Morgunblaðið - 12.02.1986, Síða 23
MORGUNBLAÐIÐ, MIÐVIKTJDAGUR12. FEBRÚAR1986
23
Guðmundur sagðist bregðast
þannig við kvótanum að hann
myndi slátra lélegri kúnum „og nýta
hinar betur". Hann sagði hljóðið í
sveitungum sínum dauft um þessar
mundir — „en það þýðir ekkert að
vera að framleiða vöru sem ekki
selst. Menn skilja það. Annars
fínnst mér fráleitt að bæði skuli
framleiðslan skorin svona niður og
kjamfóðurskattur settur á okkur.
Mér fínnst að ætti að leggja hann
niður," sagði Guðmundur bóndi í
Hléskógum.
Þórarinn E. Sveinsson,
Akureyri:
„Jón Helga-
son er enn
með milljón
lítra
í vasanum“
Akureyri 11. febrúar.
„SKERÐINGIN á svæðinu verður
um 25% miðað við búmark sem
er um 21 milljón lítra,“ sagði
Þórarinn E. Sveinsson mjólkur-
bússtjóri Mjólkursamlags KEA
er biaðamaður ræddi við hann
um kvótann sem settur hefur
verið á mjólkurframleiðsluna.
Mjólkursamlagi KEA tilheyra
tvö svæði, 16 — sem er Eyjafjarð-
arsýsla og 17 — Svalbarðsströnd,
Höfðahverfi og Fnjóskadalur.
„Málið er þó ekki alveg búið.
Jón Helgason er með milljón lítra
í vasanum sem hann á eftir að
deila út á allt landið. Við vitum
ekki hve mikið af því við fáum
hingað en vonumst þó til að það
verði 20—30%. Þá voru tekin 5%
af hveiju héraði — það voru um
milljón lítrar á þessum tveimur
svæðum — og því verður siðan
dreift aftur á milli bænda á
svæðinu," sagði Þórarinn.
Hve mikil heldurðu að skerð-
ingin verði í peningum á svæð-
inu? „Ef við segjum að 23,40
krónur af hveijum lítra fari í vasa
bænda er auðvelt að reikna það út.
Ein milljón lítra næmi þá 23,4
milljónum o.s.frv.,“ sagði Þórarinn.
Sú 21 milljón lítra sem rætt er um
væri því 491,4 milljóna króna virði.
„En ef til vill er ekki rétt að reikna
svona — búið er að semja um 107
milljónir lítra fyrir allt landið. Ríkið
lofar fullu verði fyrir það magn en
við vitum ekki hvert verðið á um-
frammagninu verður."
Eiríkur Sigfússon,
Sflastöðum.
„Ég er
hlynntur
kvótanum“
Akureyrí 11. febrúar
„Ég er hlynntur kvótanum —
þetta er eina færa leiðin til að
draga úr framleiðslu að minu
mati,“ sagði Eiríkur Sigfússon,
bóndi á Sílastöðum í Glæsibæjar-
hreppi, í samtali við Morgun-
blaðið um mjólkurkvótann.
„Við vorum mjög gramir þegar
kvótinn var settur á 1981 og ’82 —
við sem drógum saman — vegna
þess að eftir að við höfðum gert
eins og við áttum að gera var verið
að veita fleirum leyfi til framleiðslu.
Við sáum að þetta var ekki rétt.
Menn sem fengu ný leyfí komu upp
nýjum fjósum og það er skiljanlegt
að þeim mönnum sé nú brugðið sem
fóru út í skuldir sem þeir geta ekki
staðið við,“ sagði Eiríkur.
Hann býr félagsbúi við annan
mann og þeir framleiddu 280 þús-
und lítra í fyrra — en fá nú að
framleiða 217 þúsund. „Búmark
Ráðstefna haldin um
tölvur og grunnskóla
okkar í fyrra var 162 þúsund lítrar.
Það var viljandi gert að framleiða
svo mikið; við urðum að mótmæla.
Þetta var álíka eins og annar blaða-
maður hefði verið settur á launin
þín með þér hér fyrir norðan! Ég
held að við á mínum bæ séum með
einna mesta skerðinguna en það
þýðir ekkert að gráta því við hefðum
hvort sem er ekki fengið borgað
fyrir umframframleiðsluna. Ég tel
því ekki verið að uppræta neitt sem
menn hafí haft. Menn verða að
gera sér grein fyrir því að við höfúm
enga tryggingu fyrir þessu."
