Morgunblaðið - 30.03.1984, Blaðsíða 18
18
MORGUNBLAÐIÐ, FÖSTUDAGUR 30. MARZ 1984
Frá starfsemi skólans.
Bernharð Haraldsson, skólameistari
Verkmenntaskólans á Akureyri.
Verkmenntaskólinn á Akureyri tekur til starfa í haust:
Nemendur verða allt að 1000
Rætt við Bernharð Haraldsson, skólameistara
Akureyri, 17. mar.s.
A Eyrarlandshoitinu, þar
sem áður var golfvöllur Ak-
ureyringa, rísa nú byggingar,
sem hýsa eiga Verkmennta-
skólann á Akureyri í framtíð-
inni. Skólinn mun taka til
starfa á hausti komanda og
verða þá verulegar breyt-
ingar á tilhögun skólahalds á
framhaldsskólastigi. Upphaf
verkmenntaskólans, í núver-
andi mynd, má rekja til þess
að á árinu 1981 er gerður
samningur milli Akureyrar-
kaupstaðar og ríkissjóðs um
að á Akureyri skyldi reistur
og rekinn verkmenntaskóli
og skyldi hann vera annar
meginskóli á framhalds-
skólastigi í bænum (auk
Menntaskólans á Akureyri)
og taka við hlutverki eftirtal-
inna skóla: Iðnskólans á Ak-
ureyri, Hússtjórnarskólans á
Akureyri og framhaldsdeilda
Gagnfræðaskóla Akureyrar.
29. ágúst 1981 tók þáverandi
menntamálaráðherra, Ingvar
Gíslason, fyrstu skóflustungu við
fyrsta áfanga skólans. Heildar-
grunnflötur hússins verður um
8100 fermetrar og rúmmál 31.000
rúmmetrar. Nú þegar hefur verið
byggt yfir málmsmíðadeild skól-
ans, um 900 fermetra húsnæði, og
fokheld er bygging fyrir vélstjóra-
nám, um 600 fermetrar, og unnið
er að innréttingum þar og mun
kennsla geta hafist í því húsnæði
næsta haust. Húsnæði málmiðn-
aðardeildar var formlega tekið í
notkun í janúar 1983. Á næsta
vetri verða því í eigin húsnæði
skólans þessar tvær deildir, þ.e.
málmsmíða- og vélstjórnardeild,
auk þess sem verknám rafvirkja
og bifvélavirkja fær þar bráða-
birgðaaðstöðu.
Að öðru leyti mun kennsla við
skólann væntanlega fara fram í
húsnæði Gagnfræðaskóla Akur-
eyrar og í nýju íþróttahöllinni, þar
sem innréttaðar hafa verið skóla-
stofur til bráðabirgða. Auk þess
verður kennt í húsnæði í iðnskóla-
og hússtjórnarskólunum gömlu.
Bernharð Haraldsson tók við
starfi skólameistara hins nýja
verkmenntaskóla 1. júní á síðasta
ári og hefur síðan unnið að skipu-
lagningu skólastarfs í samvinnu
við skólanefnd Verkmenntaskól-
ans á Akureyri. Bernharð hefur
lengst af starfað sem kennari við
Gagnfræðaskólann á Akureyri og
m.a. gegnt starfi skólastjóra þar í
forföllum. Hann var spurður um
fyrirhugað skólastarf.
— Skólinn verður framhalds-
skóli, sem tekur við nemendum að
loknu grunnskólaprófi og verður
starfræktur samkvæmt námsskrá
um framhaldsskóla á Norðurlandi.
Eftirfarandi námsbrautir skulu
vera við skólann samkvæmt samn-
ingi: Heilsugæslusvið, sem út-
skrifa á sjúkraliða í samvinnu við
Fjórðungssjúkrahúsið á Akureyri
og veita nemendum fullgild starfs-
réttindi. Hússtjórnarsvið, einkum
í formi námskeiða, auk matvæla-
brauta. Tæknisvið, þ.e. almennt,
samningsbundið iðnnám, verklegt
nám í málm-, raf- og tréiðnum
auk framhaldsnáms í vélsmíði og
húsasmíði, vélstjórnarnám, tvö
fyrstu stigin, auk frumgreina-
deilda tækniskóla og tækniteikn-
unar. Uppeldissvið og viðskipta-
svið, auk fornáms fyrir þá nem-
endur, sem ekki hafa lokið grunn-
skólanámi með fullnægjandi
árangri. Námsbrautir verða al-
mennt 2—4 ár og eru fyrst og
fremst hugsaðar til þess að veita
fólki starfsréttindi í atvinnulífinu.
Hvað með aðsókn í slíkt nám?
— Við framhaldsdeildir Gagn-
fræðaskólans á Akureyri hefur
nemendum fjölgað um 83% á síð-
ustu tveim árum, úr 192 í 351 nem-
anda. Þar munar mest um aukn-
ingu á viðskiptasviði. Við Iðn-
skólann á Akureyri varð aukning
nemenda milli áranna 1982 og 183
um 40%. Þetta sýnir okkur að
ungt fólk virðist í auknum mæli
horfa til slíks náms. Nám í verk-
menntaskóla gefur viss starfsrétt-
indi, auk þess sem það útilokar
ekki áframhaldandi nám, jafnvel
á háskólastigi. Ungt fólk virðist í
auknum mæli sækjast eftir slíkum
valkosti í námi.
