Morgunblaðið - 23.10.1985, Blaðsíða 37

37
MORGUNBLAÐIÐ, MIÐVIKUDAGUR 23. OKTÓBER 1985
Afmæliskveðja:
Auður Tryggvadótt-
ir, Gerðum, Garði
Áttræð er í dag Auður Tryggva-
dóttir húsmóðir að Gerðum í
Garði. Hún er fædd 23. október
1905 í Reykjavík. Foreldrar hennar
voru Tryggvi Matthíasson frá
Fossá í Kjós og Kristín Þórðar-
dóttir frá Laxárnesi í Kjós. Þau
hjónin fluttu suður í Garð árið
1910, að Skeggjastöðum. Þá var
Auður komin hátt á fimmta ár.
Hún hefur búið öll sín ár í Garði.
Auður giftist Birni Finnbogasvni
kaupmanni og oddvita í Gerðum í
Garði þann 17. desember 1937. Þau
eignuðust tvö börn, Finnboga sem
nú er oddviti Gerðahrepps og
Björg húsmóðir í Garði. Það hefur
verið erilsamt heimilið hjá frú
Auði, þar sem maður hennar var
oddviti Gerðahrepps í 36 ár og allir
þeir sem höfðu viðskipti og sam-
skipti við oddvita urðu að koma inn
á heimili þeirra, þar sem skrifstofa
Gerðahrepps var inni á heimilinu.
Allir sveitarstjórnarfundir voru
haldnir inni á heimili hjá frú Auði,
og þá alltaf í hennar bestu stofu.
Ég er ekki viss um að allar konur
hefðu sætt sig við slíkan ágang,
en það gerði Auður umtölulaust.
Það kom fyrir að Auður tók fólk,
sem sveitarstjórninni bar skylda
til að sjá fyrir dvalarstað, inn á
sitt heimili. Hún hafði þetta fólk
hjá sér þar til önnur lausn fékkst
á þeim málum. Þá komu mann-
kostir frú Auðar best í Ijós.
Það var gott samkomulag í sveit-
arstjórn Gerðahrepps þau fáu ár
sem ég var þar. Þó man ég eftir
fundi þar sem ágreiningur var um
leiðir til að leysa mál, sem varðaði
íbúa hreppsins þó nokkuð mikið,
og var orðinn talsverður hávaði á
fundinum. Þá opnaði Auður hurð-
ina og bauð sveitarstjórnarmönn-
um í kaffi. Það neitaði enginn
kaffinu hennar Auðar og heldur
ekki kökunum góðu. Þegar sest var
við kaffiborðið, var tekið upp létt-
ara hjal og menn komust nær hver
öðrum. Þegar staðið var upp frá
kaffiborðinu og haldið áfram með
tundinn náðist samkomulag sem
lílir gátu sætt sig við. Þannig er
A'-ður, hún.er ljósgeisli sem lýsir
og iti- upp með framkomu sinni.
Auður var formaður Kvenfé-
lagsins í Garði í mörg ár, hún var
organisti í (Jtskálakirkju í fimmtíu
ár og auk þess kenndi hún sör.g í
Gerðaskóla.
Við Garðmenn þökkum Auði
fyrir öll hennar góðu verk í okkar
þágu, og óskum henni til hamingju
með þessi tímamót í ævi hennar.
Við hjónin höfum verið nágrannar
Auðar í 30 ár og þökkum henni
góð kynni, og óskum henni alls
góðs urn ókomin ár.
Njáll Benediktsson
Frá stofnun Samtaka tungumálakennara á íslandi. Morgunblaftið/Árni Sæberg
Samtök tungumála-
kennara stofnuð
SAMTÖK tungumálakennara á ís-
landi voru stofnuð fyrir nokkru. Að
samtökunum standa 4.500 félags-
menn úr félögum dönsku-, ensku-,
frönsku- og þýskukennara.
í frétt frá samtökunum segir að
ekki orki tvímælis að málakennar-
ar eigi margt sameiginlegt þó svo
þeir kenni ólík tungumál og nægi
þar að benda á aðferðafræði mála-
kennslu. Félög dönsku- og ensku-
kennara hafa sameiginlega staðið
að námskeiðum í aðferðafræðinni
og hefur það reynst vel.
Stóraukin samskipti landa á
milli kalla á almennari málakunn-
áttu og hafa málvísindamenn
unnið að því að finna aðferðir, sem
geri málakennsluna sem árangurs-
ríkasta og í samræmi við þarfir
tímans.
Ennfremur segir í fréttabréfinu
að mikilvægt sé fyrir tungumála-
kennara að fyigjast með þróun í
sínu fagi. Samtökin munu því
standa að útgáfu málgagns er
verði vettvangur faglegrar um-
ræðu. Auk þess munu þau stuðla
að endurmenntunarnámskeiðum
og hvetja til umræðna og skoðana-
skipta um markmið og leiðir í
málakennslu. Samtökin munu
beita sér fyrir auknum rannsókn-
um á málakennslu, námsefni og á
málanámi almennt.

I
BL-
uinn^n
KOMJR
SnONDOVl
SAMAN
24. oklóber
Mætum allar á útifundinn á Lækjartorgi kl. 14
og leggjum áherslu á kröfuna
um raunverulegt launajafnrétti.
Ávörp:
GUÐRÚN ÁRNADÓTTIR, meinatæknir
HILDUR KJARTANSDÓTTIR, iðnverkakona
MÁLHILDUR SIGURBJÖRNSDÓTTIR, fiskvinnslukona
ÞÓRA KRISTÍN JÓNSDÓTTIR, kennari
TILHVERS
leikþáttur eftir Helgu Thorberg.
Flytjendur: Helga Thorberg og Rósa G. Þórsdóttir
TÓNLIST
Konur flytja tónlist um og eftir konur.
FUNDARSTJÓRI:
Guðríður Elíasdóttir, varaforseti ASÍ
KVENNASMIÐJAN
sýning 70 stéttar- og fagfélaga á störfum
og kjörum kvenna,
verður opnuð á morgun 24. október kl. 11 f h.
í nýju Seðlabankabyggingunni.
Sýningin stendur fram til 31. október.