Morgunblaðið - 22.07.1984, Blaðsíða 24

24
MORGUNBLAÐIÐ, SUNNUDAGUR 22. JÚLÍ 1984
MORGUNBLAÐIÐ, SUNNUDAGUR 22. JÚLÍ 1984
25
pitargiúi Utgefandi * hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen, Styrmir Gunnarsson.
Aðstoöarritstjóri Björn Bjarnason.
Fulltrúar ritstjóra Þorbjörn Guömundsson, Björn Jóhannsson, Árni Jörgensen.
Fróttastjórar Freysteinn Jóhannsson, Magnús Finnsson, Sigtryggur Sigtryggsson, Ágúst Ingi Jónsson.
Auglýsingastjóri Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 275 kr. á mánuöi innanlands. (lausasölu 25 kr. eintakiö.
Kommúnistar
úr stjórn
Francois Mitterrand,
Frakklandsforseti, gerði
róttækar breytingar á frönsku
ríkisstjórninni í vikunni. Með
því að skipa Laurent Fabius
aðeins 37 ára forsætisráðherra
er Mitterrand að leitast við að
losa stjórn sína úr þeim hug-
myndafræðilegu viðjum sósí-
alisma og ríkisafskipta sem
sett hafa svip sinn á stjórn
Frakklands á þeim þremur ár-
um sem vinstrisinnar hafa
farið með völd í landinu eftir
aldarfjórðung 1 stjórnarand-
stöðu. Samhliða því sem vegur
Francois Mitterrand hefur
vaxið á alþjóðavettvangi
vegna hreinskiptni hans og
áræði ekki síst andspænis al-
ræðisstjórn Kremlverja hafa
vinsældir stjórnar hans heima
fyrir farið síminnkandi.
Margvíslegur vandi steðjar
að í efnahagsmálum, mennta-
málum og sveitarstjórnar-
málum svo að dæmi séu tekin.
Kosningar til þings Evrópu-
bandalagsins 17. júní síðast-
liðinn staðfestu fylgisminnkun
vinstrisinna. Francois Mitt-
errand þótti of að sér kreppt.
Hann hefur gert tvær ráðstaf-
anir til að breyta stöðu sinni. í
fyrsta lagi vill hann þjóðar-
atkvæðagreiðslur um fleiri
mál en áður svo að unnt verði
að gera út um hugsjónamál
sósíalista til dæmis um að
banna einkaskóla af þjóðinni
allri. 1 öðru lagi efndi hann til
stjórnarskiptanna sem lyktaði
ekki aðeins með því að nýr for-
sætisráðherra tók við heldur
einnig hinu að franski komm-
únistaflokkurinn hætti stjórn-
araðild.
Franski kommúnistaflokk-
urinn undir formennsku
Georges Marchais hefur lagt
blessun sína yfir störf og
stefnu Kremlverja í einu og
öllu hvort heldur um er að
ræða innrásina í Afganistan
eða ofbeldið gagnvart Andrei
Sakharov svo að nýleg dæmi
séu tekin. Francois Mitterrand
var Moskvuhollusta flokksins
ljós þegar hann samdi við
hann um sameiginlega stefnu-
skrá og kosningasamstarf í
upphafi áttunda áratugarins.
Mitterrand taldi hins vegar að
sósíalistar gætu aldrei náð
völdum í Frakklandi nema í
samvinnu við kommúnista
hvað svo sem yrði um þá eftir
að völdunum væri náð. í 17 ár
sóttist Mitterrand eftir
franska forsetaembættinu og
þremur árum eftir að það
markmið náðist hrökklast
kommúnistar úr stjórn hans,
fylgi rúnir og í upplausn. Til
marks um fylgishrun komm-
únista nægir að nefna að í
Evrópukosningunum 1979
hlutu þeir 20% atkvæða en að-
eins 11% 17. júní síðastliðinn.
Það ætti ekki að koma ís-
lendingum á óvart að komm-
únistar séu ekki hæfir til
stjórnarsetu. Eftir fimm ára
setu þeirra í ríkisstjórnum hér
á landi var verðbólgan yfir
130%, skuldasöfnun í útlönd-
um komin á hættulegt stig og
eðlilegri atvinnuþróun hafði
verið stefnt í voða. Enn erum
við að súpa seyðið af þeim
ósköpum. Franskir kommún-
istar segjast styðja nýju ríkis-
stjórnina en þess verður lík-
lega ekki langt að bíða að þeir
telji sig þurfa að sýna vald sitt
og beiti verkalýðsfélögum í því
skyni. Slíkar aðferðir koma ís-
lendingum ekki heldur á óvart.
