Tímarit Hins íslenzka bókmentafélags - 01.01.1893, Qupperneq 180

180
Bls. 148 er þess getið, að Henry Hudson hafi
komið til íslands í maí 1610. Þetta er rjett, og er
til brjef sem einhver af förunautum Hudsons hefur
ritað norðaustan til á íslandi í mai 1610. Brjefið
er fremur ómerkilegt, en þó þykir rjettara að færa
hjer til ágrip af því. Brjefritarinn segir, að þeir
hafi verið norðaustan til á Islandi um hvítasunnu-
leitið og hafi þeir lif'að við hinar beztu kræsingar,
því nóg hafi verið af fiski og gómsætum fuglum.
Annars sjeu landsbúar mjög fátækir og lifi aumu
lífi. Hann segist hafa sjeð tvær laugar á Islandi
og hafi hann farið í aðra þeirra. Loksins segir
brjefritarinn að þeir liggi aðeins við Island til að
bíða byrjar og hressa sig áður en þeir leggi norður
í ísinn. Vor þetta hefur verið ísaár við ísland, því
brjefritarinn segir að ísinn sje nú að koma vestan
með landinu. Þeir hafi sjeð heilar íseyar, en hafi
ekki komizt í neina íshættu1.
Bls. 159 getur Þorvaldur þess, að Ortelius taki
upp kvæði um Island eptir Erasmus Michaelis. Jeg
hef hvergi fundið neitt um skáld þetta, en það er
víst, að Michaelis hefur verið franskur maður, þvi
Philippus Camerarius2 tekur upp kafla úr kvæði
hans á frönsku og er hann miklu lengri en það
sem Ortelius lætur prenta. Thomas Ittigius tekur
líka kafla úr kvæðinu upp í rit sitt um jarðelda3.
Bls. 191 er getið um útgáfur og þýðingar af
bók Blefkens, en ekki er getið þar um ensku þýð-
1) Pvrchas his Pilgrimes III, bls. 609.
2) Operæ horarum suhcisivarum sive Meditationes Hist-
oricæ. Prancofurti 1668. Cent. III, bls. 69—60.
3) Lucubrationes Academicæ de montium incendiis.
Lipsiæ 1671, bls. 98—106.