Morgunblaðið - 24.04.1988, Blaðsíða 20
MORGUNBLAÐIÐ, SUNNUDAGUR 24. APRÍL 1988
r o Cf
20 B
BLÓÐGJAFAFÉLAG ÍSLANDS
Blóðgjafafélag íslands heldurfræðslufund mánu-
daginn 25. apríl nk., kl. 21.00 í skrifstofuhúsnæði
Rauða kross íslands á Rauðarárstíg 18, Reykjavík,
gengið inn frá Njálsgötu.
Dagskrá:
1. Meðferð dreyrasjúkra: Geta íslendingar full-
nægt eigin þörfum fyrir storkuþátt VIII? Björg
Jónsdóttir lífefnafræðingur flytur stutt erindi.
2. Tvö stutt myndbönd um blóðgjafir
og blóðbankastarfsemi.
3. Önnurmál.
Fundurmn er öllum opinn.
Stjórnin.
OÍTlROn
AFGREIÐSLUKASSAR
Hressingin Whoopi
Þeir sem urðu fyrir vonbrigðum með siðustu tvær myndir Whoopi
Goldberg ættu að gleðjast yfir Hættulegri fegurð, nafngiftin höfðar
ekki til útlits leikkonunnar - þrátt fyrir persónutöfrana. Hér ásamt
sjaldséðum ágætisleikara, Sam Elliott.
Kvikmyndir
Sæbjörn Valdimarsson
BÍÓHÖLLIN:
Hættuleg fegurð — „Fatal
Beauty"
Leikstjóri Tom Holland. Handrit
Hilary Henkin og Dean Reisner.
Söguþráður Bill Svanoe. Kvik-
myndatökustjóri David M. Walsh.
Tónlist Harold Faltermeyer. Að-
alleikendur Whoopi Goldberg,
Sam Elliott, Harris Yulin, Rubén
Blades, Catharine Blore, Jenni-
fer Warren, Fred Aspargus, John
P. Ryan, Brad Dourif.
Það þarf ekki glöggan mann til
að sjá hvaðan handritshöfundar
Hættulegrar fegurðar hafa fengið
innblásturinn, þeir hafa brugðið sér
á Beverly Hills Cop myndimar hans
Eddie Murphy. Því hér er löggan
komin á nýjan leik, munurinn að-
eins sá að búið er að skipta um kyn
og nú er það hin óheflaða, eld-
hressa Whoopi Goldberg sem leikur
skálkaskelfinn.
Nafnið vísar til bráðdrepandi
kókaíns sem kemst fyrir vanþekk-
ingu á markaðinn í Los Angeles.
Lögreglukonunni Rizzoli (Goldberg)
er fengið málið í hendur. Lengst
af rennir hún blint í sjóinn meðan
hún kafar æ dýpra niður í sollinn
í leit sinni að dreifingaraðilunum.
Grunurinn beinist að nýríkum fast-
eignabraskara (Harris Yulin), en sá
eini sem kemur Rizzoli verulega til
hjálpar er Mike Marshak (Sam Elli-
ott), dularfullur náungi sem er yfir-
maður lífvarðarsveitar braskarans.
Formúlan gengur fimavel upp,
ekki síst fyrir tilstuðlan Whoopi
Goldberg, sem hér á sinn langbesta
gamanleik. Það klæðir hana mun
betur að fást við persónu sem er
með annan fótinn á jörðinni, en
streðast við hæpna farsa einsog
Jumpin’Jack Flash og Burglar. Þá
er handritið hið líflegasta og höf-
undamir sjá til þess að brandaram-
ir koma af færibandi sem og átaka-
atriðin. Smá rómantík í lokin hefði
mátt missa sig.
Hér er hóað saman flinku og
góðu aukaleikaraliði þar sem Sam
Elliott (Mask) er langmest áber-
andi. Synd hvað þessi öruggi og
aðlaðandi leikari fær fá tækifæri.
Hér er Rubén Blades, upprennandi
leikari sem fer með aðalhlutverkið
í nýjasta leikstjórnarverkefni Ro-
berts Redford, Harris Yulin, sem
hefur sérhæft sig í hlutverkum
mannhraka (Doc, Trúfélagið), John
P. Ryan, sem hefur þokast frá því
að leika illvíg rustamenni (Runaway
Train) uppí illvíga lögreglumenn
(Rent-a-Cop) og Brad Dourif, svo
eftirminnilegur í Gaukshreiðrinu og
hefur fengist við dálítið ruglaðar
persónur æ síðan (Eyes of Laura
Mars, Blue Velvet). Þéttur hópur.
Lífleg kvikmyndataka Walsh bætir
myndina og Holland, sem á að baki
dágóða hrollvekju, Fright Night,
gerir hér einnig ágæta hluti og slak-
ar hvergi á. En það eru klúrir brand-
aramir og ofsafenginn leikur
Whoopi sem öðru fremur gera
Hættulega fegurð að pottþéttri af-
þreyingu.
nútímaatvinnurcksUar
fjÖLVERKAKERFi
fjölnotendakerh
NÝ T/EKL TÖLVUR,
HUGBÚNAÐUR-
priájstfrarntak
eyri:
208 skrifuðu
undir áskorun
um brúar-
framkvæmdir
208 íbúar í Þingeyrarhreppi
skrifuðu undir áskorun til þing-
manna kjördæmisins og ráða-
manna vegamála á Vestfjörðum
þess efnis að hraða eins og
kostur er framkvæmdum við
Dýrafjarðarbrúna.
Á fundi sem Kvenfélagið Von
á Þingeyri hélt þann 29. mars sl.
var samþykkt að safna undir-
skriftum til að skora á þingmenn
kjördæmisins og ráðamenn vega-
mála á Vestfjörðum að hraða eins
og kostur er framkvæmdum við
Dýrafjarðarbrúna. Það voru 208
íbúar í Þingeyrarhreppi sem skrif-
uðu undir skjal er á stóð: Við
undirrituð álitum að Dýrafjarðar-
brúin sé einn stærsti þátturinn í
því að tryggja öryggi og bæta
samgöngur okkar sem hér búum
og framkvæmdir þoli enga bið.
Undirskriftarlistamir hafa ver-
ið sendir viðkomandi aðilum.
Wterkurog
LJ hagkvæmur
auglýsingamióill!