Morgunblaðið - 13.07.1984, Blaðsíða 32
OPIÐ ALLA DAGA — ÖLL KVÖLD
AUSTURSTRÆTI22
INNSTRÆTI. SIMI 11340
OPIÐALLA DAGA FRÁ
KL. 11.45 - 23.30
' ~Á US TURSTRÆ ~T 23
INNSTRÆTI. SlMI 1833
FÖSTUDAGUR 13. JÚLÍ 1984
VERÐ í LAUSASÖLU 25 KR.
AXIS fær
pöntun frá
Harrods
í London
HARRODS í London hafa sent Hús-
gagnaverslun Axels Eyjólfssonar
pöntun á húsgögnum frá fyrirtækinu.
Unnið hefur verið að markaðsmálum í
Vestur-Evrópu fyrir ýmis (slensk fyrir-
tæki og hefur Þráinn Þorvaldsson átt
drýgstan þátt í því að þessi pöntun er
til komin.
Eyjólfur Axelsson, framkvæmda-
stjóri AXIS, sagði þetta merkan
áfanga í útflutningi íslenskra hús-
gagna. Húsgögnin verða kynnt í
október ásamt öðrum iðnaðarvör-
um frá íslandi, m.a. frá Hildu hf.
Vandamálið við útflutning hús-
gagna hafa einkum verið mark-
aðsmálin. Sjá nánar viðtal við Eyj-
ólf Axelsson og Pétur B. Lúthersson
á bls. 37.
Bikarleiknum frestað í 5. sinn
Mbl./Friéþjófur.
Leikmenn Akraness-liðsins í knattspyrnu „spá í veðrið“ á Reykjavíkurflugvelli í gær. Þeir áttu að fara til Vestmannaeyja
og leika þar við heimamenn í bikarkeppni KSÍ, en fresta varð förinni til Eyja í fimmta sinn vegna veðurs.
Flugleiðir íhuga kaup á
tveggia hreyfla þotum
„VIÐ HÖFUM verið að íhuga kaup á tveggja hreyfla þotum og þá helst
Boeing 767 eða Boeing 757, en sú síðarnefnda virðist henta okkur
betur,“ sagði Erling Aspelund, framkvæmdastjóri flugrekstrarsviðs
Flugleiða, í samtali við blm. Mbl. í gær. En eins og fram kom í frétt
Mbl. í gær, vinnur bandaríska flugmálastjórnin (FAA) nú að því að
heimilt verði næsta sumar að hefja beint farþegaflug yfir Atlantshafið á
tveggja hreyfla þotum. Hyggja nokkur stór flugfélög, þ.á m. Trans
World, El Al og Air Canada á þann kost, en þau eiga Boeing 767-þotur.
Flugvélar í eigu Flugleiða, sem eru í millilandaflugi nú, eru hins vegar
allar þriggja eða fjögurra hreyfla.
„Boeing 757 er nýkomin á mark-
aðinn og verðið er eitthvað um 40
milljónir dala. Þetta er möguleiki,
sem við höfum verið að velta fyrir
okkur og það lítur út fyrir að þess-
ar vélar henti okkur mjög vel að
mörgu leyti. Endanleg ákvörðun
um hvort við kaupum þær, frekar
en breiðþotur, hefur þó ekki verið
tekin," sagði Erling. Hann kvað
stærð Boeing 757 vera hagstæða,
en hún tekur mest um 218 farþega,
og sagði Erling stefnu Flugleiða í
flugvélakaupum um þessar mund-
ir vera þá, að fjölga vélum en hafa
þær smærri.
„Við höfum ekki áhyggjur af
aukinni samkeppni í kjölfar beins
Atlantshafsflugs annarra flugfé-
laga á tveggja hreyfla þotum. Við
erum í stöðugri samkeppni allt ár-
ið við eina fjörutíu aðila, sem
fljúga á Atlantshafsleiðum og
þetta myndi að mínu áliti ekki
breyta þeirri mynd til eða frá ef af
yrði,“ sagði Erling.
Fáist þeim reglum breytt, að
ekki megi fljúga í meiri fjarlægð
frá flugvelli en svo, að það taki 60
mín. að komast til hans og tíma-
mörkin verði hækkuð í 120 mín.
verður Keflavíkurflugvöllur næsti
varaflugvöllur véla á hinni nýju,
beinu leið yfir Atlantshafið. Erl-
ing Aspelund var inntur eftir því
hvort aukin umferð um Keflavík-
urvöll myndi ekki hafa nein vand-
kvæði í för með sér og svaraði
hann því neitandi. „A.m.k. ekki
eftir að nýja flugstöðin verður
tekin í notkun. Öll þau lönd, sem
við fljúgum til, hafa heimild til
þess að lenda sínum vélum hér,“
sagði hann. „Og æski þau þess
verðum við að verða við því.“
Allar „Airbus“-flugvélar, sem
verið er að framleiða um þessar
mundir, eru tveggja hreyfla og
vitað er, að a.m.k. eitt þýskt flug-
félag, Haback Loyd, hefur flogið
leiguflug á slíkum vélum beint yf-
ir Atlantshafið.