Danskur
sjónvarps-
þáttur
að var fróðlegt að sjá
danska sjónvarpsþáttinn
á föstudagskvöldið sem gerður
var í tilefni af 40 ára afmæli
lýðveldis á íslandi. Dönsku
sjónvarpsmenninrnir stöldr-
uðu einkum við sjónarmið
þeirra sem urðu undir ef svo
má segja þegar ákveðið var að
stofna lýðveldið 17. júní 1944.
Sem talsmann þeirra sem
urðu ofan á völdu þeir Einar
Olgeirsson sem var í hópi
þeirra er stofnuðu Kommún-
istaflokk íslands 1930 og hefur
aldrei horfið frá stuðningi sín-
um við markmið Kremlverja
og heimskommúnismans.
Lýsti Einar því yfir andmæla-
laust í þættinum að allt frá
því að ísland hlaut sjálfstæði
hafi það verið hernumið af
Bandaríkjamönnum og væri
því í raun ekki í tölu sjálf-
stæðra og fullvalda ríkja. Með
þessum hætti tókst hinum
dönsku sjónvarpsmönnum að
gera þátt sinn ankannalegan í
augum íslendinga svo að vægt
sé til orða tekið og gefa þeim
sem ekki þekkja stiórnmála-
sögu kommúnista á lslandi al-
ranga mynd af viðhorfum
meginþorra þjóðarinnar.
Hvort sem klaufaskapur, van-
þekking eða ásetningur réð
ferð sjónvarpsmannanna er
ámælisvert hve illa tókst til að
þessu leyti í þætti sem sýndi
Islendingum aðra hlið á stofn-
un lýðveldisins en þeir eiga að
venjast.
Síðastliðið þriðjudagskvöld
var ný prentvél Morgun-
blaðsins tekin í notkun í
fyrsta áfanga nýs Morg-
unblaðshúss, sem nú er í
byggingu í nýja miðbæn-
um við Kringlumýrar-
braut. Blaðið, sem lesendur fengu í
hendur miðvikudaginn 18. júlí sl., var
því fyrsta blaðið, sem prentað var í
hinni nýju blaðapressu. Hún er stærsta
og fullkomnasta prentvél sinnar teg-
undar, sem sett hefur verið upp hér á
landi. Prentun blaðsins í nýju pressunni
er enn á tilraunastigi. Hún hefur gengið
mjög vel frá því á þriðjudagskvöld. Ein-
hverjir byrjunarörðugleikar eru þó
jafnan á ferðinni, þegar slík tæki eru
tekin í notkun, en þeir hafa ekki verið
meiri en búast mátti við. Nokkrar tafir
urðu á prentun föstudagsblaðs Morgun-
blaðsins af þeim sökum og var hluti þess
borinn til kaupenda síðar en venja er til.
Morgunblaðið vonast til þess, að lesend-
ur sýni umburðarlyndi vegna tafa, sem
kunna að verða fyrstu dagana.
Undanfarnar vikur og mánuði hafa
þýzkir og brezkir starfsmenn þýzku
prentvélasmiðjunnar og undirverktaka
hennar unnið við uppsetningu vélarinn-
ar. Fyrr á árinu fóru prentarar Morgun-
blaðsins til Hollands, þar sem þeir
fengu þjálfun í að stjórna prentvélinni
og hefur sú þjálfun haldið áfram síðustu
vikur hér heima.
Á 70 ára afmæli Morgunblaðsins hinn
2. nóv. sl. var þessari prentvél, sem er
hin fjórða í sögu Morgunblaðsins, lýst á
þennan veg;
„Hin nýja prentvél Morgunblaðsins,
sem væntanlega verður tekin í notkun á
miðju næsta ári, getur prentað 128 síður
i einu, þar af 16 síður í 4 litum og 16
síður með aukalitum. Hraðinn er 30.000
eintök á klst., en getur farið upp í
60.000, en þá er síðufjöldi takmarkaður
við 64 síður. Rúlluskipting fer fram á
fullri ferð. Svo til öll stjórnun vélarinn-
ar fer fram frá sérstöku stjórnborði.