Hvernig á að koma nemendum
skólans fyrir þar til húsnæði er
fullbyggt?
— Fyrirsjáanlegt er að hús-
næðisskortur kemur til með að
verða mikill hjá okkur, einkum í
bóklegum greinum. í verklegum
greinum er þegar vel séð fyrir
málmiðnaðardeild og vélstjóm-
ardeild, auk þess sem bráða-
birgðahúsnæði er fengið fyrir
raflagna- og bifvélavirkjadeildir.
Bóknámsrými fæst í húsnæði
Gagnfræðaskólans og Iðnskólans,
auk kennslurýmis til bráðabirgða
í nýju íþróttahöllinni. Gerð hefur
verið byggingaráætlun fyrir skól-
ann til næstu tveggja ára og er
þar gert ráð fyrir byggingum upp
á um 3000 fermetra undir stjórn-
unarálmu, mötnuneyti, bókasafn
og lestraraðstöðu nemenda, auk
þess sem um helmingur þess rým-
is mun tekinn undir bóklega
kennslu. Á þessu ári fær skólinn
til nýbyggingar frá ríkissjóði 12
millj. kr. og frá bæjarsjóði Akur-
eyrar 8 millj. kr. eða samtals 20
millj. kr. Fyrir þessa upphæð von-
umst við til að geta gert bók-
námsrými fokhelt í haust og full-
byggt haustið 1985. Þangað til
verður málum bjargað í horn og
húsnæði leigt til skólastarfsins.
Eitt er víst, að ekki má koma til
þess að neita verði nemendum um
skólavist vegna húsnæðisvand-
ræða. Það má aldrei gerast í
skólastarfi. Fyrstu nemendur
verkmenntaskólans, sem koma til
náms í haust, verða á vinnumark-
aði til ársins 2033, þannig að við
erum ekki bara að hugsa til
morgundagsins. Langtímasjón-
armið verða að ráða. Þetta unga
fólk á að sjá um rekstur þjóðfélags
okkar langt fram á næstu öld, við
verðum að sjá því fyrir fullnægj-
andi menntunarskilyrðum og auð-
velda því þau. Einnig má líta til
þess að fyrirsjáanlegt er að full-
orðinsfræðsla mun færast veru-
lega í aukana á næstu árum og
mun færast inn í þennan nýja
skóla auk endurmenntunar á ýms-
um sviðum, sem á vafalaust eftir
að aukast í framtíðinni. Um það
eru allir sem nálægt skólamálum
koma sammála. Þegar skólinn
verður fullbyggður er stefnt að því
að húsnæði hans verði í notkun
alla daga fram á kvöld, á daginn
fyrir almenna kennslu og síðan
fyrir endurmenntun og námskeið.
Helst af öllu ætti að nýta húsnæð-
ið um helgar líka, I slíku húsnæði
á helst alltaf að loga ljós sem
merki þess að þar sé verið að læra
og lesa.
Hvað um væntanlegan
nemendafjölda?
— Gert er ráð fyrir 700—750
reglulegum nemendum fyrsta
starfsárið, auk 300 á ýmiss konar
námskeiðum. Skólinn á að sinna
Norðurlandi eystra á sínu sviði.
Við gerum ráð fyrir að 70% nem-
enda verði frá Ákureyri, og 30%
annars staðar úr fjórðungnum.
Og hvað með heimavistarhús-
næði handa þessum 30% ?
— Starfandi er á vegum skól-
anna og bæjarstjórnar Akureyrar
nefnd, sem unnið hefur að könnun
á húsnæðisþörf aðkomunemenda í
bænum. Þar hefur verið unnið
nokkurt undirbúningsstarf og
væntanlega liggur álit nefndar-
innar fyrir bráðlega og við treyst-
um á velvilja bæjaryfirvalda þeg-
ar ljóst verður til hvaða ráða þarf
að grípa til þess að koma þessum
málum í gott horf til frambúðar.
Þar til svo verður munum við, eins
og verið hefur, treysta á bæjarbúa
um að leiguhúsnæði bjóðist. Ljóst
er þó, að fram til þess tíma að
heimavistarmál skólanna verða
leyst, munu nemendur þurfa að
sæta almennum leiguskilmálum í
bænum varðandi kostnað við bú-
setu.
Hvað um fleiri námsbrautir en
þegar eru fyrirhugaðar?
— Okkur er ætlað að taka upp
fleiri námsbrautir, en meðan hús-
næði er ekki fyrir hendi er okkur
þröngur stakkur skorinn. Þó má
geta þess að menntamálaráðherra
gaf út heimild í nóvember sl. til
skólans um að hann mætti út-
skrifa þegar á fyrsta starfsári
sínu stúdenta á viðskiptasviði og
síðar á uppeldis- og heilbrigðis-
sviði. Sú heimild verður notuð.
í lok spjalls okkar við Bernharð
Haraldsson, skólameistara Verk-
menntaskólans á Akureyri, sagði
hann:
— Með Verkmenntaskólanum
og Menntaskólanum á Akureyri,
ásamt öðrum skólum á Akureyri
og í fjórðungnum, held ég að vel sé
séð fyrir skólamenntun á svæðinu.
Stórt átak þarf að gera til þess að
merki skólabæjarins Akureyrar
verði ekki látið síga, merki sem
skólar þeir sem fyrir eru í bænum
hafa haldið uppi með miklum
sóma undanfarna áratugi.
GBerg.