Það myndi hins vegar engu
breyta um flugleiðir íslenskra véla
þó að tveggja hreyfla vélar yrðu
teknar í notkun. En þegar lón R.
Steindórsson, yfirflugstjóri Flug-
leiða, var inntur eftir því hvað slík
breyting hefði í för með sér, sagði
hann að ef hún kæmi til, þyrfti að
stórbæta varaflugvallaraðstöðu
hér á landi.
Boeing 767 (nær) og Boeing 757, sem Flugleiðir hafa íhugað kaup á, en að
sögn Erling Aspelund virðist sú síðarnefnda henta félaginu betur.
Timburhús
reist í Drangey
Bæ, Höfðaströnd, 12. júlí.
ALVEG einstæð heyskapartíð hefur
verið frá byrjun sláttar, sem alltaf er
nokkuð misjafnt á milli bæja, sem var
nú síðari hluta júní til síðustu
mánaðamóta. En undir miðjan júlí í
fyrrá var byrjað að slá í það skiptið.
Heyskapur sumstaðar er kominn
þannig á veg núna, að hérumbil er
búinn heyskapur. Þetta heyrir þó til
ýmissa undantekninga því sums stað-
ar er nýbyrjað. Öll hey eru með
óvenju góðri nýtingu og spretta með
bctra móti. Útlit með kartöflusprettu
er gott og afkoma og útungun fugla
virðist vera ágæt og sjást nú rjúpur,
endur og svanir og aðrir villtir fuglar
með hóp af ungum, sem er fátítt á
þessum tíma árs.
í Drangey fara ferðahópar eins
og áður og virðist mér eyjan hafa
gróið mjög vel síðan ég kom þar
síðast. Nú er verið að byggja timb-
urhús í Drangey, en það hefur
aldrei verið gert fyrr í sögu þjóðar-
innar. Á það að verða skýli fyrir þá,
sem þar dvelja lengri eða skemmri
tíma. Stendur Skagafjarðarsýsla
aðallega að þeirri byggingu. Þeir
sem gist hafa Drangey nú, telja, að
lífríki við eyna hafi nokkuð spillst
síðustu árin, þar sem geldfugl færir
sig æ meira upp í bjarg, og hrekur í
burtu varpfugl af hreiðrum. Hægt
er að veiða svartfugl á fleka við eyj-
una og segja mér þvf kunnugir
menn, að þarna sé gengið á lífríki
náttúrunnar.
Áta í sjó er talin töluverð hér í
Skagafirði, en enginn fiskur nema á
djúpmiðum fyrir utan fjörðinn.
Umferð um vegi er talin meiri en
oft áður og fer það eins og vant er
nokkuð eftir tíðafari á hverjum
stað.
Björn.
Vestmannaeyjar:
Lundaveiði með betra móti
Vestmannaeyjum, 12. júlí.
NÚ ER lundatími í Vestmannaeyj-
um og eru fjölmargir lundaveiði-
menn fluttir út í hinar ýmsu úteyj-
ar, með háfana sína, og munu
dvelja þar í góðu yfirlæti, fjarri
heimsins glaumi, næstu vikurnar.
Búa þeir í veiðikofum og sólar-
hringurinn gengur ekki eftir nein-
um föstum tímasetningum hjá
þeim á „sælueyjunni“. Margir
hafa beðið eftir þessum lundatíma,
allt frá því þeim síðasta lauk í
fyrrasumar, og hjá þeim er það
ekkert mál, að fórna öllu sumar-
fríinu í úteyjarveru. Lundatíminn
hefst í lok elleftu viku sumars og
stendur yfir í sjö vikur.
Mjög góð lundaveiði hefur ver-
ið það sem af er veiðitímabilinu
og skilyrði til veiða verið hag-
stæð, bæði í úteyjum og á heima-
landinu. Sem dæmi um góða
veiði má geta þess, að Jóel Sig-
urðsson, sem á Iaugardaginn var
við veiði í Ystakletti, veiddi
rúmlega eitt þúsund lunda yfir
daginn. Þetta þykir afbragðs
veiði og ekki langt frá veiðimet-
inu, sem er rúmlega 1200 lundar
á einum degi, en það met á Sig-
urgeir Jónasson, ljósmyndari
Morgunblaðsins í Eyjum.
h.k.j.