19. júní - 01.10.1923, Blaðsíða 2

90
19. JÚNÍ
hve margt vantaði. Hér þekktist eng-
in lærð sjúkrahjúkrun né neitt
það er annarsstaðar er gert til þess
að hjálpa í veikindum, eða koma í
veg fyrir þau. Hún byrjaði á því að
halda stutt námsskeið í hjúkrun —
einkum meðferð barna — enda voru
þau námsskeið einkum ætluð hús-
mæðrum eða ungurn stúlkum, sem
ætluðu bráðlega að verða húsmæður.
Voru námsskeiðin vel sótl og hafa
komið að miklu gagni.
En happadrýgsta verkið í starfi frú
Bjarnhéðinsson var þó stofnun hjúkr-
unarfélagsins »Líkn«, sem allir Reyk-
víkingar kannast við og margir eiga
mikið að þakka. Félagið var stofnað
3. júní 1914, og til þess að veita fá-
tækum heimilum ókeypis hjálp. Fyrstu
árin hafði félagið eina lærða hjúkr-
unarkonu í þjónustu sinni, nú eru
þær þrjár; tvær þeirra veita hjúkrun
út um bæinn en ein annast um hjálp-
arstöðina. Auk hjúkrunarinnar gefur
félagið fatnað, rúmföt og matvæli og
lánar bjúkrunargögn, Fyrstu árin var
öll hjálp félagsins veitt þeim, sem
eigi gátu keypt sér hjálp, en nú, síð-
an starfsmönnum þess fjölgaði, tekur
það einnig að sér hjúkrun gegn borg-
un, en þó ganga þeir fyrir, sem fá-
tækari eru. »Líkn« er fjölment félag,
sem nýtur bæði trausts og vinsælda
og vinnur mikið gagn, en ekki mun
það ofmælt, að fremur öllum öðrum
sé það að þakka frú Bjarnhéðinsson,
þvi hún hefir alla tíð verið formað-
ur félagsins.
Þegar félagið hafði starfað að þessu
í nokkur ár, færði það út kvíarnar
og stofnaði hjálparstöð fyrir berkla-
veika. Tók stöðin til starfa 1. marz
1919. Ætlunarverk stöðvarinnar er að
vinna móti berklaveikinni, með því
að kenna fólki reglur gegn útbreiðslu
hennar, líta eftir sjúklingunum, kynna
sér ástæður heimilanna og útvega
sjúkrahússvist þeim, sem ekki er ó-
hætt að hafa heima. Til stöðvarinn-
ar hafa leitað sjúklingar frá 332 heim-
ilum, oft margir frá sama heimili,
stundum er jafnvel öll fjölskyldan
undir eftirliti stöðvarinnar. Sjúkling-
unum er veitt hjálp í öllu því, er
flýtt geti fyrir bata þeirra, eða komið
í veg tyrir sýkingu, bæði læknisskoð-
un, ráðleggingar, lánuð rúm og rúm-
fatnaður, gefinn fatnaður, matvæli og
mjólk. Mjólkurmiðum fyrir hátt á
annað hundrað krónur, er útbýtt
mánaðarlega.
Öll þessi starfsemi stendur undir
eftirliti frú Bjarnhéðinsson. Áður en
hjálparstöðin byrjaði, lét hún eina af
hjúkrunarkonum »Líknar« fara utan
til rþess að kynnast starfsemi bestu
hjálparstöðva á Norðurlöndum. Því
berklastöð »Líknar átti að verða þeim
jafn-fullkomin. Frú Bjarnhéðinsson
vill ekki hafa neitt kák í því, sem
hún tekur sér fyrir hendur. Þær
hjúkrunarkonur sem vinna hjá »Líkn«
verða að hafa sömu mentun og full-
komnustu hjúkrunarkonur erlendis.
Með því að setja kröfurnar svona
hátt, hefir frú Bjarnhéðinsson unnið
íslensku hjúkrunarkvennastéttinni ó-
metanlegt gagn.
Félag íslenskra hjúkrunarkvenna,
sem var stofnað í janúar 1920 hefir
í lögum sínum, að til þess að geta
tekið að sér hjúkrun á sjúkrahúsum,