Morgunblaðið - 19.07.1987, Blaðsíða 34
MORGUNBLAÐIÐ, SUNNUDAGUR 19. JÚLÍ 19897
34
>—
Snemma morguns, þriðju-
daginn 15. janúar árið 1952, settist
rithöfundurinn lan Fleming niður
við gömlu Imperial ferðaritvélina
sína í setustofunni í sumarhúsinu
sínu í Goldeneye á eyjunni Jamaíka
og byrjaði að segja frá fyrsta ævin-
týri James Bond, Casino Royale,
án þess að hafa undirbúið það eða
skipuiagt að neinu ráði eftir því
sem sagan segir. Hann vann á
morgnana og skrifaði tvö þúsund
orð á dag. Það liðu tveir mánuðir
þartil hann, á þriðjudeginum 18.
mars, tók síðasta blaðið úr vélinni
og njósnarinn, sem átti eftir að
verða ódauðlegur, var tilbúinn að
koma íheiminn.
Dæmigerður Bondhasar: Lotus Esprit hverfur í hafið eltur af þyrlu í myndinni Njósnarinn sem elskaði mig.
NJÓSNARIHENNAR HÁTIGNAR
Nýjasta Bondmyndin, Logandi hræddir (The
Living Daylights) frumsýnd á 25 ára afmæli
kvikmyndahetjunnar með nýjum leikara í
hinu kröfuharða hlutverki
Síðan eru liðin 35 ár, 14 bækur eftir Flem-
ing, 16 kvikmyndir og fjórir James Bond-ar.
Fimm raunar, því árið 1954 var gerð sjón-
varpsmynd í Bandaríkjunum eftir fyrstu
Bond-sögunni og þá fór Barry Nelson með
hlutverk njósnara hennar hátignar (Peter
Lorre lék illmennið Le Chiffre). Vinsældir
Bonds hafa verið með ólíkindum í gegnum
árin en Fleming var í fyrstu ekki viss um
hvernig fólk ætti eftir að taka sögunum.
Hann hafði raunar gengið með það í magan-
um í fimm ár að skrifa njósnasögu. „í fyrstu
3&ammaðist ég mín svo mikið fyrir það sem
ég hafði skrifað að ég hafði áhyggjur af því
hvað vinir mínir myndu segja ef þeir læsu
það,“ sagði hann einu sinni. Nafnið á sögu-
hetju sína fékk hann óbreytt frá höfundi
náttúrufræðiritsins Fuglar Vestur-lndíu en
hann hét James Bond. Útlit söguhetjunnar
byggði Fleming á golfleikaranum Henry Cot-
ton.
Þannig hófst saga hins bókmenntalega
James Bond en réttum tíu árum eftir að
Fleming settist við ferðaritvélina sína var
njósnarinn settur á filmu og sigurganga hans
hófst með þessari velþekktu kynningu: „Ég
heiti Bond. James Bond." Orðin mælti
óþekktur skoskur leikari, að nafni Sean
Connery, fyrst fyrir 25 árum þar sem hann
sat við fjárhættuspil í Pinewood-kvikmynda-
verinu og kveikti sér i rettu fyrir framan
suðandi myndavélarnar. Connery var sonur
vörubílstjóra í Edinborg og var lítt reyndur
leikari. Framleiðandinn Harry Saltzman hafði
rekið augun í hann í minniháttar breskri
gamanmynd árið 1961 og fengið hann til
að leika Bond þegar leikararnir Patrick
McGoohan og Richard Johnson höfðu báðir
hafnað hlutverkinu. Saltzman og meðfram-
leiðandi hans, „Cubby" Broccoli, höfðu sett
tæpa milljón dollara í þessa fyrstu Bond-
mynd, Dr. No, m.a. í þeirri vissu að Connery
yrði vel tekið sem meistaranjósnaranum
velklædda og háttvísa sem hafði smekk fyr-
ir hraðskreiðum bílum, góðum vínum og
Sean Connery í hlutverki Bonds.
Roger Moore í hlutverki njósnarans ódauð-
lega.
Rithöfundurinn lan Fleming árið 1963.
fögrum konum. Þeir Saltzman og Broccoli
höfðu veðjað á réttan hest. Connery var
fullkominn njósnari fyrir sjöunda áratuginn
og Dr, No varð upphafið á myndum sem
áhorfendur hafa hingað til borgað meira en
milljarð dollara til að sjá.
Kvikmyndastjarnan James Bond er sumsé
orðin 25 ára. Bíóhöllin hefur frumsýnt nýj-
ustu Bond-myndina, Logandi hræddir (The
Living Daylights), A-Ha hljómsveitin hefur
komið til landsins með titillag myndarinnar
í farteskinu og Timothy Dalton bíður þess á
hvíta tjaldinu að fá einkunn kröfuharðra
áhorfenda sem annarsvegar voru aldir upp
við Sean Connery og voru aldrei sáttir við
Roger Moore og hins vegar yngri kynslóðar-
innar sem aldrei þekkti Connery en ólst upp
með Moore. Hver veit nema þriðja kynslóð-
in eigi eftir að líta á Dalton sem hinn eina
og sanna Bond.