Eiríkur sagðist álíta að tekjur
bænda þyrftu ekki að rýma svo
verulega. „Brúttóvelta minnkar
auðvitað en spumingin er um að-
ferðir. Við hér munum fara út í að
hafa fleiri kýr en áður og nota
minni mjólk úr hverri. Gefum þá
minna kjamfóður."
Eiríkur ítrekaði hve hlynntur
hann væri héraðskvótanum. „Hann
er bestur en hefði þurft að koma
strax."
Birkir Friðbertsson,
Birkihlíð:
„Ovíst hvað
verður um
umfram-
mjólkina
„OKKUR finnst hann þröngur,
því er ekki að neita. Framleiðslu-
samdrátturinn kemur illa við
okkur eins og önnur svæði og
hlutfallslega er skellurinn hvergi
meiri en hér,“ sagði Birkir Frið-
bertsson bóndi í Birkihlíð í Súg-
andafirði þegar rætt var við
hann um mjólkurkvótann.
Birkir sagði að erfítt væri að
bera ísafjarðarsýslur saman við
önnur svæði, og sagði: „Vegna
okkar heimamarkaðar töldum við
óhætt að auka framleiðsluna. Fram-
leiðslan á síðasta verðlagsári var
1,5 milljónir lítra en samkvæmt
könnun í haust reiknuðu bændur
með að hún yrði 1,9 milljónir lítra
á þessu verðlagsári og sýnist mér
að það muni standast. Aukningin
er vegna góðs árferðis og nýrra
fjósa sem tekin hafa verið í notkun.
Við fengum 200 þúsund lítra auka-
lega til að bjarga mesta skellinum
og þar með framleiðslurétt upp á
1.650 þúsund lítra. Við verðum
því með 250 þúsund lítra af verð-
lausri vöru og reikna ég með að
hlutfallslega fáum við mesta skell-
inn þrátt fyrir þessa 200 þúsund
lítra sem við fengum aukalega."
Birkir rekur kúabú með Bimi
syni sínum. Þeir reikna með að
framleiða 76 þúsund lítra 'í ár en
hafa rétt upp á 57 þúsund lítra.
Með sama áframhaldi framleiða
þeir 19 þúsund lítra umfram það
sem þeir fá fullt verð fynr. Bjóst
hann við að draga framleiðsluna
eitthvað saman út framleiðsluárið
en sagðist ætla að leggja umfram-
mjólkina inn í samlagið á ísafírði.
„Hvað verður um þá mjóík er ekki
vitað. Ég tel þó alls ekki víst að
hún verði verðlaus því vinnslukostn-
aður mjólkursamlagsins eykst sama
og eklfert við þessa viðbót og ættum
við því að geta fengið svipað verð
fyrir þessa umframlítra.
„Menn eru hræddir. Sumir fá að
framleiða nokkum veginn það sem
þeir þurfa en aðrir, sérstaklega
menn sem hafa verið að byggja
upp, fara illa út úr þessu. Það er
leiðinlegt því þeir hafa farið út í
byggingu nýrra fjósa í fullu sam-
ræmi við yfírvöld og það eru þessir
menn sem eru vaxtarbroddurinn í
landbúnaðinum á svæðinu. Sumir
þeirra fá lítið sem ekkert að fram-
leiða í þessum nýju fjósum og fyrir-
sjáanlegt er að það mjólkurmagn
sem upp á er að hlaupa innan hér-
aðsins dugar ekki til að jafna þenn-
an skell nema til helminga í hæsta
lagi,“ sagði Birkir.
Menntamálaráðuneytið efnir
til ráðstefnu um Tölvur og
grunnskóla 13.—15. febrúar nk.
i samráði við Endurmenntun
Kennaraháskóla íslands og
Námsgagnastofnun.
Ráðstefnan sem er öllum opin
verður haldin í Borgartúni 6 og
hefst hún fímmtudaginn 13. febrúar
kl. 13.30 með ávarpi Sverris Her-
mannssonar, menntamálaráðherra.
Því næst fjalla kennarar og fleiri
um það, sem þegar hefur verið
unnið á sviði tölvumála í grunnskól-
anum. Þeir eru:_ Helgi Jónasson,
fræðslustjóri, Úlfar Bjömsson,
deildarstjóri fræðsluskrifstofu
Norðurlands eystra, og kennaramir
Jóhanna Axelsdóttir, Víðistaða-
skóla, Gunnlaugur Snævarr, Haga-
skóla, Bjami Karlsson, Hagaskóla
og Þröstur Guðmundsson, Garða-
skóla, Anna Kristjánsdóttir, lektor
við Kennaraháskóla íslands, Ásgeir
Guðmundsson, námsgagnastjóri,
Guðmundur Ragnar Guðmundsson,
Hugskoti, Helgi Þórsson, sérfræð-
ingur við Reiknistofnun Háskóla
íslands, og Jón Jónasson, skóla-
stjóri Litlu-Laugum.
