Dagblaðið Vísir - DV - 18.08.2001, Blaðsíða 6
6
LAUGARDAGUR 18. ÁGÚST 2001
DV
Fréttir
Ingvar Sigurðsson, félagar og vinir frumsýna í einkaleikhúsi á Vesturgötu í kvöld:
Frá Hollywood
í Vesturport
- þroskinn ekki síður tekinn út með þróttmiklu fólki hér en Harrison Ford og Liam Neeson
DV-MYND HILMAR ÞÓR
Tæpur helmingur stofnenda Vesturports.
Frá vinstri Björn Kristjánsson, Sigurjón Brink, Björn Helgason og Ingvar Sig-
urðsson. Fyrir framan eru Nanna Kristín Magnúsdóttir og Víkingur Kristjánsson.
Árið 2001 er einstakt á tíu ára
leiklistarferli Ingvars Sigurðssonar.
Fyrr á árinu lék hann með stór-
stjörnum í kafbáti í „risapródúkti“
á Hollywoodvísu í Vesturheimi en
nú æfir hann með Gunnari Eyjólfs-
syni í Borgarleikhúsinu en er
einnig að vinna með hópi félaga og
vina í einkaleikhúsinu Vesturporti
á Vesturgötu 18, þar sem frumsýnt
verður á menningarnótt.
En hvort sem það eru Harrison
Ford eða Liam Neeson, Gunnar eða
félagarnir í „einkaleikhúsinu" -
segir Ingvar að allir gefi honum
þrótt, hver á sína vísu. Hann segir
þó einna mikilvægast fyrir líf hans
í dag, þó svo hann sé ekki með í
frumsýningunni, að draumur sé að
rætast í Vesturporti. Þar geti hann
og 12 stofnfélagar hans í leikhúsinu
þroskast á þeim sviðum lista sem
þeir kjósa sér, án þess að vera háð-
ir fjármagni eða plássleysi.
Hér getum við látið
hugann flæða
„Þetta byrjaði sem eins konar
fjölskylduspjall hjá okkur nokkrum
leikurum, hvort við ættum að koma
okkur upp afdrepi, leigja húsnæði
þar sem við gætum leikið okkur og
þroskast í því sem við köllum multi-
list-kvikmyndagerð, leiklist, mynd-
list, tónlist og svo framvegis. Hug-
myndin er aðallega sú að geta þróað
sig áfram án þess að vera háður
litlu rými og markaðslögmálum,"
segja þau Víkingur Kristjánsson og
Nanna Kristín Magnúsdóttir leikar-
ar sem sitja með Ingvari og félögum
úti i sólinni á heilmiklu bílastæði
sem tilheyrir húsnæðinu við Vest-
urgötu 18.
„Viö komum fyrst öllum bílum í
burtu hérna í vikunni og sáum þá
hvað þetta er mikið pláss sem við
munum líka geta nýtt hér fyrir okk-
ur og gesti,“ segir Víkingur og bend-
ir á að menningamæturgestir geti
skoðað húsnæðið, sem er á tveimur
hæðum, og tilheyrandi útisvæði í
dag og í kvöld. Sýningin Diskópakk
fer hins vegar fram klukkan 18 og
21 en uppselt er fram í næstu viku.
„Hér var áður rafmagnsverk-
stæði og fiskverkun," segir einn úr
hópnum. „Við komum hér saman og
látum hugann flæða. Margar hug-
myndir eru fram komnar sem við
eigum eftir að ljúka við,“ segir
Nanna Kristín. í hópnum eru 13
manns: leikarar, tæknimenn, smið-
ur og tónlistarmaður.
Ingvar heldur áfram og segir:
„Nú á maður einhvem veginn
svo mikið í sýningunni sjálfur,
ábyrgöin verður meiri og á fleiri
sviðum því við stöndum svo mikið
sjálf að allri framkvæmd. Þetta leik-
hús er ekki hugsað til að afla tekna,
ekki gróðahugsjón heldur staður til
að þroskast á og alls ekki að
staðna."
Hollywoodstjörnurnar
reyndust Ingvari vel!
En frá Vesturporti til Vesturheims:
„Þetta var skrýtið fyrstu dagana,"
segir Ingvar þegar hann er spurður
hvernig það hafi verið, í mars, apríl
og maí, að leika á móti Harrison Ford
og Liam Neeson. Hann segir að vissu-
lega sé litið á Ford sem goðsögn ytra.
„Þannig fannst manni það meira fyrst
en svo sameinast allir um að ljúka
verkinu. Þetta lýtur ákveðnum lög-
málum. Verkið verður að borga sig.
