Morgunblaðið - 28.10.1998, Blaðsíða 6
6 MIÐVIKUDAGUR 28. OKTÓBER 1998
MORGUNBLAÐIÐ
Fjarskipta-
safn í gömlu
loftskeyta-
stöðinni
FJ ARSKIPTASAFN Laudssíma
Islands verður opnað í Reykja-
vík í dag og í gær voru þeir
Snorri Björnsson og Hreinn
Kristjánsson að festa merki á
gömlu Loftskeytastöðina á Mel-
unum þar sem safnið verður til
húsa. Liðin eru 80 ár frá því
Loftskeytastöðin tók til starfa
en Póstur og sími samdi við Há-
skólann um kaup á húsinu árið
1996. A safninu verða myndir og
gripir úr sögu og þróun fjar-
skipta á íslandi. Jón Ármann
Jakobsson verður yfírmaður
safnsins.
FRÉTTIR
Stjórnsýsluskoðun Ríkisendurskoðunar á jarðadeild landbúnaðarráðuneytis
Annmarkar á meðferð
við sölu ríkisjarða j
JARÐADEILD landbúnaðarráðu-
neytisins, sem sýslar með jarðir í
ríkiseign, er gagnrýnd í nýrri
skýrslu Ríkisendurskoðunar um
stjórnsýsluendurskoðun, en könnuð
voru leiga, kaup og sölur jarða svo
og ábúendaskipti sem deildin sá um
árin 1993-1997. Ríkisendurskoðun
telur skráningu vegna jarðakaupa
ófullnægjandi, segir ekki allar jarð-
ir sem losna úr ábúð auglýstar og
telur annmarka vera á málsmeðferð
jarðadeildar við sölu ríkisjarða.
Þá telur Ríkisendurskoðun að
ríkið greiði almennt með jörðum
sem það hefur keypt og leigir út.
„Af því leiðir að þeir bændur og
ábúendur sem leigja jarðir af ríkinu
njóta að meðaltali ákveðins fjár-
hagslegs ávinnings umfram þá sem
eiga þær jarðir, sem þeir byggja,"
segir í skýi-slunni. „Að mati Ríkis-
endurskoðunar njóta leigutakar rík-
isins samkvæmt þessu fyrirkomu-
lagi ígildi styrkja með hinni lágu
leigu sem greidd er fyrir ríkisjarð-
ir,“ segh' einnig og telur stofnunin
augljóst að töluvert skorti á að
rekstur jarðanna standi undir sér.
Telur hún mikilvægt að leiga verði
hækkuð þar sem skilyrði eru fyrir
hendi.
Um sölu á ríkisjörðum segir að
jarðir sem heimilt var að selja sam-
kvæmt fjárlögum hafi ekki verið
auglýstar eins og rétt hefði verið að
gera samkvæmt jafnræðisreglu
stjómsýslulaga. Ekki verði fallist á
það sjónarmið ráðuneytisins að
jarðir sem bundnar séu samningum
eða afnotum séu ekki markaðsvara,
á það reyni ekki nema jörð sé aug-
lýst opinberlega. Þá segir að athug-
un á stöðu áhvílandi skulda sé ekki |
fullnægjandi og ekki séu nægilega
skýr ákvæði í kaupsamningum eða
afsölum um hvernig fara eigi með I
áhvílandi skuldir.
• •
Morgunblaðið/Árni Sæberg
Hætt við lend-
ingu á Akureyri
vegna bilunar
FOKKER 50 vél Flugfélags ís-
lands, í áætlunarflugi frá Reykja-
vík til Akureyrar, þurfti að hætta
við lendingu á Akureyrarflugvelli
vegna bilunar í aðvörunarbúnaði
vængbarða vélarinnar í gærmorg-
un. Bilunin kom upp í aðflugi að
Akureyrarflugvelli og orsakaði að
ekki var hægt að nota vængbörðin,
sem gegna því hlutverki að minnka
lendingarhraðann. Án vængbarð-
anna þurfa flugvélar lengri flug-
braut en ella. Við þau hemlunar-
skilyrði sem voru á Akureyrarflug-
velli í gærmorgun var flugbrautin
of stutt fyrir slíka lendingu. Tók
flugstjórinn því þá ákvörðun að
fljúga til Keflavíkur, þar sem flug-
brautir eru nægilega langar.
Fjörutíu farþegar voru um borð í
vélinni auk þriggja manna áhafnar.
Lendingin á Keflavíkurflugvelli
tókst vel og sakaði engan. Lögregl-
an og slökkviliðið á Keflavíkurflug-
velli voru samt í viðbragðsstöðu
uns vélin lenti heilu og höldnu kl.
9.20.
Farþegarnir voru fluttir með
annarri Fokker 50 flugvél skömmu
eftir komuna til Keflavíkur. Við-
gerðum á biluðu vélinni er lokið og
er hún komin í notkun aftur.
