Þjóðviljinn - 25.01.1983, Blaðsíða 5

Þriðjudagur 25. janúar 1983 ! ÞJÓÐVILJINN - SÍÐA 5
Hér má sjá leifamar af Þórðarhúsi. Rishæð hússins barst með snjóflóðinu tugi metra niður hlíðina og með þvi Halldóra Þórðardóttir og dætur
hennar tvær, þær Guðflnna Ólina og Ingibjörg Eygló. MæSguraar sluppu án stærri áverka. Ljósm eik.
10 mairns lentu
í snjóflóðunum
19 hús
uröu fyrir
Qkpminrfi im
Fjórir fórust og 19 hús urðu fyrir meiri eða
minni skemmdum er tvö geysimikil krapaflóð
féllu úr gili fyrir ofan Geirseyri á Patreksfirði
um miðjan dag á laugardag. 25—30 manns hafa
misst heimili sín. 3 íbúðarhús fóru algerlega
með flóðinu og eru nú ekki annað en brak, en
önnur hús ýmist fylltust af snjó og eru sum
gerónýt eða urðu að hluta fyrir flóðinu. Enn
önnur urðu fyrir vatns- og aurskemmdum.
Þeir sem fórust voru mæðginin
Valgerður Jónsdóttir 77 ára og
Marteinn Ólafur Pétursson 41 árs,
bæði til heimilis að Aðalstræti 79,
en það hús fór algerlega, Sigur-
björg Sigurðardóttir 58 ára,
Brunnum 13, en hún var á gangi er
flóðið varð, og Sigrún Guðbrands-
dóttir 6 ára, til heimilis að Hjöllum
2, en það hús fylltist af snjó.
Um 10 manns aðrir lentu í
flóðunum og eru nokkrir slasaðir,
m.a. kól einn dreng lítillega. Hrein
mildi var að sumir þeirra björg-
uðust. Þannig var t.d. um Halldóru
Þórðardóttur og dætur hennar
Guðfinnu Ólínu og Ingibjörgu
Eygló að Aðalstræti 79a. Þær bár-
ust með risi hússins nokkra tugi
metra og alveg niður í fjöru en
sluppu með skrekkinn og nokkur
meiðsl. Kristján Pétursson var
einnig uppi á lofti í húsinu númer
79 við Aðalstræti og slapp ó-
meiddur með undursamlegum hætti
en það hús fór með flóðinu og gjör-
eyðilagðist. Rósamunda Hjartar-
dóttir lenti í flóðinu er hún var á
gangi og barst með því að slátur-
húsdyrum og þrýstist inn um þær.
Það varð henni til lífs. Glynnis
Duffin frá Nýja Sjálandi í Krist-
jánsborg, Aðalstræti 77, en það
hús fylltist alveg af snjó, var af til-
viljun stödd í því eina horni húss-
ins, sem snjór þrengdi sér ekki al-
veg inn í. Hún slapp. Þórdís Thor-
oddsen, Aðalstræti 78, var að
vinna í eldhúsi en brá sér frá inn í
annað herbergi til að svara í síma.
Á meðan skall flóðið á húsinu og
fyllti eldhúsið af leðju. - Svona
mætti lengi áfram telja.
Blaðamaður og ljósmyndri
Þjóðviljans komu á staðinn á sunn-
udag og þá voru allir vinnufærir
menn á Patreksfirði auk hjálpar-
sveita frá Reykjavík og Tálknafirði
að moka og hreinsa, en lfk 3ja af
þeim sem fórust höfðu fundist um
morguninn með aðstoð hunda. Hið
fjórða hafði fundist strax eftir að
flóðið féll.
Haraldur Karlsson, formaður
bj örgunarsveitar Slysavarnafélags-
ins á Patreksfirði sagði, að mjög
erfitt væri um vik því flóðið væri
orðið hart eins og steypa eftir að
vatnið í því hefði sjatnað. Hann
varð sjálfur vitni að flóðinu og
sagði að ekki hefði verið hægt að
líkja því við neitt annað en jökul-
^aup. Þetta var svart vatnsflóð
sem hjóp fram með jakaburði,
grjóti og krapi.
og amk.
3 talin ónýt
Þau hús sem fóru alveg eru Aðal-
stræti 79, 79a, og 101. Þau önnur
sem skemmdust mikið eru Hlíðar-
vegur 2 Hjallar 2, Brunnar 1 og 2,
Áðalstræti 78, og Bræðraborg.
Auk þess fóru fjárhús, nokkrir
skúrar og 10-15 bílar.
Björgunarsveitarmenn frá
Reykjavík fóru seint á sunnudags-
kvöld en í gær var flestum gefið frí
úr vinnu á Patreksfirði til þess að
þeir gætu unnið áfram við björgun-
arstörf. Gfr. -v.
Viðlagatrygging
íslands_____________________
Bætir tjón á
húseignum
og innbúi
Ljóst er að eignatjón í náttúru-
hamförunum á Patreksfirði er gíf-
urlegt og ekki fjarri að áætla að það
nemi tugum miljóna króna. En
hvað bæta tryggingarnar? Og hver
er sj álfskuldaábyrgð þeirra sem
fyrir tjóninu urðu?
Ásgeir Ólafsson hjá Viðlaga-
tryggingu íslands sagði að viðlaga-
tryggingin greiddi tjón á hús-
eignum og innbúi. Þó næði trygg-
ingin ekki til innbús nema það væri
brunatryggt ellegar húsráðandi
hefði keypt sér heimilistryggingu.
Þá væri sjálfskuldarábyrgð húsráð-
anda 5% af tjónsupphæðinni, þó
aldrei minni en 5000 kr.
Viðlagatrygging íslands starfar-
samkvæmt lögum no. 88 frá 1982,
en fyrst voru sett lög um viðlaga-
tryggingu árið 1975.
Matsmenn Viðlagatryggingar ís-
lands munu fara til Patreksfjarðar
strax og veður leyfir og meta tjón
það sem snjóflóðin ollu. Nú er lok-
ið skráningu allra sem hafa orðið
fyrir tjóni og munu þeir síðan fá
bætur eftir mati með fyrrgreindum
skilyrðum.
Viðlagatryggingin nær ekki til
tjóns á bifreiðum en fjölmargar
skemmdust í hamförunum á Pat-
reksfirði. Venjuleg skyldutrygging
bifreiða greiðir ekki tjón af þessu
tagi. Til þess þurfa bifreiðar að
vera í kaskótryggingu.
-v.
Á þessum stöðum féllu snjófióðin á PatreksQörð: Fyrra flóðið féll eftir gili úr fjallinu Brellum um kl. hálftjögur á laugardag og varð þremur
mönnum að bana. Síðara flóðið féll tveimur timum síðar eftir farvegi! Litladalsár. Kona sem vir á gangi I við ána lést.