Það verður að aðlagast Hollywood-
reglunum. Þarna er takmarkað tæki-
færi til að þróast sem leikari. En ég
kynntist ógrynni af fólki sem starfaði
þarna á ýmsum sviðum. Mest var
gaman að allir voru í raun að hugsa
það sama og við hér heima. Kannski
má segja að ég fái ákveðið kikk í því
að vera meiri kóngur hér í leikhús-
inu á Vesturgötunni heldur en þarna
úti. Nú er ég í fyrsta skipti að fá að
ráða einhverju um starfsemina sem
slíka,“ segir Ingvar og brosir.
Hann segir Hollywoodstjörnurn-
ar, Bandaríkjamanninn Harrison
Ford og írann Liam Neeson báða
hafa reynst sér vel. „Neeson er evr-
ópskur, írskur sveitastrákur, hann
er mjög hlýr. Þeir voru það reyndar
báðir í minn garð,“ segir Ingvar Sig-
urðsson sem er að einbeita sér að
því aö halda lífinu áfram og
þroskast sem leikari - með ungum
félögum sínum á Vesturgötunni og
Gunnari Eyjólfssyni í Borgarleik-
húsinu, þar sem Ingvari finnst hann
skipta meira máli fyrir heildar-
myndina en úti í Hollywoodheimin-
um þar sem hundruð manna komu
saman til að láta pakkann ganga
upp. Þar öðlaðist hann reynslu - hér
heima verður þroskinn til. -Ótt
Flugmálastjórnarvélin TF-FMS:
DV krefur ráðuneyt-
in um upplýsingar
- óskað er svara um fjölda ferða og farþega
í gær sendi DV öllum ráðuneyt-
um, sem og skrifstofu forseta is-
lands, beiðni um að veittar verði
upplýsingar um öll afnot viðkom-
andi ráðuneyta og embætta af vél
Flugmálastjórnar íslands TF-FMS.
Er þetta gert með vísan í lög um
upplýsingaskyldu stjómvalda. Blað-
inu hefur einnig borist fjöldi óstað-
festra ábendinga um að vélin kunni
að hafa verið misnotuð í einhverj-
um tilvikum.
Farið er fram á að upplýst verði
öll afnot viðkomandi ráðuneyta og
embætta af umræddri flugvél árin
1999, 2000 og það sem af er árinu
2001. Líka er óskað eftir upplýsing-
um um hvert hafi verið farið og
hvers vegna. Loks er óskað eftir því
að fá upplýsingar um nöfn þeirra
sem farið hafa umræddar ferðir.
Einnig hefur verið óskað ítarlegri
upplýsinga en þegar hafa verið
veittar af Flugmálastjórn íslands
um notkun vélarinnar í þágu ráðu-
neyta og opinberra stofnana.
í DV í gær var greint frá notkun
vélarinnar samkvæmt upplýsingum
Flugmálastjórnar íslands frá því í
apríl í fyrra til apríl á þessu ári. Þar
kemur fram að vélin hefur verið
notuð á þessu tímabili fyrir ráðu-
neyti og stofnanir í samtals tæpar
95 klukkustundir.
Athygli vekur í þeirri upptaln-
ingu að notkunin er mest hjá þrem
ráðuneytum, þ.e. samgönguráðu-
neyti, dómsmálaráðuneyti og iðnað-
ar- og viðskiptaráðneyti, auk for-
sætisráðuneytis. Ekki hafa enn
fengist upplýsingar um í hvaða til-
gangi ráðuneytin hafa notað vélina
og hefur blaðið því gert formlega
fyrirspurn. Aðeins eitt ráðuneyti
virðist ekki hafa nýtt sér flugvélina
til ferðalaga á þessu tímabili en það
er umhverfisráðuneyti Sivjar Frið-
leifsdóttur. -HKr.
Viðbúnaður hjá lögreglu á menningarnótt
Með hliðsjón af því að talið er að
ekki færri en 100 þúsund manns
hafi horft á flugeldasýninguna und-
ir miðnætti á menningamótt í
fyrra, og eftir það skapaðist umferð-
arteppa í höfuöborginni, hefur lög-
reglan í Reykjavík ákveðið að auka
viðbúnað og breyta tilhögun lög-
gæslu annað kvöld til að reyna að
mæta því sem mæta þarf. Höfuðá-
hersla verður lögð á forgang á alla
umferð frá miðborginni, segir Geir
Jón Þórisson yfirlögreglu-
þjónn og bendir á að gul ljós
muni blikka á helstu um-
ferðaræðum frá miðbænum.
Allt að 55 lögreglumenn
munu verða við almenna
löggæslu og stjóm umferðar
þegar flestir verða samtímis
á ferðinni um miönættið á
morgun, laugardagskvöld.
Lögreglan beinir þeim til-
mælum til þeirra sem ætla í
Geir Jón
Þórisson.
miðbæinn að leggja á bíla-
stæðum, ekki síst við jaðar
miðbæjarins, t.a.m. jafnvel
úti á Granda, við Sjómanna-
skólann, í Vatnsmýrinni og
svo framvegis. Hverfisgatan
verður lokuð fyrir alla al-
menna umferð í öryggis-
skyni. Hún verður aðeins
ætluð lögreglu, slökkviliði,
sjúkrabílum og strætó. Lög-
reglan hefur einnig haft
samband við leigubílastöðvar og
mælst til þess að slíkir bílar aki Frí-
kirkjuveg og inn í Lækjargötu en
þar verður lokað fyrir almenna um-
ferð.
