Þjóðviljinn - 03.06.1987, Blaðsíða 6

Þór (öm Árnason) veit ekki sitt rjúkandi ráð þegar Loki (Randver Þorláksson) ber honum fregnina frá Þrym úr jötunheimum: hamrinum verður ekki skilað nema í skiptum fyrir frjósemisgyðjuna
Freyju. Mynd Sig.
Hvar er hamarinn?
Þjóðleikhúsið frumsýnir „Hvar er hamarinn“ eftir Njörð P. Njarðvík í Hnífsdal á morgun
Hvar er hamarinn? Á þessari
spurningu hamra goöin við
Þórsem reynirtaugaveiklað-
ur að víkja sér undan svari
uns hann viðurkennir að
hamrinum hafi verið stolið - í
verki Njarðar P. Njarðvík
„Hvar er hamarinn?1' sem
Þjóðleikhúsið frumsýnir í
Hnífsdal fimmtudaginn 4. júní.
Tilefnið er M-hátíðin á ísafirði,
en íframhaldinu verðurflakk-
að með sýninguna suður á
bóginn og endað á Akranesi.
Leikrit Njarðar er byggt á
Þrymskviöu, sem segir frá því
þegar goðið Þór týndi hamri sín-
um og náði honum síðan aftur
með klækjum úr hendi jötunsins
Þryms. Komu þar helst við sögu
ráðagóði bragðarefurinn Loki og
hin undurfagra Freyja, Þór í hlut-
verki klæðskiptings sem Freyja
og Loki sem hennar ambátt.
Sem fyrr segir er leikritið byggt
á Þrymskviðu, en tungumálið er
fært í nútímabúning og í upp-
færslunni allri kallast á hinn gamli
og nýi tími. „Úr þessu hefur orðið
hinn mesti ærslaleikur ætlaður
eldri börnum og fullorðnum. Við
vonum að verkið veki bæði hlátur
og gleði en umfram allt forvitni,"
sagði Brynja Benediktsdóttir,
leikstjóri verksins.
Að sögn Brynju var leikrit
Njarðar upphaflega hugsað sem
lítið leikverk fyrir skóla, en með
tónlist Hjálmars H. Ragnars-
sonar og látbragðs- og dansat-
riðum tókst að lengja það í hæfi-
lega kvöldsýningu. „Uppbygging
sýningarinnar er einföld og
sveigjanleg þannig að hægt er að
fara með hana hvert sem er með
stuttum fyrirvara," sagði Brynja
og bætti því við að líklegast væru
lendarnar hennar Freyju,
meistaraverk Sigurjóns Jóhanns-
sonar leikmyndahönnuðs, það
fýrirferðarmesta í sýningunni.
í sýningunni eru alls 9 leikend-
ur. I aðalhlutverkum eru Er-
lingur Gíslason (Þrymur), Lilja
Þórisdóttir (Freyja), Randver
Þorláksson (Loki) og Örn Árna-
son (Þór). Önnur hlutverk leika,
syngja og spila þau Ólafur Örn
Thoroddsen, Valgeir Skagfjörð,
Eyþór Arnalds, Herdís Jónsdótt-
ir og Kristrún Helga Björnsdótt-
ir. Þau þrjú síðastnefndu eru ne-
mendur í Tónlistarskólanum en
hafa leikið með áhugaleikfé-
lögum áður. Leikritið verður
frumsýnt í Hnífsdal klukkan 21
fimmtudaginn 4. júní og önnur
sýning verður klukkan 18 föstu-
dagskvöldið 5. júní. -K.Ól.
Skerpluhátíð
Súldlin á
Borginni
Síðustu tónleikar á Skerpluhátíð Musica Nova
verða á Hótel Borg í kvöld og mun hljómsveitin
Súld leika eigin verk
Myndlist
Steingrímur
í Eden
í gærkvöld opnaði Steingrímur
Sigurðsson sína elleftu sýningu í
Eden og er það hvítasunnusýning
tileinkuð sjö undanförnum góð-
um árum.
Er þetta 62. sýning Steingríms
en hann hélt sína fyrstu sýningu í
Bogasalnum 1966. Á sýningunni í
Eden er41 mynd, flestallar nýjar
og unnar í ný efni. Sjávarmótíf og
kyrralífsmyndir ásamt fantasíum
eru rikjandi á sýningunni. Einnig
eru örfá eldri verk sem ekki hafa
verið sýnd áður. Undir lok sýn-
ingarinnar, sem stendur til 14.
júní, verða ýmsar óvæntar uppá-
komur í tengslum við sýninguna.
-ing
_____ V .......
Síðustu tónleikar á Skerplu-
hátíð Musica Nova verða á
Hótel Borg í kvöld kl. 21. Er
það hljómsveitin Súld sem
þar spilar og segir í fréttatil-
kynningu frá Musica Nova að
Súldin, sem stofnuð var síð-
ast liðið haust, sé eitt sér-
stæðasta og ferskasta fyrir-
bæri í tónlist á íslandi í dag.
Meðlimir Súldar hafa samið
sjálfir alla þá tónlist sem hljóm-
sveitin hefur flutt frá upphafi, en
hana skipa Szymon Kuran fiðlu-
leikari, Steingrímur Guðmunds-
son trommu- og tablaspilari,
Tryggvi Hubner gítarleikari og
Stefán Ingólfsson bassaleikari.
Tónlistin sem þeir flytja getur
hugsanlega kallast jass, sé það
hugtak teygt og togað til hins ítr-
asta og engan veginn víst að það
dugi til, enda eiga meðlimir
sveitarinnar sér mjög ólíkar rætur
í jassi, klassískri tónlist, rokki,
indverskri tónlist o.s.frv.
Hljómsveitin Súld leikur á Hótel Borg í kvöld.
Á Hótel Borg munu þeir frum-
flytja verkið Konfrontacja (Aug-
liti til auglitis) eftir Szymon Kur-
an, end auk þess Paughkeepsie
eftir Steingrím, Augnablik eftir
Stefán og 11,8 eftir Szymon.
Síðar í júní mun hljómsveitin
fara með þetta sama prógram til
Kanada og einnig er fyrirhugað
að gefa út plötu með efni hljóm-
sveitarinnar.
-ing
6 SlÐA - ÞJÓÐVILJINN Mlðvlkudagur 3. júní 1987