Árbók Hins íslenzka fornleifafélags - 01.01.1965, Qupperneq 136

140 ÁRBÓK FORNLEIFAFÉLAGSINS
4. Ekkert ártal.
5. Engin áletrun.
tMISLEGT
1. 23. (2358) Lár úr furu, birki og eik. Þverslámar tappaðar
í stuðlana á venjulegan hátt. Líklega kembulár, þótt lítill sé, því að
hann lítur ekki út fyrir að hafa verið með loki. L. 21,7. Br. 16. H.
18,5.
2. Ein þverfjölin er sprungin, einn stuðullinn brotinn og orm-
étinn, eina botnfjöl vantar. Ómálaður.
3. Útskurður á efstu, neðstu og miðþverslá á báðum göflum, en
fjalirnar tvær á milli þeirra eru sléttar (fyrir utan rispaða kráku-
stigslínu á einni þeirra). Á langhliðunum er útskurður á efstu og
neðstu þverslá og einnig á fjölinni milli þeirra.
Ofan á brúninni á efri þverslánum á göflunum er bekkur af
skástrikum, en utan á er flatt upphleyptur bylgjuteinungur með
tví- eða þrískiptu blaði í hverri bylgju. Skorið er upp úr blaðflip-
unum, og uppúrskurðurinn er af sömu lögun og fliparnir sjálfir.
Tvískiptu blöðin samanstanda af hvössum úrhvelfdum blaðflipa
og stórri rúðustrikaðri kringlu. Stönglarnir sléttir með þverbönd-
um á greinamótum. Svipaðir teinungar eru á neðstu þverslánum,
en þar eru sum blöðin fjórskipt, og á annarri er rist miðlína á
stöngulinn. Eftir endilangri miðju á miðslánum báðum er kaðal-
snúningur, allhátt upphleyptur, en báðum megin við bekkir af ská-
strikum. Á efri þverslá annarrar langhliöarinnar liggur flatt upp-
hleyptur teinungsbútur til beggja hliða út frá sameiginlegum mið-
stöngli. I hverri bylgju er uppundin grein, sem endar með þrískiptu
blaði með úrhvelfdum flipum. Stönglarnir sléttir með þverböndum
við greinamót. Á neðri þverslá er flatt upphleypt hringakeðja. Á
miðfjölinni er lóðréttur bekkur af skástrikum við hvom enda, en
8-tölulöguð, flatt upphleypt mynd í miðjunni, en báðum megin við
hana lítil sexblaða skipaskurðarrós. Miðfjölin á hinni langhliðinni
er með einni sexblaðarós í miðju, en lóðrétta bekki af skástrikum
til endanna. Á efri þverslánni er bandamunstur, lóðrétt og lárétt
bönd, sem þrædd eru til skiptis yfir og undir hvert annað. Á neðri
þverslánni bekkur af snúnum böndum, flatt upphleyptum. — Vand-
lega gert.