Dagur - 23.05.1986, Blaðsíða 7
í'-ii ir '
23‘:''rriáí Í986 - DAGCTR’ - 7
Afríkuhlaupið:
- hljómsveitin Rokkbandið spilar í göngugötunni
frá kl. 14.30-15.00
Sunnudaginn 25. maí mun ein-
hver mesti íþróttaviðburður
sögunnar eiga sér stað þegar
milljónir manna um allan heim
munu hlaupa til styrktar bar-
áttunni gegn hungurvofunni í
Afríku. A Islandi verður
hlaupið kallað Afríkuhlaupið
en á ensku er þessi viðburður
kallaður Sport-Aid og er eins
og nafnið bendir til tengdur
uppákomum þeim sem tónlist-
armaðurinn Bob Geldoff hefur
staðið fyrir síðastliðið eitt og
hálft ár.
Hlaupið verður á sama tíma
um allan heim og til dæmis má
nefna að um leið og íslendingar
hefja hlaupið kl. 15 á sunnudag
leggja Ástralir af stað um hánótt.
Þegar hafa íþróttamenn í 134
borgum í 53 löndum út um allan
heim tilkynnt þátttöku og er
reiknað með að þátttakendur í
þessu hlaupi verði fleiri en í
nokkrum einstökum íþróttavið-
burði fyrr og síðar.
Þar í hópi verður fjöldi stór-
stjarna á ýmsum sviðum, bæði
heimsfrægt íþróttafólk, leikarar
og tónlistarfólk. Nægir þar að
nefna menn eins og Geldoff
sjálfan, Bryan Robson og Mara-
donna.
Erlendis er einna helst stílað á
reynda skokkara sem þátttakend-
ur í hlaupinu en hér á landi verð-
ur frekar reynt að höfða til
almennings, bæði með lægra
þátttökugjaldi en erlendis og svo
með því að bjóða upp á mismun-
andi vegalengdir.
Til þess að öðlast þátttökurétt í
hlaupinu þarf aðeins að kaupa
barmmerki á 100 kr. Á mönnum
liggur þó engin kvöð um að
skokka þótt þeir kaupi merki.
Hér á Akureyri verður gengið í
hús og merkin boðin til sölu og
einnig verða þau til sölu í göngu-
götunni á sunnudaginn, fyrir
hlaupið. Þá eru til sölu á bensín-
stöð OLÍS, stuttermabolir með
merki söfnunarinnar á kr. 350.
Á Akureyri hefur verið skipuð
nefnd til að bera hita og þunga af
framkvæmd hlaupsins. Eins og
áður sagði hefst hlaupið kl. 15 og
á Akureyri verður hlaupið frá
göngugötunni. Hálftíma áður en
lagt verður af stað mun hljóm-
sveitin Rokkbandið leika nokkur
lög í göngugötunni. Það er svo
Helgi Bergs bæjarstjóri á Akur-
eyri sem ræsir hlauparana.
Vegalengdin sem hlaupin er
skiptir minnstu máli en mældar
hafa verið tvær vegalengdir sem
ættu að hæfa flestum. Sú styttri er
að hlaupið er úr göngugötunni
norður Brekkugötu, niður
Gránufélagsgötu, suður Geisla-
götu, Skipagötu, Kaupvangs-
stræti og inn í göngugötuna aftur
og er þessi vegalengd um 1 km.
Lengri leiðin er að hlaupið er
norður Brekkugötu að lögreglu-
stöðinni niður Þórunnarstræti,
suður Glerárgötu, Geislagötu,
Skipagötu, Kaupvangsstræti og
inn í göngugötu aftur. Er sú leið
um 2 km.
Að lokum má geta þess að all-
ar líkur eru á því að flestir knatt-
spyrnumenn KA, Þórs og Vasks hlaupinu. Bæjarbúareru hvattirtil
og þá jafnt meistaraflokksmenn þess að láta sjá sig og leggja
sem aðrir ætla að mæta í göngu- þannig sitt af mörkum til þess að Akureyringar! Fylgjum fordæmi þeirra Bryans Robson, Bob Geldoffs og
götuna á sunnudag og taka þátt í hjálpa sveltandi fólki í Afríku. Sebastian Coe og tökum þátt í Afríkuhlaupinu á sunnudag.
'
* * .....
AOO O*'
Nei,nei,nei!
Ekki borða auglýsinguna!
Það er alveg óþarfi að borða auglýsinguna.
Þú getur með lítilli fyrirhöfn eldað þessa
ljúffengu fiskrétti úr frystu ýsuflökunum frá
R.A. Péturssyni hf. Þau fást í flestum mat-
vöruverslunum í handhægum 400 gr.
pakkningum og eru roðlaus og beinlaus.
Umboðsaðili á Norðurlandi:
Heildverslun Valdemars Baldvinssonar, Akureyri. Sími 96-2-13-44.
Aftan á pakkningunum eru uppskriftir af
dýrindis fiskréttum sem auðvelt er fyrir
hvern sem er að matbúa.
Framleiðandi:
fVnVPiN R-A. Pétursson hf.
Ytri-Njarðvík
ySSSSW Sími 92-3225
Akureyringar! Sýnum
samstöðu og mætum
í hlaupið á sunnudag