Dagur - 08.07.1982, Blaðsíða 8
Akureyri, fímmtudagur 8. júlí 1982
MONRO-MATIC ®
SHOCK ABSORBER
HÖGGDEYFAR
í FLESTA BÍLA
Léleg berja-
spretta enn
eitt árið?
Norðurland:
Hevskapur
verður
víða seint
áferð
Þórður
ráðinn
bæjar-
stjóri
Bæjarstjórn Sauðárkróks
ákvað á fundi sínum sl. þriðju-
dag að veita Þórði Þórðarsyni
úr Kópavogi, stöðu bæjarstjóra
en eins og skýrt var frá í síðasta
blaði sóttu 8 manns um stöð-
una.
Þórður er 32 ára, kvæntur og
þriggja barna faðir. Hann starfaði
áður sem dómari hjá fíkniefna-
dómstólum.
Eins og kunnugt er voru bæjar-
stjórnarkosningar á Sauðárkróki
kærðar á sínum tíma. Þær voru
úrskurðaðar löglegar hjá lögfræð-
ingum og var kærunni þá vísað til
félagsmálaráðuneytisins. í bréfi
skrifuðu 24. júní í félagsmála-
ráðuneytinu er þessi úrskurður
staðfestur og kosningarnar
dæmdar löglegar.
Malbikað
áDalvík
í sumar verða á Dalvík malbik-
aðar 5 götur, Dalbraut, Sunnu-
braut, Drafnarbraut, Oldugata
og Bárugata einnig að hluta.
Einnig verða malbikaðar marg-
ar gangstéttir og skipt um jarð-
veg í einni götu.
Að sögn Kristjáns Ólafssonar,
forseta bæjarstjórnar, mun
Byggðasjóður ekki veita fé til
gatnaframkvæmdanna fyrr en í
apríl á næsta ári. „En það kom
ekki í ljós fyrr en við vorum búnir
að ganga frá fjárhagsáætluninni
fyrir árið. Við munum reyna að
fjármagna þessar framkvæmdir
með skammtímalánum þar til
Byggðasjóður getur keypt af okk-
ur skuldabréfin, en það mun ekki
geta orðið fyrr en í april á næsta
ári.“ Kristján sagði óhætt að
reikna með að vel tækist að fjár-
magna gatnaframkvæmdirnar
með skammtímalánum.
Um kl. 1.30 í gær varð alvar-
legt umferðarslys á mótum Hörg-
árbrautar, Höfðahlíðar og
Stórholts. Fólksbíl, sem ekið var
austur Höfðahlíðina, var ekið í
veg fyrir jeppa, sem kom norður
Hörgárbraut. í fólksbílnum voru
tvær konur auk bílstjóra og slös-
uðust konurnar báðar allmikið,
en þó ekki lífshættulega. Bílstjór-
ann sakaði þó ekki. I jeppanum
var einn maður og slapp hann
ómeiddur.
Ég man ekkí eftir því áður að
menn hafi svo almennt óskað
eftir rigningu eins og nú,“ sagði
Haraldur Þórarinsson Kvistási
Kelduhverfi, í samtali við blað-
ið sl. þriðjudag.
„Óskir manna hafa þó ekki bor-
ið árangur fyrr en nú um helgina."
Haraldur sagði úrkomuna hafa
verið 5.2 ml í síðasta mánuði og
hefði mest af því komið 2 fyrstu
dagana. Sums staðar hefði jörðin
verið byrjuð að springa af þurrki
og í úthaga hefði þyrlast upp ryk
við hvert fótmál. „Það komu þó
skúrir nú um helgina en það væri
ákaflega rangur fréttaflutningur
að segja að hér hefði rignt jafnt
yfir réttláta og rangláta," sagði
Haraldur ennfremur. „Það er eig-
inlega ekki fyrr en í dag sem rignir
eitthvað. Ég fór fyrir viku suður í
forvöðin og gat ekki betur séð en
gróður væri þar stórlega skemmd-
ur af þurrki og ég held að óhætt sé
að segja að víða megi sjá
skemmdir á aðalbláberja- og blá-
berjalyngi sökum þurrksins. Það
komu nokkrar frostnætur í vor og
hræddur er ég um að berjasprett-
an verði lítil af þeim sökum. Það
er samt of snemmt að spá um það
en ef svo fer sem horfir verður
þetta fjórða árið í röð sem berja-
sprettan bregst.“
Haraldur sagði töluvert hafa
komið af ferðamönnum í Ásbyrgi
það sem af er sumri og hefði mikil
aukning verið á þeim í síðustu
viku. Umgengnin hefur verið
ágæt og er ekki undan neinu að
kvarta í þeim efnum.
Segja má, að heyskapur hefjist
ekki almennt á Norðurlandi
fyrr en um miðjan mánuðinn
eða jafnvel eitthvað síðar. Það
sem aðallega veldur eru kuldar
I vor og eins hitt, að úrkoma
hefúr nánast engin verið upp á
síðkastið.