Allar stillingar eru fjarstýrðar og
margar er hægt að framkvæma á fullri
ferð. Vélin verður öll hljóðeinangruð og
nánast lokuð þannig að hávaði er mjög
lítill miðað við það sem þekkist í dag.“
Prentvél þessi er smíðuð hjá þýzka
prentvélafyrirtækinu Koenig und Bauer
og er af gerðinni Express 60.
Á 70 ára afmæli Morgunblaðsins
sagði ennfremur
„Hin nýja prentvél kallar á aukna
pökkunartækni. Morgunblaðið hefur því
jafnframt gert samning um kaup á nýj-
um og fullkomnum pökkunartækjum
frá Ferag í Sviss, sem er þekkt fyrirtæki
á því sviði. Færibönd frá því fyrirtæki
hafa valdið byltingu í meðferð blaða og
tímarita. Færibandinu er stjórnað af
tölvu, sem getur ráðið flæði blaða í allar
áttir, en sérstakt grip tekur hvert blað
fyrir sig og þykir það óvenjuleg nýjung."
Aukin
þjónusta
Þýðing þessara nýju tækja fyrir
Morgunblaðið, lesendur þess og auglýs-
endur, svo og starfsfólk blaðsins er fyrst
og fremst sú, að blaðið mun á næstu
mánuðum geta aukið þjónustu sína við
lesendur og aðra viðskiptamenn veru-
lega.
Morgunblaðið er fyrir alllöngu búið
að sprengja utan af sér þann stakk sem
gamla prentvélin, sem tekin var í notk-
un árið 1973, setti stærð blaðsins. í
þeirri prentvél var hægt að prenta 48
síður í einu og 32 síður, ef 4 lita auglýs-
ingar eða litmyndir voru í blaðinu.
Þetta hefur leitt til þess á undanförnum
misserum, að í auknum mæli hefur
þurft að prenta tvö blöð eða fleiri, sem
valdið hefur margvíslegu óhagræði í
vinnslu og jafnvel það hefur ekki dugað
til, þar sem vöxtur blaðsins hefur verið
mjög ör. Stóraukin eftirspurn hefur ver-
ið eftir rými undir margvíslegt efni,
greinar og fréttir og aðra upplýsinga-
REYKJAVÍKURBRÉF
Laugardagur 21. júlí
miðlun, svo og hefur auglýsingamagnið
í blaðinu aukizt mjög.
Nú verður unnt að prenta blaðið í
einu lagi og fleiri síður á degi hverjum,
ef nauðsyn krefur, þannig að hlutfallið
milli efnis og auglýsinga verður eðli-
legra og jafnara en áður. Þetta þýðir
ekki, að blaðið verði daglega í há-
marksstærð. Forráðamönnum Morgun-
blaðsins er vel ljóst, að dagblöð geta
orðið of stór og óþjál við lestur og mik-
ilvægast er að vanda til efnisins.
Þessar breyttu aðstæður munu hins
vegar gera Morgunblaðinu kleift að
auka þjónustu ritstjórnarinnar á þann
veg að fréttir, fréttatilkynningar, grein-
ar og annað efni birtist mun fyrr en
verið hefur um skeið vegna gífurlegra
þrengsla í blaðinu. Margvíslegt efni hef-
ur beðið birtingar óhóflega lengi á rit-
stjórn blaðsins. Nú verður ráðin bót á
því og búast má við verulega bættri
þjónustu og skjótari birtingu en tíðkazt
hefur.
Hin nýja prentvél veitir einnig aukna
möguleika á þjónustu við auglýsendur.
Prentunin verður almennt betri og
skýrari, jafnframt því sem möguleikar á
litprentun stóraukast.
Lesendur blaðsins og auglýsendur
mega ekki búast við snöggum breyting-
um þessa fyrstu daga og vikur, sem
prentvélin er í notkun. Það tekur
starfsmenn Morgunblaðsins nokkurn
tíma að ná tökum á þessu nýja tæki. En
þegar líður á haustið mun árangurinn
af þessum framkvæmdum koma í ljós á
síðum blaðsins og í bættri þjónustu við
lesendur og auglýsendur.
