Dagblaðið Vísir - DV - 27.05.1998, Blaðsíða 6
6
MIÐVIKUDAGUR 27. MAÍ 1998
Neytendur
Árni á þing
Ljóst er aö Árni Sigfússon mun
innan skamms hætta sem oddviti
D-listans eftir að hafa tapað tvisvar
fyrir Ingibjörgu Sólrúnu Gísla-
dóttur. Margir
telja að hann hugsi
sér einnig að
hætta alfarið í
borgarstjórn.
Hann hefur góðan
stuðning í
Reykjavík og víð-
tæk sambönd í
flokknum. Því
eru taldar líkur á að
hann feti í fótspor Birgis ísleifs
Gunnarssonar en eftir að hann
tapaði borginni fór hann í prófkjör
og varð þingmaður og í framhald-
inu seðlabankastjóri...
„Mölum þá"
Það var frægt um árið þegar
Ingvi Hrafn Jónsson, þáverandi
fréttastjóri Stöðvar 2, heyrðist
óvart segja i miðju kosningasjón-
varpi að Sjónvarpið
væri að „baka þá í
grafíkinni". Nú á
kosninganótt
heyrðist einnig
„óvart“ í Páli
Magnússyni,
fréttastjóra
Stöðvar 2, þar
sem hann sagði
kampakátur að
þeir væru „að mala RÚV“ sem
hefði m.a. misst af tölum úr Kópa-
vogi. Sjónvarpið var áður á undan
með tölur frá mörgum stöðum eða
allt þar til Eggert Skúlason skúbb-
aði úr Ráðhúsi Reykjavíkur þar
sem Stöð 2 stóð sig umtalsvert bet-
ur en „stöð Davíðs".
Ryðdallur!
Það varð uppi fótur og flt í höf-
uðborginni þegar rússneskur tog-
ari lagðist að bryggju í miðbænum
í vikunni en þar þurfti hann að
vera daglangt vegna viðgerðar.
Sjónvarpið mætti á staðinn og
menn áttu varla orð
yflr þeirri ósvífni
að leggja ryðkláfn-
um þar sem vel
máluð og glans-
andi skemmti-
ferðaskip eiga að
hafa forgang.
Ferðamálafull-
trúi Reykjavik-
urborgar, Anna
Margrét Guðjónsdóttir, var
með andköfum vegna þeirrar sjón-
mengunar sem þama átti sér stað.
Sandkomsritara varð hugsað til
Akureyrar þar sem „rússnesk ryð-
hrúga“ sem kölluð er togari hefur
legið mánuðum saman en landfest-
ar hans ná langleiðina upp í göngu-
götu. Reykjavíkurrússinn var eins
og skemmtiferðaskip miöað við
Rússann fyrir norðan...
Hjörvar formaður
Efsti maður Reykjavíkurlistans,
Helgi Hjörvar, slapp með skrekk-
inn eftir harðar kárínur í kosn-
ingabaráttunni. Á næstu dögum
verður hann kjörinn forseti borgar-
stjórnar nema Guðrúnu Ágústs-
dóttur takist á síðustu stundu að
véla af honum emb-
ættið. Fyrst
Reykjavikurlistinn
náði ekki níunda
manninum mun
Helgi verða að
hlýða svipu Ingi
bjargar Sólrún-
ar Gísladóttur
og ekki geta
leyft sér einleikf
svipað og hann gerði meðan hann
var varaborgarfulltrúi samanber
þegar fargjöld Strætó hækkuðu.
Helgi er þegar óformlegur foringi
yngra liösins í Alþýðubandalaginu.
Hann mun því væntanlega velgja
Margréti Frímannsdóttur undir
uggum enda víst að hann hefur
augastað á aö verða formaður að
kjörtima hennar loknum, ef ekki
fyrr...
Umsjón: Reynir Traustason
Netfang: sandkorn is
Við berum ábyrgð á börnum okkar i umferðinni hvort sem þau eru fótgangandi eða í bfl.
mmr lp|A'g Wm -fJKW , (-v *■» ‘ •**+*-* \ . w#' .
'4 : wT rMr j ji-w' ft
## Ábendingar og reglur frá Umferðarráði:
Oryggi barna í bílum
Margrét Sæmundsdóttir, fræðslu-
fulltrúi Umferðarráðs, er fróð um
öryggisbúnað barna í bílum. í fram-
haldi af verðkönnun á Neytenda-
síðu DV í síðustu viku var Margrét
innt eftir því hvað hafa ætti í huga
þegar öryggisbúnaður barna í bíl er
valinn og hvað bæri að varast.
Nýjar reglur um bílstóla
Frá og með 1. september 1998
skulu nýir barnabílstólar vera við-
urkenndir og E-merktir samkvæmt
ECE-reglugerð nr. 44.03 eða viður-
kenndir samkvæmt viðeigandi
bandarískum stöðlum FMVSS eða
kanadískum stöðlum CMVSS.
Spyrjist þvi fyrir þegar barnabíl-
stóll er keyptur hvort hann uppfylli
ekki örugglega þessa staðla.
Öryggispúðar
Bamabílstóll má aldrei vera í
sæti bíls ef uppblásanlegur öryggis-
púði er framan við það. Ef öryggis-
púði er í bíl er skylt að hafa merki
sem aðvarar ökumenn við þessari
hættu. Merkið er yfirleitt á hurð við
framsæti farþegamegin og stendur á
því „airbag." Enn fremur er orðið
„airbag" þrykkt í mælaborð bílsins
og á stýri bílsins.
