Dagblaðið Vísir - DV - 23.02.1985, Blaðsíða 2

62
DV. LAUGARDAGUR 23. FEBRUAR1985.
ísafjörður:
Mikill keppnisandi í
skíðamönnum á ísafirði
„Við höfum ekki veriö með neinar
nýjar framkvæmdir á þessu ári,”
sagði Sigurður Gunnarsson, formaður
skiöaráðs á Isafirði, er við spurðumst
fyrir um fréttir þaðan. „Skíðafærið er
þolanlegt en snjórinn mætti vera
meiri. Annars hefur verið töluverður
fjöldi á skíöum undanfarnar helgar,
enda stutt að fara. Að vísu er enginn
snjór í bænum þannig að ekki hefur
verið hægt aö nota skíðagönguleiðina
þar,” sagði Sigurður ennfremur.
Mjög mikill áhugi er á skíðagöngu á
Isafiröi sem annars staðar á landinu
og hefur þátttaka í henni aukist mikiö
á þessu ári. „Við höfum verið meö
skíöanámskeiö í gangi og hafa um eitt
hundrað nemendur sótt þau,” sagði
Sigurður og bætti við að miklar
æfingar færu einnig fram núna fyrir
væntanleg mót. „Við verðum með
bikarmót 2. mars. Það er bara verst að
það er ekki nægilegur snjór í keppnis-
brautunum.”
Isfirðingar ætla að senda um tuttugu
keppendur á Islandsmótið sem verður
á Siglufirði um páska. Þá fóru fyrir
stuttu fimmtán keppendur þaöan til
Akureyrar nýlega.
— Nokkrir ferðamenn?
„Heldur hefur verið fátt um þá,”
svaraði Sigurður. „Það var mjög
mikið um ferðamenn í fyrra þegar
Flugleiðir buðu skíöapakka hingað.
Núna hafa engir slíkir pakkar verið í
boði enda kannski ekki mikill snjór.
Annars er það nú svona upp úr þessu
sem daginn fer aö lengja hjá okkur og
ferðamenn hafa venjulega ekki látið
sjá sig fyrr en í byrjun mars.
Skíöasvæðið hefur veriö opið til
klukkan 18 á daginn undanfarið. Svo
má náttúrlega minnast á trimmgöngu-
mótið sem verður hér. Við búumst við
að þá komi margt fólk hingað og auk
þess tveir til þrír sterkir göngumenn
frá öðrum Norðurlöndum. Það er þvi
ýmislegt að gerast hjá okkur á
næstunni,” sagði Sigurður. „Is-
firðingar halda áfram að æfa af kappi
á næstunni og vona bara, eins og fleiri
skíöamenn, að hann snjói örlítið
meira.”
Skíðaáhuginn hefur nú borist til Austurlands:
„VONUMST TIL AÐ GETA
HALDIÐ LANDSMÓT HÉR”
— segir Hermann Níelsson, UÍA, en unnið er að því að gera Oddsskarðið að keppnisstað
„Það má segja að ýmislegt sé að ger-
ast hér á Austfjörðum í sambandi við
skíðamál,” sagði Hermann Níelsson,
formaður Ungmenna- og íþróttasam-
bands Austurlands, er hann var spurð-
ur um stöðu skíöamála á Austf jöröum.
Eins og mörgum er kunnugt hafa Aust-
firðir verið út undan að mörgu leyti í
þeim málum, enda er tiltölulega stutt
síðan almennur skíðaáhugi vaknaði á
Austurlandi. Nú mun þetta vera að
breytast og er mikiö kapp lagt á að
gera Oddsskarð að góöum keppnis-
stað.
Um síðustu helgi var haldin á Egils-
stöðum trimmganga á skíðum sem
nefndist skógarganga. Var þessi stað-
ur valinn sl. haust en þá fór fram þing
Skíöasambands Islands á Egilsstöð-
um. Má því segja að nú séu Austfirð-
ingar að ná betri tengslum við um-
heiminn í sambandi við skíöamál en
veriðhefuráður.
