Þjóðviljinn - 25.08.1989, Page 9
Dnepr
■16
Undarlegt farartæki hefur sést á
götum Reykjavíkur í sumar. Það
er mótorhjól, en samt ekki venju-
legt mótorhjól. Það er Dnepr-16,
samskonar hjól og Rauði herinn
notar. Hver kannast ekki við úr
bíómyndum tvo hermenn á mót-
orhjóli, annar keyrir en hinn situr í
hliðarvagninum og báðir eru í
stígvélum, síðum frakka, með
leðurhúfu og undarleg gleraugu?
Einn slíkur ökumaður hefur
sést í Reykjavík. Að vísu er hann
ekki hermaður, heldur Snigill, en
hann á svona mótorhjól og þar að
auki allan búnaðinn. Maðurinn
heitir Hjörtur Jónsson mótor-
hjólaáhugamaður og einsog áður
segir er hann í Bifhjólasamtökum
lýðveldisins, eða Sniglunum.
Nýtt Helgarblað hitti Hjört að
máli og spurði hann hvað hrað-
skreiður Snigill eins og hann væri
að gera á sovésku Dnepr-16 mót-
orhjóli.
„Ég sá svona hjól á alþjóðlegri
mótorhjólasýningu í Englandi í
fyrra og langaði til að prófa. En
þetta var bara sýning og þess
vegna ekki hægt að prufukeyra.
Ég pantaði þá svona hjól í gegn-
um Bifreiðar og Landbúnaðar-
vélar og þeir fluttu það inn fyrir
mig. Eina leiðin til að prófa hjól-
ið var að kaupa það. Nú er ég
búinn að prófa og núna ætla ég að
selja það,“ sagði Hjörtur.
Hvernig er að keyra svona far-
artæki?
„Það er sauðheimskt. En gam-
an. Þetta kemst ekki á neina ferð,
ætli það fari ekki í 90 km á jafns-
léttu. Annars er uppgefinn hám-
'
arkshraði án manns í hliðarvagn-
inum u.þ.b. 108 km en með
manni u.þ.b. 104. Það er líka til-
tölulega auðvelt að velta því. Ég
velti því einu sinni með mann í
vagninum, þannig að maður
verður að fara mjög varlega."
Hvernig líta félagar þínir í
Sniglunum á þetta mótorhjól?
„Ég hef farið á hjólinu og hitt
þá, en það er bara gert grín og
hlegið. Eg efast um að þeir fari að
fá sér svona.“
Þess má geta að Hjörtur á ekki
bara Dnepr-16 hjól, heldur líka
stórt alvöruhjól sem kemst áreið-
anlega töluvert mikið hraðar en
Dnepr-16.
Hjörtur bauð blaðamanni að
sitja í hliðarvagninum og fara
smá rúnt. Það verður að segjast
eins og er að það var alveg gífur-
lega gaman og væri örugglega frá-
bær tilfinning að fara á Dnepr-16
á rúntinn á föstudagskvöldi...
Áhugamönnum um svona tæki
til fróðleiks má geta þess að á því
eru fjórir gírar áfram og einn
afturábak. Hjólið er með drifi á
báðum afturhjólum, bæði á mót-
orhjólinu og hliðarvagninum.
Vélin er 36 hestöfl, tveggja
strokka fjórgengisvél og
loftkæld. Lengdin á hjólinu er 2,3
pn, breiddin 1,7 m og hæðin 1,1
m. Með hjólunum fylgir vara-
dekk, hlíf yfir hliðarvagninn og
verkfærasett. Hemlar eru einnig
á hjóli hliðarvagnsins.
ns.
*