Morgunblaðið - 13.07.1983, Blaðsíða 3
MORGUNBLAÐIÐ, MIÐVIKUDAGUR 13. JÚLÍ 1983
3
Sólin gekk í lið með veislugestunum, skein án afláts og lagði sitt af mörkum til að gera daginn eftirminnilegan.
Ljósm. AGA.
Lokuðu götunni og
héldu upp á afmæli
f BLÍÐSKAPARVEÐRI, tuttugu stiga hita og sól, bar svo
við á laugardaginn að haldin var sérstök afmælisveisla í
götunni Litlagerði á Húsavík.
Var þar haldið upp á afmæli fjögurra ungmenna,
sem við götuna búa, þeirra Katrinar Guðjónsdóttur,
sem varð fjögurra ára, Halldórs Stefánssonar sem
varð 6 ára, Astu Hreinsdóttur sem varð 5 ára og
Ragnars Amars Guðmundssonar sem varð þriggja
ára.
Með leyfi lögreglunnar var götunni lokað í báða
enda og síðan sett upp langborð eftir endilangri göt-
unni og tjaldvagn, sem gegndi hlutverki eldhúss. Á
langborðingu var komið fyrir tertum og kaffi, en úr
tjaldvagningum var útbýtt grilluðum pylsum og gosi.
Um 60 manns samglöddust afmælisbörnunum í
veislunni, en öllum íbúum götunnar var boðið til
hennar.
Afmælisbörnin fjögur úr götunni. Fyrir framan standa þau Ragnar Arnar
Guðmundsson og Katrín Guðjónsdóttir, en fyrir aftan eru Halldór Stef-
ánsson og Asta Hreinsdóttir.
Flugleiðir:
Hætta áætlunar-
flugi til Grænlands
FLUGLEIÐIR hafa ákveðið að hætta beinu áætlunarflugi milli íslands og
Grænlands í kjölfar ákvörðunar samgönguráðuneytisins að veita Helga
Jónssyni, flugmanni, heimild til regiubundins áætlunarflugs milli landanna.
Vegna málsins sendu Flugleiðir frá sér eftirfarandi greinargerð:
Samgönguráðuneytið hefur
upplýst, að það hafi veitt Helga
Jónssyni leyfi til reglubundins
áætlunarflugs til Grænlands og
jafnframt falli þá niður áætlun-
arleyfi Flugleiða. Með þessari
ákvörðun eru allar forsendur fyrir
áframhaldandi áætlunarflugi
Flugleiða milli Islands og Græn-
lands í sumar brostnar. Félagið
hefur því ákveðið að hætta flugi
til Narssarssuaq þegar i stað og
verður send flugvél eftir þeim far-
þegum Flugleiða sem þar dvelja.
Flugleiðir, og áður Flugfélag fs-
lands, hafa um áratugi sinnt
Grænlandsflugi. Flugfélagið hóf
flug þangað árið 1950 og flutti
þúsundir farþega til Narssarssu-
aq, Syðri-Straumfjarðar, Meist-
aravíkur og Thule. Um árabil voru
tvær vélar félagsins staðsettar á
Grænlandi og önnuðust ískönnun-
ar- og sjúkraflug. Brautryðjenda-
starf Flugfélags íslands og Flug-
leiða, sem og starfsmanna hefur,
hlotið sérstaka viðurkenningu
stjórnvalda í Danmörku og Græn-
landi.
Flugleiðir hafa undanfarin
sumur haldið uppi áætlunarflugi
til Narssarssuaq í samstarfi við
SAS. Hafa Flugleiðir varið veru-
legu fé til að auglýsa Grænlands-
ferðir víða um heim. Þegar SAS
hætti millilendingum á flugleið-
inni Kaupmannahöfn-Narssarssu-
aq hófu Flugleiðir þegar í stað
undirbúning þess að taka upp
þráðinn á eigin spýtur svo reglu-
bundnar samgöngur milli íslands
og Grænlands legðust ekki af. Fé-
lagið sótti um og fékk leyfi til að
fljúga áætlunarflug tvisvar í viku
milli Keflavíkur og Narssarssuaq
frá því í júní og fram í ágúst.
Flogið hefur verið á Boeing-þotum
félagsins og sérstakt átak gert til
að auglýsa þetta flug erlendis.
Meðal annars var boðið upp á sér-
ferðir til íslands og Grænlands-
ferð innifalin. Sömuleiðis voru ís-
lendingum boðin sérlega hag-
kvæm kjör í þessu flugi.
Aðsókn í áætlunarflugið til
Narssarssuaq var minni en menn
gerðu sér vonir um. Hins vegar
var ákveðið að halda fast við aug-
lýsta áætlun með það i huga, að
verið væri að byggja upp flug til
framtíðar á þessari leið. Með því
að færa öðrum aðila leyfi til að
sinna áætlunarflugi milli tslands
og Grænlands er búið að svipta
Flugleiðir öllum möguleikum til
að byggja upp og treysta þennan
markað. Félagið á því ekki ann-
arra kosta völ en hætta rekstri á
þessari áætlunarleið þegar í stað.
Farþegar sem eiga staðfestar bók-
anir munu eiga völ á öðrum ferð-
um í staðinn, til dæmis til Kulus-
uk, en leiguflugi verður haldið
áfram þangað.
Þeir sem þess óska frá farseðla
sína endurgreidda.
Leyft að
veiða 1100
hreindýr
ÁÆTLAÐ er að hreindýraveiðar
hefjist 20. ágúst nk. og að þeim Ijúki
20. september, samkvæmt þeim upp-
lýsingum sem Mbl. aflaði sér hjá
Runólfi Þórarinssyni, fulltrúa í
menntamálaráðuneytinu.
Runólfur sagði að á þessu tíma-
bili yrði leyft að veiða 1.100 dýr en
í fyrra hefði verið leyft að veiða
með öllum viðbótarleyfum 865
dýr. Hins vegar hefðu þá einungis
veiðst um 760 hreindýr. Runólfur
sagði einnig að í sumar hefði
hreppsnefnd Jökuldalshrepps
heimild til að sjá um hreindýra-
veiðar í hreppnum til reynslu og
að hún gæti því veitt íslenskum
sportveiðimönnum, sem fullnægja
öllum skilyrðum, leyfi til að fella
hreindýr undir eftirliti hreindýra-
eftirlitsmanns.
Þá hefur hreppstjórinn í Helgu-
staðahreppi kært veiðimenn fyrir
ólöglega hreindýraveiði í fyrra
innan hreppsmarkanna. Kæran
hefur nú verið send til ríkissak-
sóknara.
DAIHATSU 850
háþekjusendibíll
Nýr og frábær valkostur fyrir þá sem þurfa lítinn, sparneytinn en
rúmgóöan sendibíl vegna eigin atvinnureksturs eða annarra nota.
Verð aðeins kr. 185.300.- með öllu
QAlHATSU J
. V
Þetta er DAIHATSU 850
3 heteösludyr
3 strokka 850cc 41 hö din vél
(hln frábæra DAIHATSll CHARADE vél
í nýrri útfærslu)
Eigin þyngd 740 kg
Buröarþot 680 kg
12“ hjólbaröar
Snúningsradíus 4,0 m
Lengd 3,20 m
Breidd 1,40 m
Hæö 1,90 m
HaBð undir lægsta punkt 17,5 cm
Til afgreiðslu
strax
Vidurkennd gæði, viðurkennd þjónusta.
DAIHATSU-umboðið,
Ármúla 23, 85870 — 81733.