BFÖ-blaðið - 01.10.1988, Blaðsíða 14

ingar á þessu sem og öðru, en menn ættu að
vera varfærnir í því að kaupa notuð innflutt
dekk. Miklu áreiðanlegra sé að kaupa sóluð
dekk, þar sem aðeins er notaður fyrsta ílokks
belgur í sóluð dekk.
Niðurstaðan er því þessi, að menn geta
hvort sem er keypt sóluð eða ný. Endingartími
að meðaltali er um einn þriðji minni á sóluð-
um, enda kosta þau um einum þriðja minna
heldur en ný. Lítum þá aðeins á nagla í hjól-
börðum.
Naglar veita meira öryggi
Síðastliðinn vetur spunnust nokkur blaða-
skrif vegna auglýsingar gatnamálastjóra
Reykjavíkurborgar um að menn skyldu ekki
setja negld dekk undir bíla sína, þar sem þau
slíti svo malbikinu og kosti milljónir vor hvert
að gera við eftir skemmdir, sem negldir hjól-
barðar valda á gatnakerfi borgarinnar. Var í
því tilviki ekki tekið tillit til öryggisþátta,
heldur aðeins gengið út frá þeirri forsendu, að
naglar slitu malbikinu og því þyrfti að hvetja
menn til þess að nota þá ekki. Yfirleitt eru
80-90 naglar að meðaltali í hverjum hjól-
barða og kostar hver nagli með ísetningu 8-
8.50 kr. þannig að verðið er um 700 kr. á hvern
hjólbarða.
Ekki fékkst hjá neinum opinberum aðila
yfirlýsing um það, hvort æskilegra væri að
nota nagla eða ekki, hvorki Bifreiðaeftirlitið
né lögreglan vildu láta hafa neitt eftir sér.
Hins vegar voru viðmælendur sjálfir á sínum
bílum með nagla yfir veturinn og allir löggu-
bílarnir í Reykjavík eru á negldum hjólbörð-
um, sem segir sína sögu.
Þar á bæ þurfa þeir oft að bregða skjótt við,
aka hratt á köflum og hjálpa. Þá er talið betra
að vera á negldu. Ekki reyndist unnt heldur
að fá upplýsingar frá Umferðarráði né hjól-
barðainnflytjendum um hemlunarvegalengd
með eða án nagla. Hjá FÍB, sem mælir ein-
dregið með negldum hjólbörðum, fengust þær
upplýsingar, að hemlunarvegalengd væri um
20-50% styttra á hjólbörðum með nöglum.
Færi það eftir því, hvort mynstur væri „gott“
og hversu margir naglar væru í hjólbarðan-
um.
Menn voru sammála um það, að öryggið
væri meira með því að nota nagla í dekkin.
Sérstaklega, þegar skyndilega launhálku
14 geri. Þá þýði lítið að vera á vetrarhjólbörðum
með góðum gripum. Hins vegar megi menn
ekki setja allt of mikið traust á neglda hjól-
barða, þar sem á stundum geti hjólbarðar, sem
eru farnir að slitna, en þó með nokkra nagla á
stangli, gefið falskt öryggi. Þá séu góðir
vetrarhjólbarðar betri.
„Góð“ mynstur var oft minnst á í samtölum
við hjólbarðasérfræðinga og þá var oft vitnað í
mismunandi tegundir hjólbarða, sem hefðu
betri mynstur heldur en aðrir. Fer það efa-
laust eftir sérvisku hvers og eins í þessu máli
sem og öðru. Þó er mikilvægt, að skurður
mynstursins skerist af og til á, þar sem sam-
felldur slitflötur á barðanum minnkar við-
námið, sem barðinn veitir. Á sumum hjólbörð-
um er sami slitflötur alla leiðina, e.t.v. 10% af
yfirborði barðans. Þar með hefur tapast dulít-
ið af viðnámi, sem gæti komið með því að láta
skurðinn á gripunum ganga á misvíxl.
Tryggingaraðilar telja nagla til bóta, og
meðan ekki sé til neitt betra en naglar, þá séu
þeir tvímælalaust til bóta í umferðinni, þótt
ekki komi til að menn séu álitnir vera í eitt-
hvað minni rétti ef þeir nota ekki nagla. Það
verður ekki álitamál fyrr en menn eru með
minna en 2 mm djúpar riflur á hjólbörðunum.
Þá er útbúnaðurinn orðinn ólöglegur, og
menn því e.t.v. álitnir vera sakaraðilar að
óhappinu með vanbúnu ökutæki.
Þá má minna á, að þar sem gatnamálastjór-
inn í Reykjavík hefur lofað því, að saltaustur
verði aukinn og því sé ekki þörf á að vera á
nöglum, þeim mun meiri tjara verður leyst
upp úr malbikinu. Sest hún gjarnan á hjól-
barðana og minnkar viðnámsgetu þeirra í
hálku. Ættu menn af og til að þrífa tjöruna af
slitfleti barðans með efni, sem fæst á flestum
bensínstöðvum. Þannig geta bíleigendur
sjálfir fylgst með ástandi hjólbarðanna þegar
þeir eru að þrífa þá. Því stundum vill það
brenna við, að menn eru ekkert að athuga ást-
and barðanna allan veturinn, láta aðra setja
þá undir, og því vita þeir í mörgum tilvikum
lítið um, hversu slitnir hjólbarðarnir eru. Það
er ekki nóg að bæta bensíni af og til á bílinn og
líta síðan ekkert á annað í bílnum. Hjólbarð-
inn er sá hluti af bílnum, sem einna auðveld-
ast er að fylgjast með án þess að líta undir vél-
arhlífina - eitthvað, sem sumir gera aldrei
ótilneyddir. Og umfram allt: Ekki spara með
því að aka um á lélegum hjólbarða. Það getur
endað illa. -pþ.