Morgunblaðið - 06.05.2000, Blaðsíða 29
MORGUNBLAÐIÐ
LAUGARDAGUR 6. MAÍ 2000 29
ERLENT
Palestínumenn neita aðild
að Lockerbie-tilræðinu
Damaskus, Camp Zeist. AFP.
HÓPAR róttækra Palestínumanna
neita allri aðild að Lockerbie-tilræð-
inu en verjendur sakbominga í mál-
inu lýstu því yfir við upphaf réttar-
halda á miðvikudag, að samtökin
PFLP-GC og PPSF væru ábyrg fyr-
ir því að Boeing 747 vél Pan Am flug-
félagsins fórst yfir Lockerbie í Skot-
landi fyrir ellefu árum.
„Við höfum sagt áður og endur-
tökum nú að við tengjumst árásinni
ekki á neinn hátt. Við krefjumst þess
að þeir leggi fram einhverjar sann-
anir af því að við vitum að þær eru
engar,“ sagði Talaj Naji, aðstoðar-
framkvæmdastjóri PFLP-GC, sem
aðsetur hafa í Damaskus og bætti við
að rannsóknin ætti frekar að beinast
að Mossad, leyniþjónustu ísraela.
Samtökin hafa áður verið sökuð
um aðild að Lockerbie-málinu en
Naji hélt fast við að samtökin hefðu
frá stofnun einungis látið til sín taka
innan Palestínu.
Sökinni komið á aðra
Samir Gosheh framkvæmdastjóri
PPSF, sem eru í bænum Ramallah á
Vesturbakkanum, var sama sinnis.
Hann sagði lítið réttlæti felast í því
að kasta sökinni á aðra en verjendur
höfðu nafngreint Mohamed Abu Tal-
eb, fyrrum meðlim PPSF, sem setið
hefur í fangelsi í Svíþjóð sl. 10 ár,
sem þátttakanda að sprengjutilræð-
inu.
AIls fórust 270 er vélinni var
grandað yfir Lockerbie í desember
1988 og hófust réttarhöld vegna
málsins í Camp Zeist í Hollandi sl.
miðvikudag. Sakborningamir og
Lýbíumennimir Abdel-Basset Ali al-
Megrahi og Al-Amin Khalifa Fahima
neita báðir allri aðild.
Vill auka
herútgjöld í
Þýskalandi
RUDOLF Scharping, varnar-
málaráðherra Þýskalands,
sagði í fyrradag, að yrðu her-
útgjöld ekki aukin væri hætta
á, að þýski herinn yrði enn
meiri eftirbátur herjanna í
bandalagsríkjunum en hann er
nú. Kom þetta fram á ráð-
stefnu með foringjum í hern-
um og fulltrúum meira en 600
fyrirtækja. Sagði Scharping,
að vegna lítilla herútgjalda í
langan tíma skorti herinn alls
konar búnað, t.d. nýjustu her-
gögnin. Vegna þess gæti hann í
raun ekki uppfyllt skyldur sín-
ar í NATO og væri heldur ekki
búinn undir það í væntanleg-
um Evrópuher. Gerhard
Schröder, kanslari Þýska-
lands, hét í sinni ræðu fullum
stuðningi við endurnýjun inn-
an hersins enda væri það í
samræmi við þýska öryggis-
hagsmuni og utanríkisstefnu
landsins.
Pútín
undirritar
START II
VLADÍMÍR Pútín, forseti
Rússlands, undirritaði í fyrra-
dag START Il-afvopnunar-
samninginn en hann er um
fækkun bandarískra og rúss-
neskra kjarnavopna. Er stefnt
að því, að kjarnaoddarnir verði
ekki fleiri en 3.000 til 3.500 í
hvora ríki. Pútin varar hins
vegar Bandaríkjastjórn við og
segist munu rifta öllum af-
vopnunarsamningum komi hún
á laggirnar sérstöku varnar-
kerfi gegn kjarnavopnum. Seg-
ir hann, að það fari í bága við
samninginn frá 1972 um lang-
drægar eldflaugar og geti leitt
til nýs vígbúnaðarkapphlaups.
Minnkandi
frjósemi
KOMIÐ hefur í ljós við rann-
sókn á vegum Alþjóðanáttúra-
verndarsjóðsins, að sæðis-
frumutala nýliða í danska
hemum er óvenju lág og þar
með frjósemi þeirra. Er ástæð-
an sögð vera efnamengun af
mannavöldum. Er einkum um
að ræða efni, sem hafa áhrif á
hormónastarfsemi líkamans,
en þau er meðal annars að
finna í plastflöskum og leik-
föngum, ýmsum ílátum undir
matvæli, hreinsiefnum og
skordýraeitri. Vegna þessa
hefur Evrópusambandið verið
hvatt til að banna notkun þess-
ara efna en þau og áhrif þeirra
eru nú í rannsókn jafnt austan-
hafs sem vestan.
Kasmírbúum
sleppt
INDVERJAR hafa sleppt
fimm aðskilnaðarsinnum frá
Kasmír úr fangelsi og hefur
það komið af stað orðrómi um,
að þeir hyggist taka upp við-
ræður við hreyfingar aðskiln-
aðarsinna. Einn þessara
manna, Yasin Malik, leiðtogi
einnar hreyfingarinnar, gerir
þó lítið úr hugsanlegum við-
ræðum enda hafa Indverjar
margsagt, að þær gætu aðeins
átt sér stað innan ramma ind-
versku stjórnarskrárinnar.
Það þýðir í raun, að múslimar í
Kasmír muni aldrei geta sagt
skilið við Indland.
fólginn í framtaki einstaklingsins. Hann birtist ekki síst í því að sýn okkar verður víðari og gleggri ef við njótum sjónarmiða
og þekkingar fleiri. Við erum frumkvöðlar að framþróun og mikilvægustu samlegðaráhrifin koma fram í auknum krafti
okkar til rannsóknar- og þróunarstarfs.
Árangursríkt vísindasamstarf AstraZeneca við íslenskar heilbrigðisstéttir hefur vakið athygli að undanförnu. Ljóst er að
þessi þátttaka íslendinga í fjölþjóðlegum rannsóknum skilar íslensku samfélagi ávinningi í formi fjármagns, atvinnu,
þekkingar og ekki síst betri heilsu og betra lífi í framtíðinni.
AstraZeneca^
annt um líf og líðan
Urnboðsaðili: Pharmaco hf. • Hörgatúni 2. 210 Garðabæ • Sími 535 7000 • Fax 565 6485 • Fax pantanamóttöku 565 5628 • pharmaco®pharmaco.is • www.pharmaco.is