Dagur - 04.05.1990, Blaðsíða 4
4 - DAGUR - Föstudagur 4. maí 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, S(MI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
KÁRI GUNNARSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
VILBORG GUNNARSDÓTTIR. LJÓSMYNDARI: KRISTJÁN LOGASON
PRÚFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDlS FREYJA ROGNVALDSDÚTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
KEA rekið með halla
annað árið í röð
Kaupfélag Eyfirðinga var rekið með rúmlega 177
milljóna króna halla á síðasta ári. Það er nokkru
minni halli en árið 1988 er KEA tapaði um 235 millj-
ónum króna en það segir sig sjálft að taprekstur hjá
félaginu annað árið í röð er mjög alvarlegur hlutur.
Það var á haustmánuðum 1987 sem halla tók
undan fæti í rekstri Kaupfélags Eyfirðinga, eins og
flestra annarra fyrirtækja hér á landi. Um það leyti
tók fiskverð á erlendum mörkuðum að lækka og hélt
því áfram allt árið 1988. Versnandi afkoma fisk-
vinnslunnar olli miklum samdrætti í þjóðarbú-
skapnum og þar með minnkandi kaupgetu almenn-
ings. Þessa samdráttar gætti á öllum sviðum
atvinnulífsins; í sjávarútvegi, landbúnaðarfram-
leiðslu, verslun og iðnaði en það voru einna helst
þjónustugreinarnar sem héldu nokkurn veginn í
horfinu. Þegar við bættist að vextir og annar fjár-
magnskostnaður hafa aldrei verið hærri í íslands-
sögunni en á þessu samdráttartímabili, gat útkom-
an ekki orðið önnur en alvarlegir rekstrarörðugleik-
ar. Þessa sögu þekkja flestir og e.t.v. óþarfi að
tíunda hana frekar. Þó má bæta því við að atvinnu-
rekstur á landsbyggðinni hefur á síðustu árum átt
erfiðara uppdráttar en annar atvinnurekstur. Kaup-
félögin hafa af þeim sökum átt mjög undir högg að
sækja, enda stunda þau flest atvinnurekstur á öll-
um þeim sviðum sefn hafa átt í hvað mestum erfið-
leikum á undanförnum árum.
í öllu þessu er skýringarnar á verulegum tap-
rekstri Kaupfélags Eyfirðinga undanfarin tvö ár að
finna. Þótt gripið hafi verið til ýmissa ráðstafana til
að draga úr kostnaði og mæta minnkandi tekjum,
hafa þær enn sem komið er ekki skilað tilætluðum
árangri. Slíkar aðhalds- og hagræðingaraðgerðir eru
ávallt erfiðar og geta skapað sársauka og óánægju,
sér í lagi þegar segja verður upp starfsfólki. Hjá
þeim verður þó ekki komist þegar harðnar svo mjög
í ári rekstrarlega séð. Kaupfélag Eyfirðinga lifir ekki
á tapi, fremur en önnur fyrirtæki.
Það er á engan hallað þótt fullyrt sé að Kaupfélag
Eyfirðinga sé hornsteinn eyfirsks atvinnulífs. Tæp-
lega 11 milljarða króna heildarvelta félagsins á síð-
asta ári segir sína sögu um það. Kaupfélag Eyfirð-
inga er þrátt fyrir tveggja ára samfelldan taprekst-
ur eitt traustasta fyrirtæki landsins. Eiginfjárstaða
þess hefur auðvitað versnað við tapreksturinn en er
engu að síður um 33% sem verður að teljast vel við-
unandi. Ljóst er að félagsmenn í Kaupfélagi Eyfirð-
inga verða að standa þétt saman um félagið á kom-
andi árum. Einungis með samstilltu átaki allra vel-
unnara kaupfélagsins verður hægt að snúa vörn í
sókn. Einungis þannig verður hægt að tryggja að
Kaupfélag Eyfirðinga verði áfram það sterka afl í
þessari byggð sem það hefur verið frá upphafi,
byggðarlaginu og íbúum þess til hagsbóta. BB.
kvikmyndarýni
Meg Ryan og Billy Crystal. Þegar Harry hitti Sally er hnyttin bíómynd um áleitna spurningu er snertir samskipti
kynja.
Vinir en ekki elskendur
Iiorgarhíó sýnir: l'egar Harry liilti Sally
(Wlien Harry Mel Sally).
I.eikstjóri: Rob Reiner.
Aðalhlutverk: Billy Crystal og Meg Ryan.
Castle Rock Gntcrtainment 1989.
Þegar Harry hitti Sally er óvenju-
leg bíómynd um nokkuð óvenju-
lega lífsreynslu tveggja einstakl-
inga; helsta og raunar eina stef
hcnnar er þó alls ekkcrt óvcnju-
legt, það er þvert á móti sígilt:
Gcta einstaklingar af gagnstæðu
kyni verið vinir og ekkert um-
fram það?
Leikstjórinn Rob Reiner segir
okkur sögu tveggja einstaklinga,
Billy Crystal’s og Meg Ryan.
Fundum þeirra ber saman fyrir
tilviljun. Þau verða samferða til
New York þar seni leiðir þeirra
skilja að nýju. Hvorugu geðjast
aö hinu. Fimm árum síðar hittast
þau enn á ný og nú á flugvelli.
