Morgunblaðið - 15.06.1985, Page 41
MORGUNBLAÐIÐ, LAUGARDAGUR 15. JÚNl 1985
41
75 ára:
Ásgeir Þórarins-
son fy. stýrimaður
í dag er 75 ára Ásgeir Þórar-
insson fyrrverandi stýrimaður.
Ásgeir fæddist á Laugabóli í
Laugardal við ísafjarðardjúp 15.
júní 1910 sonur hjónanna Þórar-
ins Þ. Guðmundssonar útvegs-
bónda og Sigrúnar Sigurðardótt-
ur. Ásgeir var elstur átta systkina
sem upp komust, en tveir drengir
dóu í frumbernsku. Fátækt var á
þessu stóra heimili og var hann
ungur sendur að heiman til að sjá
fyrir sér. Á barnsaldri var hann
orðinn smali, fyrst hjá bóndanum
á Hjöllum í Skötufirði, en síðan
hjá Jóhanni Pálssyni útvegsbónda
á Garðstöðum. Kona Jóhanns, Sig-
ríður Gísladóttir, var yfirsetukona
sveitarinnar, en vegna hæfileika
hennar var oft leitað til hennar
um læknisráð þegar sjúkdóma bar
að.
Ásgeiri líkaði vel smalamennsk-
an og fegurð fjallanna við ísa-
fjarðardjúp snart hann. Störf sín
við smalamennskuna og sauðburð-
inn tók hann alvarlega og rækti
hann starf sitt af alúð þótt ungur
væri. En smalamennskunni lauk
árið eftir að hann fermdist, en þá
var hann á óðali systranna í Ögri.
En sjórinn stóð ungum drengjum
við Djúp nærri og tvitugur ræðst
hann ásamt Guðmundi Hallvarði
bróður sínum til Ingimars Finn-
björnssonar skipstjóra og útgerð-
armanns í Hnífsdal. Síðan fór
hann til Agnars Guðmundssonar á
Mumma frá Isafirði. Agnar var
hörku skipstjóri og sótti sjóinn
fast. Þá var hann á Sæfaranum
frá Langeyri með Rósa Steindórs-
syni. En draumurinn var alltaf að
komast á stóru bátana og 1936
ræðst hann á Valbjörn til Jóns
Kristjánssonar frá Bæjum á
Snæfjallaströnd. Jón var mikill
sjómaður enda voru sömu menn-
irnir hjá honum árum saman og
var Ásgeir þar samfleytt til ársins
1942 að undanskildum skólatíma í
sjómannaskólanum á ísafirði en
þaðan lauk hann prófi 1938. Að
sumrinu var verið á síldveiðum
bæði með reknet og tveggja báta
snurpunót. Á vetrarvertíð var róið
á útilegu með linu. Var línan beitt
úti á dekki og aflinn unninn þar
líka og var þetta óhemju kalsöm
vinna, oft í grimmdarfrosti og
ágjöf.
Árið 1942 fór Ásgeir til Ragnars
Jóhannssonar á Hugann 1. og
þótti honum mikill munur á
vinnuaðstöðu. Þar var beit-
ingarskýli undir hvalbaknum og
allur aðbúnaður um borð mikið
betri en áður.
1944 flytur Ásgeir til Reykjavík-
ur og ræður sig til Bjarna Ingi-
marssonar á togarahn Júpiter.
Þar var hann í nokkurn tíma, en
réð sig þá til Jóns Sveinbjörns
Kristjánssonar, fyrst á Andey frá
Hrísey en síðan á fleiri báta með
honum.
En lengst af sjómannsferli sín-
um var Ásgeir hjá útgerð Jóns
Franklíns, eða í nær 30 ár, en á
einu skipi Jóns, Baldri E.A., lá við
stórslysi, þegar leki kom að skip-
inu fullfermdu af síld undan Aust-
fjörðum. Við lá að þil milli lestar
og vélarrúms brysti, en fyrir
snarræði Sveins Jónssonar vél-
stjóra tókst að koma í veg fyrir að
þilið léti sig. Skipið komst við illan
leik til Siglufjarðar, þar sem feng-
inn var forgangur á löndun.
