Morgunblaðið - 19.05.1989, Blaðsíða 26

26
MORGUNBLAÐIÐ FÖSTUDAGUR 19. MAÍ 1989
Verkmenntaskólinn á Akureyri:
Utskriftardagur verður
á áður ákveðnum tíma
Morgunblaðið/Rúnar Þór
Sigurður Hróarsson tekur við starfi leikhússtjóra iyá Leikfélagi
Akureyrar i byijun næsta mánaðar.
Sigurður Hróarsson nýráðinn leik-
hússtjóri LA:
Markmiðið að bjóða
upp á góðar leiksýn-
ingar af ýmsum toga
BRENNANDI áhugi á leiklist," var svar Sigurðar Hróarssonar er
hann var spurður hvers vegna hann hefði sótt um stöðu leikhús-
stjóra Leikfélags Akureyrar. Sigurður kom til fundar við leikhúsráð
í fyrradag og var þá gengið frá ráðningu hans. „Mér líkaði vel á
Akureyri þegar ég var þar í menntaskóla og vildi gjarnan koma
aftur. Þá sakar ekki að út um gluggann á skrifstofunni minni sé ég
yfir í Þingeyjarsýslu!"
Sigurður fæddist í Bifröst í Borgar-
firði, en ólst upp á Laugum í
Reykjadal þar sem hann átti heima
til tuttugu ára aldurs. Hann lauk
stúdentsprófi frá Menntaskólanum
á Akureyri árið 1977 og hélt þá
um haustið utan til Bandaríkjanna
og stundaði nám í bókmenntum,
leiklist og heimspeki um eins árs
skeið. Síðan lá leiðin í Háskóla ís-
lands þar sem hann lauk BA-prófi
í íslenskum fræðum og almennum
bókmenntum og árið 1985 lauk
hann cand. mag.-prófí í íslenskum
bókmenntum. Síðastliðin þijú ár
hefur hann verið leikhúsritari hjá
Leikfélagi Reykjavíkur og annast
stundakennslu við Háskólann, auk
þess sem hann hefur unnið að ýms-
um verkefnum fyrir fjölmiðla.
Sigurður tekur til starfa hjá Leik-
félagi Akureyrar í byijun júní. Hann
sagði að enn hefði hann ekki fund-
að með leikhúsráði varðandi stefnur
og strauma fyrir næsta leikár, en
fyrsta verkið hefur þegar verið
ákveðið. Þar er um að ræða Hús
Bernörðu Alba eftir Federico Garcia
Lorca og er stefnt að frumsýningu
um miðjan október. Leikstjóri verð-
ur Þórunn Sigurðardóttir. „Verkið
ijallar um tilfinningar, ófrelsi, ástir
og erótík," sagði Sigurður. Ein-
göngu er um kvenhlutverk að ræða,
eða alls 12, auk fjölda smærri hlut-
verka, en í upphaflega handritinu
taka um 200 grátkonur þátt. Sig-
urður sagði áherslu lagða á það að
fá atvinnuleikkonur í sem flest hlut-
verk og sækja þyrfti hluta þeirra
út fyrir bæjarmörk Akureyrar.
Hann sagði margar afbragðsgóðar
leikkonur inni í þeirri mynd.
„Þetta verður metnaðarfull og
glæsileg sýning," sagði Sigurður.
Engin stefnubreyting verður á hvað
varðar val á verkefnum og sagði
Sigurður að sem fyrr yrðu kynnt
góð klassísk verk og þess á milli
leikrit í léttari kantinum, ný íslensk
verk og barnaleikrit. „Markmið
leikhússins er fyrst og fremst að
bjóða Norðlendingum og reyndar
landsmönnum öllum upp á góðar
leiksýningar af ýmsu tagi og jafn-
framt er það von okkar sem að leik-
félaginu stöndum að fólk flykkist í
leikhúsið og fylli salina á hverri
einustu sýningu."
UTSKRIFTARNEMAR í Verk-
menntaskólanum á Akureyri
hafa sent frá sér ályktun þar
sem segir að það sé skýlaus
krafa þeirra að upphaflegur
útskriftardagur, 27. maí, haldist
óbreyttur. Astæða þess sé að
yfirgnæfandi meirihluti nem-
enda hafi skipulagt tíma sinn
með tilliti til ofangreindrar dag-
setningar. Baldvin Bjarnason
skólameistari sagði að loknum
fundi með kennurum í gær að
ekki yrði hróflað við áður
ákveðnum útskriftardegi.
