Dagblaðið Vísir - DV - 13.05.1996, Blaðsíða 12

12
MÁNUDAGUR 13. MAÍ1996
Spurningin
Hefur þú farið út á land
nýlega?
nýlega í Hveragerði.
Birna Árnadóttir húsmóðir: Já, ég
fór austur fyrir íjall fyrsta maí. Það
var dálítið kalt.
Þórunn Benediktsdóttir húsmóð-
ir: Ég fór hringinn í fyrrasumar.
Flosi Guðmundsson, rafeinda-
virki án sveinsprófs: Ég hef farið
tl Keflavíkur og austur á Selfoss og
ég var á Flúðum um páskana.
Valur Magnússon, heldri borg-
ari: Ég fór um páskana upp í Borg-
arfjörð í fermingu. Það er svo mikið
af börnum í fjölskyldunni.
Guðrún Helga Högnadóttir versl-
unarmaður: Ég fór í Borgarnes um
daginn.
Lesendur
Jón Baldvin og
Bryndísi til Bessastaða
Jón Baldvin Hannibalsson og kona hans, Bryndís
Schram.
Ingvi Tómasson skrifar:
Af einhverjum torskild-
um ástæðum trónir Ólafur
Ragnar Grímsson nú á
toppi skoðanakannana er
mæla fylgi við frambjóð-
endur til embættis forseta
Islands. Svo virðist sem
landsmenn hafi öllu
gleymt um Ólaf og séu
reiðubúnir að hefja hann
til æðstu metorða.
Ég á í raun bágt með
trúa því að íslenska þjóðin
vilji gera Ólaf Ragnar að
forseta. Trúlegra er að af
þeim frambjóðendum sem
eru í boði þyki fyrrum for-
maður allaballa skársti
kosturinn. Það er raunar
með ólíkindum að ekki
hafi fengist sterkari fram-
bjóðendur en raun ber
vitni. Konurnar og hæsta-
réttardómarinn eru ein-
faldiega ekki nægilegt
þungavigtarfólk sem sann-
að hefur kosti sína fyrir
þjóðinni. Samsinna má
með Davíð Oddssyni er
fært hefur þessa manneklu
í tal. Davíð hefur nú úti-
lokað framboð af sinni
hálfu og því útséð um að
sterkur frambjóðandi af
hægri væng bjóði sig fram.
Áður var þörf en nú er
nauðsyn, eigi að forðast
kjör Ólafs Ragnars. Ég vil því gera
það að tillögu minni að Jón Baldvin
Hannibalsson, ásamt eiginkonu
sinni, Bryndísi Schram, bjóði sig
fram til embættis forseta. Áð mínu
mati eru þau einu hjónin sem hafa
það vægi sem til þarf til að sigra
Ólaf Ragnar.
Endalaust væri hægt að rekja
ástæður þess að ég tel Jón Baldvin
Hannibalsson hæfastan sem forseta-
frambjóðanda. Jón Baldvin getur
höfðað jafnt til vinstri sem hægri
manna í landinu. Hann á mikið
fylgi meðal hægri manna sem gætu
hugsað sér að kjósa hann þrátt fyr-
ir að hafa ekki getað kosið
flokk hans. Sjálfur hef ég
t.d. fylgt Sjálfstæðisflokkn-
um að málum en oft verið
sammála Jóni Baldvini og
dáðst að málflutningi
hans. Hann væri góður
kostur fyrir sjálfstæðisfólk
og krata en einnig fylgis-
menn annarra flokka og
ópólitíska sem kunna að
meta verðleika hans. Jafn-
vel framsóknarmenn gætu
réttlætt það að kjósa Jón
Baldvin, þótt ekki væri
nema til annars en að
losna við þennan erfiða
andstæðing úr pólitík.
