Dagur - 29.05.1985, Blaðsíða 12
LlMUM BORÐA
RENNUM SKÁLAR
Sundlaug við
Glerárskóla
Óhjákvæmilegt er talið að
koma upp sem fyrst innisund-
laug (kennslulaug) við Glerár-
skóla.
Samkvæmt athugun sem kenn-
arar við skólann gerðu um sund-
kennslu barna þar kom fram að
mikið vantar upp á að nemendur
fái næga sundkennslu.
Þetta kemur fram í fundar-
gerðum íþróttaráðs. Á fundi ráðs-
ins með 9 íþróttakennurum á Ak-
ureyri og fleiri aðilum voru fund-
armenn sammála um að byggja
þurfi innilaug af stærðinni
16%xl0 metrar.
Olíustyrkir
í núverandi
mynd aflagðir
- Þeir sem ekki eiga kost
á öðrum hitagjöfum en olíu
geta sótt um styrki
Allt útlit er fyrir að greiðslu olíu-
styrkja með núverandi fyrir-
komulagi verði hætt á árinu. Á
yfirstandandi þingi verður að lík-
indum flutt frumvarp, sem felur
í sér færslu olíustyrkja, frá við-
skiptaráðuneytinu til iðnaðar-
ráðuneytis. Um leið verður öllum
olíustyrkjum sagt upp og koma
þær uppsagnir að líkindum til
framkvæmda frá og með 1. októ-
ber.
Síðan er þeim sem telja sig
þurfa á olíustyrkjum að halda,
gefinn kostur á að sækja um þá
beint til iðnaðarráðuneytis. Með
umsókninni verða umsækjendur
að senda inn vottorð, sem sannar
að þeir eigi ekki kost á öðrum
hitagjöfum en olíu. - GS
Hin bráðskemmtilega íslenska hljómsveit vakti stormandi lukku með tón-
leikum sínum í Iþróttahöllinni á Akureyri á annan í hvítasunnu, undir stjórn
Guðmundar Emilssonar. Áhorfendastúka Hallarinnar var nær fullsetin og er
talið að um eða yfir 500 manns hafi verið á tónleikunum. HS/Mynd: KGA
Vantar 40 kennara
- með full kennsluréttindi við grunnskóla Akureyrar
„Það vantar um 40 kennara
með full kennsluréttindi við
grunnskólana á Akureyri.
Þetta er svipað og verið hefur
undanfarin ár,“ sagði Tryggvi
Gíslason formaður skóla-
nefndar, en nýlega voru kenn-
arastöður við grunnskólana á
Akureyri auglýstar.
„Skólanefnd hefur leitað að
kennurum með full kennslurétt-
indi og óskaði því eftir sérstakri
greinargerð frá skólastjórum og
kom þá í ljós að um 40 kennara
með full kennsluréttindi vantar
að skólunum.“
Sagði Tryggvi að það væri
einkum tvennt sem væri þess
valdandi, að svo marga kennara
vantar að skólunum. Annars veg-
ar eru laun kennara mjög lág og
því hefur gengið erfiðlega að fá
fólk með full réttindi til starfa.
Hins vegar er það að margt af
því fólki sem kennir við grunn-
skólana hér hefur ágæta menntun
og langa starfsreynslu en hefur
ekki full kennsluréttindi. - mþþ
Kjarni - Vaglir:
Plöntusala í
fullum gangi
Nú getur fólk fengið plöntur til
kaups í garða sína, því plöntu-
sala er hafín í gróðrarstöðinni
í Kjarna við Akureyri, og hefst
strax að loknu verkfalli hjá
Skógrækt ríkisins, að Vöglum
í Fnjóskadal.
Hallgrímur Indriðason í
Kjarna sagði að salan hefði strax
farið í fullan gang 17. maí.
Úrval hefði sjaldan eða aldrei
verið meira. Um verðið sagði
Hallgrímur að það væri sambæri-
legt við verðið í fyrra, en hefði að
sjálfsögðu fylgt breytingum verð-
lags í landinu.
ísleifur Sumarliðason á
Vöglum sagði að verkfall
starfsmanna Skógræktar ríkisins
hefði sett strik í reikninginn.
Sala á plöntum hófst strax að
loknu verkfalli. Gott úrval er á
sölulista að Vöglum. ísleifur
sagði að verð væri svipað og sl.
ár, en eins og annað fylgdi
plöntuverðið breytingum á al-
mennu verðlagi. gej
Grímsey:
011 björg full af
fugli og eggjum
Átak í ferðamannaþjónustu
„Það er nokkurt nýmæli hér
að við úthlutuðum lóð undir
gistiluis og veitingarekstur, en
slíkur rekstur hefur ekki verið
til staðar hér áður,“ sagði
Kristján Björnsson oddviti á
Hvammstanga í samtali við
Dag.
„Það eru heimamenn sem
standa að þessari byggingu og
hyggja þeir á framkvæmdir í
haust. Þeir eru að skoða teikn-
ingar svo að ekki er gott að segja
til um stærð hússins strax.“
Á Hvammstanga er verið að
gera átak í ferðamannaþjónustu
og á Hvammstangi aðild að
Ferðamálasamtökum Norður-
lands. Unnið hefur verið að
bættri aðstöðu á tjaldstæði stað-
arins og hefur ný snyrtiaðstaða
verið tekin þar í notkun.
