Þjóðviljinn - 19.02.1986, Blaðsíða 2

FRETTIR
Húsnœðismál
Búsetablokkinni bjargað?
Búseti eygirglufu í húsnœðislöggjöfinni. Lánaflokkur úr félagsmálaráðherratíð
Svavars Gestssonar getur kannski bjargað Búsetablokkinni
Búseti er ekki af baki dottinn þó
félagið hafi bara fengið lán
fyrir 15 af 46 íbúðum í fjölbýlis-
húsi því sem fyrirhugað er að rísi í
Grafarvogi, en öll framkvæmda-
áætlun við húsið miðast við að
það sé reist í einum áfanga á mjög
skömmum tíma.
Félagsmenn í húsnæðissam-
vinnufélaginu þykjast nú eygja
glufu á húsnæðislöggjöfinni til að
verða sér úti um lán til þeirra
íbúða sem þeir fengu ekki lán út á
úr Byggingarsjóði verkamanna.
Þegar Svavar Gestsson var fé-
lagsmálaráðherra var opnaður
nýr lánaflokkur F-lána úr Bygg-
ingarsjóði ríkisins, en samkvæmt
honum er heimilt að veita lán til
byggingar leiguíbúða og hafa
ýmsir aðilar notfært sér þennan
lánaflokk. Hefur Búseti nú sótt
um þessi lán.
Alexander Stefánsson, fé-
lagsmálaráðherra, er nú að fá úr
því skorið hvort Búseti eigi laga-
lega heimild á þessum lánum og
hvort félagið getið fengið meira
en 29% af byggingarkostnaði þar
sem félagið getur ekki nýtt sér
réttindi félagsmanna til lífeyris-
sjóðslána. Verði útkoman já-
kvæð getur Búseti hafið fram-
kvæmdir í vor og ætti þá fjölbýlis-
húsið að verða fullfrágengið vor-
ið 1987. -Sáf
Framsóknarflokkurinn
Framsóknarmaður
morgundagsins
Frálshyggjutónar í Framsókn
Ég er framsóknarmaður morg-
undagsins. Páll Pétursson og Ing-
var Gíslason eru hins vegar fram-
sóknarmenn gærdagsins.
Pessi gleðilegu tíðindi flutti
upprennandi áhrifamaður úr
samtökum ungra framsóknar-
manna, Þórður Ingvi Guðmunds-
son, í makalausri ræðu sem hann
flutti á stjórnmálakynningu í
Fjölbrautaskóla Garðabæjar
fyrir helgi. Á kynningunni voru
sömuleiðis fulltrúar úr öðrum
flokkum.
Fyrir utan árásir á nafngreinda
forystumenn í Framsóknar-
flokknum vakti ræða Pórðar Ing-
va sömuieiðis athygli fyrir þá
stríðu frjálshyggjutóna sem í
henni voru. En samkvæmt heim-
iidum Pjóðviljans af fundinum
bryddaði hann upp á hugmynd-
um sem breskir frjálshyggju-
menn, yst á hægri kanti Ihalds-
flokksins breska, hafa til dæmis
haft uppi um heilsugæslukerfið.
Þórður var á sama máli og
bresku öfgamennirnir að því leyti
að hann taldi að minnsta kosti
íhugunarvert að leggja af heilsu-
gæslukerfið í þeirri mynd sem við
þekkjum það, en láta menn hins
vegar kaupa tryggingu hjá sér-
stökum tryggingafélögum í
einkaeigu. Parmeð væri þeirri
voðalegu áþján létt af þjóðfé-
laginu að þurfa að sjá fyrir þeim
sem minna mega sín. Erlendis
hefur þetta mætt mikilli mót-
spyrnu, vegna þess meðal annars
að umönnun sjúkra er þá orðin
háð því hversu há iðgjöld menn
geta greitt.
Öfgamenn í breska íhalds-
flokknum urðu að láta í minni
pokann með þetta, en virðast nú
hafa fundið bandamann meðal
framsóknarmanna á íslandi.
-ÖS
Riðuveikin
Þingeyingar safna
undirskriftum
Sauðfé fargað jafnótt og riðu verður vart.
Yfir hefur staðið hjá Þingeying-
um undirskriftasöfnun þar
sem menn skuldbinda sig til þess
að farga sauðfé sínu, komi riðu-
veiki upp í hjörðinni. Er hér um
að ræða svæðið milli Jökulár á
Fjöllum og Skjálfandafljóts.
Talið er að riðuveiki hafi borist
inn á þetta svæði fyrir einum 15
árum. Síðan hefur hún stungið
sér þar niður hér og hvar, en út-
breiðslan nú örari en áður. Einna
mest mun bera á veikinni í Keldu-
hverfi en vitað er um hana á ein-
um 18 bæjum á svæðinu og á þeim
eru rúmlega 4600 fjár.