Útskriftarnemar við VMA fjöl-
menntu á fund í fyrrakvöld og þar
kom einnig fram krafa um að
engin próf verði haldin, Ijóst sé
að nokkurra daga kennsla komi
engan veginn í stað þeirra vikna
sem þeir hafi misst úr. Þá krefjast
nemarnir þess einnig að þeir hljóti
starfseinkunn í tölustöfum og
verði þær byggðar á námsárangri
í viðkomandi greinum. Það eigi
að vera auðvelt í framkvæmd þar
sem meirihluti nemenda hafi lengi
stundað nám við skólann.
A kennarafundi í skólanum í
gær var ákveðið að ganga þannig
frá málum að hver kennari hefði
sólarhring með nemendum, þannig
að yfirferð námsefnis hæfist kl.
13.00 að deginum og síðan yrði
verið að svo lengi sem þrek entist
og kl. 9.00 næsta morgun yrðu
próf lögð fyrir í viðkomandi náms-
grein. „Ég tel að þetta sé eins
farsæl lausn í stöðunni og kostur
er,“ sagði Baldvin.
Um 140 nemendur verða út-
skrifaðir frá skólanum af ýmsum
brautum og að baki liggur mi-
slangt nám, eða allt frá einni önn
og upp í átta.
Ekki náðist í Jóhann Siguijóns-
son skólameistara Menntaskólans
á Akureyri í gær, en í fréttatil-
kynningu sem hann sendi frá sér
á föstudag í fyrri viku segir að
ef verkfall leysist á tímabilinu
16,—21. maí verði kennt til 3. júní
í 1.—3. bekk en engin próf haldin
að sinni. Prófað yrði í vorannará-
föngum í september áður en nýtt
skólaár hefst, en í 4. bekk og öld-
ungadeild yrðu próf haldin frá 5.
júní til þess 14. og brautskráð 17.
júní.
Slátursamlag SkagjSrðinga:
Bókfært tap um
6 milljónir króna
Sauðárkróki.
AÐALFUNDUR Slátursamlags Skagfirðinga var haldinn 26. apríl
síðastliðinn. A fundinum kom fram að rekstur fyrirtækisins gekk
vel á síðasta ári og skilaði um það bil 4 milljóna króna hagnaði.
En vegna gjaldþrota stórra viðskiptaaðila voru afskrifaðar viðskip-
takröfur uppá rúmar 10 milljónir, þannig að bókfáert tap fyrirtæk-
isins á rekstrarárinu 1988 nam um 6 milljónum króna.
Að sögn sláturhússtjóra, Smára inga skipa: Sigurpáll Árnason
Borgarssonar, gekk reksturinn vel
á síðastliðnu ári. Alls var slátrað
tæplega 15.000 fjár síðastliðið
haust, en stórgripaslátrun stendur
yfir allt árið, og er að jafnaði fram-
kvæmd tvisvar í mánuði. Á árinu
var slátrað 552 nautgripum og 488
hrossum.
Þá kom fram hjá sláturhús-
stjóra að allar afurðir bænda hafa
verið greiddar að fullu síðasta dag
næsta mánaðar eftir slátrun, nema
folaldakjöt, sem fram til þessa
hefur verið fremur þungt í sölu
og hefur ekki verið endanlega
uppgert frá hausti 1988.
Stjórn Slátursamlags Skagfirð-
stjórnarformaður, Stefán Hrólfs-
son og Borgar Símonarson. Fram-
kvæmdastjóri er Birgir Bogason.
- BB
Lög og ljóð
í Gamla Lundi
I kvöld, föstudagskvöld, efnir
Rauða húsið til tónleika í Gamla
Lundi við Eiðsvöll á Akureyri. Þar
mun Kristján Pétur Sigurðsson
flytja ýmis lög og ljóð við eigin
gítarundirleik. Á undan leik Krist-
jáns fer Jón Laxdal Halldórsson
með fáein kvæða sinna.
