BFÖ-blaðið - 01.11.1989, Blaðsíða 5

Mýrum liggur vegur niður að Krossnesi. Þar
skammt frá var kauptúnið á Bryggju um
fjölda ára skeið eða allt til 1943 en nú er þar
vinnuheimili fyrir afbrotafólk. Byggð Grund-
arfjarðar er ný og stendur á Grafarnesi. Jörðin
Gröf er í útjaðri þorpsins en Grund, býlið sem
fjörðurinn dregur nafn sitt af, er nokkru aust-
ar. Við Vindás má fara leið til vinstri kringum
Eyrarijall sem dregur nafn sitt af Hallbjarn-
areyri, þar sem margir fornkappar bjuggu.
Hallbjarnareyri var ein fjögurra jarða sem
konungur gaf árið 1672 undir holdsveikra-
spítala, en hann var starfræktur þar til ársins
1845 og sér þar rústir. Á þessari leið er kirkju-
staðurinn Setberg. Þar sátu margir þjóðkunn-
ir prestar. Leiðin liggur áfram um Kolgrafar-
fjörð inn Hraunsflörð og yfir brúna um Mjó-
sund sem byggð var fyrir tæpum 30 árum.
Hraunsfjörður var fyrsti fjörðurinn sem var
brúaður. Þar er nú umfangsmikil laxarækt.
Víða á Snæfellsnesi eru form náttúrunnar til augna-
yndis.
Þá er komið í Helgafellssveit, sögusvið Eyr-
byggju. Áður var farið inn með Straumhlíð og
um Árnabotn sem frægur er í þjóðsögum um
Árna sem þar bjó. Gamla leiðin í gegnum
Berserkjahraun er afar falleg. Þá er beygt til
hægri fljótlega eftir að komið er yfir brúna yfir
Mjósund. Við Hraunflöt er Selvallavatn og
mjög skjólsælt og þangað fara margir til að
eyða helgum og eins í rana Berserkjahrauhs
þar sem valin tjaldstæði eru í fallegu
umhverfi og berjalandi. Bjarnarhöfn er út við
sjó til vinstri, merk jörð þar sem Björn aust-
ræni festi búsetu. Þar má enn sjá götuslóða
þann sem norskir þrælar Víga-Styrs, berserk-
irnir, ruddu í gegnum hraunið og segir frá í
Eyrbyggju. Drápuhlíðarfjall er upp af vega-
mótum sem liggja í Stykkishólm, en aðalleið-
in liggur um Skógarströnd og inn Dali. Á leið-
inni þangað er Úlfarsfell og Kárstaðabotn,
frægir sögustaðir Eyrbyggju. Stykkishólmur
stendur yst á Þórsnesi, sérkennilegt bæjar-
stæði á klettahæðum. Útsýnisskífur eru við
hótelið og bókasafnið sem greina frá helstu
stöðum við Breiðafjörð. Mörg gömul hús eru
varðveitt í Hólminum. Þar hafa í yfir hálfa öld
starfað nunnur úr Sankti Franciskusreglunni
við rekstur sjúkrahúss, leikskóla, prent-
smiðju o.fl. Frá Stykkishólmi er boðið upp á
bátsferð um inneyjar Breiðafjarðar. Enginn
ætti að láta það tækifæri fara fram hjá sér
enda er skoðunarferð um eyjarnar flestum
ógleymanleg upplifun.
Á Þórsnesi eru nokkrir sögufrægir staðir.
Fyrstan er að nefna landnámsjörðina Hofstaði
við samnefndan vog, þangað sem Þórólfur
mostraskeggur kom að tilvísan öndvegis-
súlna og byggði þar bæ. Næstan má nefna
Helgafell, sem landnámsmaðurinn lagði
mikla helgi á. Þykir hlýða að ganga þaðan frá
leiði Guðrúnar Ósvífursdóttur og ef farið er að
settum reglum má bera fram þrjár óskir þegar
upp er komið. Afla má sér upplýsinga um regl-
urnar á bænum. Á Þórsnesi eru einnig Þing-
vellir sem var þingstaður þórsnesinga til
forna. Þar eru ummerki sem talin eru gefa til
kynna hvar þingið var háð og þar má sjá Drit-
sker hvers er getið í Eyrbyggju.
Þegar sól fer að hníga til viðar er ekki úr
vegi að fara upp í Kerlingarskarð og njóta sól-
arlagsins og í algleymi þeirrar fegurðar sem
við ykkur blasir, er við hæfi að kveðja ykkur
og þakka samfylgdina. □ 5