Náist samstaða um þessar að-
gerðir, sem allir horfur eru á,
verður fénu á þessum 18 bæjum
lógað í haust, sem og öðrum þar
sem veikinnar kann að verða vart
fyrir þann tíma. Ef til vill verður
farið með aðgerðir út fyrir þetta
svæði, til beggja handa, komi
veikin þar upp.
-mhg
Brugðið á leik gæti þessi mynd heitið en hana tók E.ÓI í góða veðrinu í gær þar
sem pollar i Kópavogi léku sér. Ljósm. E.ÓI.
íslenskur málmiðnaður
Langt á eftir samkeppnislöntlunum
Munar 20-25 árum. Tölvustýrðar vélar einar sér duga ekki
A
IMálmsíðu, sem er fylgirit ITI-
frétta, (Iðntæknistofnun ís-
lands), skýrir Sturla R. Guð-
mundsson frá niðurstöðum
könnunar, sem Málmtæknideild
Iðntæknistofnunar gerði sl. sum-
ar og bar yfirskriftina „Notagildi
tölvustýrðra málmvinnsluvéla á
Reykjavíkursvæðinu“.
Heimsóttar voru 20 verksmiðj-
ur og innflutningsfyrirtæki á
Reykjavíkursvæðinu. Kannað
var magn framleiddra hluta og
hvaða vinnsluaðferðir voru not-
aðar við framleiðsluna.
Að sögn Sturlu R. Guðmunds-
sonar, leiddi könnunin í ljós „að
mest öll vinna í smiðjum þeim,
sem heimsóttar voru, er í formi
eins einhæfrar sérsmíði og hefur
það leitt til stöðnunar í vinnu-
brögðum og efnisvali. Skortur er
á sérhæfðu starfsfólki, bæði
vegna lágra launa og vegna þess
að iðnfræðslustarfið hefur dregist
aftur úr þeirri þróun, sem orðið
hefur á undanförnum árum."
Sturla segir könnun þessa ekki
hafa verið mjög ítarlega, enda
ekki ætlunin. Hún gefi samt sem
áður vísbendingu um það, að ís-
lenskur málmiðnaður sé 20-25
árum á eftir iðnaði samkeppnis-
landa okkar svo til á öllum svið-
um framleiðslunnar. Úr því verði
ekki bætt með því einu, að kaupa
tölvustýrðar vélar. Taka verði á
öllum þáttum framleiðslunnar:
efnisvali, efnismeðferð, ferlis-
hönnun o.s.frv. Það verði hins-
vegar ekki gert nema með
aukinni menntun þeirra manna,
sem að málmiðnaði starfa.
Könnun þá, sem hér um ræðir,
gerði Jónas G. Jónasson renni-
smiður. Hann er nú við nám í
vélaverkfræði í Bandaríkjunum.
-mhg
2 SÍÐA - ÞJÓÐVILJINN Miðvlkudagur 19. febrúar 1986
j—TOP'IIÐ^^
A
Okkur Framsóknarmönnum
morgundagsins finnst mjólk
ekki góð.
__________ I
Úr byggða-
blöðunum
Suðurnes
Gellur og
kinnar
Nokkur fiskvinnslutæki á
Suðurnesjum eru farin að kljúfa
þorskhausa og taka kinnar og
gellur, salta, pækla og pakka til
útflutnings. Eitt fyrirtæki, ísver
h.f. afkastar 6 tonnum af hausum
á dag, sem gefur af sér 2 tonn til
útflutnings. Eru kinnarnar og
gellurnar í viku verkun og síðan
er afurðin send á Portúgalsmark-
að.
(Víkurfréttir)
Norðfjörður
Dansað í
halftíma
Fyrir skömmu var haldinn
stofnfundur Danshóps í Norð-
firði. Fundurinn hófst kl. 21 með
því að fólk dansaði til kl. 21.30,
þá var húsinu lokað og stofnfund-
ur var haldinn með tilheyrandi
formsatriðum.
(Austurland)
Húsavík
Djassað
af krafti
Öruggar heimildir segja að í bí-
gerð sé að stofnaður verði innan
tíðar djassklúbbur á Húsavík.
Ætla djass-áhugamenn að auðga
menningarlíf bæjarins með því að
fá góða djassleikara norður til
tónleikahalds.
(Víkurblaðið)
Höfn
Leynileg
leigubíla-
stöð
Á Höfn í Hornafirði er rekin
leynileg leigubílastöð. Sjást
leigubflar skjótast milli húsa, en
enginn veit hvar hægt er að ná í þá
ef leigubfls er þörf. Er skorað á
leigubflstjóra þessa að koma úr
felum eins og Samtökin ’78.
(Eystrahorn)