Morgunblaðið - 01.10.1992, Blaðsíða 35

35
M< »Rlil.’NBLADH) KI.MMTUDAGUK \ OKTÓBER 1992
Maðurinn sem skaut Oswald
Kvikmyndir
Arnaldur Indriðason
Ruby. Sýnd í Stjörnubíói. Leik-
stjóri: John Mackenzie. Hand-
rit: Stephen Davis. Framleið-
endur: Sigurjón Sighvatsson,
Steve Golin. Aðalhlutverk:
Danny Aiello, Sherilyn Fenn,
Arliss Howard.
Einn af mörgum leyndardóm-
um í kringum morðið á John F.
Kennedy í Dallas 1963 er af
hverju næturklúbbseigandi með
tengsl við mafíuna skaut Lee
Harvey Oswald, ætlaðan morð-
ingja Kennedys, til bana. Jack
Ruby komst á spjöld sögunnar
en gaf aldrei upp það sem hann
vissi, ef það var þá eitthvað, um
morðið og lést í fangelsi árið
1967.
Bíómyndin Ruby í leikstjórn
breska leikstjórans John Mac-
kenzies („The Long Good
Friday“), en Siguijón Sighváts-
son er annar framleiðandi henn-
ar, reynir að varpa ljósi á þennan
dularfulla mann og ástæðuna
fyrir morði hans á Oswald og
heldur sig við öllu umfangsminni
samsæriskenningu en Oliver
Stone setti fram í „JFK“. Ruby
er um mafíukenninguna. í mynd-
inni eru rakin tengsl stóru mafíu-
fjölskyldnanna við forsetann eins
og þau koma Ruby fyrir sjónir.
Gefið er í skyn að mafían hafi
tryggt forsetanum kosningu í
embætti með svindli í Chicago
og vilji nú fá eitthvað annað fyr-
ir sinn snúð en sífelldar árásir
frá dómsmálaráðuneytinu, sem
bróðir forsetans, Bobby, var ráð-
herra fyrir. Einnig er komið inn
á tengsl mafíunnar og CIA og
samsæri þessara aðila um að
ráða Fidel Kastró af dögum.
Öll sagan er sögð frá sjónar-
hóli Rubys, sem Danny Aiello
leikur stórkostlega vel. Myndin
segir sögu hans og nektardan-
smærinnar Candy Cane, sem
Sherilyn Fenn úr Tvídröngum
leikur með ósviknum Marilyn
Monroe töktum. Bæði eru þau
peð í leiknum. Cane gerist hjá-
svæfa forsetans að undirlagi
mafíunnar til að að koma skila-
boðum á milli. Myndin gefur
einkar sakleysislega lýsingu á
þessum tveimur; Ruby er verald-
arvanur smákrimmi en ætíð rétt-
sýnn og sérstakur heiðursmaður
í kvennamálum en Cane er sak-
Iausa sveitastelpan sem vill eitt-
hvað meira út úr lífinu. Eins og
Aiello leikur hann ljómar skyn-
semin af Ruby. Myndin gefur
mjög samúðarfulla lýsingu á hon-
um. Ruby blöskrar þegar ráða-
bruggið um forsetamorðið rennur
upp fyrir honum. Morð hans á
Oswald virkar sem örvæntingar-
full tilraun til uppreisnar gegn
mafíunni.
Allt í kringum þau eru sam-
særislegir mafíumenn og dular-
fullur CIA-maður, sem Howard
Arliss leikur, og vekur reyndar
fleiri spumingar en hann svarar.
Bretinn Mackenzie og handrits-
höfundurinn Stephen Davis, sem
byggir á eigin leikriti, gera ágæt-
lega í því að skapa andrúmsloft
samsæris með leynimakki í
kringum goðsagnakenndar per-
sónur. Myndin er ómissandi fyrir
þá sem áhuga hafa á Kennedy-
morðinu og kom Ruby enda á
hárréttum tíma, strax á eftir
hinni umdeildu „JFK“.
Ruby er forvitnilegur kafli í
sögunni um Kennedymorðið, vel
leikin mynd og á köflum áhrifa-
rík saga af smákrimma og
„venjulegum næturklúbbseig-
anda“, eins og Ruby kallaði sig
sjálfur, sem komst á spjöld sög-
unnar í einum leyndardómsfyllsta
atburði þessarar aldar.