011 viðskipti með fasteignir gætu lagst af um áramót
Fáir eignaskipta-
samningar afgreiddir
ÖLL viðskipti með fasteignir munu
leggjast af um áramótin ef frestur
til að þinglýsa eignaskiptasamningi
verður ekki framlengdur. Að sögn
Magnúsar Sædal, byggingafullti-úa
Reykjavíkurborgar, er búið að fara
yfir um 700 fasteignir hjá embætt-
inu en það er lítið brot af þeim
samningum sem þarf að yfirfara og
þinglýsa. Alagið hjá embættinu
hefur verið mikið og er nú verið að
afgreiða samninga sem bárust í
júní í sumar.
Magnús sagði að afgreiðslutími
samninganna hjá embættinu væri
alltof langur en borgarráð hefur
nýlega samþykkt að veita aukafjár-
veitingu til að ráða fleira fólk til að-
stoðar. Sagði hann að verið væri að
afgreiða samninga frá því í júní sl.
en mjög seinlegt er að fara yfir þá.
Samkvæmt bráðabirgðaákvæði í
gildandi lögum hefur verið heimilt
að fresta þinglýsingu á eigna-
skiptasamningi fyrir eignayfir-
færslu en frá og með næstu ára-
mótum er það skilyrt að þinglýsa
verður samningnum. „Þetta skil-
yrði er í lögunum en embætti
byggingafulltrúa, sýslumanns-
embættið, Félag fasteignasala og
Húsnæðisstofnun ríkisins fengu
félagsmálaráðherra til að fram-
lengja bráðabirgðaákvæðið frá 1.
jan. 1997 til 1. jan. 1999,“ sagði
Magnús. „Nú rennur þetta út um
næstu áramót og þá er búist við
algeru öngþveiti í þessum mál-
um.“
Búið að afgreiða
700 fasteignir
Sagði hann að búið væri að af-
greiða 700 fasteignir en sumar
fasteignh' væru stór fjölbýlishús
með allt að 200 eignaskiptasamn-
ingum. „Þetta er brot af þeim
samningum sem þarf að gera,“
sagði hann. „Við vitum ekki hvað
þarf að gera marga samninga en
þessir samningar sem gerðir eru
núna eru mjög ítarlegir og miklu
rækilegar fjallað um öll mál sem
snerta sameignina miðað við það
sem áður var gert.“
Magnús sagði að ákvæði nýju
laganna væru mjög þörf og ættu
að koma í veg fyrir deilur. Sagði
hann að stefnt væri að því að taka
upp viðræður við félagsmálaráð-
herra um að veita lengri frest til
þinglýsingar. Benti hann á að í
raun væru lögin farin að virka og
þess vegna væri ástæðulaust að
setja á mikla pressu með tíma-
mörk. „I sjálfu sér er engum um
að kenna,“ sagði hann. „Menn átt-
uðu sig bara ekki á því hvað það
tekur langan tíma að vinna sig út
úr löngu slugsi í þessum mála-
flokki."
Morgunblaðið/Ingvar
SJÚKRABÍLAR, ásamt lögreglu og slökkvibílum, voru í viðbragðs-
stöðu uns Fokker 50 vélin lenti heilu og höldnu með 40 farþega.
Fundur hjá
meinatæknum
Rætt um
starfsmat
FULLTRÚAR meinatækna á
blóð- og meinefnafræðideild
Landspítalans og starfsmanna-
skrifstofu Ríkisspítala hittust á
fundi í gær en uppsagnir 47 af
60 meinatæknum á deildinni
taka gildi um mánaðamót náist
ekki samningar í deilunni.
Að sögn Önnu Svanhildar
Sigurðardóttur, talsmanns
meinatæknanna, var þeim
kynnt á fundinum hugmynd að
nýju dönsku starfsmatskerfi,
sem starfsmenn Hagvangs
kynntu og til skoðunar var
hvort komið gæti að gagni við
lausn á deilunni.
Anna Svanhildur sagði ljóst
að nokkra mánuði tæki að
koma kerfinu í gagnið og laga
það að aðstæðum á Landspítal-
anum og sagði hún að fyrstu
viðbrögð fulltrúa meinatækna
hefðu verið þau að rétt væri að
skoða þetta kerfi í tengslum
við gerð nýrra kjarasamninga.
Undirmönnuð deild
Annar fundur verður hald-
inn í deilunni klukkan 15 í dag
og sagði Anna Svanhildur að
þá yrðu kröfur meinatækna
ræddai', en ágreiningurinn
snýst, auk starfsmats, um
framkvæmd aðlögunarnefnd-
arsamnings fyrir meinatækn-
ana og um greiðslu óunnar yf-
irvinnu.
Eins og fyrr sagði munu
uppsagnir 47 meinatækna af 60
taka gildi um mánaðamót að
óbreyttu. Anna Svanhildur
sagði að nú þegar væri blóð- og
meinefnafræðideildin undir-
mönnuð og næðu meinatæknar
þar nú þegar ekki að sinna um-
beðinni þjónustu. Þá hefðu
starfsmenn ekki tekið fullt
sumarleyfi lengi og ættu flestir
eða allir langt frí inni.
í
:
i
L