Lengst af var hann þó á flutn-
ingaskipum Jóns Franklíns og
sigldi á fjölda hafna í Evrópu og
Afríku. Ásgeiri líkaði alltaf vel við
Jón og þótt ekki blési alltaf byr-
lega í útgerðarmálunum var hann
alltaf þægilegur við skipverja sína
og fyrir það er Ásgeir honum
ávallt þakklátur.
Nokkur ár eru nú síðan Ásgeir
fór í land, slitinn af langri og oft
strangri sjómennsku. En hann
hefur þó ekki gleymt sínum bestu
eigindum. Nægjusemi, góð-
mennska og vilja til efnalegs
sjálfstæðis. Þrátt fyrir heilsuleysi
býr hann enn einn og sér um sig
sjálfur og er það mjög á móti
skapi að biðjast aðstoðar. Á þess-
um merku tímamótum sendum við
Ásgeiri innilegustu hamingjuóskir
og drengirnir okkar senda honum
bestu kveðjur og þakkir fyrir
ánægjulega samveru i heimsókn-
um hans til okkar.
ína og Úlfar Ágústsson
Ný skolpdælustöð tekin í notkun á Gelgjutanga:
Merkur áfangi í
umhverfismál-
um borgarbúa
— sagði Magnús L. Sveinsson, forseti borgarstjórnar
NÝ SKOLPDÆLUSnrÖÐ var tekin
í notkun á Gelgjutanga á fimmtu-
dag. Magnús L. Sveinsson, forseti
borgarstjómar Reykjavíkur, ræsti
dælubúnaðinn og sagði af því til-
efni m.a.: „Borgarstjórnin hefir
samþykkt að unnið verði skipulega
að holræsamálum með tilliti til
umhverfisverndar strandlengjunn-
ar hér í kringum Reykjavík. Það
verður ekki gert öðruvísi en með
því að fækka útrásum og veita
skolpinu í sjó fram eftir undan-
gengna hreinsun. Til þess þarf að
byggja dælustöðvar til að flytja
skolpið út með víkum og vogum til
hinna endanlegu útrása sem flytja
það langt í sjó fram þar sem
straumar bera það burt frá strönd-
inni og hafdýpið sér fyrir hinni
endanlegu hreinsun."
ólafur Guðmundsson, yfir-
verkfræðingur gatna- og hol-
ræsadeildar borgarinnar, annað-
ist áætlanagerð og útreikninga
þá sem eru forsenda stöðvarinn-
ar. Samkvæmt þeim verður
heildaraðrennsli að stöðinni
u.þ.b. 2,7 millj. rúmm. á ári og
líklegt skammtímahámarks-
rennsli um 900 lítrar á sekúndu.
Vatnasvæði skolpdælustöðvar-
innar er um 206 ha og íbúatala
þess svæðis um 7000. Svæðið sem
hér um ræðir er hið svonefnda
smáíbúðahverfi, hluti Voga-
hverfis, Blesugróf og innsti hluti
Fossvogar, ásamt iðnaðarhverf-
unum í Skeifunni og Vogunum.
{ stöðinni eru 4 dælur og er
miðað við að 3 þeirra hafi jafnan
undan, þótt sú fjórða sé í viðgerð
eða eftirliti. Hver hinna fjögurra
dæla afkastar 300—400 lítrum á
sekúndu. Þró tekur við skolpinu.
Hún er 11 m á dýpt og 5 m á
breidd og lengd. I stjórnkerfi
stöðvarinnar er sjálfvirkur
búnaður er skynjar og skráir á
sírita vökvahæðina i þrónni.
Morgunblaðið/Ól.K.M.
Magnús L. Sveinsson, forseti borgarstjórnar ræsti dælubúnaðinn og kvað þetU mannvirki vera merkan áfanga
í umhverfismálum borgarbúa.