Félag verslunar- og skrifstofufólks:
Gert að greiða Sigrunu Grímsdóttur
7900 krónur auk málskostnaðar
Kröfiur um miskabætur ekki teknar til greina
FÉLAG verslunar- og skrifstofúfólks á Akureyri var í gær dæmt
í bæjarþingi Akureyrar til að greiða Sigrúnu Grímsdóttur 7.900
krónur ásamt dráttarvöxtum auk 70.000 króna í málskostnað, en
Sigrún höfðaði mál á hendur félaginu í júní á síðasta ári. Forsaga
málsins er sú, að Sigrún hafði ætlað að fljúga með Flugleiðum frá
Akureyri til Reykjavíkur þann 1. maí á síðasta ári, en var stöðvuð
af verkfallsvörðum. Hafði hún farseðil, en engan farangur og taldi
sig því geta gengið beint út í vélina.
Freyr Ófeigsson héraðsdómari
dæmdi í málinu. í dómsorði segir
m.a. að ekki sé um háa upphæð
að ræða er stefnda beri að greiða,
en hins vegar kunni málið að hafa
nokkuð fordæmisgildi.
Sigrún krafði Félag verslunar-
og skrifstofufólks um 107.900
króna bætur. Beinn útlagður
kostnaður Sigrúnar vegna dvalar
á Akureyri og vinnutaps var 7.900
krónur, en að auki krafði hún fé-
lagið um 100.000 krónur í miska-
bætur þar eð hún taldi sig hafa
orðið fyrir óþægindum, m.a. vegna
myndbirtinga af atvikinu er hún
var stöðvuð af verkfallsvörðum.
Félag verslunar- og skrifstofufólks
var sýknað af þessum lið ákærunn-
ar.
Jóna Steinbergsdóttir formaður
FVSA sagði í samtali við Morgun-
blaðið að málinu yrði mjög senni-
lega áfrýjað til Hæstaréttar. Óskar
Magnússon fór með málið fyrir
hönd Sigrúnar og sagðist hann í
gær ekki geta tjáð sig um dóminn
þar eð hann hefði ekki séð hann.
„En samkvæmt þeim upplýsingum
sem ég hef bendir allt til að nokk-
ur sigur hafi hlotist í málinu,"
sagði Óskar.
4,7 milljómim úthlutað
úr Húsfriðunarsjóði
Efht til námskeiðs í viðhaldi gamalla húsa
FYRSTA úthlutun úr Húsfriðunarsjóði fór fram fyrir skömmu, en alls
sóttu fimmtán ýmist um lán eða styrki úr sjóðnum. Alls var úthlutað
4,7 milljónum króna í þessari fyrstu úthlutun.
Samþykkt var að veita tveimur
aðilum styrki, samtals 400 þúsund
krónur, og átta aðilar fengu lán-
veitingu úr sjóðnum samtals 4,3
milljónir króna. Að auki var Leik-
félagi Akureyrar veittur styrkur úr
sjóðnum að upphæð krónur 2,2 millj-
ónir, en fénu verður varið til endur-
bóta á Samkomuhúsinu.
Ingólfur Ármannsson menningar-
málafulltrúi sagði að einungis friðuð
hús væru hæf til styrkjar úr sjóðn-
um, en lán væru veitt bæði til frið-
aðra húsa og einnig til þeirra sem
teldust hafa varðveizlugildi. Hús-
friðunarsjóður er nýr sjóður sem
gerður var úr tveimur eldri sjóðum
á vegum Akureyrarbæjar, en engar
úthlutanir hafa farið fram úr þeim
um þriggja ára skeið. Ingólfur sagði
að við úthlutun nú hefði m.a. verið
farið eftir því hveijir hefðu hafið
framkvæmdir við hús sín á því tíma-
bili þegar engar úthlutunar fóru
fram.
í tengslum við úthlutanir úr sjóðn-
um verður efnt til námskeiðs um
viðhald gamalla húsa. Námskeiðið
hefst 26. maí og stendur yfir í tvær
helgar. Umsjónarmaður námskeiðs-
ins verður Leifur Blumenstein bygg-
ingafræðingur og er fagmönnum,
eigendum gamalla húsa sem og öðr-
um þeim sem áhuga hafa heimilt að
sækja námskeið þetta.