Þjóðviljinn - 14.12.1945, Blaðsíða 3
Föstudagurinn 14. des. 1945
ÞJÓÐVILJINN
3
ÍÞRÓTTIR
Ritstjóri: FRÍMANN HELGASON
Erlendar íþrótta-
fréttir
Dynamo — Rangers 2:2
Þessa leiks var beðið með
mikilli eftirvæntlngu á öllum
Bretlandseyjum og víðar.
Þarna var bezta félagi Skota
teflt fram. Rangers hafði
keypt leikmann frá Everton
Caskie að nafni, þrem dögum
áður en leikurinn fór fram.
Rússarnir vildu le!ka við lið
félagsins eins og það var á
kappleiknum á undan og ef
þessi maður léki með mundu
þeir taka saman dót sitt og
hverfa suður á bóginn aftur
án þess að leika. Til þess að
hryggja ekki þessi 90 þúsund
áhorfenda sem höfðu náð sér
í aðgöngumiða létu þeir und
an og mættu án Caskie.
Þegar ‘ tvær mín. voru af
leik tekst hægra innherja,
Rússa( Kartseff að gera
mark úr aukaspyrnu af 20 m.
færi. Fimm mín. síðar er
dæmd vítispyrna á Dynamo,
en rússneski markmaðurinn
Konsitsi varði á hinn furðu-
legasta hátt.
Eftir 24 mín. gerir Dynamo
annað mark, er það Kartseff
aftur sem sendir knöttinn
bak við Dawson í mark
Rangers eftir prýðilegan sam
leik í framlínu Rússa.
Rangers hóf nú sókn og
tókst að gera mark 5 mín. fyr
ir hálfleik.
Eftir hléið hófu þeir nýja
sókn hraða og ákafa, svo
markmaður Rússa varð að
taka á irióti mörgum og hörð
um skotum.
Þegar 10 mín. voru eftir af
leik fengu Skotar vítaspyrnu
og setti miðframv. Young
mark úr horni. Síðustu mín
úturnar vorú óslitin sókn af
hálfu Skota, en 2:2 stóðu til
leiksloka.
Sviss vann Svíbjóð 3:0.
Síðasta landsleik Svía á ár-
inu lauk með ósigri þeirra,
3:0, fyrir Svisslendingum.
Svisslend ngar sýndu framm-
úrskarandi leik, enda taldir
einna sterkastir á megin-
landi Evrópu að Rússum ef
til v.ill frátöldum.
Svíar náðu oft góðum til-
þrifum í leik sínum, en stóð-
ust ekki hinn hraða og á-
kveðna leik mótherjanna.
Þetta er fyrsti leikurinn,
•sem þeir tapa á árinu.
Þýzkalandi vikið úr F.I.F.A.
Alþjóðasamiband knatt-
■spyrnumanna — F.Í.F.A. sam
Iþróttaskóli Islands
Um síðastliðna helgi fór fram vígsla hinna nýju heim-
kynna íþróttaskólans á Laugarvatni. Það hús, sem þar er
rlsið af grunni er ætlað íþrót.takennaraefnum okkar, þeim
hluta íþróttamanna, sem að öllu eða einhverju leyti hafa
ætlað sér ,að verja ævi sinni til að veita öðrum tilsögn,
kennslu og almenna fræðslu um íþróttaiðkanir og þjálfun.
Þessi framkvæmd hlýtur því að vera öllum, sem íþróttum
unna, vexti þeirra og viðgangi hið mesta gleðiefni.
Slíkar stofnanir sem þessi íþróttakennaraskóli íslands,
eru taldir hyrningarsteinar íþróttahreyfingarinnar. Þar
fá kennaraefni þann eld sem þau síðar lýsa íþróttamönnum
landsins með og fleirum en þelm, þeir verða að breiða þetta
fagnaðarerindi út til ungra sem gamalla, karla sem kvenna,
afreksmanna sem skussa. Þeir verða að prédika svo vægð-
arlaust, að þeir geti með góðri samvizku sagt: íslenzka
þjóðin er í þjálfun. Hún er fær um að mæta erflðleikum.
Inn'setumenn hafa ekki lengur frið til að láta sig drafna
niður á hörðum eða mjúkum stólum. Æska borga og bæja
unir ékki lengur í vínhúsum og reykskálum, hún þarf eitt-
hvað sem er karlmannlegra, hreinlegra. Öll æska landsins
hefur gert íþróttirnar að hluta af sjálfri sér, þær eru sam-
ofnar; daglegu lífi hennar.
Eldra fólkið hefur vaknað til fullkomins skilnings um
málefni vor. Það eru allir komnir með! Þetta er að vísu
framtíðin^ og margir munu segja að eigi langt í land.
Til að ná þessum árangri verður að gera strangar kröf-
ur til Íþróttakennaraskóla íslands, en ófrávíkjanlega verða
áhrifin og hinn ríkjandi andi íþróttamenningarinnar að
koma þaðan. Þessi skóli verður að ráða yfir beztu kennur-
um sem völ er á á hverjum tíma. Hæfni kennaranna er 1
flestum tilfellum lykillinn að velgengni þeirra og áhrifum.
Þá þarf ekki að taka fram að því fjölþættari sem skólinn
er því meiri möguleika hefur hann til að útbreiða íþrótta-
líf meðal landsmanna.