Hörður Lárusson, deildarstjóri í
menntamálaráðuneytinu, mun síð-
an kynna niðurstöður nefndar, sem
fjallaði um útboð vegna tölvuvæð-
ingar gmnnskóla og Jóhann P.
Malmquist, prófessor, skýrir frá
væntanlegri úttekt á stöðu tölvu-
mála í skólum.
Föstudaginn 14. febrúar fyrir
hádegi verður fjallað um samstarf
við erlenda aðila á sviði tölvumála.
Þá taka til máls Yngvi Pétursson,
lektor við KHÍ, Anna Kristjáns-
dóttir, lektor við KHÍ, Baldur
Sveinsson, kennari við Verzlunar-
skóla íslands, Valgerður Jónsdóttir,
sérkennslufulltrúi, Hörður Láms-
son, deildarstjóri, og Svanhildur
Kaaber, formaður skólamálaráðs
KÍ. í lok erindanna verða pallborðs-
umræður um gagnsemi erlends
samstarfs undir stjóm Sólrúnar
Jensdóttur, skrifstofustjóra f
menntamálaráðuneytinu.
Eftir hádegi á föstudaginn verða
stutt erindi um ýmsa þætti tölvu-
væðingar: tæknilega, lagalega,
þjóðfélagslega og kennslufræði-
lega. Erindin flytja Sigrún Helga-
dóttir, formaður orðanefndar
Skýrslutæknifélags íslands, Jón
Erlendsson, framkvæmdasijóri
Upplýsingaþjónustu rannsóknar-
ráðs, Lilja Ólafsdóttir, fram-
kvæmdastjóri notendaþjónustu
SKÝRR, Jóhann Gunnarsson, fram-
kvæmdastjóri Reiknistofnunar HÍ,
Randall Fleckenstein, forstöðumað-
ur gagnasmiðju KHÍ og Stefán Ól-
afsson, lektor við HÍ.
Að erindum loknum starfa um-
ræðuhópar.
Laugardaginn 15. febrúar helg-
ast dagskráin áliti manna á því
hvert stefna skuli og hvað leggja
beri áherslu á í næstu framtíð í
tölvumálum. Um einstaka þætti
fjalla: Ragnheiður Benediktsson,
kennari við Melaskólann, Jón Torfi
Jónasson, dósent við HÍ, Gísli Ólaf-
ur Pétursson, kennari við MK,
Sturla Kristjánsson, fræðslustjóri,
Yngvi Pétursson, lektor við KHÍ,
Páll Kr. Pálsson, deildarstjóri frá
Félagi fslenskra iðnrekenda, Oddur
Benediktsson, prófessor, og Sigfús
Bjömsson, dósent. Dagskránni lýk-
ur um hádegið með pallborðsum-
ræðum, sem Jóhann P. Malmquist,
prófessor, stýrir.
Harður árekstur
á Selijarnarnesi
UNGUR maður hryggbrotnaði
í hörðum árekstri á mótum
Suðurstrandar og Norður-
strandar á Seltjamamesi í há-
deginu í gær. Ladajeppa var
ekið norður Suðurströnd að
gatnamótunum þar sem er bið-
skylda. Ökumaður uggði ekki
að sér og ók í veg fyrir Volks-
wagen sendiferðabifreið. Öku-
maður hennar sveigði frá til
að forða árekstri en lenti þá
framan á Range Rover jeppa
og skall Lada einnig á þeim.
Aðeins ökumenn voru í bifreið-
unum þremur og slasaðist sá er
ók sendibifreiðinni, en hinir
sluppu án meiðsla.
£n 'ai-
Morjínnblaöið/Júlíus
Ykkar veisla
í okkar umhverfi
Veitingahúsiö í Glæsibæ leigir út sali fyrir veislur
og hvers konar mannfagnaði.
Góð aðstaða og glæsilegt umhverfi.
Látið veisluþjónustu okkar útbúa veislumatinn.
Fjölbreytt úrval heitra og kaldra rétta.
Símatími veisluráðgjafa okkar er
miili kl. 13-16 mánudaga til föstudaga.
■A- VEITINGAHIISIÐ
1GLÆSIBÆ
sími: 686220