Lögberg-Heimskringla - 30.01.1981, Blaðsíða 1
LOGBERG
Stofnað 14. janúar 1888
HEIMSKRINGLA
Stofnað 9. scptcmbcr 1886
Lögberg-
Heimskringla
95. ÁRGANGUR WINNIPEG, FÖSTUDAGUR 30. JANÚAR 1981 NÚMBER 3
. ;
Stórafmæli á íslandi
Nokkrir kunnir útvarpsmenn á hátíðlegri stundu: Sitjandi frá
vinstri: Árni Kristjánsson, Andrés Björnsson og Þorsteinn Ö.
Stephensen. Standandi: Jón Múli Árnason, Baldur Pálmason, Jónas
Jónasson, Guðmundur Jónsson ogjón Þórarinsson.
Hér skal getið þriggja stórafmæla
sem nýlega var minnst á Islandi.
Dr. Gunnar Thoroddsen
forsætisráðherra.
Dr. Gunnar Thoroddsen forsætis-
ráðherra íslands varð sjötugur þann
29. desember s.l. Á hann langan og
óvenju fjölbreyttan starfsferil að
baki. Árið 1940 varð hann prófessor
í lögum við Háskóla Islands tæplega
þrítugur, en sjö árum áður hafði
hann tekið sæti á Alþingi íslendinga
sem landskjörinn þingmaður og þá
Dr. Gunnar Thoroddsen.
aðeins tuttugu og þriggja ára gamall.
Árið 1947 var hann kjörinn borgar-
stjóri Reykjavíkur og gegndi því
starfi í rúm tólf ár. Hann var
þingmaður Snæfellinga frá 1942
-1947. Eftir að hann lét af borgar-
stjóraembætti hefur hann setið á
þingi, verið sendiherra Islands í
Kaupmannahöfn, gegnt embætti
fjármálaráðherra, verið hæsta-
réttardómari og nú að lokum
forsætisráðherra.
Dr. Gunnar Thoroddsen er kunn-
ugur byggðunum í vestri, en þær
heimsótti hann eins og margir
geyma enn í minni, um miðjan sjötta
tug þessarar aldar.
íslenska ríkisútvarpið
fimmtugt
íslenska ríkisútvarpið í Reykjavík
varð fimmtugt þann 20. desember
síðastliðinn. Naumast þarf orðum að
því að eyða að engin stofnun hefur
haft dýpri áhrif á íslenskt menn-
ingarlíf síðustu áratugi. Útvarpið er
fyrst og fremst menningaímiðill
íslensku þjóðarinnar og eign
hennar. Af þeirri sök hefur auglýs-
ingaskrumið sem löngum hefur
þjakað aðrar þjóðir ekki borist inn í
salarkynni íslenska ríkisútvarpsins,
svo að nokkru nemi.
Ríkisútvarpið hefur útsendingar
tæpar 20 stundir á dag. Árið 1966
hóf það útsendingar sjónvarpsdags-
skrár.
Núverandi og fyrrverandi forráða-
menn Ríkisútvarpsins hafa látið sig
líf og sögu íslendinga vestan hafs
miklu skipta og oftlega tekið þá hluti
til meðferðar. Fyrir um það bil
fjörutíu árum flutti Þorsteinn Þ. Þor-
steinsson frá Gimli þætti sína um
Vestmenn í útvarpið. Dagskrár hafa
verið gerðar um Stephan G. Step-
hansson, Guttorm J. Guttormsson
og íslensku vikublöðin í Winnipeg.
Á aldarafmæli samfelldrar Islend-
ingabyggðar í Vesturheimi komu
hingað heilir herir frá sjónvarpinu
og útvarpinu í Reykjavík, og skipaði
þá vesturíslenskt efni mikið rúm á
báðum stöðvum um langa hríð.
Vilhjálmur Þ. Gíslason fyrrum út-
varpsstjóri heimsótti Vesturbyggðir
fyrir um það bil þrem áratugum og
eftirmaður hans Andrés Björnsson
núverandi útvarpsstjóri fór víða um
Kanada fyrir áratug síðan í boði
kanadískra háskóla og Þjóðræknis-
félags íslendinga í Vesturheimi.
Landspítalinn í
Reykjavík fimmtugur
Stærsta sjúkrahús íslendinga,
Landspítalinn í Reykjavík, er upp á
dag jafngamalt Ríkisútvarpinu og
minntist afmælis síns með viðeig-
andi hætti.
í fyrstu voru aðeins 3 deildir við
spítalann: röntgendeild, lyf-
lækningadeild og handlækn-
ingadeild en hluti hennar var einnig
ætlaður sængurkonum. Nú eru
deildirnar 12 og sjúkrarúmum hefur
fjölgað úr 92 í rúmlega 530. Einnig
hafa fjölmargar þjónustudeildir
tekið til starfa, þ. á m. göngudeildir.
Bætt tækni betri lyf og ný viðhorf í
lækningum hafa stytt meðal-
legutíma sjúklinga þannig að sífellt
fleiri geta notið þjónustu
Landspítalans.
Byggingar á lóð Landspítalans.
SSi