Ör tækniþróun
Segja má, að með framkvæmdum við
fyrsta áfanga nýs Morgunblaðshúss og
uppsetningu nýrrar blaðapressu hafi sú
tækniþróun, sem staðið hefur yfir á
Morgunblaðinu meira og minna sam-
fleytt í rúman áratug, náð vissu há-
marki. Öll vinnsla blaðsins er nú orðin
tölvu- og tæknibúin. öll setning fer
fram á tölvuskerma og er unnið á þá
jafnt af setjurum sem blaðamönnum.
Þessar vikurnar er verið að undirbúa
stóraukna notkun á tölvubúnaði á aug-
lýsingadeild blaðsins, en bókhalds- og
dreifingarkerfi hefur árum saman verið
unnið í tölvum.
Vinnsla Morgunblaðsins fer nú fram
með svo fullkominni tækni, að erfitt er
að finna dagblað, hvort sem er í V-Evr-
ópu eða Bandaríkjunum, sem er komið
verulega lengra í þeim efnum, þótt um-
fang tækninnar sé að sjálfsögðu langt-
um meira á stórblöðum úti í heimi.
Það er þó alveg ljóst, að í tækni- og
tölvuheimi nútímáns verður aldrei látið
staðar numið. Stöðug endurnýjun verð-
ur að fara fram til þess að fyrirtæki
fylgist með tímanum.
Hlutur fjölmiðla
í samfélaginu
Hlutur fjölmiðla í samfélagi okkar
hefur vaxið svo ört, að mörgum finnst
nóg um. Þessarar þróunar hefur mjög
orðið vart á Morgunblaðinu. Nú eru
miklar kröfur gerðar til þjónustu dag-
blaðs á borð við Morgunblaðið af hálfu
samféiagsins. Segja má, að nánast öll
þjóðfélagsstarfsemin byggist í vaxandi
mæli á þeirri upplýsingamiðlun, sem
fram fer á síðum dagblaða og i útvarpi
og sjónvarpi. Áhrif fjölmiðlanna hafa
vaxið að sama skapi.
Þessi framvinda leggur miklar og
þungar skyldur á herðar fjölmiðla og
starfsmanna þeirra. Nú þegar tæknileg
uppbygging Morgunblaðsins er komin
svo langt, sem raun ber vitni, verður sú
hugsun stöðugt áleitnari hjá forsvars-
mönnum blaðsins að næsta stóra skrefið
í málefnum Morgunblaðsins sé að auka
gæði þess efnis, sem birtist á síðum
blaðsins. Það hefur jafnan verið aðals-
merki Morgunblaðsins að birta ná-
kvæmar og ábyrgar fréttir. I þjóöfélagi
sem verður stöðugt flóknara og þar sem
margvíslegir hagsmunir takast á, verð-
ur æ erfiðara að sinna þessari skyldu.
Þar þarf til að koma þekking blaða-
manna, nákvæmni í vinnubrögðum og
ekki sízt traust dómgreind. Til viðbótar
við þær gæðakröfur, sem gera verður til
efnis blaðsins, verður einnig að gera
kröfur um gæði sjálfrar framleiðslunn-
ar.
Með þessum orðum vill Morgunblaðið
gera lesendum sínum nokkra grein fyrir
því sem er að gerast hjá blaðinu um
þessar mundir. Ekki er að vænta rót-
tækra breytinga á Morgunblaðinu. Það
hefur jafnan verið stíll blaðsins að þró-
ast á þann veg, að lesendur taki varla
eftir breytingunum, sem þó hafa verið
mjög miklar á undanförnum áratugum.
Þessi háttur verður einnig hafður á nú.
Smátt og smátt mun koma i ljós á
næstu mánuðum, hvernig Morgunblaðið
hagnýtir þau nýju og stórbættu
starfsskilyrði, sem blaðið nú býr við.
Sjálfstæöismenn
þinga
Þingflokkur og miðstjórn Sjálfstæðis-
flokksins komu saman til fundar á
Laugarvatni sl. fimmtudag til þess að
ræða ástand og horfur í málefnum þjóð-
arinnar. Engar ákvarðanir voru teknar
á þessum fundi enda mun það ekki hafa
verið ætlunin. Samkvæmt fréttum
Morgunblaðsins voru málefni útgerðar
og fiskvinnslu mjög til umræðu á þess-
um fundi.
