Morgunblaðið - 23.09.1998, Blaðsíða 41

MORGUNBLAÐIÐ
MIÐVIKUDAGUR 23. SEPTEMBER 1998 41
_________*
Dýraglens
Ferdinand
Smáfólk
UE^MARCIE.HOW
SOON BEFORE
SCHOOL START5
A6AIN
Hæ, Magga ... Hvað
er langt þangað til
skólinn byijar á ný?
Ég gæti þurft að
fá lánuð nokkur
glósubókarblöð
og svoleiðis ...
Hvenær byrjar
þá skólinn?
Áttu dagatal?
Hvað?
BREF
TIL BLAÐSINS
Kringlan 1 103 Reykjavík • Sfmi 569 1100 • Símbréf 569 1329
Drattast hægfara
liðleskjur?
Frá Vilhjálmi Árnasyni:
EÐA hvað skyldi DHL annars
standa fyrir? Dagsbið hafirðu látið
lokkast? Nógu lokkandi eru auglýs-
ingar þeirra allavega. En sam-
kvæmt minni reynslu standa þær
sannarlega ekki undir gylliboðun-
um.
Reynslusaga 1
Fyrir fimm árum var ég í Þýzka-
landi að ganga frá bók til prentunar.
Bókin var brotin um á Islandi svo
mikið var um alls kyns sendingar á
milli landanna tveggja. Eins og
gengur við vinnu af þessu tagi lent-
um við í mikilli tímaþröng. Á
miðvikudegi þurfti ég að senda heim
prófórk sem brýnt var að væri kom-
in til umbrotsmannsins fyrir helg-
ina. Að fenginni reynslu af hinni
venjulegu póstþjónustu, sem var
prýðileg, vissi ég að hún myndi ekki
duga í þetta sinn. Dettur mér þá
ekki DHL í hug. Hringi í skrifstofu
þeirra í Berlín og spyr þá hvort þeir
geti komið sendingu til Reykjavíkur
íyrir helgina. Þeir kváðu svo vera, ef
pakkinn bærist til þeirra þennan
sama dag, miðvikudag. Ég lagði
undir mig langferð í lest til óhrjá-
legra höfuðstöðva DHL í Berlín.
Greiddi þar rúmlega 100 mörk fyrir
pakkann, en það voru þá u.þ.b. 5.000
krónur. En tíminn var dýrmætur,
svo þessi tilhögun átti að borga sig.
Á fostudagskvöldið var hins vegar
enginn pakki kominn í hendur
viðtakanda á íslandi. Eftir nokkra
eftirgrennslan, sem kostaði m.a.
millilandasímtöl, komst ég að því að
pakkinn væri kominn til íslands.
Talsmaður DHL tjáði mér að hann
væri í tolli og kosta myndi stórfé að
leysa hann út um helgina. Fyrir ut-
an það að furða sig á hraðpóstþjón-
ustu sem væri harðlokuð um helgar,
var nú lítið annað að gera en sætta
sig við orðinn hlut og bíða mánu-
dagsmorguns. Þá yrði pakkinn ef-
laust borinn út í býti á eldingar-
hraða DHL. En það reyndist fals-
von. Pakkinn var kominn til viðtak-
anda um hádegisbil á mánudeginum,
líkast til á sama tíma og gamli
sniglapósturinn hefði náð, og það
fyrir 10% af þóknun DHL. Þegar ég
síðar heimkominn bað DHL um
endurgreiðslu var því hafnað þar eð
móttökukvittuninni hafði ekki verið
haldið til haga.
Reynslusaga 2
Nú er ég staddur í Skotlandi og
enn þarf ég að senda prófarkir á
milli landa. Að sjálfsögðu nota ég
ekki DHL. Mér liggur meira á en
svo. En útgefandinn á íslandi hefur
látið lokkast og sendir prófarkir
hingað til mín í þeirri trú að það flýti
svo mikið fyrir. Tvær sendingar
hafa farið af stað frá íslandi. Sú
fýrri skilaði sér vel, því svo heppi-
lega vildi til að sonur minn var
heima að morgni til og gat tekið við
sendingunni. Sú síðari var greini-
lega komin til Aberdeen í gær, en
hún er ekki ennþá komin í mínar
hendur. Klukkan hálftíu í gærmorg-
un var hraðmiða frá DHL snarað
inn um bréfalúguna heima hjá mér
(hinn konunglegi sniglapóstur var
að venju kominn fyrii- átta). Á mið-
anum stóð hraðritað að reynt hefði
verið að koma til mín pakka, en þar
eð ég hefði ekki verið heima þyrfti
ég að hafa samband sem allra fyrst
við skrifstofu DHL og leiðbeina
þeim um næstu skref. Til að tefja nú
ekki fyrir hringdi ég umsvifalaust til
þeirra og gaf þeim upp heimilisfang-
ið á vinnustað mínum og kvaðst
myndu verða þar til loka vinnudags-
ins. Viðmælandi minn í símanum var
ekkert tiltakanlega hraðmæltur, svo
að ég held að ég hafi skilið hann
rétt. Pakkanum yrði komið til mín ,
hið fyrsta á vinnustaðinn. Ég þorði
ekki út úr húsi allan daginn ef svo
illa myndi nú vilja til að hraðboðam-
ir skytust við rétt á meðan. En gær-
dagurinn leið án þess að bólaði á
DHL-flauginni. Eftir vinnu hringdi
ég á skrifstofu þeirra og spurði
frétta. Þá var mér sagt að þetta ætti
sér eðlilegar skýringar. Þegar senda
þyrfti pakka á annað heimilisfang en
hann væri stílaður á þýddi það dags-
bið. Ég spurði hvort ekki mætti
skjóta pakkanum heim til mín þá um
kvöldið. Nei, það var engin leið.
Hraðboðamir voru allir famir heim
til sín, ugglaust úrvinda eftir allan
þeyting dagsins. Pakkinn myndi
borinn út - nei, það orðalag á ekki
við um DHL - honum yrði hraðað til
mín í fyrramálið. Nú er komið undir
hádegi og ekkert bólar á pakkanum.
Ég hef ekki hringt í þá ennþá. Þeir
eru sjálfsagt á þönum.
Aberdeen, 18. september 1998
PS: Pakkinn barst mér í hendur
nákvæmlega sólarhring síðar, eftir
ítrekaðar (kurteislegar) fyrirspumir
til DHL. Þá hafði ég nánast verið
gísl þessarar hraðþjónustu í tvo
daga. Þeirra viðbrögð: „Sorry about
that!“
VILHJALMUR ARNASON
prófessor í heimspeki.
ÖRYGGIS-
HJÁLMAR
ARVÍK
ÁRKIÚLfl 1 • SÍMI 568 7222 • FAX 568 7295
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi. -