Hetjur, fól og manndrápstól
Kvikmyndir
Sæbjörn Valdimarsson
Háskólabíó:
Háskaleikur - „Patriot Games“
Leikstjóri Philip Noyce. Hand-
rit W. Peter Iliff og Donald
Stewart, byggt á metsölubók
Tom Clancys. Tónlist James
Horner. Aðalleikendur Harri-
son Ford, Anne Archer,
Patrick Bergin, Sean Bean,
James Fox, James Earl Jones,
Richard Harris. Bandarísk.
Paramount 1992.
Önnur myndin (því er spáð að
hér sé í uppsiglingu „James Bond-
myndabálkur“ tíunda áratugar-
ins) um CIA spæjarann John
Ryan (Ford) hefst á fyrirlestra-
ferð hans um Bretlandseyjar.
Hann hefur nú hætt hjá leyniþjón-
ustunni og snúið sér að akade-
mískari störfum. En er hann
ásamt fjölskyldu sinni verður vitni
að banatilræði við lávarð úr kon-
ungsfjölskyldunni (James Fox)
getur hann með snarræði bjargað
lífi hans, skýtur annann tilræðis-
manninn til bana en særir hinn
(Bean). En hér voru írskir bræður
á ferð og heitir sá er eftir lifir
(Bean) að hefna bróður síns.
Ekki líður á löngu uns Bean
sleppur úr haldi og tekst næstum
að vinna á eiginkonu Ryans og
dóttur. Gamli leyniþjónustumað-
urinn sér að hann verður að grípa
í taumana og heldur aftur á mála
hjá CIA. Þar hefur hann upp á
illþýðinu í Norður-Afriku með
aðstoð nútíma hernaðartækni og
tekst að uppræta það - eða hvað?
Ford er virkilega í essinu sínu
og kann greinilega betur við sig
hér en í mörgum öðrum myndum
að undanförnu, svo sem Regard-
ing Henry
Kvikmyndagerðin hefur tekist
með ágætum. Handritið, sem
byggir á hinni bráðskemmtilegu
metsölubók Clancys, er líflegt og
aldrei dauðan punkt að finna. Og
það er glætt sterkum tilfinningum
hvað snertir fjölskyldubönd Ry-
ans, nokkuð sem er harla óvenju-
legt í afþreyingarmyndum sam-
tímans og leikurunum tekst ákaf-
lega vel að koma til skila.
Svo dramatíska hliðin er í besta
lagi. Sama verður sagt um átaka-
atriðin sem minna áhorfandann á
Persaflóastríðið þar sem herfor-
ingjarnir sátu í makindum og sáu
á sjónvarpsskerminum
sprengjunum sínum rigna niður
með ósköpum víðs fjarri. Sá kafli
sem gerist innan dyra CIA er sá
besti og harla nýstárlegur. Hér
fær áhorfandinn örlitla innsýn í
hátækninjósnabúnað og mann-
drápsvélakost stórveldanna og þá
leyndu, lygilegu veröld sem
stjórnað er af leyniþjónustum
þeirra.
Þeir Bergin og Bean eru hinir
ábúðamestu rustar og til sögunn-
ar koma ófáir, valinkunnir skap-
gerðarleikarar í aukahlutverkin.
Þá er litla stúlkan í hlutverki
dóttur Ryans vel leikin og Archer
smellpassar í raunamætt hlutverk
eiginkonunnar. Og frammistöðu
Fords var getið hér á undan. En
þó leikararnir standi sig undan-
tekningarlaust vel og tónlistin sé
afbragð þá er það tæknin sem
hér er notuð sem er senuþjófur-
inn. Háskaleikur er svo sannar-
lega í anda nýs áratugar með
nýjum brellum, tækni og tólum.
■ GEISLADISKUR með hljóm-
sveitinni Bleeding Volcano kemur
út í dag, 1. október. Geisladiskurinn
ber nafnið Damcrack og á honum
eru 13 frumsamin lög. I tilefni af
útgáfu Damcrack heldur Bleeding
Volcano tónleika í Café Rósen-
berg í kvöld, fimmtudagskvöld, og
hefst dagskráin um kl. 22.30.