í röðum útgerðarmanna og fiskverk-
enda sjálfra eru líklega uppi þrjú meg-
insjónarmið varðandi málefni þessarar
atvinnugreinar. öllum er ljóst, að út-
gerðin er á heljarþröm og fiskvinnslan
víða illa stödd. Skoðanir eru meira
skiptar um það, hvernig bregðast skuli
við.
í fyrsta hópnum eru þeir, sem telja,
að vandamál atvinnugreinarinnar verði
að leysa innan ramma núverandi gengis
krónunnar. ÍJtgerðin og fiskvinnslan
verði að laga rekstur sinn að þessu
gengi og gera ráðstafanir til þess að
draga úr kostnaði. í þessum hóp er sú
skoðun útbreidd, að leggja verði nokkr-
um fjölda skipa, sem verst eru sett. Um
leið verði rekstrarhorfur vænlegri, fyrir
þau sem eftir verða. Talsmenn þessa
hóps telja líka, að alltof langt sé gengið
í að drepa smáfisk, m.a. þessar vikurn-
ar, án þess að nokkur fáist til að viður-
kenna slíkt athæfi. Þessir aðilar telja
þjóðarnauðsyn að stöðva þá rányrkju,
sem fram fer á miðunum. í þessum hópi
eru margir yngri manna en líka gamlir
stólpar, sem leitast við að horfa til
framtíðarinnar á grundvelli langrar
reynslu og lízt ekki á blikuna.
í öðrum hópnum eru harðduglegir út-
gerðarmenn og fiskverkendur, sem reka
fyrirtæki sín vel en telja, að veruleg
gengisbreyting sé einfaldlega óhjá-
kvæmileg. Margir þessara manna segja
sem svo, að vissulega sé hægt að ná
töluverðum árangri með margvíslegri
hagræðingu í rekstri en það dugi bara
ekki tiL Þeir benda á, að jafnvel frysti-
hús, sem eiga bæði vinnslustöðvar og
skip skuldlaus, séu nú rekin með tapi og
það sé bezta sönnunin fyrir því, að geng-
ið sé vitlaust skráð. Talsmenn þessa
hóps telja, að enn einu sinni sé hafin
útsala á gjaldeyri en stjórnmálamenn-
irnir blekki sjálfa sig sí og æ. Þessir
menn telja líka nauðsynlegt að taka all-
mörg skip úr rekstri vegna þess, að út-
gerð þeirra sé vonlaus og fiskiskipin
alltof mörg. Þeir telja, að gengisbreyt-
ing verði vítamínsprauta fyrir sjávarút-
vegsfyrirtæki, sem búi við heilbrigða
eigna- og skuldastöðu.
f þriðja hópnum eru sennilega útgerð-
armenn og fiskverkendur, sem telja
óbreytt gengi vonlaust en gengisfellingu
enga lífsbjörg. Líklega er ástæðan sú, að
fyrirtæki þeirra skulda svo mikið í er-
lendum lánum, að gengisbreyting mundi
engu breyta um reksturinn. Búast má
við, að þessi hópur telji einhvers konar
millifærslu án gengisbreytingar að
nokkru marki beztu leiðina fyrir sjávar-
útveginn. Þetta er bakgrunnur þeirra
umræðna, sem fram fóru í þingflokki og
miðstjórn Sjálfstæðisflokksins sl.
fimmtudag. Ýmislegt bendir til þess, að
hörð átök séu í uppsiglingu um það,
hvort ráða eigi bót á vanda sjávarút-
vegsins með gengisbreytingu. Búast má
við, að áhrifamiklir aðilar í sjávarútvegi
leggi hart að stjórnmálamönnum að
fella gengið. Á hinn bóginn er líklega
meiri andstaða við slíkar aðgerðir innan
stjórnarflokkanna en verið hefur á
vettvangi stjórnmálanna um langt
skeið. Þorsteinn Pálsson, formaður
Sjálfstæðisflokksins, hefur tekið ein-
dregna afstöðu með stöðugu gengi.
