Morgunblaðið - 20.07.1984, Blaðsíða 2
2
MORGUNBLAÐIÐ, FÖSTUDAGUR 20. JÚLÍ 1984
Eggert Kristjánsson og I lagkaup:
Sækja um leyfi til heildsölu-
dreifingar innlendra kartaflna
Grænmetið undirbýr stofnun tveggja pökkunarstöðva
TVÖ fyrirtæki í Reykjavík, Eggert Kristjánsson & co hf. og Hagkaup hf.,
hafa sótt um leyfi til Framleiðsluráðs landbúnaðarins til að versla með
kartöflur og fleira grænmeti í heildsölu. Fyrirtækin auglýstu f sumar eftir
viðskiptum við kartöflubændur og segja forráðamenn fyrirtækjanna að
nokkrir bændur hafi lýst áhuga sínum á að selja þeim kartöflur en fyrirtækin
gætu ekki gengið til samninga við þá fyrr en þau hefðu fengið leyfi Fram-
leiðsluráðs. Fyrirtækin hafa ekki fengið svar frá Framleiðsluráði. Grænmet-
isverslun landbúnaðarins undirbýr stofnun kartöflupökkunarstöðva í
Þykkvabæ og í Eyjafirði og opnun grænmetismarkaðar í Reykjavík
Gísli V. Einarsson fram-
kvæmdastjóri hjá Eggerti Krist-
jánssyni sagði í samtali við Mbl. f
gær að fyrirtæki hans hefði í síð-
ustu viku sótt um leyfi til að selja
kartöflur, gulrófur, gulrætur og
hvers kyns gróðurhúsaframleiðslu
í heildsölu og óskað eftir svari í
þessari viku. Sagði hann að í
framhaldi af auglýsingu í sumar
hefðu nokkrir bændur lýst áhuga
sínum á viðskiptum við fyrirtæk-
ið. Nöfn þeirra hefðu verið skrifuð
niður og farið með þau sem trún-
aðarmál, en ekki væri hægt að
ganga til samninga við þá fyrr en
leyfi Framleiðsluráðs fengist.
Sagðist Gísli vera þess fullviss að
ef leyfi fengist fengju þeir inn-
lenda framleiðslu til sölu. Gfsli
sagði að fyrirtækið hefði talið rétt
að ganga þannig hreint til verks
og sækja um leyfið áður en þessar
vörur kæmu á markaðinn þrátt
fyrir að hugsanlegt væri að líta
þannig á að þau fyrirtæki sem
flyttu inn kartöflur hefðu fengið
leyfi til að versla með þær í heild-
sölu.
Sigurður Gísli Pálmason fram-
kvæmdastjóri hjá Hagkaupum
sagði í samtali við Mbl. að fyrir-
tækið hefði sótt um leyfi til dreif-
ingar á innlendum kartöflum f
samræmi við Framleiðsluráðslög-
in. Sagði hann að Hagkaup væri f
viðræðum við kartöflubændur en
nokkrir bændur hefðu lýst áhuga
sinum á viðskiptum í framhaldi af
auglýsingunni í sumar.
Grænmetisverslun landbúnað-
arins er með i undirbúningi að
setja á stofn mats- og pökkunar-
stöðvar fyrir kartöflur f Þykkva-
bæ og f Eyjafirði. Gunnlaugur
Björnsson forstjóri Grænmetis-
verslunarinnar sagði i samtali við
blm. Mbl. í gær að áhugi hefði ver-
ið á þessu máli í rúmt ár, það væri
enn á undirbúningsstigi en vonast
væri til að hægt yrði að koma
stöðvunum upp f haust eða fyrri-
hluta vetrar. Sagði hann að
stofnkostnaður við hvora stöð
væri áætlaður 4 til 5 milljónir kr.
Grænmetisverslunin er nú með
pökkunarstöð í húsaskynnum sín-
um í Reykjavík og verður hún að
sögn Gunnlaugs starfrækt áfram.
Gunnlaugur sagði einnig að í und-
irbúningi væri að setja upp
grænmetismarkað á jarðhæð húss
Grænmetisverslunarinnar í
Reykjavík og hefði Sölufélagi
garðyrkjumanna verið boðin
þátttaka f honum. Fyrirhugað er
að opna markaðinn í haust.