Jón Baldvin hefur, óum-
deilt, yfirburðaþekkingu á
öllum sviðum þjóðmála.
sem og alþjóðamála. Það
hefur hann sýnt og sannað
á stjórnmálaferli sínum
sem er ólíkt glæsilegri en
Ólafs Ragnars. Jón Bald-
vin er vel máli farinn og
hefur getið sér gott orð-
spor á erlendum vettvangi
fyrir rökfestu sína og mál-
snillds í miklu rikari mæli
en Ólafur Ragnar. Glæsi-
leg kona hans, Bryndís
Schram, er ekki síður góð-
um kostum búin. Vel
menntuð, talar fjölda
tungumála hnökralaust og
hefur staðið sig vel í öllu
því sem hún hefur annast um dag-
ana.
Ég skora á þau hjón að íhuga al-
varlega framboð til forsetaembætt-
isins. Leitun er að glæsilegri og
hæfari fulltrúum til að leiða land og
þjóð. Þau ein geta komið í veg fyrir
kjör Ólafs Ragnars.
Hvalfjarðargöngin
Erfiðleikarnir heQast
Magnús Sigurðsson skrifar:
Það er langt frá því að hin fyrir-
huguðu Hvalfjarðargöng eigi hug og
hjörtu fólks í landinu. Kannanir
hafa verið gerðar þar sem fólk er
spurt um þessa dýru framkvæmd.
Niðurstaða þeirra eru allar á einn
veg: Mikill meirihluti er á móti
Hvalfjarðargöngum.
Nú er hafin vinna við göngin og
miklu til kostað. Þann kostnað eig-
um við skattborgarar áreiðanlega
eftir að komast í kynni við. Margir
spáðu þvi að vinnan við Hvalfjarð-
argöngin myndi ekki ganga áfalla-
laust, jafnvel enda með ósköpum.
Og ekki eru margir ginnkeyptir fyr-
ir að aka undir djúpan Hvalfjörð-
inn, svo mikið er víst.
Nú eru erfiðleikarnir byrjaðir.
Það hafa verið boðuð verkföll vegna
ófrágenginna samninga við þá er
þarna vinna. Vera má að það mál
leysist fljótt en mér sýnist að þarna
séu langt frá því öll kurl til grafar
komin vegna hinna umfangsmiklu
framkvæmda sem þarna er lagt í.
Yfirgangur LÍÚ-manna
Ingvar Breiðfjörð skrifar:
Aðfór LÍÚ-manna að smábátum
með krókaleyfi er orðin með ólík-
indum. Ég bendi á að allt hráefni
sem þessir bátar fiska er unnið í
landi og skapar meiri atvinnu en sá
fiskur sem unninn er um borð í
stóru skipunum. Skyldi veita af að
koma til móts við atvinnuleysið?
LÍÚ-menn benda á fískfriðun,
sem þeir hafi staðið fyrir og skuli
nú njóta afraksturs af með auknum
kvóta, sem krókabátar skuli ekki fá
einn fisk úr. Læsu LÍÚ-menn reglu-
gerðir þær sem krókabátar hafa
orðið að fara eftir þá kæmu þeir
þjónusta
allan sólarhringin
sima
_______ 5000
milli kl. 14 og 16

Krókabátar koma með allan afla að landi og ganga vel um auðlindina, segir
Ingvar m.a.
auga á hvað þrengt hefur verið að
þessari grein fiskveiða og á hún
ekki við minni þrengingar að búa
en hefðbundnir vertíðarbátar.
Ég bendi og á að krókabátar
koma með allan afla að landi og
ganga vel um auðlindina. Það sama
er ekki hægt að segja um togara og
vertíðarbáta sem hirða verð-
mætasta fiskinn en henda þeim
smærri í sjóinn. Það magn sem hent
er tel ég vera mun meira en það
sem allir krókabátarnir til samans
geta veitt.
Ég segi því við LÍÚ-menn: Ykkur
hefði sæmt betur að beina kröftum
ykkar að því að finna lausn til að
nýta hráefnið sem þið látið henda
frekar en að ráðast að veiðiheimild-
um krókabáta. Útfærsla er á valdi
ráðherra en ekki ykkar. Kvótabra-
skið þarf að kanna til hlítar og
banna ætti öll togveiðarfæri að und-
anskildu rækjutrolli með skilju inn-
an 50 mílna.