Með skólann á þessum stað verður það sennilega af
fjárhagsástæðum erfitt að fá til hans alla þá beztu kennara
sem völ er á, og er slíkt mikill skaði, en að því verður að
vinna að láta hann og íþróttahreyfinguna ekki líða fyrir
það. Það er beinlínis skylda gagnvart þessum skóla sem
öðrum, að tryggja honum beztu kraftana til kennslu. Því
fremur verður að vanda til skólans, sem þetta er eini skól-
inn sem útskrifar kennara í íþróttum.
Við getum ekki undir neinum kringumstæðum látið
okkur nægja stult námskeið í fjölbreyttum og þungum í-
þróttagreinum þó segja megi að allt sé betra en ekki neitt,
og þó um úrvalskennara sé að ræða.
Þessi stofnun verður að vera raunhæf, fjölbreytt og
sterk. Við verðum að treysta því að þeir menn, sem ötulast
'hafa barizt fyrir þessum skóla, og þakka ber, beri líka gæfu
til í náinni framtíð að skapa honum þá möguleika að hann
geti með kennaravali og fjölbreytni í íþróttum, orðið á borð
við skóla sömu tegundar erlendis. Húsnæðið er að koma,
við vonum að hitt fylgi á eftir.
Jólablað
■f
Sjómannablaðsins Víkings
er komið út
EFNISYFIRLIT:
Séra Árni Sigurðsson: Úr jólasöng aldanna
Kristján Eldjárn: Alsbáturinn (5 myndir)
Gils Guðmundsson: Holger Drachmann (mynd)
Holger Drachmann: Ýfir Skagahaf. Smásaga (2 m.)
Henrik Bjelke (mynd)
Útgerðarmál. Fjórir stjórnmálamenn rita um fram-
tíð sjávarútvegsins á íslandi.
Grein Óskars Jónssonar (mynd)
Grein Eysteins Jónssonar (mynd)
Níunda þing F. F. S. í.
Oscar Jensen: Frá bernskudögum bryndrekanna
(6 myndir)
Sigurður Þorsteinsson: Guðm. ísleifsson (mynd)
Fiskimannabærinn Gloucester (4 myndir)
Saga Eyrarlbakka (4 myndir)
Draumur Moltké (Jólasaga)
Ekknasjóður íslands
Ólafur Magnússon: Vitar og sjómerki 1
Guðmundur Guðmundsson frá Móum: Tvær fyrstu
togveiðiferðir á Halann og tildrög þeirra (mynd)
Guðm. G. Hagalín: Sigurjón Á. Ólafsson sextugur
(kvæði)
Henryn Hálfdansson: Samræming launa og lækkun
dýrtíðar
Finnur Magnússon: Danmerkurferð á briggskipi
árið 1797 (mynd)
Gils Guðmundsson: Sandgerði, 3. grein (9 myndir)
Jón Kr. ísfeld: Gísli bátsmaður á Bíldudal (4 myndir)
Friðrik Halldórsson, loftskeytamaður (kvæði) )
Ljóðabálkur
Kaupskipafloti heimsins
Hallgrímur Jónsson: Úr vélarúminu (mynd)
Setningarhátíð Sjómannaskólans (mynd)
Guðm. Guðmundsson, ísafirði: Siglingalög og sjó-
mannafræðsla.
Haraldur Ólafsson: Vélskipið Haukur
Bækur
Skák
Frá hafi til hafnar.
Blaðið verður selt á götunum í dag og næstu daga
Sölubörn komið í skrifstofuna, Bárugötu 3
Jólablað Víkings þarf hvert heimili að eignast
Sjómannablaðið Víkingur
U.
Úr fréttabréfi frá Danmörkii
Skiptar skoðanir um væntanlega heimsókn
danskra knattspyrnumanna til íslands
næsta sumar
þykkti á fundi sem það hélt
í Zúrieh í Sviss nýlega að
útiloka fulltrúa Þýzkalands,
dr. Bauwens og einnig full-
trúa Ítailíu, Mauro, sem var
varaforseti sarribandsins. Enn
fremur var samþykkt að
strika Þýzkaland sem aðila
að F.Í.F.A., þar sem „þýzka
knattspyrnusambandið sé
ekki til lengur eftir að stjórn
nazista er fallin frá.“
— Íþróttalíf virðist mér
vera mikið hér og á mörgum
sviðum. Látlaust eru háðar
millilandakeppnir við Svíana
og hafa ýmsir betur. Þó eru
Svíar í meirihluta. Eg hef
horft á einn leik í knatt-
spyrnu og var hann milli
landliðs Dana og valins liðs
atvinnuleikmanna úr enska
hernum. Danirnir léku mjög
laglega, voru liprir og snögg-
ir á boltanum og dekkuðu
miklu betur en Englending-
arnir, sem virtust vera í
slæmri þjálfun. Þeir höfðu
margir góða knattmeðferð. en
voru ekki jákvæðir í leik sín-
um. Danir unnu 6:1. Eftir
fyrri hálfleik stóð 2:1. — Dari
ir töpuðu fyrir Svíum 4:1. —«
Eg las hér í blöðunum um:
daginn að íslendingar hefðu
mælzt til þess að fá landlið
Dana heim næsta sumar. Þið
verðið svei mér að æfa vel ef
þið eigið að hafa nokkra von
því Danirnir eru sterkir.
Blöðin hér létu annars mis
munandi álit í ljós um það
hvort Danir tækju boðinu eða
ekki. Bolitiken sagði: „Lík-
ast til segjum við já.“ En
Berl. Tidende þótti fráleitt að
þeir sendu sjálft landsliðið,
en komið gæti til mála að
senda lið utan af landi.