Morgunblaöið/Friðþjófur
Óvenjulegur árekstur í Lœkjargötu
Þennan sérkennilega árekstur nokkru móti hægt að fá upplýs- lögreglubíllinn er að gera á öf-
gat að líta í Lækjargötunni í ingar hjá lögreglunni um hvað ugri akrein miðað við akst-
gærdag. Þrátt fyrir margítrek- gerst hefði i þessu tilviki. Hvað ursstefnu er því hulin ráðgáta.
aðar tilraunir var ekki með
Verðmæti ógreiddra frystra sjávarafurða og birgða:
Allt að 4,2 milljarðar
Erlendar langtímaskuldir sjávarútvegsins 16,2 %af heildinni
INNLENT
ENDURKEYPT afurðalán í Seðla-
banka íslands vegna sjávarútvegs-
ins eru nú alls um 3,3 milljarðar
króna, þar af vegna frystra afurða
einungis 1,9 milljarður. Sam-
kvæmt því má áætla að verðmæti
ógreiddra sjávarafurða og birgða
nemi allt að 7 milljörðum króna
og verðmæti ógreiddra frystra af-
urða og birgða því allt að 4,2 millj-
örðum króna.
Inni í heildarupphæðinni er
skreið talin og metin á ákveðnu
verði, sem óljóst er hvort stand-
ist. Eftir því, sem þó verður næst
komizt, munu nú vera 1 landinu
um 240.000 pakkar af skreið og
100.000 pakkar af hertum haus-
um og áætlað verðmæti þess um
1,1 milljarður samanlagt.
Um síðustu áramót voru er-
lendar langtímaskuldir sjávar-
útvegsins taldar nema um 5,9
milljörðum króna eða um 16,2%
af erlendum langtímaskuldum
þjóðarinnar, sem þá námu um
36,3 milljörðum króna. Á síðasta
ári var útflutningsverðmæti út-
fluttra sjávarafurða 12,7 millj-
arðar króna eða 68% af gjald-
eyristekjum þjóðarinnar vegna
vöruútflutnings, sem námu 18,6
milljörðum króna.
Erlendar langtímaskuldir
þjóðarinnar um áramót skiptust
þannig, að 50,4% þeirra voru
vegna orkumála, 16,2% vegna
sjávarútvegs, 12,7% vegna
opinberrar þjónustu, 10,3%
vegna samgangna, 8% vegna
iðnaðar og óskilgreind eru 2,4%.
Skuldir þessar voru þá 60,6% af
þjóðarframleiðslunni.
Samningavið-
ræðurnar um
álið ganga vel
í GÆRMORGUN hófst viðræðu-
fundur samninganefndar um stór-
iðju og fulltrúa Svissneska álfélags-
ins um málefni álversins í Straums-
vík. Sverrir Hermannsson iðnaðar-
ráðherra sagði í samtali við Morgun-
blaðið í gær að viðræðurnar hefðu
gengið vel eftir því sem hann hefði
fengið fregnir af og væri hann sæmi-
lega ánægður með gang mála.
Búist er við að viðræðurnar
standi einnig allan daginn í dag.
Jóhannes Nordal, formaður samn-
inganefndarinnar, sagði í samtali
sem birtist í Mbl. í gær að farið
yrði yfir alla þætti málsins en
bjóst þá ekki við að fundunum lyki
með endanlegu samkomulagi.
Ekki náðist í Jóhannes í gær-
kvöldi.
Sjálfstæðisflokkurinn:
Ræddu verkefnaáætl-
un ríkisstjórnarinnar
MH>STJÓRNAR- og þingflokksfundur
Sjálfsteðisnokksins var haldinn i
Laugarvatni í gær. Til fundarins var
boðað með það fyrst og fremst í huga
að ræða stjórnarsamstarfið við Fram-
sóknarfiokkinn og verkefnaáætlun rík-
isstjórnarinnar, en viðræður um hana
hefjast í ágúst. Engar ákvarðanir voru
teknar, en skipst var á skoðunum um
efnahagsmál og hugsanlegar aðgerðir.
Málefni landbúnaðar og sjávarútvegs
voru rædd sérstaklega.
Að sögn Þorsteins Pálssonar,
formanns Sjálfstæðisflokksins, lagði
hann fram ákveðnar hugmyndir, að
því er varðar málefni og vinnubrögð,
og var það samþykkt að halda áfram
á þeim grundvelli. Aðspurður sagðist
Þorsteinn Pálsson, ekki vilja á þess-
ari stundu greina frá hvaða hug-
myndir þetta væru, en sagði að ann-
ar fundur yrði haldinn 15. ágúst nk.
til að komast að endanlegum niður-
stöðum í þessu efni.
