Morgunblaðið - 30.04.1993, Blaðsíða 11

MORGUNBLAÐIÐ FÖSTUDAGUR 30. APRÍL 1993
C 11
Nýr og breyttur Saab 900
NÝR og breyttur Saab 900 verður kynntur umboðsmönnum og fjöl-
miðlum í júlí og ágúst nk. Bíllinn er um margt breyttur en þó eru
hinar klassísku línur Saab enn til staðar. Breytingarnar á bílnum
ná einkum til öryggisþátta, akstureiginleika og mengunarvarna. Nýi
Saab-inn verður m.a. boðinn með nýrri 2 lítra, 16 ventla og 190
hestafla vél. Hann verður fyrst kynntur almenningi á bílasýningunni
í Frankfurt 9. september nk.
Chrysler Neon '95
CHRYSLER Neon, eins og hann kemur líklega til með að líta út
þegar hann kemur á markað 1995. Þessi mynd er unnin í tölvu, en
framenda frumgerðarinnar hefur verið haldið leyndum og tölvan
hefur teiknar líklegustu útkomuna. Chrysler Neon verður með 2
lítra vél, 16 ventla og fjögurra strokka.
Farsímar taldir getað
valdið tölvutruf lunum
INNFLYTJENDUR Volvo, Renault, VW/Audi og Porsche í Dan-
mörku hafa varað við notkun farsíma í bílum af þessum gerðum.
Astæðan er nálægð innbyggðs loftnets símanna við tölvubúnað bíl-
anna sem getur valdið truflunum í straumrás tölvubúnaðarins.
Hugsanlegt er talið að tölvustýrðir hlutir í bílum geti bilað, og t.a.m.
loftpúðar blásið skyndilega upp fyrir framan ökumanninn, drepist
á bílvélinni eða læsivörn hemlabúnaðarins brugðist.
'Rudolf Anders-
en, upplýsinga-
fulltrúi Skandin-
avisk Motor í Dan-
mörku, segir að
þrátt fyrir enn
hafi ekki orðið
óhapp af þessum
völdum hafi þeir
heyrt um dæmi
þess að drepist
hafi skyndilega á
bílvélum þegar síminn hringir í
bílnum. Fyrirtækið mælir eindregið
með því að eigendur farsíma noti
þakloftnet.
Straumrás nútímabíla
Farsímar í NMT-kerfinu þurfa 1
vatta straum til að starfa en í
mörgum gerðum eykst straumur-
inn upp í 6 vött þegar síminn er
tengdur við sígarrettukveikjara
bílsins. Farsímar í GSM-kerfinu,
sem eru mjög að ryðja sér til rúms
í Evrópu, starfa á tveggja, fimm
eða átta vatta straum, og til eru
gerðir sem starfa á 20 vatta
straum, en þeir hafa reyndar ekki
verið viðurkenndar. Svo mikill
styrkur getur truflað flókna
straumrásina sem stjórnar aðgerð-
um í nútímabílum. Þess vegna er
mælt með því að merkin frá inn-
byggðu loftneti farsímans séu flutt
í loftnet á þaki bílsins.
Bannað í flugi
Flugfélög hafa bannað notkun
farsíma um borð í flugvélum vegna
rafmagnstruflana sem þeir geta
valdið og sömuleiðis hafa mörg
sjúkrahús í Danmörku bannað
notkun þeirra vegna háþróaðra
tækja sem þar eru. Auk þess veitir
það ökumanninum vörn gegn kröft-
ugum útvarpsgeislum að hafa loft-
netið á þaki bifreiðarinnar. Óttast
er að slíkir geislar geti valdið heila-
skaða og öðru heilsutjóni ef styrkur
sendisins er of hár. ■
Útf jólublá Ijós auka öryggi
INNAN fimm ára er búist við að útfjólublá bílljós
verði farin að ryðja sér verulega til rúms í heimin-
um, en í Svíþjóð hafa staðið yfir miklar prófanir
á Ijósum af þessari gerð á vegum Saab og Volvo.
Með útfjólubláum bílljósum sjást menn og dýr
tvisvar til þrisvar sinn fyrr á veginum en með
lágum ljósum. Útfjólublá Ijós lýsa upp næstum
jafnstóran hluta vegar og hái Ijósgeislinn, en þau
blinda ekki aðra ökumenn og því er hægt að hafa
þau stöðugt kveikt.
Útfjólublár geisli nær 100 metrum lengra út í myrk-
ið, en lægri geisli hefðubundinna bílljósa, en helsti
kostur útfjólublárra ljósa er að þau blinda ekki aðra
ökumenn og eru að því leyti betri kostur en háu ljós-
in. Sænsku bílframleiðendurnir ráðgera að innan
tveggja ára verði útfjólublá bílljós komin í fyrstu bíl-
ana.
Viðbragðsvegalengd
Markmið þessara rannsókna í Svíþjóð er að gera
akstur að næturþeli þvi sem næst eins öruggan og
akstur í dagsljósi. Nú er akstur að nætulagi a.m.k.
talinn vera tvisvar sinnum hættulegri en akstur í dags-
ljósi. Þessi hætta helgast af því að ökumenn aka að
langmestu leyti með lágu ljósin logandi sem lýsa að-
eins 50 metra fram fyrir bílinn. Þurfi ökumaður að
forðast aðsteðjandi hættu á 80 km hraða á klst nýt-
ist sú fjarlægð aðeins sem viðbragðsvegalengd en
ekki sem hemlunarvegalengd. Með útfjólubláum ljós-
um meira en tvöfaldast sú vegalengd sem lýsist upp
fyrir framan bílinn og ökumaðurinn sér það sem er í
150 metra fjarlægð. Útfjólublá bílljós lýsa í gegnum
snjókomu, þoku og regn.