Einna best virðist ástandið vera
í Mið-Eyjafirði. Að sögn Ævars
Hjartarsonar hjá Búnaðarsam-
bandi Eyjafjarðar er sláttur haf-
inn nokkuð víða á Svalbarðs-
strönd og í Öngulsstaða- og
Hrafnagilshreppum og eitthvað
örlítið í Glæsibæjar- og Skriðu-
hreppum. Ástandið er hins vegar
ekki jafn gott í innanverðum
Eyjafirði og eins utarlega.
Teitur Björnsson á Brún í
Reykjadal tjáði Degi, að þar
eystra væri sláttur ekki hafinn og
ætti það bæði við um Norður- og
Suðursýsluna. Teitur sagði, að
það sem bændur þar vantaði nú
sárast væri rigning, en veðurguð-
irnir hafa ekki verið örlátir á regn
við þá Þingeyinga. „En ef rignir
og hlýindi haldast, þá er ekki lengi
að koma gott gras,“ sagði Teitur.
Sömu sögu er að segja úr
Skagafirðinum og vestan úr
Húnavatnssýslum. Heyskapur
hefst ekki almennt fyrr en um eða
eftir miðjan mánuð.
Ástandið virðist því best á Mið-
Eyjafjarðarsvæðinu og sagði
Ævarr Hjartarson, ráðunautur,
að ef tíð yrði sæmileg, þá mætti
búast við sæmilegu heyskaparári í
Eyjafirði í sumar.
-1 ■pr- ? nfT TT?
m iJ/ili lll JSl JUJ m
# Flugleiðum
að þakka eða
kenna
íslendingar eru ákaflega
ferðaglaðir menn og eru á
þeytingi til útlanda allan árs-
ins hring. í vor var óvenju-
mikið framboð á styttri
ferðum, 3-5 daga ferðum sem
voru farnar í kringum helgar.
Komust margir til útlanda
fyrir gott verð, fólk sem margt
hefði ekki farið í lengri utan-
ferð á árinu. Það var því ákaf-
lega furðulegt þegar for-
svarsmaður einnar ferða-
skrifstofunnar í Reykjavík
sagði raunamæddur í sjón-
varpsviðtal! að þetta væri
Flugleiðum að kenna. Fólk
myndi ekki fara í aðra ferð á
árinu. Þessi maður er tals-
maður fyrirtækis sem auglýs-
ir að það vilji gera allt fyrir
fólkið. Forsvarsmaðurinn
misskilur dæmið hinsvegar
hrapalega. Það er Flugleiðum
að þakka að fólk gat farið í
þessar stuttu ferðir, fólk sem
að öðrum kosti hefði setið
heima allt árið.
# Hell Drivers
Hinir „heimsfrægu" ökuþórar
Hell Drivers voru á ferð á Ak-
ureyri um helgina og héldu
þar eina sýningu. Reyndar
munu Hell Drivers hvergi vera
heimsfrægir nema á islandi
enda er sýning þeirra ekkert
stórkostlegt upplifelsi. Ekki
vantar þó augiýsingaþvargíð
í kringum þetta allt saman.
# Gróa á Leiti
Sögusagnir þess efnis, að
ungi maðurinn, sem nú situr í
gæsluvarðhaldi vegna bíl-
þjófnaðar, kunnl að vera við-
riðinn innbrotin í Bílaleigu
Akureyrar í vetur ganga nú
um bæinn Ijósum logum. En
samkvæmt heimildum, sem
telja verður áreiðanlegar, get-
ur það alls ekki verið, því að
hann mun hafa verið staddur
erlendis, þegar innbrotin voru
framin. „Gróurnar“ verða því
að finna sér eitthvað
annað...
# Ábendingtil
,Skotastúkugesta‘
Það er ávallt hvimleítt að sjá
hóp manna hanga fyrir utan
knattspyrnuvöllinn, sem ekki
tímir að greiða aðgangseyri.
Eru stæði þau sem þessir
menn velja sér fyrir utan
völlinn, oft nefnd “Skotastúk-
an“ og er það vel. Það var því
vel til fundið hjá einum af
starfsmönnum vallarins (
fyrrakvöld er hann sendi
„Skotastúkugestum“ orð-
sendingu um hátalarakerfi
vallarins er hljóðaði eitthvað
á þessa leið: „Það er margt
fólk sem hefur ekki greitt að-
gangseyri en stendur fyrir
utan völlinn og fylgist með
leiknum. Þetta fólk er senni-
lega ókunnugt í bænum og
því vil ég benda því á að það
er miðasala sunnan við völl-
inn og önnur norðan við
völlinn ...“ - Kom nokkuð los
á „skotana“ við þessa send-
ingu.