Almennur fundur f Grímsneshreppi:
Hreppsnefndinni heimilað
að kaupa jörðina Ásgarð
ALMENNUR hreppsfundur, sem haldinn var á Borg á miðvikudagskvöld,
samþykkti tillögu um að heimila hreppsnefnd Grímsneshrepps að kaupa
jörðina Ásgarð í Grímsnesi samkvæmt dómi Hæstaréttar frá 6. júlí 1984.
Tillagan var samþykkt samhljóða. Böðvar Pálsson, varaoddviti Grímsnes-
hrepps, sagði í samtali við Mbl. að þrír aðilar á höfuðborgarsvæðinu
hefðu boðist til að styrkja hreppinn í kaupum á jörðinni Ásgarði gegn því
að þeir fengju þar m.a. veiðiréttindi og lóðir undir sumarbústaði. Hann
sagði að ekki hefði verið tekin endanleg afstaða til þeirra boða, en það
yrði gert innan tíðar.
„Ég held að það hafi verið
nauðsynlegt fyrir okkur að fá
þennan dóm að því leyti til, að
hann hlýtur að verða stefnu-
markandi fyrir sveitarfélög. í
jarðalögum stendur að meta eigi
jarðir eftir búskaparmöguleikum
og ekki verðleggja þær hærra en
svo að hægt sé að reka á þeim
búskap. Það sjónarmið varð hins
vegar ekki ofan á í undirrétti,
eignarnámslögin voru látin gilda
og það sama staðfesti Hæstirétt-
ur,“ sagði Böðvar Pálsson.
í dómi Hæstaréttar segir að
Grímsneshreppur eigi rétt á að
neyta kaupréttar á jörðinni innan
fjögurra vikna frá því honum er
boðin jörðin til kaups, eða hann
krefst kaupa. Hæstiréttur hækk-
aði forkaupsverð á jörðinni úr
12.861.500 krónum, sem undir-
réttur dæmdi 115.136.500 krónur.
Með dómi þessum var gengið að
kröfu eiganda jarðarinnar, dán-
arbús Helgu Jónsdóttur, eins og
hún var sett fram í héraði, þ.e. að
hæfilegt endurgjald fyrir jörðina
Ásgarð sé kr. 15.136.500. Þessari
kröfu var breytt við munnlegan
flutning málsins fyrir Hæstarétti
á þá lund að dæmt yrði að hæfi-
legt endurgjald fyrir jörðina væri
31.453.862 krónur. Lögmaður dán-
arbúsins lagði fram framreikning
fjárhæðarinnar á grundvelli
lánskjaravísitölu miðað við
október 1982, er málið var dóm-
tekið I héraði og til þess er það
var flutt í Hæstarétti. Þessi krafa
var ekki talin koma til álita í
Hæstarétti.
I dómi Hæstaréttar segir að við
ákvörðun á því verði, er dánarbú-
ið á rétt á fyrir jörðina Ásgarð,
hafi m.a. verið haft í huga, að
lönd á þessum slóðum séu eftir-
sótt fyrir sumarbústaði, og enn-
fremur að Ásgarði fylgi verð-
mætur veiðiréttur f Sogi. Fram
kemur, að með hliðsjón af for-
sendum dómsins og verðlags-
þróun hér á landi frá því dómur
féll í undirrétti þyki rétt að taka
tillit til kröfu dánarbús Helgu
Jónsdóttur í héraði um 15.136.500
króna verð fyrir jörðina.
Mál þetta dæmdu hæstarétt-
ardómararnir Þór Vilhjálmsson,
Björn Sveinbjörnsson, Guðmund-
ur Jónsson, Magnús Thoroddsen
og Arnljótur Björnsson, prófess-
or. Tveir dómarar, þeir Björn
Sveinbjörnsson og Guðmundur
Jónsson, skiluðu sératkvæði þar
sem fram kemur að þeir telji að
land jarðarinnar austan Sogsveg-
ar sunnan Ásgarðsár hafi verið
metið of hátt, en það hefur áður
verið nýtt til landbúnaðar. Lög-
maður dánarbús Helgu Jónsdótt-
ur var Guðmundur Ingvi Sigurðs-
son hrl. og lögmaður hrepps-
nefndar Grímsneshrepps var Ingi
Ingimundarson hrl.