Ósýnilegur Ijósgeislf
Saab og Volvo eru í samstarfi við Philips-verksmiðj-
urnar, Valeo og Hella um þróun útfjólublárra ljósa í
bíla. Til að tryggja sér einkaleyfi á framleiðslunni
hafa Saab og Volvo stofnað fyrirtækið Ultralux AB.
Enn er aðeins um tilraunir að ræða, en Svíamir vilja
fyrirbyggja að ljósin geti valdið mönnum eða dýmm
skaða áður en þau verða sett á markað. Einnig er
stöðugt unnið að endurbótum á ljósgeislanum svo
hann verði því sem næst ósýnilegur. Enn sem komið
er varpa ljósin frá sér bláum geisla sem líkist neyðar-
Ijósum lögreglu- og sjúkrabíla. Tilraunaakstur Svíanna
með þessi ljós byggist því á undanþágum frá almenn-
um umferðarlögum. Á tilraunabrautum Saab og Volvo
Með lágu ljósunum lítur vegurinn út á þessa
lund. Þegar hraðinn er 80 km á klst. hefur öku-
maðurinn tvær sekúndur til að bregðast við og
hemla innan þess svæðis sem er upplýst, en það
er ógjörningur.

Við nákvæmlega sömu aðstæður, en með útfjóju-
blá ljós sem lýsa upp hættuna framundan. Út-
fjólublátt ljós endurkastast af klæðum og end-
urskinsmálningu, en blindar ekki aðra ökumenn
og er því að hægt að hafa þau stöðugt kveikt.
í Svíþjóð hefur verið komið fyrir sérstaklega gerðum
kantstikum og vegamerkingum sem endurvarpa út-
fjólubláu ljósi, og er búist við að þegar útfjólublá bíl-
ljós verða almenningseign verði vegir merktir sérstak-
lega með notkun þeirra í huga, og mun það auka enn
á þá vegalengd sem ökumaðurinn sér fram fyrir sig
í myrkri.
Reiknað er með að settið af útfjólubláum bílljósum
kosti um 20 þúsund kr. og að þau ryðji sér verulega
til rúms í eldri bílum áður en þau verða staðalbúnaður
í nýjum bílum. Endingartími þeirra er talinn verða
um helmingi lengri en halogen-ljósa. ■
Með útfjólublá ljós í grillinu.
Þungaskattur innheimtur
eingöngu með f östu gjaldi
UNNIÐ er að samningu frumvarps um breyt-
ingar á lögum um innheimtu þungaskatts,
en hugmyndin er að innheimta þungaskatts
með ökumælum verði aflögð. Tilgangurinn
með þessum breytingum er að koma í veg
fyrir undanskot á þungaskattinum, sem tölu-
verð brögð hafa verið að samkvæmt upplýs-
ingum frá fjármálaráðuneytinu. Jafnframt
er gert ráð fyrir að sett verði á markaðinn
lituð olía fyrir þá aðila sem eru undanskildir
olíugjaldi, þ.e.a.s. húseigendur, skipafélög
og eigendur þungavinnuvéla.
Núna er eigendum díselbíla upp að 4 tonna
þyngd í sjálfsvald sett hvort þeir borgi árgjald,
sem greitt er tvisvar á ári, eða láti lesa af öku-
mæli og greiði þá visst gjald fyrir hvern ekinn
kílómetra þrisvar á ári. Hins vegar eru díselbílar
yfir 4 tonn að þyngd ökumælaskyldir. Hagstæð-
ara hefur verið fyrir þá sem minna aka að hafa
ökumæli. ...
Undanskot
Samkvæmt frumvarpsdrögunum verður ár-
gjaldið áfram miðað við þunga bifreiða, en stóra
breytingin verður sú að ökumælar sem álagning-
argrundvöllur verða aflagðir og verður Island
síðasta Evrópuþjóðin til þess að gera það.
Veruleg brögð hafa verið að því að átt hefur
verið við ökumæla, þeir snúnir niður og innsigli
þeirra rofin. Breytingin verður til hækkunar
fyrir þá sem hafa svindlað, en fyrir aðra á álagn-
ingin að vera svipuð. Gert er ráð fyrir að tekjur
ríkissjóðs aukist við þessar breytingar. miðað
við óbreytt olíugjald, vegna undanskota sem
hafa viðgengist á þungaskattinum.
Eftlrllt
Gert er ráð fyrir að frumvarpið verði lagt
fram á næsta haustþingi, og verði það að lögum
er gert ráð fyrir ákveðnum aðlögunartíma áður
en lögin taka gildi.
Olíugjaldið mun áfram renna í vegasjóð og
er rökstutt á þann hátt að þeir greiði það sem
slíta vegunum. Ólituð olía verður afgreidd á
ökutækin. Þetta er aðferð sem hefur verið tekin
upp í nágrannalöndunum. Litarefnum verður
blandað út í olíu þeirra sem eru undanskildir
olíugjaldi, en noti eigendur ökutækja litaða olíu
greinist hún í olíutanki ökutækisins í marga
mánuði. Litaðri olíu verður ekki dreift á bensín-
stöðvum, heldur dreifa olíufélögin henni sérstak-
lega til skipa og húsa. Eftirlit verður með því
að lituð olía verði ekki notuð á ökutæki, t.a.m.
með úrtaki eða þegar bíllinn er færður til skoðun-