Væntanlega njóta þau sjónarmið hans
stuðnings áhrifamikilla aðila innan rik-
isstjórnarinnar. Á hinn bóginn er eftir
að sjá, hvernig einstakir þingmenn
bregðast við, þegar hagsmunaöflin í
hverju byggðarlagi fyrir sig þrýsta á um
aðra stefnu. Þingmönnum er margt bet-
ur lagið en standast slíkan þrýsting. Ef
til vill er f uppsiglingu mesta barátta
um gengisstefnuna frá árinu 1939. í
Morgunblaðinu í dag er viðtal við Brynj-
ólf Bjarnason, forstjóra BÚR, um rekst-
ur þess fyrirtækis. Ennfremur er í blað-
inu í dag fréttaskýring um þau sjón-
armið sem nú eru uppi f sjávarútvegi
um stöðu mála.
Offramleiðsla
í landbúnaöi
Þótt athygli manna beinist nú mjög
að sjávarútveginum vegna þess, að þar
er að finna lykilinn að áframhaldandi
Itilli verðbólgu má ekki gleyma því, að
önnur atvinnugrein er orðin lands-
mönnum býsna dýrkeypt, svo ekki verði
meira sagt.
Fyrir nokkrum dögum var frá því
skýrt hér í Morgunblaðinu, að f Færeyj-
um helltu menn niður mjólk vegna þess
að vinnsla í osta og aðrar mjólkurvörur
væri óhagkvæm, þar sem lágt verð feng-
ist fyrir hina fullunnu vöru. Þessi frétt
vekur spurningar um það, hvort það sé
kannski ódýrari kostur að kaupa mjólk-
ina og hella henni niður en vinna úr
henni aðrar afurðir. Auðvitað reka ein-
hverjir upp kvein yfir því að slík hugsun
skúli vera opinberuð. En sannleikurinn
er sá, að það er ekkert grín hversu mikið
fé skattgreiðendur á íslandi greiða f
offramleiðslu á landbúnaðarvörum. Það
verður að leita allra skynsamlegra leiða
til þess að draga úr þeirri framleiðslu.
Offramleiðslan er gamalt vandamál.
Hún er hins vegar búin að standa svo
lengi, að þetta er einfaldlega orðið óþol-
andi ástand fyrir skattborgarana í land-
inu. Það er ekki lengur frambærilegt að
flytja osta út fyrir brot af kostnaðar-
verði. Það er heldur ekki hægt að verja
þá miklu umframframleiðslu á dilka-
kjöti, sem á sér stað hér ár eftir ár. Við
verðum að verja ákveðnum fjármunum
til þess að kaupa þessa framleiðendur
frá því að halda framleiðslunni áfram.
Það er ódýrara fyrir þjóðarbúið þegar
fram í sækir en óbreytt ástand.
Hinar gömlu og hefðbundnu atvinnu-
greinar okkar standa frammi fyrir
vandamálum, sem eru i raun sama eðlis
og vandamál gamalla atvinnugreina f
Evrópu og Bandaríkjunum. Við óbreytt-
ar aðstæður standast þær ekki lengur
samkeppni. Landbúnaðurinn er búinn
að koma sér upp harðsnúnustu hags-
munabaráttusamtökum, sem um getur á
íslandi. Sjávarútvegurinn kemst ekki
með tærnar, þar sem iandbúnaðurinn er
með hælana f þessum efnum. Við höfum
hins vegar ekki lengur efni á þessari
vitleysu. Þess vegna er nú komið að því
að segja hingað og ekki lengra: Það á
eftir að koma í ljós, hvort pólitísk sam-
staða er fyrir hendi og hvort pólitískt
bolmagn er til i landinu til þess að
stöðva ágengni hagsmunasamtakanna.
Á stærstu mynd-
inni til vinstri er
Ragnar Magnús-
son, verkstjóri í
prentdeild Morg-
unbladsins, við
stjórnborð nýrrar
prentvélar. Efst á
myndinni má sjá
Ferag-færiband,
sem flytur blöðin
í pökkunartæki
beint frá prent-
vélinni en í bak-
grunni er vélin
sjálf. Á efri mynd-
inni hér að ofan
er sá hluti nýs
Morgunblaðshúss
í nýja miðbænum,
sem nú hefur ver-
ið byggður, en
þar er til húsa
prentvélasalur,
pappírsgeymsla,
pökkunarsalur og
afgreiðsla. Neðri
myndin er tekin í
pökkunarsalnum
og sýnir pökkun-
artækin að hluta
til.