DV
Ólöglegar for-
setakosningar?
Helga skrifar:
Eftir því sem maöur les í frétt-
um er nú þegar bafin utankjör-
fundarkosning tii forsetaembætt-
isins, þótt ekki sé útrunninn
framboðsfrestur og því éflaust
ekki allir frambjóðendur komnir
fram á sjónarsviðið. Þetta gerist
ekki í kosningum til Alþingis.
Gildir kannski annað um for-
setakosningar eða eru þær
ómerkilegri en aðrar kosningar?
Og til að kóróna vitleysuna er
manni sagt að þeir sem nú
greiða atkvæði sitt utan kjör-
fundar geti bara greitt aftur ef
þeim snúist hugur og vilji velja
nýjan frambjóðanda sem kynni
að koma fram. Þá er þetta ekki
heldur leynileg kosning lengur.
Er þetta ekki bara skrípaleikur?
Auðlindagjald
á strax
Benedikt Sigurðsson skrifar:
Auðlindagjald eða skattur ætti
að vera regla hér á landi. Ekki
endilega í sjávarútvegi eingöngu
heldur yfirleitt þar sem gengið
er í auðlindir landsins og unnið
úr þeim. í hvaða formi sem er.
Fyrirtækin gætu vel við unað
því að þarna væri verið að veita
aðgang að hinum sameiginlegu
auðlindum en ekki einhverju
sem einkamarkaðurinn hefur
framleitt frá byrjun og markaðs-
setur sjálfur að fullu og öllu. Því
fyrr sem auðlindagjald er tekið
upp því betra.
ívilnanir erlend-
is - ekki hér?
Gústav hringdi:
Er það ekki merkilegt að við
íslendingar göngum ávallt út frá
því vísu að allir aðrir ívilni okk-
ur og þóknist á allan hátt þótt
við sýnum aldrei lit í neinu á
móti? Nú reynir landbúnað-
arráðherra að fá reglur um inn-
flutning hrossa til helstu útflutn-
ingslanda okkar mildaðar en í
dag eru verulegar hindranir í
veginum vegna hrossaútflutn-
ings okkar. Hvað gerir svo land-
búnaðarráðherra á móti gagn-
vart innflutningi hingað frá
þessum löndum, t.d. á sviði bú-
vara, grænmetis og fleiru? Auð-
vitað ekkert! Við tökum bara,
gefum ekkert.
Þingmannaferö
til Grikklands
Margrét Ólafsdóttir skrifar:
Af hreinni tilviljun sjá lands-
menn stundum hvað verið er að
bauka á bak við tjöldin, oftast í
formi eyðslu opinbers fjár á
kostnað skattborgaranna.
Þannig las ég í Tímanum frétt
um hugsanlegt forsetaframboð
Jóns Baldvins og þar kom fram
að Jón hefði afboðað þátttöku
sína í „þingmannaferð til Grikk-
lands“ eins og það var orðað í
fréttinni. Ég er undrandi á þvi
að almenningur skuli ekki fyrir
löngu hafa sagt stopp á ferðalög
þingmanna með því að mótmæla
við Austurvöll. Öðru eins og af
minna tilefni eru borin fram
mótmæli. Þessi ferðalög þing-
manna út um öll lönd eru viður-
styggileg og óforskömmuð.
92 oktana
bensín aftur á
markaðinn
Guðbrandur hringdi:
Ég get engan veginn séð hvers
vegna olíufélögin bjóða ekki
áfram 92 oktana bensín hér á
landi. Það er til sölu um alla Evr-
ópu og víðar. Hér eru aðeins
boðnar þær tegundir af bensíni
sem eru dýrastar og um leið
hættulegra ef út í það er farið. Á
virkilega að þuifa að kalla á þá
Irving-feöga til að skakka leik-
inn?