Togbraut f hverjum bæ
„Á Austfjörðum eru tólf þéttbýlis-
svæði og er alltaf að aukast skíðaáhugi
á þessum svæðum, Á Vopnafirði er tog-
braut og er bæði stundaö þar svig og
ganga af fullum krafti. Borgarfjörður
eystri býður nú upp á skiðakennslu í
fyrsta skipti og þar er komin upp tog-
braut. Á Egilsstöðum er togbraut í
bænum en þar var búin til sérstök
brekka fyrir krakkana og er mikiU
áhugi þar á skíðaíþróttinni. Einnig er
togbraut í Fagradal fyrir Egilsstaöa-
búa. Þá hafa verið námskeið þar í
skíðagöngu og hafa á miUi 40 og 50
manns sótt þau,” sagði Hermann.
Á Seyðisfirði var tU langs tíma mikiU
skíðaáhugi og þar eru nú einar þrjár
'toglyftur, enda mikiU áhugi á alpa-
greinum. Heimavistarskólarnir á HaU-
ormsstað og í Jökulsárhliö bjóða báðir
upp á toglyftur. Þá er það Norðfjörður
en þar hefur skíðaíþróttin líklega verið
mest stunduö á öUu Austurlandi. Þar
eru nú 80 krakkar í reglulegri þjálfun.
Norðfjörður, Eskifjörður og Reyðar-
fjörður hafa allir notað Oddsskarðið
mikið tU skíðaiðkana en auk þess eru
toglyftur í öUum þessum bæjum. Á
Stöðvarfirði er togbraut og einnig á
Breiðdalsvík,” sagði Hermann enn-
fremur.
Skíðakennsla á vegum UÍA
„I vetur höfum við verið með fjóra
skíðakennara á vegum UlA sem hafa
feröast á miUi þessara staða og kennt
bæði nemendum skólanna og almenn-
ingi á skíðum. Þetta hefur verið mjög
vel sótt,” sagði Hermann.
— Hvað um aöstööuna í Oddsskarði.
Á að bæta hana eitthvað á næstunni?
„Jú, það er stefnt að því aö klára
þjónustumiðstöðina, sem nú er fok-
held, næsta sumar og þá getum við far-
ið að taka á móti feröamönnum sem
vilja gista. Núna er barna aðeins smá-
kofi þar sem selt er heitt kakó og eitt-
hvað smávægilegt fleira. Hins vegar er
ekkert vatn né snyrtiaðstaða.
I Oddsskarði erum við með 600
metra togbraut og mjög góðar brekkur
og þrjár tU f jórar aðrar togbrautir sem
eru í gangi. Við stefnum að því að
þama geti orðið mjög gott keppnis-
svæði og þá getum við fljótlega farið að
óska eftir landsmóti. Hér á Austur-
landi hefur aldrei verið haidið lands-
mót utan eitt unglingamót. Einnig væri
þá hægt að hafa héraðsmót.
Skfðasvæði á Fjarðarheiði
Þá hafa verið í gangi viðræður milli
Héraðsbúa og Seyöfiröinga um aö
koma upp góðu skíðasvæði á Fjarðar-
heiði. Þar er nú mjög gott göngusvæði
og einnig eru þar ágætar brekkur. Þá
er ætlunin að reisa skála sem gæti nýst
aUt árið. Þama væri þó aðeins um að
ræða almenningssvæði, ekki keppnis-
svæði.”
— Heldurðu að það sé stutt í að þetta
rætist?
„Já, ég á von á því að það geti farið
aö líða að því aö byggö veröi upp skíða-
aöstaða á Fjarðarheiði, þaö hefur svo
mikið verið rætt um það. Síðan er von
okkar að við getum farið aö senda
skíöafólk á mót fljótlega,” sagði Her-
mann Níelsson.
-ELA
Þessi mynd var tekin á Fáskrúflsfirði en þar, eins og annars staflar á Austfjörflum, er sífellt afl
aukast áhugi á skiðaiþróttinni.