Hópferðir Guðmundar Jónas-
sonar munu hafa viðdvöl á
Hvammstanga í sumar með hópa
sína og gista eina nótt. Á ný
sundlaug á staðnum mikinn þátt
í því. - mþþ
„Afli hefur verið mjög góður í
vetur, en allir stærri bátar voru
búnir með kvóta sinn fyrir
páska. Einn er kominn á rækju
og nokkrir bátar hafa fengið
kvóta og Ieggja upp í landi,“
sagði Steinunn Sigurbjörns-
dóttir í Grímsey, er við inntum
hana eftir aflabrögðum Gríms-
eyinga.
„Það eru hér margar trillur frá
Akureyri og öðrum stöðum í
firðinum og afli þeirra hefur ver-
ið þokkalegur.“ Tvö fiskhús eru
starfandi í Grímsey og hefur ver-
ið unnið að endurbótum og
stækkun á þeim í vetur.
Um eggjatöku og bjargsig
sagði Steinunn að menn væru að
dunda við að síga í frístundum og
að öll björg væru full af eggjum
og fugli. „Þetta er bara svo voða-
lega lítið stundað nú orðið, menn
síga rétt til að ná í egg handa vin-
um og vandamönnum. I gamla
daga var þetta atvinnugrein, þá
var fugl veiddur á fleka og menn
fóru í eggjaferðir, en nú sér eng-
inn neitt nema fiskinn," sagði
Steinunn. - mþþ
Norðanátt verður ríkj-
andi hjá okkur á
Norðurlandi næsta
sólarhringinn. Það er
von á úrkomu jafnvel
inn til landsins.
Björtustu vonir segja
að það lagist á
morgun, og snúist
jafnvel í suðvestanátt.
# Fáheyrt
Sá fáheyrði og vonandi einstaki at-
burður, átti sér stað í gær, að
starfsmaður svæðisútvarpsins á
Akureyri misnotaði aðstöðu sína
gróflega til árása á Dag, vegna
sárasaklausrar klausu sem birtist
í S&S fyrir nokkru. Þar var að því
vikið að um tilraunaútvarp væri að
ræða. Hins vegar hefði litið borið
á tilraunum i dagskrárgerð, svæð-
isútvarpið hefði strax fengið
ákveðinn blæ og haldið honum,
sem benti til þess að forráðamenn
þess væru býsna ánægðir með ár-
angurinn. Þá var látinn í Ijós efi um
að margir myndu kveikja á útvarp-
inu sinu gagngert til að hlusta á
svæðisútvarpið og að það nyti
þess að koma á undan og eftir
aðalrásum Ríkisútvarpsins. Þetta
stæði þó vonandi allt til bóta eftir
sumarhlé og endurskoðun. Þess
var og getið að svæðisútvarpið
nyti velvildar Norðlendinga.
# Móðursýki
í löngum pistli í Svæðak í gær
kvartaði Sverrir Páll Erlendsson,
dagskrárgerðarmaður í starfi hjá
stofnuninni yfir því að blöðin á Ak-
ureyri hefðu sýnt Rúvak og Svæð-
ak afskiptaleysi. Loksins þegar
Dagur litli, eins og dagskrárgerð-
armaðurinn tekur til orða, sýni
fyrstu viðbrögð þá séu þau i
hæsta máta skapvonskuleg og
smekklaus og þar á ofan viðhafi
blaðið í þessari greln subbuskap i
vinnubrögðum og sleggjudóma!
Klámhögg, var enn eitt orðið sem
íslenskufræðingurinn viðhafði, og
fer nú öngvan að undra það þótt
almælt sé að íslenskir framhalds-
skólanemendur séu lakir f móður-
málinu, þegar lærifeðurnir hafa
ekki betri skilning á blæbrigðum
og merkingu orða en þetta. Klaus-
an í S&S gaf hreint ekkert tílefní til
þessarar móðursýki.
0 Vinarbragð
Svo notar hinn lærði íslensku-
maður og kennari hið fagra spak-
mælí, að sá sé vinur sem til
vamms segi, en undirtónlnn er
hótun um að Dagur skuli bara
passa sig. Og getum er að þvi leitt
að Dagur sé að reyna að slá sig til
þess riddaradóms að vera óvinur
útvarpsins númer eitt. Því skal til
svara, að það eru starfsmenn
ríkisfjölmiðlanna sem eru þeirra
verstu óvinir með þvi að kunna
ekki til verka og þekkja ekki þær
reglur sem þeim ber að vinna eftir
- í þessu tilfelli reglur sem opin-
berum dagskrárgerðarmanni á
launum hjá okkur hinum, án þess
að við ráðum nokkru um það, ber
að fara eftjr og varða hlutlausa
umfjöllun. Árásir geta engan veg-
inn flokkast þar undir. Dagur hefur
alla tíð verið velviljaður starfsemi
ríkisútvarpsins á Akureyri. Að
segja til vamms, sem Dagur gerði
með blíðlegu klappi sínu, en ekki
höggi hvað þá klámhöggi, var vin-
arbragð af hálfu blaðsins. Vonandi
er þetta uppþot Sverris Páls bara
stormurinn á undan iogninu, eins
og „kollega" hans í síðdegisvöku
svæðisútvarps tók svo spaklega
til orða fyrir skemmstu. Þetta er
ykkar blað. Heyrumst!