Samvist þeirra verður enn
skemniri en í fyrra skiptið, hins
vegar vex vanþóknun þeirra
hvort á öðru í öfugu hlutfalli við
samverustundirnar. Enn líða
fimm ár á milli þess að þau rekast
hvort á annað. Crystal er þá að
skilja við konu sína (eða öllu
heldur hún við hann) og Ryan er
í sárum eftir misheppnað ástar-
samband. Og einhvern veginn fer
það svo að þau byrja að þróa
með sér vináttusamband þar sem
öllu kynlífi cr úthýst. I upphafi
myndar hefur Crystal lýst því yfir
að vinátta milli karls og konu sé
óhugsandi, hinn undirliggjandi
kynlífsþáttur hljóti alltaf að
skemma fyrir. Crystal gerir ráð
fyrir því að karlinn (ekki konan)
hljóti ávallt að girnast konu
náunga síns - og annað kvenfólk
- og jafnvel þó löngunin fari
aldrei neitt út úr tilfinningabúri
karlsins þá sé skaðinn skeður.
Eg ætla ekki að ljóstra neinu
upp um svar kvikmyndarinnar
við hinni brennandi spurningu
um vinfengi kynjanna; það er aö
segja hvernig fara muni á með
þeim Harry og Sally. En kvik-
myndin er raunsæ og tekur undir
hina gönilu íslensku speki sem
segir:
Böl er Inískapur
basl er hjúskapur
aumt er einlífið
að öllu er nokkuð.
Það færi betur að menn minrit-
ust þessara orða þó ekki væri
nema einstaka sinnum.
Forsætisráðherra skipar nefnd:
Á að kynna ísland á erlendum
vettvangi og efla jákvæða ímynd þess
Forsætisráðherra hefur skipað
fimm manna nefnd til að kynna
ísland á erlendum vettvangi, og
efla jákvæða ímynd þess.
Meginmarkmið nefndarinnar
eru eftirfarandi:
1. Að kanna hvort ísland geti
orðið að ímynd gæða, hreinleika
og heilbrigðs umhverfis og mann-
lífs.
2. Að athuga hvaða svið hér-
lendis geti helst þjónað ofan-
greindri ímynd hjá erlendum
aðilum. Nefndin geri tillögur um
hvernig þróa megi nauðsynlega
aðstöðu hérlendis og af hverjum.
3. Að undirbúa 5 ára áætlun
um kynningu Islands á erlendum
vettvangi og samhliða framtíðar-
þróun nauðsynlegrar aðstöðu
innanlands. Nefndin meti á
hvaða lönd beri að leggja
áherslu, hverjir séu helstu mark-
hóparnir, hverjir eigi að vinna
verkið hér heima og erlendis og
hvernig.
4. Að gera kostnaðaráætlun
um verkefnið í heild einnig til 5
ára. Þá skal nefndin leggja til
hvar og hvernig afla megi fjár-
ntagns til verkefnisins, og athuga
í þvf efni hugsanlega þátttöku
erlendra aðila í framkvæmdum
hér á landi.
5. Að kanna áhuga á að halda
hér á landi alþjóðlegar ráðstefn-
ur, svo sem:
5.1. alþjóðlegar umhverfisráð-
stefnur í samráði við erlenda og
innlenda sérfræðinga og stofnanir
á sviði umhverfismála og/eða
umhverfisverndarsinna.
5.2. alþjóðlegar heilbrigðis-
ráðstefnur í samvinnu við aðila á
sviði forvarna svo og ýmsa aðila
heilbrigðisþjónustunnar á erlend-
unt og innlendum vettvangi,
hagsmunaaðila og áhugaaðila.
5.3. alþjóðlegar ferðamála-
ráðstefnur í samvinnu við aðila á
sviði ferðamála, bæði innanlands
og utan.
5.4. alþjóðlegar sjávarútvegs-
ráðstefnur og sýningar í sam-
vinnu og samráði við innlenda
útflutnings- og hagsmunaaðila á
sviði sjávarútvegs, m.a. með það
að markmiði að kynna íslenskar
sjávarafurðir og tækniþekkingu
tengda sjávarútvegi á erlendum
vettvangi.
6. Að hrinda í framkvæmd í
samráði við Útflutningsráð
íslands og erlenda ráðgjafa sex
mánaða tilraunaátaki í Bretlandi
til kynningar á íslandi, vörum
þess', þjónustu, landi og þjóð. Að
því loknu verði metinn árangur og
grunnur lagður að frekari kynn-
ingu íslands á erlendum vett-
vangi.
Nefndin skal vinna í samráði
við íslenska aðila, á sviði útflutn-
ings, ferðamaála og þjónustu,
hérlendis og erlendis svo og ráðu-
neyti er málinu tengjast (forsætis-
ráðuneyti, utanríkisráðuneyti,
heilbrigðisráðuneyti, santgöngu-
ráðuneyti, menntamálaráðu-
neyti, umhverfisráðuneyti og
sj ávarútvegsráðuneyti).
Auk framangreindra megin-
verkefna, kanni nefndin og setji
fram tillögur um, hvernig sam-
vinnu Útflutningsráðs íslands og
Ferðamálaráðs Islands verði best
fyrirkomið í framtíðinni.
Stefnt skal að því að nefndin
skili lokaskýrslu og ljúki störfum
31. desember 1990, en skili á
starfstíma sínum áfanga- og yfir-
litsskýrslum til forsætisráðherra
eða aðstoðarmanns hans í lok
hvers mánaðar.
í nefndinni eiga sæti, Baldvin
Jónsson, auglýsingastjóri, sem er
formaður nefndarinnar, Pétur J.
Eiríksson, Flugleiðum h.f., dr.
Ingjaldur Hannibalsson, Útflutn-
ingsráði íslands, Karl Sigur-
hjartarson, Ferðamálaráði
íslands og Júlíus Hafstein,
Reykjavíkurborg.
eins og þú vilt
að aorir aki!
UMFERÐAR
RÁÐ