klukka og útvarp, sem fylgir
bílnum.
Pedalar
Pedalarnir eru vel staðsettir,
að öðru leyti en því, að kúplingin
er einum of nálægt gólfinu, sem
er upphækkað á vinstri hönd við
hana. Það vill brenna við að
kúplingsfóturinn rekist utan í
hið upphækkaða gólf. Annars er
gott rými milli pedalanna og því
lítil hætta á því, að stíga á tvo
þeirra samtímis. Bremsurnar
ALFA
ROMEO
Gerð: Alfa Sud, 1.5, ti.
Framleiöandi: Alfa Romeo.
Framleiðsluland: jtalía.
Umboðsmaöur: Jöfur hf.
Verð. 195.000,-.
Afgreiðslutími: Til á lager.
Lengd: 3.978 mm.
Breidd: 1.616 mm.
Hæð: 1.370 mm.
Þyngd: 895 kg.
Farangursrými: 350 lítrar.
Vél: 4 strokka, 1.490 rúmsenti-
metrar, 95 DIN hestafla.
Hámarkshraði: Yfir 175
km/klukkustund.
Eyðsla: 10 lítrar t blönduöum
akstri.
Benzíntankur: 50 litrar.
Hjólbaröar: 165/70 SRx13.
virka mjög vel, taka jafnt og vel
á. Utan til í stýrishjólinu á
vinstri hönd er að finna stefnu-
ljósarofa, sem er vel staðsettur,
en á hægri hönd á stýrinu er svo
rofi fyrir þurrkurnar.
Glrskipting
Alfa Sud 1.5, ti, er með 5 gíra
kassa, sem er í raun nauðsynlegt
í svona hraðskreiðum og kraft-
miklum bíl. Gírstöngin er vel
staðsett og handfang hennar er
þægilegt. Kassinn er „þéttur" ef
svo má að orði komast. Þar er
engann losarabragur á. Drif-
hlutfallið er óaðfinnanlegt og
bíllinn vinnur mjög vel í öllum
gírum. Alveg sérstaklega er þó
skemmtilegt að skjótast á honum
í öðrum og þriðja gír. Það eina,
sem kannski er hægt að finna að
gírskiptingunni, er, að fyrsti gír-
inn mætti vera eilítið hærri.
Fyrst farið er að tala um vinnslu
bílsins, þá er hún alveg sérstak-
lega góð. Bíllinn er knúinn fjög-
urra strokka, 1.490 rúmsenti-
metra, 95 DIN hestafla vél, sem
hæfir bílnum alveg sérstaklega
vel.
Aksturseiginleikar
Um aksturseiginleika Alfa Sud
1.5, ti, er það að segja, að hann er
alveg sérstaklega skemmtilegur
á steypunni og malbikinu. Með
mjög skemmtilega fjöðrun, sem
svarar vel. Hann er hæfilega
stífur á steypunni. Hins vegar er
því á móti ekki að leyna, að bíll-
inn er óþarflega hastur á möl-
inni, enda kannski ekki við öðru
að búast af „sportbíl", sem fram-
ieiddur er fyrir hraðbrautir Evr-
ópu. Eins og áður sagði er stýri
bílsins gott og svarar mjög vel.
Bíllinn er stífur og leggst því
ekki fram á hornin, þegar ekið er
á einhverjum hraða inn í beygj-
ur, eins og vill brenna við á
mörgum bílum. Þetta er mikill
kostur.
Niðurstaða
Eftir reynsluakstur Alfa Sud,
1.5, ti, er niðurstaðan sú, að þar
er skemmtilegur bíll með flesta
eiginleika sportbíls, kraftmikill
með skemmtilegan gírkassa.
Hann er verulega skemmtilegur í
akstri á steyptum vegum, en
óþarflega hastur á mölinni. Bíll-
inn er mjög rúmgóður frammi í,
en mætti vera heldur hærri til
lofts aftur í.
MælaborðiA, sportiegt og gamaldags.
Bíllinn er knúinn 95 DIN hestafla véL