Næstu vikur mun Bleeding Volc-
ano fylgja Damcrack eftir með
tónleikahaldi á veitingastöðum og
í framhaldsskólum. Bleeding Volc-
ano skipa þeir Vilhjálmur G.F.
Brekkan, Guðmundur Þ. Sig-
urðsson, Sigurður Kristinsson og
Hallur Ingólfsson. Japis sér um
dreifingu Damcrack.
■ HLJÓMS VEITIN Loðin rotta
leikur fyrir gesti og gangandi í veit-
ingahúsinu Gjánni á Selfossi í kvöld
og annað kvöld. Það hefir verið
stefna veitingahaldara á Gjánni síð-
ustu árin að færa lifandi tónlist
yfir á kvöld virkra daga ásamt því
að halda uppi músíkveislu allar
helgar þess á milli. Það eru fyrir-
tækin 18. MARZ og Krón FILM
sem standa að tónleikunum en þau
ætla að nota fimmtudagskvöldið til
að hefja tökur á nýrri íslenskri kvik-
mynd sem ber vinnuheitið Hálfgerð
Grýla. Myndin verður tekin upp á
næstu vikum og gerist stór hluti
hennar á Selfossi og á Flúðum.
Áætlað er að frumsýna myndina í
nýjum bíósal sem tekinn verður í
notkun á Selfossi í apríl á næsta ári.
(Úr fréttatilkynningu)
HASKÖLI ISLANDS
ENDURMENNTUNARSTOFNUN
ENDURSKIPULAGNING
MARKAÐS- OG SÖLUMÁLA FYRIRTÆKJA
Kynning á nokkrum aðferðum til að
auka árangur í markaðs- og sölustarfsemi
fyrirtækja. Fjallað verður um aðferðir
við að meta núverandi stöðu m.a. með
tilliti til samkeppni, greina vankanta og
jafnframt nýja möguleika í sölustarfsem-
inni. Einnig um notkun söluupplýsinga,
eftirlit með árangri, einfaldar hagrænar
úttektir o.fl.
Leiðbeinandi:. Jóhann Magnússon,
rekstrarráðgjafí hjá Stuðli hf.
Tími: 7. október kl. 16.00-20.00.
Verð: Kr. 4.800,-.
Upplýsingar í símum 694923, -24 og -25.
Vestur-Húna-
vatnssýsla
Stóðrétt í
Víðidals-
tungnrétt
STÓÐRÉTT verður í Víðidals-
tungurétt Vestur-Húnavatns-
sýslu laugardaginn 3. október
nk. Rekið verður til réttar kl. 11.
Stóðinu verður smalað saman
með fjárgöngum og verður smalað
niður í svonefnd Heimalönd, fremst
í Víðidal. Rekið verður til réttar kl.
11 á laugardagsmorgun.
Söludilkur verður í réttunum og
verða þar tamin og ótamin hross,
fullorðin sem folöld, til sýnis og
sölu. Búist er við að margir hestaá-
hugamenn komi í réttirnar, en sveit-
ungar líta á þær sem nokkurs kon-
ar uppskeruhátíð.
HÁRKÚR
Áhrifaríkur hárkúr með
Biotíni
fyrir hár,
húðog
neglur.
Vítamín,
stein-
efni,
amínó-
sýrur,
protein.
Hugsaðu vel um hárið!
BÍÓ-SELEN UMB.SIMI 76610
VZterkur og
hagkvæmur
auglýsingamiðill!
Fatahreinsun,
Engihjalla 8,
sími 641403.
Hreinsum allan fatnað,
gluggatjöld, rúmteppi o.fl.
(—-OlOUPS
’f cx Wovncm
+-laust '92
Skrifstofutækni
• INNRITUN HAFIN •
Við leggjum áherslu á vandað nám sem sniðið er að
kröfum vinnumarkaðarins og nýtist þér í atvinnuleit.
Kenndar eru eftirtaldar námsgreinar:
§ Bókfærsla
§ Ritvinnsla
§ Verslunarreikningur
§ Tölvubókhald
§ Töflureiknir
§ Tollskýrslugerð
§ Gagnagrunnur
§ Windows og stýrikerfi
Athugið okkar hagstæðu greiðslukjör, kr. 5000 á
mánuði til tveggja ára eða 15% staðgreiðsluafsláttur.
Tölvuskóli íslands
sími 67 14 66 • opið til kl. 22