Þegar vökvahæð nær 1,3 m ræsir
búnaðurinn fyrstu dælu. Ef hún
hefur ekki undan hækkar vökva-
yfirborðið. Það leiðir til þess að
næsta dæla er ræst og svo koll af
kolli. Ef dæla stöðvast eða
vökvastaða er óeðlilega há,
sendir sjálfvirkur búnaður boð
um það símleiðis til stjórnstöðv-
ar í Vélamiðstöð Reykjavíkur-
borgar. Búnaður þar segir til um
hvers kyns bilunin er.
Hönnuðir mannvirkisins eru
Stefán Örn Stefánsson vélaverk-
fræðingur Sigurður Skarphéð-
insson verkfræðingur og Þorgeir
Þorbjörnsson verkfræðingur.
Hersir Oddsson raftæknifræð-
ingur sá um hönnun raflagna og
teiknistofa Gunnars Hanssonar
sá um útlit og efnisval stöðvar-
húss.
Verkið var boðið út í tveim
áföngum. Verktími hefur verið 7
mánuðir. Heildarkostnaður er
áætlaður um 12 millj. króna.
Skeiðahreppur:
Gósen á Brautarholti
SelfoHHÍ, 12. júní.
FYRIR tæpu ári settu tveir bræóur
Jón og Skafti Bjarnasynir, upp
þjónustuverslun á Brautarholti á
Skeiðum. Þeim þótti þá rétt að láta
reyna á það hvort ekki væri þörf
fyrir slíkt í sveitinni og sú hefur
orðið raunin.
Þegar staldrað var við Gósen
fyrir nokkrum dögum var Skafti
innan við búðarborðið og bauð
upp á ferðamannavörur og ýmsa
skyndibita. Hann sagði rekstur-
inn ganga þokkalega, fólkið í
sveitinni notaði sér vel þessa
þjónustu þeirra og hann kvaðst
bjartsýnn á ferðamannatímann.
Verslunin Gósen
Morgunblaðið/Sig. Jóns
Skafti Bjarnason
Það væri býsna mikið um að fólk
kæmi við á Brautarholti, færi í
Skeiðalaug og fengi sér síðan
hressingu á eftir og bætti ben-
síni á bifreiðina.
Sig. Jónsson
Farþegum hef-
ur fjölgað mjög
hjá Flugleiðum
MIKIL aukning hefur orðið á farþegaflutningum Flugleiða hf. það sem af er
árinu. Þetta á sérstaklega við í innanlandsflugi.
Á tímabilinu frá áramótum til
10. júní sl. flutti félagið 104.700
farþega milli staða innanlands, en
á sama tímabili í fyrra voru þeir
88.300. Farþegum hefur því fjölg-
að um 16.400 eða 18.5%.
Að sögn Sæmundar Guðvins-
sonar fréttafulltrúa Flugleiða hef-
ur aukningin verið nokkuð jöfn
alla mánuðina, þó líklega mest það
sem af er júní, en farþegum fjölg-
aði um 3.350 fyrstu 10 daga mán-
aðarins. Á miðvikudaginn flutti
félagið t.d. 1.100 farþega í 17 ferð-
um, en hingað til hafa ekki verið
sérstaklega miklar annir í flugi á
miðvikudögum.
Aðspurður sagði Sæmundur að
ástæðan fyrir þessari fjölgun væri
m.a. sú að í vetur viðraði mjög vel
til flugs. Auk þess hafa Flugleiðir
tekið upp ýmsar nýjungar í far-
gjöldum, svo sem Ápex fargjöld,
hoppfargjöld og fjölskylduafslátt,
sem lækkar ferðakostnaðinn
nokkuð.
Farþegum sem ferðast með
Flugleiðum milli landa hefur einn-
ig fjölgað. Frá áramótum til 8.
júní flutti félagið 95.000 farþega
yfir Norður-Atlantshafið á móti
84.300 farþegum á sama tíma í
fyrra. Þá fjölgaði farþegum í Evr-
ópuflugi úr 57.300 1 66.600.
Samtals hafa Flugleiðir fluít yf-
ir 265.000 farþega frá áramótum.