Þrátt fyrir viðbúnað er engu að
síður búist við að teppa myndist á
álagstímum - ökumenn og aðrir
vegfarendur eru því beðnir um að
sýna þolinmæði og umfram allt lip-
urð þannig að umferðin gangi sem
best fyrir sig. -Ótt
Urnsjón: Hörður Krisijánsson
netfang: hkrist@ff.is
Inná meö Ellert
KR-ingar berjast nú af hörku fyr-
ir áframhaldandi sæti í úrvalsdeild
karla. Baráttan virðist þó hálf von-
lítil, en ekki er þó vert að afskrifa
KR-inga alveg
strax. I heita pott-
inum minnast
menn svipaðrar
stöðu KR árið
1971. Þá tókst að
bjarga málinu í
horn á síðuste
stundu og verjasi
falli. Var þá kallaður til Ellert B.
Schram, núverandi forseti ÍSÍ.
Hann var þá búinn að koma
sparkskónum fyrir á arinhillunni
en dustaði af þeim rykið og gaf lið-
inu það spark sem dugði. Endaði
hann þannig feril sinn eins og hann
byrjaði þegar hann 17 ára bjargaði
KR úr fallbaráttu með glæsimarki í
aukaleik gegn Akureyringum 1957.
Ekki nema von að menn hugsi til
þessara góðu úrræða. Líklegt er því
að enn verði kallað á Ellert sem nú
er kominn á sjötugsaldurinn og
ekki vonlaust að slíkt plott gengi á
nýjan leik. KR-ingar vita sem er að
þrátt fyrir hörku, þá muni andstæð-
ingarnir aldrei þora að tækla öld-
unginn - jafnvel þótt Ellert kæmist
í dauðafæri...
í sólina meö Úrvali?
Veglegt golfmót, svokallað Pro Am-
mót, var haldiö á dögunum. Þar
kepptu sveitir ijölmargra fyrirtækja.
Sigurvegari var sveit Samvinnu-
ferða/Landssýn-
ar. í henni voru
jafnt gamlir sem
nýir forystumenn
ferðaskrifstofunn-
ar, Guðjón Auð-
unsson forstjóri,
Eysteinn Helga-
son, fyrrverandi
forstjóri, Heimir Haraldsson stjórn-
arformaður og sonur hans, Haraldur.
Þeir voru að vonum glaðir að lokinni
keppni og ekki síður þegar kom að
verðlaunaveitingunni. Svipurinn varð
hins vegar undurfurðulegur þegar
fyrstu verðlaunin litu dagsins ljós.
Það var ferðavinningur frá ferðaskrif-
stofunni Úrvali-Útsýn, helsta keppi-
naut Samvinnuferða-Landssýnar.
Ekki liggur fyrir hvort sigurliðið hef-
ur nýtt sér vinninginn ...
Þá tekur steininn úr
Eftir að mál Árna Johnsens
komust í hámæli hafa ýmis orð og
orðatiltæki fengið byr undir báða
vængi. Sumum þykir t.d. fullgróft að
þjófkenna fyrrver-
andi háttvirtan
þingmann. Þvi
þyki betra að tala
um „hirðusemi" og
að hann hafi verið
„duglegur að bjarga
sér“. Þá hefur orða-
tiltækið um „að ein-
hver sé ekki við eina fjölina felldur"
öðlast þá merkingu að þingmaðurinn
fyrrverandi hafi nælt sér í sitthvað
meira en fáeinar spýtur í Byko. í
heita pottinum þykir mönnum þó
fullmikið komið af svo góðu. „Stein-
inn hafi þó tekið úr“ þegar byrjað
var að tala um týnda grjóthleðslu á
Grænlandi, eftir endalausa umræðu
um óðalssteina, þéttidúk og timbur ...
Mikiö vinarþel
Mikill fjöldi Pólverja var mættur
til að standa með sínum mönnum í
vináttulandsleik íslands og Póllands
á Laugardalsvelli á miðvikudaginn.
Pólverjarnir urðu
þó klökkir þegar
þeir urðu vitni að
þeirri einstæðu
vinsemd sem Her-
mann Hreiðars-
son sýndi er hann
gaf Pólverjum for-
skot með því að
skora í eigið mark. Slíku vinar-
bragði hafði enginn Pólverji búist
við fyrirfram. Þrátt fyrir að íslend-
ingar næðu aðeins jafntefli í þessum
leik var Atli Eðvaldsson þjálfari
samt sáttur. - Við skoruðum jú bæði
mörkin ...