Morgunblaðið - 10.05.1984, Blaðsíða 41
tser Iam iii HunAauTf/MT'í aTaA.mvnTrtaowT
MORGUNBLAÐIÐ, FIMMTUDAGUR 10. MAÍ 1984
0*1
Vorpistill úr Saurbænum:
Fiskirækt er mönn-
um ofarlega í huga
Hvoli, 2. maí.
Það hefur vorað vel í Saurbæn-
um eins og annars staðar á land-
inu, síðari hluti aprílmánaðar var
einstaklega góður, og mildir og
hlýir apríldagar hafa eins og fært
líf og yl inn í sálir manna og mild-
að vetrarþreytu og áhrif erfiðs tíð-
arfars undanfarinna mánaða.
Horfa menn nú björtum augum til
komandi tíma, og vænta þess, að
vorið verði áfram gott og milt, það
mundi líka koma sér vel fyrir
bændur, því menn eru almennt
fremur knappir með hey orðið og
því væri það ánægjuleg tilbreyt-
ing, ef hægt yrði að hleypa lamb-
fénu beint út á græn grös í staðinn
fyrir að þurfa að láta bera i húsi
og gefa þar fulla gjöf, sem bæði er
auðvitað fyrirhafnarmikið og
kostnaðarsamt, — og mundi það
þannig spara mörgum aukin út-
gjöld, sem ekki er vanþörf á nú á
tímum samdráttar og erfiðleika,
ekki sízt í landbúnaði, þar sem nú
er kjörorðið að draga úr fram-
leiðslunni en ekki að auka hana.
Það eitt er nægilega erfitt fyrir
áhugasama og duglega búendur að
verða að takmarka umsvif sín í
stað þess að auka og efla bú sitt.
En aðstæður þjóðfélagsins og
breyttar neyzluvenjur manna
krefjast þess beinlínis, að dregið
verði úr hinni hefðbundnu land-
búnaðarframleiðslu.
En ekki dugar að leggja árar í
bát, heldur breyta stefnunni og
leggja á gjöfulli mið. Þannig hafa
menn lítillega farið út í aðrar
búgreinar, þó í smáum mæli sé,
menn eru hér með lítilsháttar
refarækt og svínarækt og fiski-
rækt er mönnum ofarlega í huga,
enda hefur verið stofnuð hér haf-
beitarstöð með aukna hafbeit á
laxi í huga. Binda menn miklar
vonir við þá starfsemi og er von-
andi, að menn almennt hugi betur
kalejdoskop x-84
að því hér á landi að stórauka
fiskeldi í ám og fjörðum, því þar
liggja áreiðanlega miklir mögu-
leikar. En þjóðfélagið verður að
styrkja menn betúr í slíkri at-
vinnuuppbyggingu — það hefur
ekki verið nægilega vel að því
staðið fram að þessu, en augu
manna eru óðum að opnast fyrir
mikilvægi þess að treysta betur
undirstöður stóraukinnar fiski-
ræktar í landinu.
Laugardaginn 28. apríl var
haldinn hér aðalfundur Kaupfé-
lags Saurbæinga á Skriðulandi.
Þetta félag er okkur afar mikil-
vægt, og enda þótt félagssvæðið sé
ekki stórt, þá stendur hagur þess
allvel miðað við allar aðstæður.
Heildarvelta félagsins var á sl. ári
rúmar 43 milljónir og nokkur
rekstrarhagnaður varð á árinu.
Kaupfélagsstjóraskipti urðu nú
um þessi mánaðamót. Úlfar Reyn-
isson frá Kjarlaksvöllum lætur nú
af starfi kaupfélagsstjóra eftir
rúmlega fjögurra ára farsælt starf
við félagið. Hann tekur við starfi
deildarstjóra hjá Kjötiðnaðarstöð
Sambandsins í Reykjavík. Er eft-
irsjón að Úlfari héðan úr sinni
heimasveit, en honum fylgja góðar
óskir héðan um velgengni í nýju
starfi.
Við stöðu kaupfélagsstjóra tek-
ur nú Margrét Jóhannsdóttir,
fæddur Saurbæingur frá Efri-
Múla. Hún hefur lokið verzlunar-
og stúdentsprófi og starfað m.a. í
Búnaðarbankanum í Búðardal, hjá
útibúi Kaupfélags Borgfirðinga á
Akranesi og einnig hjá útibúi
Samvinnubankans þar í bæ.
Fylgja henni góðar óskir okkar
hér í nýju og þýðingarmiklu starfi.
— Ingiberg
- a
MorKunbladið/ Ólafur Már Sinurðsson
Selur í Seyðisfirði
Selur sótti nokkuð inn á Seyðisfjörð í blíðviðrinu á dögunum og spókaði
sig þar í fjörunni innst í firðinum. Voru þar sjö selir í einu og fengu að
njóta sín í friði fyrir mannfólkinu. Sagt er að selurinn sé skynsöm
skepna og kannski er honum kunnugt um að þarna er hann á friðuðu
svæði, innan grjótgarðanna og Grýtár.
Rit um íslenzka
nútímalist gef-
id út í Svíþjóð
MORGUNBLAÐINU hefur borizt
Kalejdoskop fyrsta tölublað 1984
með undirtitlinum Málverk. 1
formála útgefanda segir að ætlun-
in hafi verið að kalla þessa litlu
bók Nýlist en horfið frá því ráði,
enda sé að finna í henni upplýs-
ingar af öðru tagi en einvörðungu
því allra nýjasta í málaralist.
Meðal efnis í þessu stórvandaða og
fallega hefti er grein og mynd-
skreyting eftir Helga Þorgils Frið-
jónsson, Aðalsteinn Ingólfsson
skrifar Att visa sitt rátta ansikte
— Tankar kring islánsk bildkonst
og fylgja með greininni fjölmarg-
ar litmyndir af verkum ungra
listamanna. Sune Nordgren skrif-
ar greinina Islandsbilder. Síðan
eru nokkur Ijóð og eins konar
uppákomur eftir ýmsa listamenn
og svo upplýsingar um starfsemi
ýmissa gallerfa á fslandi.
Mikið úrval af bolum, pilsum, buxum,
kjólum, tækifærisfatnaði og jogging göll-
um. Allt 100% bómull og velúr.
Laugavegi66 S. 23577