Barn þarf að hafa náð 140 sm hæð
og vera a.m.k. 40 kg til þess að mega
sitja í sæti ef uppblásanlegur örygg-
ispúði er framan við það.
Þrír þyngdarflokkar
Barnabílstólar em flokkaðir í
þrjá flokka eftir þyngd bamsins.
Flokkur 0: Þyngd 0-10 kg. Böm á
aldrinum 0 til 9 mánaða
Flokkur 0+: Þyngd 0-13 kg. Börn
á aldrinum 0 til 19 mánaða
Flokkur 1: Þyngd 8-18 kg. Börn á
aldrinum 9 mánaða til 3-4 ára
Flokkur 2: Þyngd 15-25 kg. Börn á
aldrinum .3-4 ára til 6-7 ára
Flokkur 3: Þyngd 22-36 kg. Börn á
aldrinum 6-7 ára til 10-12 ára.
Ungbörn vel varin
Ungbörn em vel varin í barnabíl-
stól sem snýr baki í aksturstefnu,
annaðhvort í fram- eða aftursæti. Ef
ökumaður er einn á ferð er best að
barnabílstóllinn sé í framsæti. Ann-
ars er hætta á að ökumaðurinn
þurfi að snúa sér við til þess að
sinna barninu um leið og hann ekur
bílnum. Það getur verið hættulegt.
Ef annar fullorðinn er í bílnum eða
stálpað barn er best að sá sitji i aft-
ursætinu hjá ungbarninu.
Enn fremur er hægt að nota
barnavagnskörfu í aftursætinu sem
er þá fest með sérstökum beltum.
Barnið er þá einnig fest i körfuna
með beltum. (Flokkar 0 og 0+).
Börn frá 9 mánaða til 4 ára
Þegar barn hefur vaxið upp úr
ungbarnabílstól, oftast við 9 mán-
aða aldur, er öraggast aö það sé
áfram í barnabílstól sem snýr baki í
akstursstefnu, annaðhvort í fram-
sæti eða aftursæti. Þegar barnið get-
ur ekki lengur snúið baki i aksturs-
stefnu á það að snúa fram í aftur-
sæti bílsins. Ekki er mælt með því
að barn í bamabílstól snúi fram í
framsæti bifreiðar. (Flokkur 1).
Börn frá 4 ára til 6-7 ára
Barnið er nú öruggast í aftursæt-
inu. Barnabílstólar fyrir börn á
þessum aldri eru yfirleitt festir með
þriggjafestu bílbelti ásamt belti fyr-
ir barnið sem festir það i stólinn.
Til eru bamabílstólar þar sem
þriggja festu bílbeltið er notað til
þess að festa bæði barn og stól í bíl-
inn. Athuga verður þegar þessi ör-
yggisbúnaður er notaður að beltin
falli þétt að líkama bamsins, ef þau
gera það ekki þá er betra að nota
barnabílstól meö eigin beltum.
(Flokkur 2).
Bílpúðar
Öruggast er að barn sem situr á
bílpúða sé í aftursætinu. Bílpúða á
að festa með þriggjafestu bílbelti.
Bílbeltið á að liggja á öxl barnsins
og lærum. Til er sérstakur búnaður,
(beltisstrekkjari) sem stýrir bílbelt-
inu á öxl barnsins.
Aldrei má setja bílbelti undir
handlegg barns eða smeygja því aft-
ur fyrir bak. Bílbelti sem sett er
undir handlegg getur verkað eins og
hnífur ef bíllinn lendir í árekstri. Ef
bílbelti er smeygt aftur fyrir bak
getur neðri hluti beltisins kramið
bam svo að það hljóti mjög alvar-
lega áverka á innri líffæri.(Flokkur
2).
Belti falli þétt að líkama
Sama lögmálið gildir um belti I
barnabilstólum og bílbelti almennt,
beltin verða að falla þétt að líkam-
anum. Ef þau renna út af öxlum eða
liggja laust að barninu þá veita þau
ekki þá vörn sem þau eiga að gera.
Dæmi eru um að börn hafi losnað
úr barnabílstól í umferðaslysum
vegna þess að beltin voru of laus.
Bílstólar rétt notaðir
Mismunandi aðferðir eru við að
festa barnabílstóla i bíla eftir teg-
undum og er mikilvægt að fara eftir
leiðbeiningum framleiðenda þegar
bam er spennt í stólinn og hann
festur í bílinn. Flestir bamabilstól-
ar era festir með þriggjafestu bíl-
belti en aðrir hafa auk þess viðbót-
arfestingar. Því stöðugri sem stóll-
inn er í bílnum þeim mun öruggari
er hann.
Öryggisbúnaður við hæfi
@megin:Mikilvægt er að barnið
hætti ekki of fljótt að nota barnabíl-
stól. Barnabílstólar eru miðaðir við
þyngd barnsins og þá á að nota þar
tU bamið hefur náð þeirri þyngd
sem gefln er upp af framleiðanda.
Staðreyndin er sú að börn era lát-
in allt of ung á bílpúða. Barn getur
því aðeins notað bílpúða ef bílbeltið
fellur þétt að líkama þess og liggur
á öxl en ekki hálsi og á lærum en
rennur ekki upp á maga.
-glm