Árbók Hins íslenzka fornleifafélags - 01.01.1908, Blaðsíða 42

44
dag þess árs; eftir því sem S. G. skrifar, er hann kominn til safns-
ins löngu fyr, þót't hans sé raunar ekki getið í skýrslunni fyr en
1881.
Sá steinn, sem S. G. tilfærir áletranina á og heldur að Frakkar
hafi eflaust tekið, er einnig á Forngripasafninu, nr. 2039 *), talinn
kominn sama dag og hinn2).
Nr. 1. Jón Thorfason f 163-.
Steinn þessi er úr grágrýti, að líkindum ofan úr Þingholtunum
eða öskjuhlíðinni. Það er sá hinn sami er settur hefir verið ofan
á hornstöpul dómkirkjunnar, að líkindum þá er hún var bygð um
eða henni var breytt, 1847, en tekinn ofan liklega. um 1871—73.
Á bakhlið steinsins og einkum á annari röndinni eru leifar af stein-
lími frá því er hann var múraður á stöpulinn. Þá er það var gjört,
hefir hann þótt heldur stór og hefir því verið sprengt utan af hon-
um hægramegin, svo að 1—2 stafir hafa farið aftan af hverri línu,
og ofan af honum líklega 1 lína, en nú eru línurnar 14, svo sem
hér er prentað. Hann er nú 108 sm. að lengd og 50 sm. að breidd;
þyktin 10 sm. Ofan af honum hefir verið höggvið á að gizka 11
sm. og utan af honum 8 sm. hér um bil. Af neðri endanum virðist
einnig vera numið lítið eitt. Umhverfis alt ietrið hefir verið einfalt
strik eða rák, og sést hún nú auðvitað að eins vinstramegin
og að neðanverðu. Steinninn er höggvinn laglega og sléttur að
mestu leyti að ofan og á vinstri hlið. Neðri endinn er sömuleiðis
‘) Hér i þessari ritgerð nr. 2.
a) Enn er þriðji steinninn á Forngripasafninu, það er nr. 2024, talinn kominn
sama dag og hinir. Herra adj. Pálmi Pálsson, sem skrifað hefir skýrsluna um safn-
ið fyrir árið 1881 og skrifað i hana áletranir og lýsingar þessara þriggja legsteina,
segir að sig minni að gamlir menn hér hafi þózt muna það, að þessi legsteinn væri
úr hinum forna kirkjugarði Reykjavikur. Legsteinn þessi er lagður yfir Odd Tumass-
son, dáinn 1585, og af þvi að eg álit það liklegast að hann sé yfir Odd í Öskju-
holti föður Bjarna á Skarði, tek eg hann ekki með hér. Hygg eg steininn vera úr
Skarðs-kirkjugarði, því að eftii því er Hannes ritstjóri Þorsteinsson hefir sagt mér,
fluttist Oddnr vestur að Skarði, var þar síðari hluta æfinnar og hefir liklegast and-
ast þar. Það annað mælir og með því að steinn þessi sé þaðan og yfir þennan
Odd föður Bjarna, að þaðan kom til Forngripasafnsins sumarið 1901 (10/6) litill leg-
steinn úr sams konar steintegund (grágrýti) og með sams konar stafagerð; sá
steinn er nr. 4818 á safninu. Hann er lagður yfir Þorleif Pálsson, og tel eg vafa-
laust að hann sé yfir Þorleif lögmann Pálsson, er dó og var grafinn að Skarði 1560.
Hann var tengdafaðir Bjarna Oddssonar og stendur það heima, að sami maður hafi
getað höggviö á háða steinana.